بخيته بنت عايض آل عذبه المري

[غرنجي]

نسبها
اسمها الحقيقي ( بخيته بنت عايض آل عذبه المري ) معروفة بأسم بخّوت المرية . و بخّوت هو تصغير وتمليح لـ بخيته .
تنتسب بخوت لعائلة آل منيره ... ويقطن غالبيتهم في مدينة المره بجنوب قطر.

موطنها
عاشت بداية عمرها جنوب منطقة الاحساء مع والدها على عد (الزرنوقة) وكذلك حول بير (فاضل) وكلاهما موارد لقبيلة ال مرة

حياتها الاجتماعية
كانت يتيمة الام وقد تزوجت ثلاث مرات ولكن لم ترزق بذريةوقد عاشت في بداية حياتها مع والدها عايض المري،
تنتسب بخوت لعائلة آل منيره ... والذي يقطن غالبيتهم في مدينة ال مره بجنوب قطر
عاشت في بداية حياتها مع والدها عايض المري، جنوب منطقة الاحساء على عِدّ (الزرنوقة) وهو عِدٌّ مشهور في المنطقة ، حول بير (فاضل) وكلاهما موارد لقبيلة ال مرة . ( العد : مورد ماء لقوافل الإبل والرعاة)
عاشت يتيمة الأم و تزوجت ثلاث مرات ولكنها لم ترزق بذرية

شاعريتها
كتبت بخوت الشعر وهي في سن مبكرة في الثامنة من عمرها تقربيا ولقد تطرقت لجميع اغراض الشعر النبطي من مدح وغزل ووصف ورثاء ومحاورة

وفي غزلية رائعة :
ليته يناديني وانا بس اناديه...... واجاوبه ياحسين ولو كان مـــــره
عليه قلبي يابسات عراويه...... اقفا ابقلبي من ضلوعي يجـــــــره
ذالي ليال قاعده في حراويه...... ليننها زادت على المضــــــــــره
قمت اتوجد وجد من مات غاليه ......قبوه اقباله كل يوم يمــــــــره
أو وجد من خاوه والليل ممسيه......ينخا ولا حد من هل الهجن مره
خلي طريح والضواري اتحاضيه...... بالمقطعه وامقابله ضلع حــره
على الذي ماشفت حي ايحاليه......شيخ على القوم المعادين شره

وفي اجمل قصايدها قالت :
جيت النازل خاليه ما بها اوناس ...... من عام الأول ارضها ما وطي به
ولقيت مرح أهل المروات دراس...... علمه بهم يا بو مطر علمـــــي بـه
مريتها يوم المعاليق يــــــباس...... ونزلتها يوم الضماير عشيبــــــــه
وونس بصدري واهج الحر حماس...... احسب من فارق هله لي يجي به
واقفيت كن ابسرت القلب مراس...... واقنب كما يقنب من الجوع ذيـــبه
واعول كما تعول على البو عرماس ......ومن لامني جعل حواله عطيبه
باللي يفكون الطلب عقب الادماس ...... ربعي مصخرت العدو بالغصيبه
اليا منهم ركبوا على سرج الافراس......وتحيزموا من فوق قب عريبـــه
اليا اعتزوا ببعير عالي الساس ...... خلوا على جمع المعادي حطيبــــه
ذكر الموده للعرب ما بها باس...... لكنها على المولـــع مصيبــــــــــــه
حب الرفاقه شيب القلب والراس......وباق الموده له بديـــل قريـــــبــــه
باقي العرب تلقا بديله مع الناس...... واخوك لو درت البدل ما لقيـــــبه

تقول بخوت المريه وهي أشهر من تكلم عن السيارات من النساء :
حن قلبي حن (( ماك )) على سمر العجل=عشق السواق والدرب ممسوك(ن) وراه
إن عطا مع طلعة(ن)عشقوا له الدبل=وإن تسهل ريحه لين ياصل منتهاه
ما بشفي لا دريول ولا ريس عمل=شفي اللي كل ماشاف براق(ن) رعاه
صبي أهله قطين(ن) على عد(ن) جاله عبل=طيب(ن) للبل وراعيه مايقطع ظماه
ونتي ونة خلوج(ن) ولدها مابعد جدل=تشرف المرقاب للذود وتعود وراه

وتقول ايضا:
ياحن قلبي حن ماك(ن) مع الطلعات=ليا عشقه بالعايدي والدبل جره
جرمة ثقيل وحملوا فوقه البيبات=ويدعس عليه ببنزينه ولا سرّه
انا دمع عيني بالدقايق وبالساعات=ولا هي على فرقا المحبين مستره
هواجيس قلبي كل ما أقول راحت جات=تعود علي باليوم خمسة عشر مره .
والماك : هي السيارة الكبيره ..
وقالت تتمنى حياة البر والبادية :
وجودي على بيت الشعر عقب بيت الطين=وجودي على شوف المغاتير منثره
وجودي على خوة هل الموتر المقفين=وجودي على شوف السهل من ورا الحره
ليا حلوا البدوان وصاروا على بيتين=ومن كان له خل مع ذاك ماغره


وفاتها
عندما تقدم العمر بشاعرتنا استقرت بقية عمرها في مدينة الدمام يمنطقة تسمى ( كمب البدو )
وحاليا اسمها ( حي البادية) حتى توفيت هناك عام 1995 ميلادي.
الله يرحمها ويسكنها فسيح جناته


منقووول

[هتلر بن كعب]

تسلمين اختي على النقله الحلوه لشاعره غنيه عن التعريف

ماقصرتي عرفتينا عليها اكثر

[خيؤط الشمس]

حب الرفاقه شيب القلب والراس......وباق الموده له بديـــل قريـــــبــــه
باقي العرب تلقا بديله مع الناس...... واخوك لو درت البدل ما لقيـــــبه

كلمات رائعه ..

جزاك الله خيرآ غرنجي على الاختيار الــــــــراقي ..

الله يعطيج العافيــــــــه ..

[غرنجي]

حب الرفاقه شيب القلب والراس......وباق الموده له بديـــل قريـــــبــــه
باقي العرب تلقا بديله مع الناس...... واخوك لو درت البدل ما لقيـــــبه

كلمات رائعه ..

جزاك الله خيرآ غرنجي على الاختيار الــــــــراقي ..

الله يعطيج العافيــــــــه ..

شكرا للمرور العطر

[غرنجي]

تسلمين اختي على النقله الحلوه لشاعره غنيه عن التعريف

ماقصرتي عرفتينا عليها اكثر

شكرا للمرور العطر