كيـ عيناوية ـفي
03-10-2006, 04:28 PM
السلام عليكم ورحمة الله وبركاته
قصـــة من تأليفــــي
اممم شوه اقولكم عنها هاي قصه بعدها في طور التكمله لين الحين مخلصه كم جزء بس ان شاء الله تعيبكم
بس مــــــلاحــــــظـــــــــة مهمه
اللي يخاف وقلبه رهيف لا يقراها الا في النهار انزين صدق نصيحه لان اختي قرتها فليل وزاغت
المهم بخليكم الحين ويا القصة
O.o إعصـــــار المــاضـــــي o.O
الجزء الأول
احس ان هناك ناس ويايه في نفس المكان .. اسمع صوت نصخهم .. احس بحركه لكن ما شوف شيء بس اسمع .. وافز من نومي واتلفت واقول لا يمكن هذا ياثوم من اي شيء ثاني ( بس جيه اضحك على عمري ) يوم هذا الياثوم ما يخوز قلنا ما نتعشى ونرقد خفاف .. بس حتى وانا جيه اسوي هذا الياثوم ما بيخليني ليش؟؟ من سكنا هذا البيت وانا ما يهنالي رقاد كله اسمع صريخ واحس انه حد ويايه في الحجره بس ما شفت شيء .. ليش انتي تروعين عمرج ؟؟ بس انتي اللي تسمعين والباقي من تقوليلهم ما يسمعون شيء .. ليش ابا اروع عمري ؟؟ انتي بس سمي بالرحمن ورقدي ولا تيلسين تهويسين .. ومن كثر التفكير تتحلمين ان كله صدق مب حلم .. الله يستر .. ورديت ارقد ومر هذا اليوم نفس اللي قبله احس حد يراقبني ووين ما اسير احسه ويايه شوه فيني صرت اتلفت ورايه وين ما امشي .. لا حول ولا قوه الا بالله .. انا متى بخلي هذا التوهيم ؟؟.. وسرت حجرتي .. ويلست ارتب التواليت ( التسيرحه ) وامسح المرايه واشوف شيء ابيض خطف من ورايه والتفت بسرعه بس ما شفت شيء .. بسم الله شوه هذا ؟؟ لا يمكن انعكاس اليت على المرايه بس شفت كندوره بيضا وشعره اسود .. بسم الله شوه اللي يتراوالي ؟؟ شكل البيت فيه شيء والا هالحجره فيها شيء .. انا لين متى بتم جيه اروع عمري ؟؟.. وفجأه اطيح اللوحه المعلقه عدال الدريشه واصرخ .. بسم الله شوه استوى وشوه طرحها ؟؟ لا ما بقدر استحمل جيه يستوي لازم اقولهم عن اللي اسمعه واللي احسه وانا راقده احس بنصخ على ويهي شوه جيه ؟؟.. والله بموت من الزيغه .. ما اتحمل لا يابوي لازم اقولهم .. واطلع من حجرتي واسير لابويه .
( البيت طابق ارضي بس .. فيه 4 غرف وصالتين ومستودع ومطبخ وغرفه طعام برع عدال الاستور وزراعه ورى البيت )
ولقيته يتقهوي واسلمت عليه وحبيت راسه .. ويلست وسولفت وياه .
منيره : ابويه .. ابا اقولك شيء .
ابو منيره ( مصبح ) : خير غناتي امري ؟؟ شيء فيج ؟؟
منيره : ما يامر عليك عدو .. لا ابويه ما فيه شيء .. بس بغيت اتنشدك عن هذا البيت من متى مبناي ؟؟
مصبح ( يطالع بنته بنظره .. مستغرب من رمستها ) : ليش غناتي ؟؟ شوه فيه البيت مب عايبنج ؟؟
منيره : لا ابويه مب جيه .. بس امم .. امم .. احسه جديم وااااااايد.
مصبح : هيه بنتي هذا بيت ولد عم ابويه الله يرحمه من سنين باننه .
منيره (مبهته ) : ولد عم يدي !! اول مره اسمعبه !!
مصبح ( يرمس ويطالع الارض ) : هيه بنتي هذا ميت من زمان قبل لا تكملين سنه والبيت استوى من صوب ابويه لان ولد عم ابويه ما كان عنده عيال .. وكان متزوج من بنت خالتي آ..... . ( وصكت )
منيره : ..... حليله الله يرحمة .. دامه هوه مات حرمته وينها ؟؟
مصبح ( تغير ويهه ) هاااه .. ما .. مادل وينها .. ما عرف عنها شيء .. ( وبعصبيه ) وانتي شوه تبينها هاااه ؟؟
منيره : ( من تغير ويه ابوها عرفت ان السالفه فيها سالفه كبيره بعد وحست ان ابوها كان بيقول شيء وصكت ) : هاااه .. ما شيء .. ابويه بس اسألك عن البيت .. لاني احسه مسكون ولا شيء فيه ..
مصبح ( معصب ) شوه فيه البيت ما فيه شيء الا توهمين من سكنا لين الحين ما سمعت شيء .. سيري شوفي لي امج وين خليها تيني اباها ..
منيره ( وهيه تنش ) : ان شاء الله .. امرك ابويه .
وسرت ازقر امايه اللي كانت تزهب العشا وقلتلها ان ابوها يباها .. وكان الفضول يقولي اسير واتسمعهم شوه بيقولون لان ابويه اكيد بيرمس امايه عن اللي قلتله عليه بس اخافه يشوفني ويسويلي سالفه وانا ماريد انهزب بس الفضول يجتل خليني اسير حجرتي ابرك لي .. وكنت طالعه من المطبخ اللي له ممر وفي هذا الممر باب يودي حق المزرعه اللي وراى البيت .. وفجأه اسمع حد يزقر بس الصوت مب واضح يزقر من ورى باب الزراعه حد ويزقر وانا تميت متسمره مكاني ابا اسمع الصوت زين واقول في خاطريه بدى كل شيء الحين يتراوالي . بسم الله وخطفت اربع البيت مب قادره اسمع زياده شكلي بين ان تميت جيه .. اخاف اسير واشوف .. أخاف .. وربعت حجرتي وقفلت على عمري الباب وستاندت عليه اخذ نفس اريح شويه .. وفجأه يندق الباب بقو واصرخ وصرختي شلت البيت كله .
******************
بسكم لين هنيـــــــــــه
شوه ضنكم بيستوي في منيره ؟؟
وشوه فيه البيت ؟؟
حد بيستويله شيء ؟؟
اهلها بيصدقونها ؟؟
خوفتكم صـــــــــح ؟؟
اقول تريوني في الجزء الثاني ان شاء الله
تقبلوا تحياتي
كيفي عيناوية
قصـــة من تأليفــــي
اممم شوه اقولكم عنها هاي قصه بعدها في طور التكمله لين الحين مخلصه كم جزء بس ان شاء الله تعيبكم
بس مــــــلاحــــــظـــــــــة مهمه
اللي يخاف وقلبه رهيف لا يقراها الا في النهار انزين صدق نصيحه لان اختي قرتها فليل وزاغت
المهم بخليكم الحين ويا القصة
O.o إعصـــــار المــاضـــــي o.O
الجزء الأول
احس ان هناك ناس ويايه في نفس المكان .. اسمع صوت نصخهم .. احس بحركه لكن ما شوف شيء بس اسمع .. وافز من نومي واتلفت واقول لا يمكن هذا ياثوم من اي شيء ثاني ( بس جيه اضحك على عمري ) يوم هذا الياثوم ما يخوز قلنا ما نتعشى ونرقد خفاف .. بس حتى وانا جيه اسوي هذا الياثوم ما بيخليني ليش؟؟ من سكنا هذا البيت وانا ما يهنالي رقاد كله اسمع صريخ واحس انه حد ويايه في الحجره بس ما شفت شيء .. ليش انتي تروعين عمرج ؟؟ بس انتي اللي تسمعين والباقي من تقوليلهم ما يسمعون شيء .. ليش ابا اروع عمري ؟؟ انتي بس سمي بالرحمن ورقدي ولا تيلسين تهويسين .. ومن كثر التفكير تتحلمين ان كله صدق مب حلم .. الله يستر .. ورديت ارقد ومر هذا اليوم نفس اللي قبله احس حد يراقبني ووين ما اسير احسه ويايه شوه فيني صرت اتلفت ورايه وين ما امشي .. لا حول ولا قوه الا بالله .. انا متى بخلي هذا التوهيم ؟؟.. وسرت حجرتي .. ويلست ارتب التواليت ( التسيرحه ) وامسح المرايه واشوف شيء ابيض خطف من ورايه والتفت بسرعه بس ما شفت شيء .. بسم الله شوه هذا ؟؟ لا يمكن انعكاس اليت على المرايه بس شفت كندوره بيضا وشعره اسود .. بسم الله شوه اللي يتراوالي ؟؟ شكل البيت فيه شيء والا هالحجره فيها شيء .. انا لين متى بتم جيه اروع عمري ؟؟.. وفجأه اطيح اللوحه المعلقه عدال الدريشه واصرخ .. بسم الله شوه استوى وشوه طرحها ؟؟ لا ما بقدر استحمل جيه يستوي لازم اقولهم عن اللي اسمعه واللي احسه وانا راقده احس بنصخ على ويهي شوه جيه ؟؟.. والله بموت من الزيغه .. ما اتحمل لا يابوي لازم اقولهم .. واطلع من حجرتي واسير لابويه .
( البيت طابق ارضي بس .. فيه 4 غرف وصالتين ومستودع ومطبخ وغرفه طعام برع عدال الاستور وزراعه ورى البيت )
ولقيته يتقهوي واسلمت عليه وحبيت راسه .. ويلست وسولفت وياه .
منيره : ابويه .. ابا اقولك شيء .
ابو منيره ( مصبح ) : خير غناتي امري ؟؟ شيء فيج ؟؟
منيره : ما يامر عليك عدو .. لا ابويه ما فيه شيء .. بس بغيت اتنشدك عن هذا البيت من متى مبناي ؟؟
مصبح ( يطالع بنته بنظره .. مستغرب من رمستها ) : ليش غناتي ؟؟ شوه فيه البيت مب عايبنج ؟؟
منيره : لا ابويه مب جيه .. بس امم .. امم .. احسه جديم وااااااايد.
مصبح : هيه بنتي هذا بيت ولد عم ابويه الله يرحمه من سنين باننه .
منيره (مبهته ) : ولد عم يدي !! اول مره اسمعبه !!
مصبح ( يرمس ويطالع الارض ) : هيه بنتي هذا ميت من زمان قبل لا تكملين سنه والبيت استوى من صوب ابويه لان ولد عم ابويه ما كان عنده عيال .. وكان متزوج من بنت خالتي آ..... . ( وصكت )
منيره : ..... حليله الله يرحمة .. دامه هوه مات حرمته وينها ؟؟
مصبح ( تغير ويهه ) هاااه .. ما .. مادل وينها .. ما عرف عنها شيء .. ( وبعصبيه ) وانتي شوه تبينها هاااه ؟؟
منيره : ( من تغير ويه ابوها عرفت ان السالفه فيها سالفه كبيره بعد وحست ان ابوها كان بيقول شيء وصكت ) : هاااه .. ما شيء .. ابويه بس اسألك عن البيت .. لاني احسه مسكون ولا شيء فيه ..
مصبح ( معصب ) شوه فيه البيت ما فيه شيء الا توهمين من سكنا لين الحين ما سمعت شيء .. سيري شوفي لي امج وين خليها تيني اباها ..
منيره ( وهيه تنش ) : ان شاء الله .. امرك ابويه .
وسرت ازقر امايه اللي كانت تزهب العشا وقلتلها ان ابوها يباها .. وكان الفضول يقولي اسير واتسمعهم شوه بيقولون لان ابويه اكيد بيرمس امايه عن اللي قلتله عليه بس اخافه يشوفني ويسويلي سالفه وانا ماريد انهزب بس الفضول يجتل خليني اسير حجرتي ابرك لي .. وكنت طالعه من المطبخ اللي له ممر وفي هذا الممر باب يودي حق المزرعه اللي وراى البيت .. وفجأه اسمع حد يزقر بس الصوت مب واضح يزقر من ورى باب الزراعه حد ويزقر وانا تميت متسمره مكاني ابا اسمع الصوت زين واقول في خاطريه بدى كل شيء الحين يتراوالي . بسم الله وخطفت اربع البيت مب قادره اسمع زياده شكلي بين ان تميت جيه .. اخاف اسير واشوف .. أخاف .. وربعت حجرتي وقفلت على عمري الباب وستاندت عليه اخذ نفس اريح شويه .. وفجأه يندق الباب بقو واصرخ وصرختي شلت البيت كله .
******************
بسكم لين هنيـــــــــــه
شوه ضنكم بيستوي في منيره ؟؟
وشوه فيه البيت ؟؟
حد بيستويله شيء ؟؟
اهلها بيصدقونها ؟؟
خوفتكم صـــــــــح ؟؟
اقول تريوني في الجزء الثاني ان شاء الله
تقبلوا تحياتي
كيفي عيناوية