مليت منك واليوم بقولك بدون ندم عنك تخليت..؟؟!!

[رواضـي]

مليت من الكلام اللي تقوله لي وربي مليت..
عرفتك وعرفت قدري .. بعدما عني تخليت...
مليت ماريد تسمعني عنك بعد ما انهيت...
انهيت الموده وجسر حبي اللي بنيت...
بنيت احلامي وآمالي وشريت...

شريت شخص عطيته قلبي وخطيت...
لا تظاهر بأسفك وشعورك بالذنب لاني وربي مليت...
ياما غلطت فـ حقي وعنك تغاضيت...
وسامحت عن طيب خاطري ووفيت...
بعت الكل دون همي ولك فضيت....

بعد كل اللي سويته بالخيانه تجازيت...
لا تتأسف ماعدت لعبه اللي بها انسليت..
مابسامحك ولا تتوقع سماحي ولو ترجيت....
كفايه لعب وتسلي بالمشاعر اللي انعطيت...

ولاتظن قلبي بيحن مثل الاول ولو تمنيت..
عفتك نعم عفتك مالك من الشوق بعدما انطفيت..
انطفيت بعدما شفتك مع غيري تهنيت..
كشفت زيفك وتأسفت على حبي وبكيت...

ترجع تقول لي من دون قصد اخطيت...
مابسمح لك تملك قلبي ولو بكيت...
لانك خنت وماقدرت الحب اللي انعطيت...
نسيتني ونسيت كيف بك تغنيت...

من بعد كل هذا بقولك ماتعنيت...
ماتعنيت لاني حبيت ووفيت...
اقولك مليت منك ومن افعالك نعم وربي مليت....
مدري ليش حبيتك وبك رضيت...

بقولك وبدون ندم اليوم عنك تخليت نعم تخليت....

[منهالي فل اوبشن]

بقولك وبدون ندم اليوم عنك تخليت نعم تخليت

&

الله عليييج ياا رويض كلماات في ذمتي انهن طرر ...

ونترقب اليديد من جدااج ..

[الياهـــ]

الله لا هانج يا رواضي

ما فيج حيله

على العموم يعطيج ألف عافية

[غرشوبة البدو]

تسلمييين الغاليه ع هالكلماااات الحلوه

والله لايحرمنااا من يديدج

ربي يحفظج

^ــــــ^

[شليويح]

رواضي متى تنتهي كل تلك الاحزان ... وتصلين بعدها الى بر الامان

تسلمين اختي على الكلمات الرائعة والى الامام

[رواضـي]

مشكورين ع مروركم للخاطره

يعطيكم العافيه خوانـــــــــــي

[رافع الهامه]

تسلمين الشيخه

ولا هان منطوقج

نتريا كل يديد من جداج

[رواضـي]

تسلم رافع الهامه ع ردك