بسم الله الرحمان الرحيم
مشكورين الي طرشولي مسجات عشان يوم ميلادي وقولكم كل عام وانتو بخير وعقبال العمر كله ياربي
وسموحلي على القصور الى الاشغال ماتخلص
بمناسبت يوم ميلادي قلت بنزل الكم قصيده حسها (دعابي) وان شاء الله تعجبكم
الهوى ياهل الهوى
قلبي يادوب انكوى
محتاج لك يالدوى
وقلبي لك دليل
ساكن بوسط الهير
ينادي صوب الشير
ماشفت مثله بشر
ابيض وعنقه نحيل
محتار فيها الوصف
ياخذ عينب ويرتصف
ماحد في جنبه يصف
العشق بعيونه جتيل
سامرتله بعد الشقى
ونيت ونه موحقى
ساعه ولافيها لقى
يابخت ذاك العليل
رديت لاصيد(ن) صدى
وفي المحاجر صدى
مرمت انا ارصدى
رديت وحملي ثقيل
غطيت عن وادي معد
لاغيم لابرق ورعد
وشمس تصطع صعد
حسيت بمابي ذليل
مشيت مشي الحمسه
الكدش والقار احمسه
صاير شرات المكنسه
والعرق من جبني هطيل
هذالي بالهوى بتلش
مارام حتى يسالش
ساير ولا بردلش
والدمع على خدي يسيل
وسوالم ..
المفضلات