تسجيل الدخول

مشاهدة النسخة كاملة : التصويت على مسابقة (( شاعر المنتدى ))


! حلو المزوحي !
14-09-2006, 04:33 AM
السلام عليكم ورحمه الله وبركاته

صبحكم الله بالخير

بدوري انا والاخت قصايد نحب نرحب بكل الاعضاء

المشاركين والمصوتين في مسابقة

(( شاعر المنتدى ))

ويا مرحبا الساع بكم يا خوان

طبعن يا خواني نسبت التصويت بتكون بتاخذ 50 % من النتيجه النهائيه

و50 % بتكون في يد لجنة الحكم المكونه

من الاخت الشاعر قصايد

واخوكم حلو المزووحي

وبالتوفيق ياربي لكل الشعراء المشاركين ف المسابقة

للعلم بتكون مدة المسابقة اسبوع كامل

وموفقين يا خواني

والسموحه منكم
! حلو المزوحي !
14-09-2006, 04:48 AM
وهذا هي القصايد المشاركه في المسابقة


::



(( القصيده الاولى ))





الله يدهن قلبـي اللـي فضحنـي = والله يدهن ابـو الحـب وبلاويـه
والغالي اللي في كلامـه جرحنـي = ما اقدر الومه لا ولا اجرح معاليه
قد قال ابعد يا اسيـر ونصحنـي = وانا تجاهلتـه وحاولـت اسليـه
يومين من طعم السعـاده منحنـي = خلاني انسى الهم وانسى مأسيـه
قال انت شاعر وانت ذوق ومدحني = وانت الوحيد اللي اهوستني معانيه
الله و اكبر يـا عيـون ن بكتنـي = والله يعلـم ان روحـي تناجـيـه
ما كان يدري ان حظـي ذبحنـي = واني مغادر عن دياره واراضيـه
واني غريق ن في بحور احتوتني = واني الغريب اللي يقولون يغليـه
والحين يا ليت انهـا سامحتنـي = ماعاد فيني حيـل ابكـي وابكيـه

========================


::


(( القصيده الثانيه ))




باخذ حكايـه مـن الحكايـه مثـل الاشاعـات = وبرسم معاني الشعـر برمـال القلـب وفهمـه
تـدري انـي بهـوي القلـب ماتبـع البنيـات = لي عليهن مـن سمعـة هـذا الوطـن معلمـه
الطبع مردور وطبايـع الغيـر حيـل بشتـات = اكره ياللـي بهـوس حالـه بتفكيـره يرسمـه
سـراب عشنـاه وليـه اتبـع خيالـي بغيـات = اصور صورتك ببرواز واعرضها وكتبها بترنمه
كلمة أحبـك محبـه بعيـون الشهـم بـزلات = عوّد علي وبرجوعك تراني بالحـراره أغنمـه
الحال بحياتـي أعيشـه لـك بحـل لحظـات = بأعداد الثواني أضربها وأرددها لـك وأزعمـه
أظهـر بجهـة الشـوق وأسلـك لـك جهـات = أتبع أختصارات الشعـر لجلـه عسـاه يعممـه
يحبنـي وردد الولـه بصوتـه بشـل شـلات = وأدوس علـى قلبـي ونفسـي ببعـده تجهمـه
أدق البـن والهيـل فـواح وأزلالـه بــدّلات = والضيف ينصاك وببيت الشعـر أنتـه تعزمـه
الوفا بقلـوب البـدو حيـه بدفنهـا الامـوات = وبقلوبنا دنياها تلحـظ حياتـي ياليـت أحرمـه
سـود عكـف ملـح بياضهـن هـو مـامـات = جنون طول القامـه مجننـي بموتـي مصممـه
وقـت نباهـا يرتمـي بحظـن بذكـر حـزات = وطيفهـا مايفارقنـي ويشـوم بشلـة أحزمـه
الطيـف يسافـر وتذكـر طيفـه اه واهــات = بكذا البحر بطياف المحبـه وصفحـة تسممـه
شروى صبا الحـر وذكـره حـل بصفحـات = لولا تحججت بحرمانه وصاف الجمـال تلثمـه
حـل الكـلام ببعـده كسـره ثـم كـسـرات = والفيـت أنفاسـي السكـون بحركـات تكتمـه
خـل عذلـي وبعـد همـي بعـد حـسـرات = لا تبكـي ولا ترفـع صيـاح طهـارة تيممـه
سـؤال بعـد الأجوبـه سبـب ذكـر الوفـات = ونصيحة الحراره تنهر فـوات اسألـة تفهمـه
نـواح ويـا حسرتـن ترتبـط بحـب الـذات = والكباره بقلب الشخص لـولا شرهـا تصدمـه
شـروى البحـر شـروى البـر وشــروات = عنبوهـا مـن ذكرهـا طـار الفكـر بقلـمـه
مـن السماحـه ارتحـل بنظرتـن ولفـتـات = وكذا العذوبـه لفتنـي بنـص تسعـه مولمـه

========================


::


(( القصيده الثالثه ))





فخاطري و الله الغيبه = صوب دار(ن) فيها خلاني

و أقبظ الخط و أعطيبه = آخر الريس و أزخ سكاني

فوق موتر طرررر تركيبه = لو نشدت بقول نيساني

ظااارب العداد و أسري به = عند دار العز و الشاني

صوب دار الخل أمشي به = مشغل الرادو و طرباني

و أخفف السرعه من الهيبه = و قلبيه طبول و ألحاني

وصلت و لا ريت ترحيبه = و لي له القلب ولهاني

قلت:شي أنا مخطي به = و لاّ أنا مغلط فعنواني!!

قال:لا..هالقلب ما اطيقه = قلت:الوعد وين يا فلاني؟!!

بس نذر(ن) علييه لأسويبه = سواة أمريكا فالأفغاني

========================


::



(( القصيده الرابعه ))





تطلبيـــن اكتـــب فيج قصيـــدة = ومادريتــــي انج ابيـــات القصيــــــــــد
كانج طلبتي لزومن علي تنفيذه = دام ........ هي اللي بغته بالتحديــــد
قالــوا بدويــــة وبنت حشيمـــه = الكـرم والطيب اخلاقها وش الجديـــــــد
يعيبهـا شي (ن) كونها عنيـــده = والعنـــاد هاليومــــين شي ( ن) فريـــــد
دربهـا درب الخير كله تحيــده = والشـر فـــــــي صوبٍ عنهــا بعيــــــــــد
هاذي وردةٍ منــي لــج هديتــــــه = لـــون السحــابة للغـــــزال الشريــــــــــد
وكـان بيننا وعدٍ الحينة قظيتــه = مانـــــــي بمـــــــن ينقــــض المواعيــد

========================


::



(( القصيده الخامسه ))





سكّبت الشعر بأمثال زان بالحان وموّال = في معاني أبدوي عاش معاني رجولـه
أشعار قلبي يخلدها بنحت صورة تمّثال = وأعيد شعري مكمّل اذا كانـت بجولـه
رميت السهم وطاح بغبّة نهر وشـلاّل = رميت شعر وثار يشـوف مـن حولـه
خليت أسمي مخلد من الطـرف مـال = لاهو طـاح ولا قـال اشعـار منقولـه
حبيبي توثق وانتـه وصفتـه بأجـلاّل = وصفه ملك تمثـل فيـه وفـي زولـه
انا بدوي وعايش بيـن نجـم وأهـلاّل = وحيّدالخيرفـي حـب اليـاه مدلـولـه
بنت البدو لها عيـون وطـرف جتّـال = خذت وصوف منهـا ماهـي بمذلولـه
في صّوره غزيل تربى فـي منـزال = حشيـم ومنطوقـه بعيـد عـن الهولـه
أن شفته شـل العقـل وخلـى خبّـال = ريحـه عطرومـن قــال بمعمـولـه
ريحة انسمه عطر بـن فـاح بفنيـال = تغـار دلـة الرسـلان مــن قـولـه
ان قلت وصفي رجّـال بـن رجّـال = علـم تعـدى الشعـر ومـن حـولـه
بتـراث بّـدوي ومـا زلـت ولا زال = شّعر نجيـب مـا هـو شعـر هذولـه
وفي ختم شـلات واشعـار ومـوال = لنه قصيـدي مـن تزيـن فـي قولـه

========================



::



(( القصيده السادسه ))





فز قلبي فزة المقهور فــز = وش بسوي يوم خلي يســـتفزه

المصيبه من جدى يلي اعز = صاحبن حاز أحـترامي والمــعزه

طيبة فوادي عذولي انتهــز = سل سيفه و فالحناياء السيف رزه

حسبي الله ع الــحسود الــي يوز = الــعذول الي على فرقاي وزه

كلمــا قربت له خلي يــلز = بـــالعمالــه الحــب من قلبه يــلزه

كنت له في عشرته مهد ومنز = ولا تضايق كان له حضني منزه

والخفوق الي ابدا مايوم هـز = جاه من كسر عـواميده وهــزه

هب من العاذل خفوق القلب حز = حز من خله قــفى عنه وجزه

========================


::


(( القصيده السابعه ))






يا كم طرشت لك من مراسيل = ويا كم من الصد منك ياني
عطني براءه او كتاب تحليل = تفسير منطقي على الهجراني
والله لو الحب قاضي وله دليل = لشكيه عليك بشكوت العاني
لاتكون من ناكر مني جميل = لاتشط بي يانور الاعياني
همي كبير وهمي انا عظيل = ودمعي انا سال على لوجاني
والله لو اكتب عم مابي مستحيل = واكتب بشرحي بكلام وتبياني
الكل من شافني وش بك غديت هزيل = اقول اتركوني ظهرت خسراني
ياناس عيني من همها دمعي هميل = واتخايله في سكون الليل ناداني
ثرني اهاذيبك نهاري مع ليل = واتخايلك واقف بين عرباني
نادوه ياناس وازقروا الخليل = قولوله شخص فيك موته حاني
بشد انا رحالي من دنيتي رحيل = خلاص وش باقي دامه انه رماني

========================



والسمووووووحه منكم

وموفقين يا خواني الشعراااء


اخوكم

حلو المزوحي
قصايد
14-09-2006, 07:21 AM
تم الترشيح من قبل ختكم قصــايــد

وصح الله بدنكوو ولا هنتو على ذا النظم الراااائع ..

ويسعدني ويشرفني أن اسجل اعجابي الشديد بحروفكم المميزه.. وإلى الامام دائما

أتمنى كل التوفيق والنجاح للشعراء الكرام ..

والشكر الكبير موصول للأخ القدير .. حلو المزوحي

يعطيك الف عافيه ياخويه..

ومرحبا الســـــاع
oo قماري oo
14-09-2006, 08:14 AM
مرحبااا ,,<<<

صح لسانكم ,,, ماشاء الله كل القصايد ما فيها حيله في ذمتيه ,,,,,,
والواحد يحتار حق منو يصوت ,,,,, موفقين ان شاء الله ,,,



تم التصوووووويت ,,,,



شكر خاص لكل من ساهم في تنظيم المسابقه ,,,,,, وبوركتم ,,



دمتم بعافيه
..:: قلــب بدويــه ::..
14-09-2006, 08:27 AM
هلاااااااا صبــــــــــــــــــاح الخييييييييير
رشحت والصراحه كل القصايــــــــــــــد ما فيها حيلـــــــــــــــــه ..

بس شكلها السادسه بتاخذ حقها الصراحه خطيــــــــــره ..

والسموحــــــــــــــــــه
قلـًـًـًـًب بدويـًـًـًـًه
نفحة الهيل
14-09-2006, 10:17 AM
والله كل القصايد طررررررررر إلا قصيدتيه خلاااص بسير انتحر !!!!!!
حبه سطآ بعظامي
14-09-2006, 11:26 AM
مرحبـا الســــــــــاع

ماشاء الله عليكوو صح لساانكو يالشعراا عليه انكو ابدعتووو ..

وفذمتيه الواحد يحتار لمن يصوت خوفنا نصوت لحد ونظلم البااقي الله لا هانكووو ..

ويعلك تسلم يالمزوووحي ..
بنت زايد11
14-09-2006, 12:12 PM
والله كلهن حلوات

والقصيده ثاانيه

تدخل القلب بالمعاني لي تحتويهن

موفقين انشالله
$عشق بـدوي$
14-09-2006, 02:30 PM
القصيده ثاانيه رقص


والله يعطيكم العاافيه

ومشكورين
يـآس
14-09-2006, 02:40 PM
ما شاء الله كل القصايد تقول الزود عندي

لا هنتوا يالشعرا على هذا القصيد الطيب .. نحتار من له نصوت بس

سامحونا بالاختيار


وتم التصويت


نتمنى للجميع التوفيق
عنود الهير
14-09-2006, 03:56 PM
ماشاء الله عليكم الله يعطيكم العافيه
والصراحه القصيده السادسه ما فيها حيله مع احترامي لباقي الشعراء
والسموحه
اجتبية
14-09-2006, 04:10 PM
تم التصويت للقصيدة الثالثه
ريم الدماني
14-09-2006, 05:00 PM
تــــــــــــــم التصويـــت للقصيده الثالثه


والله لا شل اللي كاتبنهااا >>............<<





والسموحه
[ قلب مضنوني ]
14-09-2006, 07:19 PM
تم التصويييييت للقصيييدة الثالثة
صاحب الذوق
14-09-2006, 07:28 PM
في ذمتيه ذمه القصايد كلهن قصايد غراميه ولا عليهن زووووووووووووووود
شليويح
14-09-2006, 07:28 PM
اكتب قصيدة والا خلاص العدد كافي
حلو السجايا
14-09-2006, 07:36 PM
صـح لســانكم ولا هنتــواا ..
قصــايد ما عليــهن كلاااااااام..

تـــــم التصـــويت والتــوفيج للجميــع..
مروض الخيل العنيده
14-09-2006, 07:38 PM
انا أرشـــــــــــــــــــــــــــــــــــــــــــح واصووووووووووووووووووووووووووووووت حق القصيده
السادسه واقول لشاعر صح لسانك والله انك طر
ترشيحي للقصيده السادسه السادسه
قناص الظباء
كيـ عيناوية ـفي
14-09-2006, 07:41 PM
الصراحة مافيهم حيييييييييله القصايد ولا اروع

الله لا هانكم ان شاء الله

وصح الله لسانكم

كل قصيده تقول الزين عندي واحترت واااااااايد

وصعب الاختيار لانهن كلهن عيبني بس شوه اسوي لازم اصوت

تـــم التصويـــت ^_^

والسموحه

تقبلوا تحياتي

كيفي عيناوية
مروض الخيل العنيده
14-09-2006, 07:42 PM
لا خلاص شليويح انتهى الوقت الحين الحين مايصلح بس الحين عندك مجال انك تصوت وصوت حق القصيده السادسه ههههههههههههههههههههههههههههههههه
اخوك قناص الظباء
دلوعه المناصير
14-09-2006, 08:00 PM
اصوت للقصيده السادسه وقول لراعيها في ذمتيه انها قصيده ماااعليها زوود؟؟؟

واقووووله صح الساانك الغاااااااااااالي؟؟
₪ لبيـــه ₪
14-09-2006, 08:51 PM
الصرااااحه القصاايد كلهن مااعليهن كلاااام

بس القصيده الثااالثه أشكره ألي قصدها

ماااااااااااااااااافيهاا حيله

^_^
روض القلب
14-09-2006, 10:11 PM
كل القصايد حلوات بس انا اصوت حق القصيده السادسه
...ملفته للنظر...
14-09-2006, 10:32 PM
صوووووووووتي للقصيده الــــــــســــــــــادســـــــــه

وسلمتوا جميعا
~العامريهـ]
14-09-2006, 10:32 PM
انا احترت مابين القصايد
كلللهن طرر على كسرتيم بس صوتي للقصيده السادسه

في ذمتييه انها غراااااااااااااااااااااااااااام وصح لسان اللي كاتبنها

واتمنى التوفيق لليميييييييييييييييييع
أم عقصين
14-09-2006, 11:16 PM
يا سلام يا سلام يا سلام


ربي لا شلكم كلكم


بس انا مع اختيه ملفته و ربيعتنا بدويه


والقصيده السادسه هي أحلى قصديه
غرشوبة البدو
15-09-2006, 02:47 AM
وانا بعد رشحت

والله يوفق الجميييع
السعودي
15-09-2006, 04:39 AM
انا يا شبااب الصراحه ارشح القصيده رقم 4
والسلالالالالالالالالالالالالالام
شمعة عمري
15-09-2006, 05:41 PM
أرشح القصيدة الثالثة
الموناليزا
15-09-2006, 06:01 PM
متى هذا استواا
خخخخخخخخ مادريت بالسالفه نسيت ..

كاان خاطري اشارك

بس ما انتبهت متى بيخلص وقت المسابقه

يالله :) خيرها بغيرها

الله يوفقكم ان شاء الله


كل الشكر مبدعتنا قصايد واخونا القدير حلو المزوحي


دمتم بالخير يارب
...ملفته للنظر...
15-09-2006, 09:06 PM
.................................
انا احبه
15-09-2006, 09:06 PM
القصيدة الثانيه عجيبه
انا احبه
15-09-2006, 09:10 PM
كيف أصوت بليييييييييييييييييييييييز
TopMan
15-09-2006, 09:13 PM
][`~*¤!||!¤*~`][بسم الله الرحمن الرحيم][`~*¤!||!¤*~`][


صرااحه انا عضو يديد ب هالمنتدى
ولفتنني هالمشااركه
بس ماعرفت شلون يصوتون

لان بصرااحه القصيده الثاانيه عجييييبه وياريت كنت اقدر اصوت


وصح لسانك يالشااعر
هكر الحب
15-09-2006, 09:28 PM
القصيدة الثانية رقيييييص وما عليه كلام في ذمتيه

وبالتوفيج لراعيها ان شاء الله
مروض الخيل العنيده
15-09-2006, 09:51 PM
ربـــــــــــــــــــــــــــــــــــــــــي لاشلكم يـــــــــــــــــــــــــــــــلي الترشحوووووووووووووووووووووون وبالخص القصيده السادســـــــــــــــــــــــــــه واقول للي كتب القصيده في ذمتيه ما عليك زوووووووووووووود
قناص الظباء
...ملفته للنظر...
15-09-2006, 10:22 PM
ليش تصويتي ما ينحسب.....؟؟؟؟؟؟؟؟

ما يجووووووووووووز....

أحتج...

صوتي للقصيده السادسه
$عشق بـدوي$
15-09-2006, 10:23 PM
ياخي كيف ينحسب تصويت

هل هو باضفة ردود
رانكون
15-09-2006, 11:31 PM
قصيده ثانيه

بس

بس

ولاكلمه


يالله

شدوا حيلكم

وانا ربيعه

وياي اشجعه

لاتخذلونا
ra3y-elbanshy
15-09-2006, 11:53 PM
القصييييييييييييييييييده الثانيه
القصييييييييييييييييييده الثانيه
القصييييييييييييييييييده الثانيه
القصييييييييييييييييييده الثانيه



يالله همتكم شباب

نبغي حماس
الجتبية
16-09-2006, 12:10 AM
السلام عليكم

الصراحة انا اصوت لقصيد (( القصيده الثانيه ))

صح لسانك على هاي الكلمات الصراحة روعة

مع تحياتي

الجتبية
الولايات المتحده البدويه
16-09-2006, 03:22 AM
انا فيا القصيييييييييييييييييييده الساده وسلم من كاتبها فذمتيه الرب لاعدمه
الولايات المتحده البدويه
16-09-2006, 03:23 AM
انا فيا القصيييييييييييييييييييده الساده وسلم من كاتبها فذمتيه الرب لاعدمه:204692:
الولايات المتحده البدويه
16-09-2006, 03:24 AM
السموحه غلط ............ بدال ماكتب السادسه كتبت الساده ......................
مقدر اجامل
16-09-2006, 05:50 PM
ليش ماروم اصوت؟؟؟؟؟؟


صوتي للقصيده الثالثه.....



.
.
.
الود طبعي
16-09-2006, 09:54 PM
والله انهن كلهن ما عليهن كلااااام


بس صوتي للثالثه
دايم الشوق
16-09-2006, 09:58 PM
انا عضو يديد فالمنتدى ،، يوم شفت المسابقه قلت بصوت

بس ما عرفت كيف

فقلت بكتب هنيه يمكن يحسبونه




واصوت للثالثه
! حلو المزوحي !
17-09-2006, 12:04 PM
سلامي ع الحماس والله


ومرحبا كبار بكل من صوت


واقسم بربي يا خواني ان التصويت عندي شغال


بس ما دريبه عندكم كيف ؟؟


وموفقين
صاحب الذوق
17-09-2006, 12:56 PM
مصدق يا طويل العمر مايحتاي تحلف
والحمدالله انا شايف تفاعل كبير من الاعضاء والامور طيبه
نفحة الهيل
17-09-2006, 01:14 PM
لا صاحب ال>وق بعض الاعضاء مال التصويت ما يشتغل عندهم


وما شالله شغل عدل في تصويت والله يوفق الجميع
...ملفته للنظر...
19-09-2006, 01:22 AM
صوووووووووووتي للقصيده السادسه


وانا لين الحين ما يأست...لان التصويت هب شغااال عندي...


ويا حلو المزووحي تيمل فينا وأحسب صووتي أنا وأم عقصييين...نحن من زماان في المنتدى بس ما يمشي معانا التصوييت يطوولي بعمرك
ضناني الشوق
19-09-2006, 08:33 PM
انا التصويت عندي هب شغاال

وكل الاقصاايد ماعليهن زوود طوولي بعماركم


وارشح القصيدة السابعه ؟؟
[ قلب مضنوني ]
21-09-2006, 04:50 PM
حتى التصويييت عنديه هب شغال ارشح القصيييدة الثالثة
هكر الحب
22-09-2006, 10:23 AM
ليش التصويت ما يشتغل ؟؟؟