:[ هيك من هيك ’، وهون من هون ]:

[E L W A R S]

تفرقنا السنين ونجتمع والجرح نفس الجرح
على درب الفراق دموعنا تسبق خطاوينا

شرحت ظروفنا للوقت لكن مافهملي الشرح
صبرنا والصبر جمره ورى الاضلاع كاوينا


//



ترى وجه المتيم لو تبسم لاتحسبه مرح
أمانيه اتهاوى من عيونه مثل أمانيها

بنى من ذكرياته في محيط العاطفه كم صرح
لكن هاج المحيط ومالقاله ساحل ومينا


//


ياناس العيد ماله لون ولاله طعم ولا له فرح
واذا قلتوا وشو الاسباب قلت الله يعافينا


نلوم الوقت والقصه ماتبغي جمع ولاطرح
لأن العيب من ربي خلقنا ساكنٍ فينا



صح لسانكـ فزاع

[E L W A R S]

MISS ALL

....

[E L W A R S]

باك أقين

مرحبا الساع

شالحال ؟؟ وشو الأخبار ؟؟

عاد ماعرف اتخبر عن منو ولا منو

ياترى شو أحواله المنتدى هاليومين .. يبالي أفتر فيه وأشوف العلوم

//

أما عني أنا .. فأحوالي وأموري طيبه ولله الحمد والمنه

اشتقت للهير .. واشتقت للمنتديات .. واشتقت للنت

ياويلكم جان مارد رده .. تعصف بالمنتدى .. << عدال عاد لا تكسره

~~~

//


يامرحبا يامرحبا

مادري ليش وأنا أكتب .. أحس كأني مذيع وماسك مايك .. والانظار كلها علي

حبيت أسلم .. وأباركلكم بالمناسبات الطيبه والاعياد .. ولو أنه متأخر .. بس كل عام وأنتم ب خير


وحبيت أباركلكم الاستايل اليديد .. يعله مبروك


برب ضغنطوط ..

ولنا رده

أهداء قبل ماظهر :
جيت وش جابك حبيبي :: من بعد طول المغيبي
ولا نـــــــاوي ياحبـــــبي :: تغرق الغرقـان أكثــــــــر



//

[E L W A R S]

بنت العزبة + دهن عود

ماشاء الله عليكن .. دومكن مرحبانيات وماتقصرن في حد

مشكورات .. وماقصرتن .. وربي يعطيكن ألف عافيه

نمدحكن عشان غيركن يغار .. وينزلي شيء << شفتوا المصالح كيف ^_*


//

فاصل نكت ~

تراهن فرش وطازجات توهن واصلاتني

محشش أول مره يسافر بالطيارة نزل من الطيارة وهو حاط بنطلونه فوق كتفه !!

سألوه ليش ؟
قال: هلكنا الكابتن مره أربط الحزام ومره فك الحزام قلت أفصخ البنطلون وأفتك أحسن


~~~

كلب شوارع مر عند مخفر شرطة شاف كلب بوليسي
قال : ياليتني كملت دراستي


~~~

بس خلاص الباقيات ماينقالن

[E L W A R S]

يازين الرقاد

ياي من الدوام تعبااااان .. هلكاااان

خاطري في رقده محترمه

..

سولعية

انا كل ماقرا ردج ولا اقرى يومياتج .. راسي يعورني
انتي تسببيلي صداااع .. فكينا من حشرتج :sara7mr

تبين يومياتي ..
نشيت الصبح
داومت
عطنت من الدوام
تغديت
والحين يالس عالنت

مافي شيء مميز عشان أكتبه

بس بقولكم نكته قبل ما أظهر

خاله ضيعت ولدها فالظلام .. تدور عليه وتقول : عنبر فديتك اضحك

بس خلاص

[E L W A R S]

الحييييييييييييين

بنحل الواجب

:[ هيك من هيك ’، وهون... 18-12-2009 09:26 PM الرحال جميلة أحاسيس المرح لي فيكم.. استمروا ^_^
:[ هيك من هيك ’، وهون... 10-12-2009 03:28 PM بنت العزبة شكرا على النكت الفكاهيه .. متابعين لك ^_^
:[ هيك من هيك ’، وهون... 09-12-2009 04:50 PM سولعيه غرام هههههههههه حرااااااام علييييك .. بالعكـس ماستوي سلؤؤع اذا مااحشرت الدنيـآأإ هع ... عني فدآ حشرتيـه خخخخ .. بحط عند كل رد او يومياات ( صورة بندول خخخخخخخخخ
:[ هيك من هيك ’، وهون... 07-12-2009 08:58 PM سولعيه غرام خخخخخخ نايســـــــات نايسـآأإإت .. آممممم انا متآبعـة ياغير بصـمت هـع ... والله مشكلتك تقطع وترد .. نبغـي موااقف يومياات يومكـ هع فهمت ؟! خخخ

الرحال : الحمدالله يوم حد يديد رد على موضوعي ، وكل عام وأنت بخير

بنت العزبة : عفواً .. وشكراً على المتابعة

سولعية غرام : أم الحشرة والصدعه .. قبل ماترمسين هاتي البندول .. كنت بقولج نكته بس مافيه على حشرتج أحسن تجلبين ويهج


اشكرلكم حسن المتابعة ...كلكم من قريب ومن بعيد

[E L W A R S]

شو أمسيتوا خواني وأخواتي

//

طرت عبالي قصيدة قديمة للشاعر الاماراتي الراحل : أحمد الكندي

كانت شرايط هالشاعر دايماً في سيارة الوالد الله يحفظه

وكنا دايماً نسمعه يرددها لين حفظناها .. ومن بينها قصة الزير سالم

..

هاي القصيدة وحده من الي دايماً ارددها بيني وبين نفسي .. وتقول :

يا طايره طايره فى الجو شليني
.............................مادام مقصدك صوب اهلي وخلاني
انا اترجاك وانتي لا تخليني
............................أحب داري ولا دار البريطاني
يا ماحلا خاطري يوم توديني
.............................واشوف بيتي وخلاني وبزراني
هم يرتجوني كما رجوى الطراشينى
............................والطــــفل لي جيتهم قــال الأبو جــــاني
اصغارهم ترتجينى قبل ذا الحيني
..........................وانا لـــهم مرتجي والقــلب ولهـــاني
غريب ديرة وسيعة بالبساتيني
.........................حلــوة مناظر لهــا مــاني بطـــرباني
ابغي الصبر لكن الاشواق تشويني
......................صــوب المحــبين لا أول ولا ثـــاني

الصورة من الأرشيف

[E L W A R S]

welcome 2010


كل عام وانت ياحبيبي .. ياضيا عيني
يا كل عام جديد .. يقابل سنيني
من كثر ماحس أنك قطعة مني
هنيت نفسي قبل مانت تهنيني


كل عام وانتي حبيبة قلبي وحبي
كل عام وانتي ياقلبي أقرب لقلبي
يا أروع هدية وهبها لدنيتي ربي
وأرد وأحلى جمال شافته عيني


هالعام بجمع نجوم اليل يالغالي
بكتب به اسمك من أول حرف للتالي
وارسم بها صورة مافارقت بالي
واحذفلك اقمار ليلي بين كفيني


وانا لعيونك ورود الحب بنثرها
برسم قلبي وقلبك وأصورها
بحروف اسمك بزينها وأعطرها
وأقول أحبك كثر مانتي تحبيني


فديت قلبك يا أغلى حب يحيابي
ياقرب عن عيني من جفوني واهدابي
يا أول احباب عمري وأخر احبابي
يكفيني أحيا العمر وياك يكفيني


وانا بدونك سنين العمر مابيها
أتخيل أحيا بدنيا أنتي مو فيها
أنوار حبك أزينها وأحليها
وأمد جسر الغلا مابينك وبيني



غمض عيونك ياغالي بس واتمنى
نبقى لبعضنا وفالايام نتهنى
واتمنى كل عام يقبل يبتدي منك
وأنا ابتدي بك محبه وانته تبتدي بي



غمضت عيني وقلت الله لا يحرمني
منك ياحبي وغلاي وقطعة مني
ماتمنى لحظة تمر وتبعدك عني
يا من أشوف بعيونك أجمل سنيني



2-1- 2010
كل عام وانتوا بخير




BYE BYE 2009


صورة من 2009

[E L W A R S]

مسمعي مدمن على صوتك
واتصـــالك زيـد ادمــــــانه


**************

متعبٍ صاحبك بسكوووتك
وانت صوتك ضخ شريانه




*


*

[E L W A R S]

اليوم : الأثنين
التاريخ : 29-3-2010

اللـــــهمـ ألطـــــف بأحمـــــد بن زايــــد

http://www.youtube.com/watch?v=0fF6dLe8REU



خبر غثنا صراحه
الله يشوفله شيفه

[E L W A R S]

صباح الخير

اليوم : السبت
الساعه : 11 صباحاً

شاكر كل الي يتواصلون معايه .. في يومياتي
سواء بالتعليق أو الاكتفاء بالمشاهدة

نهار هادئ نوعاً ما
السكون والهدوء في كل شيء
حتى في داخلي
أتمنى أستمرار الوضع على هذا النحو
لأني شهدت في الفترة الماضية
الكثير من التقلبات والانفعالات

~

ويسعد صباح الي له القلب مفتوح ~
يدخل على كيفه صباح (ن) ومرواح


غلاه وسط الروح مشيد صرووووح
يشبه علوه (برج خليفه ) لي لاح


سلام له مليار والزود مسمووووح
يوصله وعساه مستريح مرتااااااح

للرايقين بـ .........ـس

[E L W A R S]

يزورني طيفك
وأرحب وأهلي

..................[ يسعد مساك ]..........
..................يابعد روح مغليك ..........


هذا وهو طيفـــك
شف الي حصلي


وش لون لو أمسي على
..............................[ شوف عينيكـ ]..


***************************


مساء السعادة والراحة ،، والصحة والعافية
مساكم خير وبركة ،، مساكم همة ونشاط


أقول همة ونشاط لآني تعبان ومنهد حيلي
حتى متعايز أكتب <<< بتلقطني الرادار الحين بتقول العياز

بس صقد صقد صقد
وعن جد
وrealy

أنا منهك ، ومتعب شديد التعب << أنزين خلصنا والمطلوب


ماشي مطلوب
ياي أقصر الدوب

عندي طشونة صور .. بس متعايز أسدحن لكم
يبالها الشغلة سالفة لين أرفعهن وانزلهن


،،

سمعت بيسوون دورة فوتوشوب .. صقد ؟؟

نبا نشارك

،،


عاد هذا اذا تفيقت


،،


بس خلاص
بسير أرقد



قود نايت
وسويت دريم حقي بس

[E L W A R S]

باااااااااااااك عوووووووووووووووووووووووووده

شحالكم شخباركم شعلومكم

مابتصدقون شكثر مشتاقلكم

هب انتوا ، اشتقت حق سوالفيه هع

عاد يوم دخلت ابا اتذكر متى اخر مره حادر

وشفت البيانات وصعقت

أهلا وسهلا بكـ E L W A R S.
آخر زيارة لك كانت: 03-02-2011 الساعة 04:45 PM
الرسائل الخاصة: غير مقروء 0, من مجموع 47 رسالة.
صندوق الرسائل لديك مستخدم بنسبة 94%

خيبه ثره عفن النك
وحزنت حزن شديد لاني ماحصلت رسايل
وعصبت وكنت بضارب



عاد الحين الله يسلمكم بنحاول مانقطعكم

بس عطونا اليديد عندكم

شو الاخبار ؟ شو العلوم

حد عرس ؟؟؟

العيايز وينكن بعدكن موجودات ولا نفدتن

بردلكم عقب شوي

بربور

[E L W A R S]

$$ صباااااااااااح الضحيوووووووووة $$

شو أصبحتوا ؟؟

رجعنا من جدييد

مع صبحية حلوة وقدح من القهوة وتصفح الانترنت

أهديكم هذه القصيده

YouTube - &#x202b;ابن فطيس ايش قومك تصميمي&#x202c;&lrm;

فااصل ،،,,

عطيتني قلب وبخلت بسلامك ،،
وش فايدة حبك وانا منك محروم ,,,

[E L W A R S]

ولييييييييييييه العطر ،، وأنتي أنفاسك دخوووووون


آه محلى ريحة العود
عاد أنا اذا مادخنت عقب ماتسبح تراني مب أنا

وبعد مرات يحطون عود مع بان
شو يطلع تمااااااام
نمبر ون

جربوا وخبروني

[E L W A R S]

صباح الخير يا عرب

بصراحه الي شاغل بالي هاليومين قضية العرب
فجأه !! مره وحده !! انزين شو السبب ؟؟

يوم قعدت افكر فيها واقلبها يمين وشمال
قلت الثوار هم الشعوب ،
وثاروا على من ؟؟
على حكامهم
انزين ليش ؟؟؟

بسبب سوء المعيشة وصعوبة الحياة باختصار بسبب ( المال )
لان فتنة بني محمد -صلى الله عليه وسلم - هي " الماااال "
وفتنة بني اسرائييل هي النساء .

لو فكرنا شوي مب كل الشعوب العربية فقيره ومتأزمة
لكن الطمع والجشع خلاهم يسوون الفتن مابينهم وبين بعض
كثرة الاحزاب والطوائف وكل طائفة وحزب يبا يوصل للحكم

انزين يا أذكياء ياعرب يامسلمين
يوم فيكم شدة على المعارضات
ليش ماطلعتوها على الغرب
على اسرائيل وامريكا
على الحرب الفكريه
على الغزو الاعلامي
على الاستيطان الصهيوني

فالحين تقتلون بعضكم وبعض
وحتى المحاولات الفاشلة الي صارت في بلادنا
وراها طمع وجشع وسوء نية


يارب تحمي بلادنا وبلاد المسلمين
أحس وكأني يالس أتابع مسلسل وشارف على نهاية
والله يعلم شو نهاية الي حاصل


//

[E L W A R S]

صباح السياسة



مايحدث فالوطن العربي بفعل فااااعل
لتقسمته وتجزئته

بدؤوا الايقاع بالدول الكبيره : العراق ومصر

وتم تجزأة : السودان ومن بعدها اليمن
وفي الطريق اليهم ليبيا وسوريا




~
مشكلة البدو يوم يدخلون فالسياية

المهم

أشكر كل متابعيني ، ألف تحية ويعطيكم ربي الصحة والعافية

برب

[E L W A R S]

أشكر كل نفرات ونفراته على التعليقات
والكومنتاااات ويعذروني ماحطيت أساميهم <<< تعرفون العيازة مالها حل

:::

حبيت أشارك بفلسفة بسيطة / وماهي الفلسفة الا ناتج شعور

لحظات الحزن صعبة ولياليها طوييييييله ومتعبه وترقب وانتظار للفرج

ولكن لحظات السعادة سريعة

بعد اللحظات التعيسة التي عشتها ، وبعد ظهور الفرج

أصبحت أخاف من لحظات السعادة ، خوفي أنها لن تدوم

أريد الهدوء والسكينة فقط ، لا أريد سلب الفرحة مني

يارب أتمها علينا يارب


:::


وجاااااااااان تخلص التفلسيفه
فهمتوا شيء ؟؟

انا صراحه يالله يالله فهمت
الله يعينكم أنتوا
كل اللي كنت ابا اقوله
باختصار شديد :
اني فرحان وخايف الفرحه مادوم :(

ولا أقول مب لازم تفهمون
المهم عبرت عن شعوري

[E L W A R S]

أين السرير

أني أبحث عن السرير

محتااااااااااااااااااااااااج للنوم

كثيراَ كثيراً << ياويلي أنا على الفصحة حد يرووووم



تصبحون على الطاعات