رد على قصيدة (( الناس هم سنه وهو صاير الفرض ))

[! حلو المزوحي !]

السلام عليكم ورحمه الله وبركاته

صبحكم الله بالخير

خواني الشعرااا

ومبروك عليكم الشهر الكريم

وها انا ذا اضع بين ايديكم رد اخويه الشاعر (( سعيد بن عمير ))

على قصيدتي التي كانت بعنوان (( الناس هم سنه وهو صاير الفرض ))

على امل ان تحوز على رضاكم وتقديركم



يا مرحبا بعداد ما بارج ايلظ = وعداد ما يهطل من اليود عامين

وعداد ما عقبه من العشب ينقظ = وعداد ما يرعن قطيعٍ من الهين

وعداد ما عقبه رون مالترمظ = وعداد ما تلقى الشمق فالفطامين

وعداد ما بالذكر به صار يوعظ = يا رازق الخيرات يالله آمين

ببدا التحيه يا عوض ثم بالفظ = منظوم جيلك لي لفا فيه تبيين

لك يالخوي من مثل مشكاك ملحظ = وارد حبري لجل بو رمشٍ وعين

ياويد قلبك في محبته ينبظ = وياويد حالٍ يابه الدوب فالحين

افتح عيوني لا ولا يوم اغمض = دام الخليل يكون مستانس وزين

اعبر مشاعر وانهض بشعري انهض = واقطف من ازهور المحبه رياحين

اهيم في صدت من تحب وانقض = حرام بعد الحب وصده وتلوين

وان كان يمشي في حنانه على الحظ = حظه تعلا لانه فقلبك اسكين

مالوم من تهواه والشوق موعظ = الشوق انا مصطاب منه من اسنين

مصطاب من زود الهوى يوم ينبض = ووقت المسا يزداد من حين لا حين

لا نوم يهنا اسهر وجفني يربض = مثل الذي في زام سهران مسكين

هذي بلاوي الحب من دين مقرض = والصبر دايم مرتبط بالمحبين


للشاعر // سعيد بن عمير الشامسي


هذا ومنـــكم العذر والسموحه

[عبيد المنصوري]

يعطيك العافيه اخوي على القصيده وصح الله قاايلها ونااقلها وكااتبها

ودمت بود انشا ءالله

[غرشوبة البدو]

صح الساااااااان الشاااعر

وتسلم اخويه ع هالاختيااار الراااائع

والله يعطيك العافيه

والله لايحرمنا من مشاركاتك

ربي يحفظك

^ــــــ^

[نفحة الهيل]

لا نوم يهنا اسهر وجفنـي يربـض
مثل الذي في زام سهـران مسكيـن

حلييييييييييييله هوووووووو ما فيك حيله والله وصح لساااااااانك

[شبيه الورد]

صح لسانك ولا هان منطوقك ..
قصدية رائعة بمعنى الكلمة
نترقب الزود من جدامكم ..

[الخيل]

صح لسانه بن عمير

وتسلم يالمزوحي على نقل القصيدة للقسم

[بدوي زاخر]

ان شاهد انها ما فيها حييييييييله

صح لسانك ولا هنت ابدااااااااااع

يا حافظ عليك تقبل مروري الشيخ

[[ قلب مضنوني ]]

تسلم اخويه حلو المزوحي وصح لساان من كاتبها



والسموووحة

[ضناني الشوق]

هذي بلاوي الحب من دين مقـرض والصبر دايـم مرتبـط بالمحبيـن

صح لسانه الشامسي
سلمت وسلم قلبه الماسي