ضرورة التغيرات بنادي العين

[الهاجس]

دائما التجديد هو مايعطيك الاستمراريه ، وعناصر نادي العين التي يمتلكها حالياً هيه اغلبها العناصر التي حققت لنادي بطولة الانديه الاسيويه منذ ثلاث سنوات ، ومنذ تلك السنوات لم نشاهد تغييرات بالنادي ، والكل يعلم ان النادي صاحب الكعب العالي بالبطولات السنيه ويمتلك في خزينته اغلب تلك البطولات .

فما مصير اللاعبين المنضمين حديثاً للفريق الاول وهم دائما على دكة الاحتياط ، فهم بهذه الطريقه يدفنون تلك المواهب .

فمن لديه السلطه بوضع التشكيله ؟؟ فبإختلاف المدربين نجد انهم نفس اللاعبين القدامي .

( فهد على - عبدالله على - غريب حارب - جمعه خاطر ) اصبحتم عبئ على النادي ، فأتمنى من ادارة النادي النظر في أمرهم واعطاء العناصر الشابه فرصه لإثبات جدارتهم .

[بنت زاااخر]

صدقك والله ياالهاجس عندنا ماشاء الله شباب لعبهم ماعليه كلااام
(( رامي يسلم _ وشهاب ((في بعض المباريات يدخلون الملاعب)) _................. ماشاء الله وايد لاعبين عندهم مواهب حلووه بس ان شاء الله المدرب اليديد بيظهر هالمواهب اللي عندهم

ومشكور

[بوجسيم]

اسمحلي الشيخ

اختلف وياك فالراي

مايستوي نسوي ترشيج للاعبين لجدام والي عندهم الخبره

انا وياك انه نخلي المواهب الشابه تلعب فالفريق بس المواهب الشابه بدون اللعيبه اصاحب الخبره

مايودون دار

خاصه ونحن نلعب دوري ابطال اسيا

بتمر عالفريق اوقات صعبه واللعيبه الصغار مابيقدرون يمشون لمباراه

مبارتنا ويا القادسيه كشفت لنا ضعف الدفاع بس فريق القادشسيه مب الفريق السهل

من رايي

يبدل اللاعب فهد علي ويخلي مكانه علي مسري

ويرد سبيت ويا هلال فالنص

والوهيبي وشهاب يلعبون فالاطراف


وبالتوفيق للعين

معنهم ضيعو لمباراه بيدهم

[قائد الفيلق]

بو جسيم الصراحه اختلف معاااك


كلام الهاااجس هوه الصح

لو تراااااقب تدريييبات العين بتحس في الفرق بين اللي توهم داااااخلييييييين الفريق الاول و بين القدااامى

[بوجسيم]

المتفيج

كلامك ع عيني وراسي

بس شي فرق بين التدريبات وبين المباريات

وفرق بين المباريات الوديه وبين الرسميه

[بدوي الهير]

اشكرك يا الهاجس ع فتح باب النقاش للنادي العين

السلطان انا معاك في الكلام اللي قلته

ولكن الاصابات اثرت ع دفاع العين علي مسري واجه ثلاث اصابات وفهد علي وجمعه عبدالله ولكن البركه في من كان خلاف العملاق من امثلا حميد فاخر ومسلم فايز

وان كان عن غريب حارب فأنا اشارك الراي ولكن لم يسمح المدرب بمشاركه له وهذه هو قد يسبب له نزلول مستواه

وعندما نقول الشاويش ..>>علي الوهيبي<< فا هنا لبد من الوقوف قليل من اجل هذه الاعب فأنه ملك الجبه اليمنه لنادي العين وهذه الاعب اللي له مستقبل بارز ان شاء الله لبد ان نتفأل بالخير

وعن كلامك يا السلطان وعن ظنك بالعين

فهذا سوف اتركه في استاد العين ويوم بشوفك في الملعب بذكرك بالزعيم العيناوي وما ذا فعل..

وهذه وتقبلواا وجه نظريه ..

[اشتقت للامارات]

لا أعلم لماذا أنا يراودني أحساس عجيب بأن العين لن يتأهل لدور الربع النهائي الآسيوي

أتمنى أحساسي يخيب ...يا رب[/quote]



انته قلتها وصدق احساسك


خيرها فى غيرها

نص الخساره يتحملها اعلامنا

[**الجنرال**]

تسلم اخوي الهاجس


على هذا الموضوع




بس ترى نسيت كم واحد مثل ( حميد فاخر و هلال ) هذيلا لاعبين كانو اوكيه بس الحين
\
خلها على الله

[دلوعه اجتبيه]

بصراحه


مهما كان ما نقدر ننكر ورهم كلعيبه


واللي بذلوه عشان النادي

والحين

لأن العين خسر

بكل سهوله تقولون اصبحو عبء


انا بحكم اني تابعت المباريات حسيت انه الفريق كامل كان فيه خلل

يعني مش من كمن لاعب بس





عالعموووووووووووم

تبقى وجهة نظر


والسمووووووووووحه

خويتكم :: دلوعه اجتبيه

[يايه معاليكم]

بصراحه


العين
خلاص تقريبا انتها

ماشي لاعبين وين الشباب ميلسن على دكة الاحتياط ليش ؟؟؟


وبعدين نقطه مهمه لازم تنقال في ادارة العين

شو بلاهم ليش ايبون لاعبين اجانب اخرطي الناس تيب لاعبين على مستوا وهم يظهرون لاعبين
ما يفهمون هم او ما يتعلمون من الخطأ اول شي تيجا نفعهم بشي وجوده والعدم وااحد

والحين يايبين دود شو يبغوغبه وانا ما شفت له لعبه في اخر مباراه ..

بدال هاي البيزات الي يعقونها في هذيلا اللاعبين جان خذو داياكي والله انه طررر


ولا ايبون لاعب ايراني محد احسن عنهم هكم الشارجه شو لاعبهم ولا الاهلي ..

مشكله الي شايفين عمارهم الحين هم يستهينون باللاعبين الايرانيه ولا ...


اما عن اللاعبين الجدامى خلاص ادوا الي عليهم ومشكورين ما قصرو يعلمون الشباب ويخلون لهم فرصه ..


والعين من الحين البداية تقول شكلهم ما يبغون الدوري

الدوري للأهلي

وكاس رئيس الدولة للشارجه
وانا متأكده انه الشارجه مستحيل تطلع فاضية ...

[صاحب الذوق]

اذا تبـــــــــــــــون الصدق المفروض يغيرون ادارة النادي والعيبه خلاص هذيلا روح زمانهم يعني لاعب كرة قدم عمره مليون سنه لازم انه يعتزل هالشي والا يعزلونه رواحهم والله
والاداره بعد نفس الشي تعبانين

[يايه معاليكم]

اوكي

السلطان


ممكن يكون لواحد من اندية دبي صح ولا

والدليل اليوم العين خسر ....

[يايه معاليكم]

ههههههههههههههههههه


شو تتكلم

السلطان اصلن العين خلاص

طايحه طايحه

والصراحه الجزيرة والله تستاهل لعبهم اوكي ولاعبين اوكي لاكن الحظ هب وياهم

ان شاءالله يكون من نصيبه

ومال العين يبغيلهم هزبة من الشيوخ وبيصطلبون

والله كريم

[عيوز مزوده]

أشكركم على هالموضوع الحلو وانشالله

العين بيرد لمستواه الأولي واحسن انشالله

بس بيا مسانده من الجمهور ودعائكم له

أخت الجميع الصغيره>>>عيوز مزوده