{صورة وقصيدة}×××

[غرنجي]

السلام عليكم ورحمة الله وبركاته،،

هنا موضوع صورة وقصيدة يتم من خلاله اختيار صورة وابيات شعرية
تعبر عن الصورة
أرجو تفاعلكم ومشاركاتكم الراقية وتثبيت الموضوع من قبل الإدارة
دمتم بحفظ الله ورعايته





غرنجي

[غرنجي]

[[I][/I

خل الهضيمه وإتركها لصاحبها... لو كان عندك بعير ٍ عاجز شداده

من تلدغ اليد في الحفره عقاربها... ماتردها ثانيه والعقرب اسداده

واختار م الهجن سير البعد يطربها ..ماتتبع الظل يوم الشمس وقاده

[الرحال]

مساء الخير

تم ذلك سيدتي

ولي استفسار في قسم المشرفين بخصوص هالموضوع

الله يوفق ان شاء الله لما فيه من رقي هذا الصرح

شكراً غرنجي

كبريآء الآلم

[الرحال]

* يقول الشاعرمحمد بن احمد بن محمد السديري:

يا بجاد شب النار وادن الدلالـي
وأحمس لنا يا بجاد ما يقعد الراس
ودقه بنجر يا ظريـف العيالـي
يجذب لنا ربع على اكوار جلاس
وزله الى منه رقـد كـل سالـي
وخله يفوح وقنن الهيـل بقيـاس
وصبه ومده يـا كريـم السبـال
يبعد همومي يوم اشمه بالانفـاس
فنجال يغدي ما تصـور ببالـي
روابع تضرب به أخماس وأسداس


* وهذا الشاعر الفارستركي بن حميدحيث يصف القهوة وصوت النجر.

يا ما حلا يا عبيد في وقت الاسحار
جر الفراش وشب ضـو المنـاره
معدلة تجذا علـى صالـي النـار
ونجر الى حـرك تزايـد عيـاره
النجرب طق وجاذب كـل مـرار
مالفه الملفـوف مـن دون جـاره
في ربعة ماهيب تحجب عن الجار
لامن ولد اللاش مـا شـب نـاره

* وكذلك القصيدة المشهورة للشاعر:دغيم الظلماويفي القهوة:

يا كليب شب الناريا كليب شبـه
عليك شبه والحطب لـك يجابـي
الوالمه يا كليـب عجـل بصبـه
والرزق عند اللي ينشي السحابي
حنا علينا جيـب ماهـا وحبـه
وعليك تقليـط الـدلال العذابـي
ادغث لها ياكليب من جزل خبـه
وشبه الى منـه هباكـل هابـي
باغـي إلـى شبيتهـا ثـم قبـه
تجـذب سـراة منبعيـد غيابـي
بنسرية يا كليب صلـف مهبـه
متلطميـن وسوقهـم بالعقـابـي
صبه لقرم صرفتـه مـا حسبّـه
يوم البخيل مدنهر الوجـه هابـي
وعده عن اللي مايداري المسبـه
اللـي يدوربالقصـي الغيـابـي
لا جاضع المتروع خطو الجلبـه
يا حلو تالي الليل خبط الركابـي
اقحص لهم وابدي سلام المحبـه
لا شح بالهيـن كبيـر العلابـي
من لا صبر يا كليب في حكم ربه
هذاك يوم البعـث مالـه ثوابـي

* كذلك قول الشاعر:سعد بن حمد بن ضويانفي القهوة:

ياحسين لاكني على الجمر مجضوع
من فقد خلانـي وفقـدي ربوعـي
قم سو فنجالٍ ترى الراس مصدوع
صفه وزله عن سريب الخموعـي
فنجال فيه مخموس الكيف مجموع
بدلال يشـدن الخبـاس الوقوعـي
ونجر دلاله ماو بالصوت مفجـوع
يا زين حسه والخلايـق هجوعـي
وانجاك بالمجلس سنافـي وبالـوع
عده على الطيب وكـب البلوعـي

* وهذا الشاعر:عبدالله العلي الحريريرحمه الله:

قم سو فنجـال ونظـف أدلالـه
ريحه لراعي الكيف يجلي اعماسه
اشعل ولونـه مثـل دم الغزالـه
لاذاقه الراقـد يحـارب انعاسـه
في مجلس تدله الى جاء مجالـه
اللي عن اللجات يقصر حساسـه
والا ترا بعض المجالس عذالـه
لا معشر طيب ولا فيـه اناسـه

* وهذا الشاعر:غازي بن عون

يا ريف قلبي للمسايير قـم شـب
وحط المنارة في طويل الظلالـي
عقب تشق لها لجزل الحطب جب
وهات النجر واحضر جداد الدلالي
دنّـه وخلّـه للمساييـر يجـذب
لا قام صوتـه للنشامـى يلالـي
يوحونه الجيـران لا قـام يقنـب
ويجيك الاقصى والقصير الموالي

* ويقولسليمان المحمد الهزاعبهذه القصيدة:

لافي على جمر الغضى سو فنجال
فنجال بن من رخيـص وغالـي
حيثك قديم مغربل البـن غربـال
حكيم عند مصاطـرات الدلالـي
خله على المطلوب يلفت لنا البال
يفتح لنا المعنـى بمبـدا المقالـي
الى انطلق من ثعلب المبهرة مال
يشدي خضاب مخفـرات حيالـي

* وهذاراكان بن حثلينفي قصيدة مشهورة:

ياما حلا الفنجال مع سيحة البال
في مجلس ما فيه نفس ثقيلـه
هـذا ولـد وهـذا ولـد خـال
وهذا رفيق مـا لقينـا مثيلـه

* وهذا الشاعرهايس بن مجلاديقول وهو يصف الدلة وصوت النجر:

قم سو ما يصبغ على الصين ياذياب
بدلال يشـدن البطـاط المحاديـب
احمس الى من العـرق فوقهـا ذاب
واستدن ما يجذب عليك الشراريـب
نجر يصيح من الطرب تقل بحجاب
يصبر على طول الدهر للمواجيـب

وقالحمد ابراهيم العمار:

الى ضاق صدري قمت لم الدلالي
شبيت ناره يوم عني الكرى غاب
الى اصرهت بالجمر عقب اشتعالي
زليت صافيها على كيف شـراب
وقلبت حمستها على شف بالـي
حوش الغنم لين العرق فوقها ذاب
ودقيتها من ضيقتـي باعتجالـي
نجره يصيح لراعي الكيف جـذاب

* ويقول الشاعرسعد بن قطنان من سبيعفي وصف القهوة:

جر الفراش لنا وهات الدلالـي
اربع مغاتير على النـار تدنـا
ترى حلاة النار دوم اشتعالـي
وسوقة فناجيل عليهم من ادنا
فنجال اشقر مثل دم الغزالـي
اليانقص شيء من الكيف زدنا
اتعب لها بالسوم لو كان غالي
لو كان سوقه نازح عن بلدنا
ياما دفعنابالثمن مـن ريالـي
غير القرى نسهر لهم ما رقدنا

* يقول الشاعر:عبدالله بن سبيل الباهلي:

ترى حلاة الكيف يا مشرب لـه
لا فارقوك اهل الحسد والنجاسه
لا صار شغاله ظريـف بزلـه
وظرف بتقليبه وقيمة قياسـه
الى صفا بنه على مـا شغلـه
تلقا على الفنجال ردعة لعاسه
خطو الولد توه على شبة لـه
جميع هو مات المراجل براسه
يقوم بالمعروف دقـة وجلـه
والله مهيئ له علـى قوباسـه
وخطو الولد رجم على غيرحله
لو جازلك مبناه برّق بساسـه

* هذه قصيدة للشاعر:شليل بن عواض من بني عمرو من قبيلة حرب يقول:

يا سعود قم هات الدلال المهانيف
في ليلة ناخذ سهرهـا قطوعـه
إحمس وكيفها ترى طاب لي كيف
واستدن (مزعل) ياشفاتي وصوعه
إلى تهيض بالعـوى والزعانيـف
يشدي عوا ذيب شكا حر جوعـه
يشدي عواذيبٍ بروس المشاريـف
حادية حـادي والهبايـب تلوعـه
حتى يجيب مسيّر البيت والضيـف
مثل العقيد اللي تلافـت جموعـه
مخصصٍ الى صار جماعه مواليف
ماركز الشيطان معهـم بكوعـه
يا زين سجتهم وزين السواليـف
ما دوّروا واحد بالاخـر طموعـه
والى احدث الجهال بعض التخاليف
إستدركوها قبـل تكثـر فزوعـه
تلقى لهم سمعة وهيبه وتصريـف
وكلٍ يجي فعله على قـد نوعـه

* ونختتم رحلتنا هذه مع هذه الابيات:

الكيـف خلـه عنـد مـن يشترونـه
المشكلة اللي جابهـا مـن بلدهـا
ياحامسيـن الكـيـف لا تحرقـونـه
حذراء عن الشعلـه تغيـر نقدهـا
حـتـى يجـيـك محـمـر كــن لـونـه
مجت جراده ظاهرة من جسدهـا
صبه على اللـي ربعتـه يدهلونـه
له ربعـة مـن راح منهـا حمدهـا
وعده عن اللي واقف له بشوته
يمسي ويصبح عارف لك عددها
مـا غيـر عنـده طايـرات عيـونـه
لا باع شاتـه جـاك حـزة وعدهـا


^_^

كبريآء الآلم

[خيؤط الشمس]

http://imagecache.te3p.com/imgcache/...0d52770885.jpg


هذه قصيده للشاعر طلال العبدالعزيز الرشيد

يقول الشاعر



الولع شين .. ياراع الولع لاتكود
روحك اللّي تقود المجد 000ويقودها


ماتخيّرت .. حب الخيل .. ورث الجدود
حيّ ورثٍ يرد النفس000 لجدودهـا




ماتقل قلبك العليا عليها ورود
وماتقل عقبك البيضى على000 حدودها





قالوا إنك عشقت الخيل والخيل خود
عشقها يستبيح الروح 000ويكودهـا


مهرتك في تعجرفها تحدى الحسود
لوله ألفين عين ٍ ماحوى000 زودهـا




لو يفرّق حـــلاها للغواني 000 يزود
يرهي الما .. على كل الدلي00 جودهـا



فلوة الشمس ترفه .. وين عنها الصدود
حي ماها ومجناها .. ومولودهــا





سرجها الريح ويديها سراديب نود
ونار قرم معارفها من000 وقودهـا




وخصرها للغواني مثل خصر {العنود}
وجيدها جيد جادل .. ليّن عودهـا





سيندريلا العوادي .. مالها بالوجود
كفو .. إلا أنت سيدها00 ومحسودهـا


كنها من غلاها بالمحاني ترود
تصطفق ضلوعٍ .. تبرق رعودهـا




كن عينك لها سِيدَه .. ورموشك حشود
لا انثنت شفت قلبك زمّ 000بعضودهـا



منوة اللّي يبي طرد السهل والنفود
فارس ٍ تحتميه الناس00 ويذودهـــا




ركضها .. واذكر الله .. ركض ريم ٍ شرود
مخطر ٍ من حوافرها .. على خدودهــا




كنها تدري إنك في هواها ورود
فلوةٍ تقل طفله .. حلو جحودهــا



اذكر الله عليها عن عيون الحسود
من حدود البياض .. لمنتهى سودهـا


...

[خيؤط الشمس]

http://www.arabshare.org/uploads/ima...b49d0162e5.jpg

قصيدة دخون؛؛عبدالرحمن بن مساعد :
هو فيه مثلك .. ياللي الحسن ظلك
ليه العطر ؟!
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتي ماغيرك عيون
وانا احبك .. وانتي انفاسك دخون

[غرنجي]

باضبّط الدله واصف..... الفناجيـل
وبسمعّك بيتيـن وافهـم ......دليلـه
لا غبت عني كن مابه .....رجاجيـل
ولا صرت حولي كن عندي.. قبيله

[خيؤط الشمس]

http://www.auropia.org/ar/images/sto.../59-london.jpg


قصيده لفهد الرؤيضان (لندن):

لــنـــدن

لندن وصلت ... ودونك شلون حالي؟
وأنت حيات الروح يا روح لندن
في كل شارع يلتقي فيك بالي
أبكي الشوارع وأتحراك وانجن
لاني معاك اليوم ولاني لحالي
كلك يغيب وفيني اليوم بين
من مستحيلك حتى وأنا بخيالي
بعضك أشوفه وباقي بعضك تمنن
لا يا بعد امي وعمي وخالي
ولا يا بعد كلي وكلك تفنن
عشقك عيوني ودنيتي وراس مالي
وأنت السعاده كلما جيت ابحزن
يا ماس عمري ويا بعد كل غالي
أغلى المعادن يا بعد كل معدن
ليلي يروح وما بقالي ليالي
وأنت الليالي كلها فيك تسكن
هذا نصيبي وهذا حظي وفالي
وهذي حياتي وهذا بعدك تمكن
حتى سؤالي ما يغير سؤالي
أدري بعيد وأدري اني في لندن

[بو حمد الوشاحيـ]

قصيدة في الجيب TOYOTA يسمونه الشاص وفيه ناس يسمونه جيب الشبح
إقروها وبتعرفونه

تمـنيت ويـــاليت تـفيـد المنايـــا * كـان اطـلـب اللــي القــلب تـمـنـــــاه
يــاليت ويـاليت ابـو شنب معايا * يـاهـوه موتر ولا كل موتـر شــرواه
يلعنبــو واجهتــه كـنهـــــا آيــــا * مـعـجـزه ولا كــل المعجزات تحــداه
ولا مكينته تقــول لطير ورايـــا * لـســاقـه سـمـيـه يــفـتـلـه بـيـمـنـــاه
خارط المكينـه مسويبها سـوايا * هـــذا الـكــلام ولا غيــره تـعـــــــداه
لياصفر شكمانه واصبح شظايا * يــطـرب لـه الـقـلـب وغـنـا مـعـــــاه
صـانعــه بقــوس ماهو خـواجـا * اســطح الوجــه صـغـار عـينــــــــاه
حلــفت لـطب شمنصير وسـايــا * وامر على الذي عذب القلب جفـواه


بو حمد الوشاحيـ

[غرنجي]

أرفعي راسـك دقيقـه وافهمينـي // الطفولـه كلهـا حـب وصداقـه

لا تغيب الشمس وانتي تكرهينـي // الفـراق المحتمـل مـر ٍمذاقـه
جبت لك ورده وذبلت في يمينـي // كان ما تكفيك (ورده)جبت باقه

[خيؤط الشمس]

http://farm2.static.flickr.com/1321/...854a4484d8.jpg



اتمنى انها تعجبكم مثل ماعجبتني،،،
(( ناعـــم الكــف ))





ياناقش الحنّا على ناعم الكف
نقشت بالقلــب المولع صوابه

أنشهد إنك صف والبيض في صف
وعزي لمن حب العذارى سطى به

لفيت قلبي يالغضي بالهوى لف
ولعبت بي ياصاحبي كالربابه

يامن يودي لي كتاب ٍ مظرف
ويجيب من عند الحبيبه جوابه

قله تراني ماقدرت أتصرف
والعقل مني نور عيني عذابه

حذراك تلعبي كما لعبت الدف
في مهجتي والا مخايل سحابه

ياصاحبي مالي على فرقتك شف
مير القدر له وقفة ٍ وإستجابه

كتبت لك حتى القلم خافقي جف
تعاركت من نبض حرفي الكتابه

طيارتي لاجل الهوى عافت الرف
سرب الهوى أضحى لقلبي مهابه

[خيؤط الشمس]

http://files.nireblog.com/blogs/hass...files/mary.JPG


قصيده عن الام


امي نظر عيني دوا كل عله
من كفها الطاهر شربت الزلالي
***
وجه سموح وبسمته ماتمله
شلال حب ماترده جبالي
***
طيبه على طيبه وهي الطيب كله
اصل وفصل والشان في الناس عالي
***
وفي الجد صالح الحق دايم تسله
ماهمها من كان ولو كان خالي
***
ويارائد منهو كان حضنك محله
يدفي لو هبت هبوب الشمالي
***
ولا ياعرب ما قلت شعر اتسلى
حبيت ابين للملا راس مالي

[خيؤط الشمس]

قصيدة الشمس للشاعر بدر بن عبد المحسن:



قصيدة الشمس اللي تغيب
أركض ورا الشمس .. اللي تغيب ..
ابي النهار .. وينتحي ..
أخاف أنا وجهي الى طاح الظلام ..
فوق الملامح .. ينمحي ..
كافي سواد العين والظل الحزين ..
وشمسٍ تبين .. وماتبين ..
ورا السحاب ..
كافي بَعْض ليلٍ يجي .. قبل الغياب ..
عن ليل الغياب
يا موقد الشمعة ..
وجهي أنا .. أو نور ذا الشمعة ..
قاسي الشحوب ..
في رعشة الضي العليل ..
وتكبر مسافات الهروب ..
يا صاحبي الشمعة غروب ..
به قريةٍ .. تحت الظلام .. مريتها ماجيتها
وبنيةٍ .. تحت الظلام ..
ورسالةٍ في الليل ..
خانتها الحروف .. من القهر شقيتها ..
كلي عيون .. وماتشوف
والناس .. ياظل .. وطيوف ..
والظلما .. نسيان .. الحبيب .. لحبيب ..
أركض ورى الشمس اللي تغيب ..


http://2.bp.blogspot.com/_Xs83-sqvFB...73d1dd5378.jpg

[غرنجي]

.إذا . علىَ . بآلك إلحيإهـَ . معآيَ " لعبـهَ " ..
............ ترآ من صغـرِ َ سنـيَ { متعـوَدِ آكسسرَ آلعـإبيَ ..!

[غرنجي]

احتاج مرات للتفكير والراحه
والغوص في حاضر الدنيا وماضيها
اطارد الليل في عقلي ومصباحه
واكتب على صفحة الذكرى طواريها

[غرنجي]

جر الفراش لنا وهـات الدلالـي .. أربع مغاتير علـى النـار تدنـا
ترى حلاة النـار دوم إشتعالـي .. وسوقة فناجيل عليهم مـن أدنـا
فنجال أشقـر مثـل دم الغزالـي .. ليا نقص شيء من الكيف زدنـا
أتعب لها بالسوم لو كان غالـي .. لو كان زود بالثمن مـا نشدنـا
نشري لها المثلوث هو شف .. بالي لو كان سوقه نازح عـن بلدنـا
ياما دفعنا بالثمـن مـن ريالـي .. غير القرا نسهر لهم مـا رقدنـا

[خيؤط الشمس]

http://albdwan.com/up/uploads/1ae60a4d2d.jpg




يـا مـطر يـا ماسـح جفـاف الســـنين
من خد الصحاري وجبين المساكين
يا راوي أرض الشـجـر والبسـاتـين
من عطش الزمن ومفجر بها العـين
يـا مطـر أرحـم غــيـرك من الأنـين
كل شيء تسـمع له صـوت حـــزين
حـتى الجبـل من دمعـتـك يبـدأ يلـين
وتسمع بين الصخور صوت الحنين
والرعـد يصـرخ بيـن السـحـب وين
أضـرب بالبـرق بـصــوت غــبــين
والبـرق يفـلق كوم الســحب نصفين
ويرســم حــروف الويــل لكل عـين
والدمـعة من الألم تسـري مــلايــين
عـلى المـلأ تـتقسم شـمال ويــمـين
والوادي يكبر ويصبح مسيل بطـين
ويتفرع من حـوله حـبال وشرايـين
والدنيا تتبسـم ببسـمة فـرح متلونين
وتهدي الحزن عن المـزن الحزيـن

[الرحال]

الكل يغيب وغيبه الكل عآآدي ..
الا غيابك مامثيله من غياب !!




إن غبت كن الكون صاير رمادي ..
وأن جيت ترقص لك محاجير الأهداب ..

[غرنجي]

لا يا نجوم الليـل مانـي بهـاوي
فرقى مناة الروح ولو طالت أسباب

يا ناصحين القلب ما لـه مـداوي
غير الحبيب اللي له القلب طـلاّب

[خيؤط الشمس]

http://www.avia.ru/desktop/images/a380_comp-800.jpg

ياطائره لا تطيري ... مضنون عيني مسافر
فراقه احرق ضميري ... نوى حبيبي يهاجر