أصلا الموضوع كله ....... ما تعدى كلمتين

**هتلر بن كعب** · 22-05-2011, 02:08 PM

أصلا الموضوع كله ....... ما تعدى كلمتين .... ,
لعنبو قصة غرام .... كل أبوها كلمتين ...
أبتدينا عند ....أحبك .....وإنتهينا عند بااااي

تونا ما مشينا في الهوى لو خطوتين .....
وأنتهى الموضوع كله حتى ما أعرف وش خطاي

أنتهت قصة حياتي بكل سهوله تحكمين ... وين أحبك
......؟ وين أريدك ..؟؟ وين ساكن في حشاي

يمكن إنك ما وفيتي يوم جيتي تعشقين ....
ويمكن إنك تحسبيني بتبعك من دون راي

ويمكن أصلا ما عشقتي بس كنتي تلعبين ....
ويمكن إنك ما وصلتي في هواك لمستواي

ويمكن إني ما عرفتك في الحقيقه وش تبين ....
. ويمكن إني خنت نفسي ... يوم أعطيتك وفاي

علميني في الهوى ياجاهله وش تعرفين ...
تعرفين إنك غديتي شي يجري في دماي

علميني في العطاء والتضحيه وش تفهمين ...
لعنبو حيك عشانك بعت أقرب أقربااااي

كنت أحطك في عيوني تسرحين وتمرحين ..
كنت أشيل هموم قلبك وأرمي همومي وراي

كنت أطير من السعاده يوم أشوفك تضحكين ...
كنت ذايب في هواااكي مثل سكر وسط ماااااي

كنت نايم في العسل وأرسم من الفرحة سنين ...
كنت أظنك قلب عاشق ما سكن وسطه سواااي

ما وعيت إلا وإنتي في خفوقي تطعنين ...
ما وعيت إلا وسيفك بالحشا رايح وجاااي

ورده ...إيه والله ورده بس عرفتي تجرحين ...
كل شي فيني جريح إلا فخامة كبرياااااي

ما تأثرت بغيابك ... ويش يعني دمعتين ...
بكره أنسى صدقيني وأرجع بكامل قواي

أدري إن حنا أفترقنا .. بس أبفهم حاجتين ... علميني وش كسبتي ؟؟

وعلميني وش خطاي ...؟؟؟

أصلا الموضوع كله ,,, ما تعدى كلمتين ,,,..
. ألتقينا عند( أحبك )..!!

وأفترقنا عند (باي)..!!

**عيون الريم** · 22-05-2011, 02:30 PM

:

كبرياء الانسان فوق كل اعتباار
كله ولا الخيانه يتغاضا عن اخطاء الي يحبهم
بس كله ولا الكرامه

كلماات قويه
يعطيك العافيه هتلر
نرقب يديدك
لا هنت .. ^ـ^

:

ما تأثرت بغيابك ... ويش يعني دمعتين ...
بكره أنسى صدقيني وأرجع بكامل قواي

عيبني هالبيت واايد واثق من نفسه ^^