سبب أختيارك لأسمك ؟؟

[الحرف العنيد]

بسم الله الرحمن الرحيم


في البدايه أحب أقولكم أني احترت وايد وين انزل هالموضوع ... وبما ان موضوعي عام قررت أخيرا اني انزله في قسم الهير لمواضيع العامة ..


سبب أختيارك لأسمك ؟؟؟

طبعاً كل واحد منا داخل المنتدى بأسم مستعار .. أو الاغلبيه اذا ماكان الكل ..
والسؤال هنا ... ماسبب أختيارك لهذا اللقب أو الاسم المستعار ؟؟؟؟؟


أتمنى من الجميع المشاركه ..

ودمتم

[غرشوبة البدو]

مرحبا الساااع

اول شي تسلم اخويه ع هالموضوع

وثاني شي اخترت هالاسم

لأن باباتي يوم يدلعني ولا يراضيني يقووولي غرشوبتيه^ـ^ فديته ياااربي

وبعد حرمة عمي دوووم تزقرني بغرشوبة ولا عيون الدماني ^ـ^


والبدو ===> لأني بدويه ^ـ^


والسمووحه

اختك
غرشوبة البدو
^ـــــ^

[الحرف العنيد]

أما أنا

فقد يحتار الجميع ما معنى اسم >> ترابيشو <<

تبون الصدق انا روحي ماعرف

بس أخويه الصغير ... يوم كان صغير .. ومايعرف يتكلم وايد ... كان يناديني باسمي ... وفي حالة ماستجبت له .. يقولي : ترابيشووووووووووووو تربووووش ...


واحسه شي مميز بالنسبه لي وعايبني .. من جذه اخترته كنك نيم ..

[مالك الحزين]

انا سبب أختياري لهذا اللقب

واحد من الربع كان كل يوم في المدرسه يشوفني حزين ولا مره شافني أبتسم

وقالي يا خي لو مره في حياتك أبتسم

ومن هذاك اليوم يقولي مالك الحزين

وانا اعتز بهذا اللقب


عايبني يا ناس

[جتيلة الشوق]

ممممممممممممممممم والله سبب إختياااري ل جتيلة الشووووووووووق لأني صدق أنا جتيـــــــ ع عرب ـــــــــــلة الشووووووووووووق

[عنود الهير]

هلا خويه ومشكور على هالموضوع الحلو

والله انا سبب إختياري للقب بصراحه
انا الكل يقولي انتي عنيده وايد ولا أتخذ قراري بسرعه إلا عقب تفكير طويل
ودوم لي أضايقه يقولي يالعنود العنيده وعيبني هاللقب والحين الكل يزقرني العنود
وحطيته والهير تراني انا من الهير وسميت عمري عنود الهير


والسموحه من الجميع

[صاحب الذوق]

عااااااااااااااااد يوم وصلنا السبب وتبا تعرف ليش انا اخترت جذيه اكيد انت تعرف لــــــــيش؟؟

((( صاحب الذوووق))

لاني انسان ذوييق وصاحب ذووووووووق بس هب خقاق

[عنود الهير]

هب شرط الذويق يكون خقاق
أحيانآ يكون إنسان يحب الترتيب والشخصيه هذا يعني الذويق
والنعم فيك وفي جميع الأعضاء

والسموحه

[MAFIA]

أسـم mafia هـو أسم الـقروب الي تعلمت فـيه كل مايخص النت

والحمد لله أفتتح موقع خاص أسميته جهنم الأمارات ومن عقبـه موقع مافـيا الأمارات والموقعان خاصان لأاصحاب القـروب






وعشان جـذي انا ااعتـز بهالأسـم

[غرشوبة البدو]

عااااااااااااااااد يوم وصلنا السبب وتبا تعرف ليش انا اخترت جذيه اكيد انت تعرف لــــــــيش؟؟

((( صاحب الذوووق))

لاني انسان ذوييق وصاحب ذووووووووق بس هب خقاق

نكك واااااايد حلو ^ـ^

ومب شرط الذويق يكووون خقاق ومتكبر وشاااااااااايف عمره

===> انا دوووم يقولولي انتي ذوييييييييقه وكشييييخه بس يقولولي خقاقه لكن الي يعرفني عدل يعرف اني متواضعه وهب خقاقه

شو نسوي بالشكل دامنه يبين عكس الشخصيه^ـ^

[صــقــر الــسعــوديــه]

أشكرك كل الشكر على الموووضوع

ونعم بكل الاسماء الموجوده هناااااااااا

وفرصه سعيده أننا نتعرف على طريقة أختياره لنك نيم

أما بنسبه لي

صــقــر الــســعــوديه

الصقر هو طائر جارح يعتزون به العرب منذو القدم لانه يدل على القوه والشجاعه والذكاء

هذا الذي خلني أضع هذا الاسم صقر

أمــا بنسبه لسعوديه

هو باين من عنوانه لأني أنتمي من السعوديه


مره أخرى أشكرك على الموضوع الراائع لنتعرف على الاعضاء أكثر

دمتم كما تحبون أن تكونو

[مس كشخه]

تسلم عالموضوع,,^_^
ما شاء الله اشوف الكل متفاعل ,,الله يديم التفاعل ان شاء الله دوووم ^_^

-------
انا اخترت اسمي لأن الكل يقولي انتي وايد تكشخين بسج من الكشخه,, فاختي سمتني ((مس كشخه)) ,,,^_^
وعجبني النك,,

[~العامريهـ]]

امممممممممممممم

انا كنت محتشرة على بنت عمي عالمسن اقولها شو اختار..مخي فظى..مافيه شي وهي تعطيني القاب غير شككل
وعاد بعدين قلتلها خلاص خلي القابج لج..وشجلت باسم بدويه غيير وواللله العظيم ماعرف كيف طلعتها وبعد الغير مرتزة شوي خخخخخخخ

وتسلمين عالموضوع وفي انتظار يديدج

[يتيمه من عقب زايد]

بالنسبه لي انا

لاني صدق احس عمري يتيمه من عقب زايد


مشكوووووووره على الموضوع

بس على مااعتقد ان الموضوع مكرر

[الحرف العنيد]

ونعم والله بكل الاسامي

اشكر لكم تواصلكم .. بجذي قدرنا نتعرف عليكم اكثر ... وان شاء الله نشوف مشاركات بقية الاخوان

[يايه معاليكم]

احم احم


والله شي حلو


اما انا من عرفت شي اسمه نت كل اسماء المستعارة تكون نوعا ما حزينه يعني


(( خوية الهم ’’ مخاوية الموت ,, مالها مثيل ’’ الوفى عنواني ))

وانا مره كنت مصنفرة على ابلة الكيمياءالحصة السابعه كانت وهي مادني البنات يوم يتجحلن و بالباجر سرت المدرسة وانا متجحلة ويوم خطفت عدال صف الادبي احتشرن اونه ااوووه منوه يروملج ووحده قالت لالالا انتي اليوم يايه معالينا ولفتني هالشي

وعقب روحت عنهم صوب العلمي وهو صفي واول ما دشيت بعد ربيعتي قالت ما نروم نحن على الي ياي من معالينا

وجذيه .............