المساعد الشخصي الرقمي

مشاهدة النسخة كاملة : قصــه اماراتيه لاتفوتكم ..


اشتقت للامارات
20-03-2006, 11:50 PM
الجزء الاول

حـــبيتج بس وين ألقى الحب في قلبج ... هل بعتيه؟؟ . ولا نسيتيه ... وياليتج بعتيه .. وياليتج نسيتيه وياليتني ماشفتج ولاشفتي ..ولافريت رقمي لج

أنااسمي سعيد وكنت أدرس في احدىالكليات ..لكن تحطم مستقبليه وكل شي .. مالي غير ربي وبس ..

وتبدأ القصه من يوم ما غيرنا المنطقه اللي كنا نعيش فيها ... وانتقلنا الى منطقه ثانيه .. يعني كل شي بيتغير.. من ربع .. وحياتي بتتغير أكـــــــــــيد ... لاني بعيش في بيئة تختلف تماما عن بيئتنا الجديمه ..

المهم .. دخلت هالمدرسه اليديده وياليتني ما دخلتها ..لكن المكتوب استوى .. تعرفت على شباب كل تفكيرهم بنات .. ولعب وسجاير .. وهكذا .. الفتره الاولى كنت أيلس معاهم بس تفكيري مب وياهم .. لاني ما كنت احب هالسوالف أبدا .. وثاني شي لاني ما كنت اعرف حد في هالمدرسه.. بس هالشباب اللي اعرفهم .. بس مع الايام حسيت اني تقبلت هالسوالف .. واستويت احبهن ..حتى هذا أثر وايد على مستوايه انه نزل وكسلان في نفس الوقت .. وكنت هالفتره في الصف الثالث الثانوي ..تعلمت في البدايه على السجاير .. وياالشباب.. وعيبتني السالفه .. وحسيت انه طعمه حلوو .. فكنت اقول والله اني كنت غبي ..ما اعرف هالشي .. اللي يخفف توتر الاعصـــاب .. وعقب تعلمت على السهر حتى تصرفاتي استوت طايشه .. وصدق يوم قالوو( الصاحب ساحب).. وعقب انتقلت الى أكبر مرحله وأحلاها المغازل .. ويالله محلات المغازل من أول مره .. وحياتي تمت على هالحاله .. لين ماين امتحاناتي .. وامتحنت بس اهم شي اني نجحت بس مايبت نسبه عاليه ادخلني مكان محترم الى هالمكان .. على كل حال دخلت الكليه .. وقلت يمكن اعقل واخلي هالسوالف .. وأشوف انه السالفه طولت .. بتقوولولي ليش .. انا بقلكم ليش لانه الربع اللي مرابعنهم الحين أفظع من اللي في المدرسه .. هذيلا يغازلوون ويسيرون يأجرون شقق وعاده انتو تعرفون شو يستوي في هالشقق..

واستويت شراتهم .. أغازل وحده واقووله احبج والعب مع قلبها .. لين ماتذوب على يدي واقوولها تعالي نشوف شقة الزوجيه .. ويووم نسير هنالك .. أستوي الذيب .. وهي الارنب.. وهي تصيح على صدري ..وأقولها انا اهبل أخذ وحده شراتج .. وهذي حياتي من وحده لين وحده .. وتميت على هالحاله يمكن سنه كامله .. ووصلت المفاجئه اللي ماتوقعيتها .. والمفاجئه شو هي.. اني كنت اغازل وحده وكنت كلما أقولها ابا اشوفج تقولي عقب.. وانا اقوولها انزين .. ويوم كنت اقوولها بسج عاد طولتي أبا اشوفج .. تقولي اصبر انته لازم تشووفني عرووس قبل لاتشووفني .. فكنت أستانس واقوولها خذي راحتج .. بس ما اعرف كل ما تتصل او اني انا ادقلها قلبي يدق .. ويدق .. كاني بادي أحبها .. ومره كنت داقلها وقالتلي ماتبا تشووفني الحين .. قلتلها هي .. قالت تعال عند هالبحر الفلاني( ...............) الساعه (......) عشان تشووفني والقمر مكتمل ..لوو شفتووني .. تقوولوون واحد معرس بيسر عرسه .. تعدلت وتعطرت وترتبت .. وسرت وين هي قالتلي .. ودوريتها ف مالقيتها .... وقلت في نفسي بيلس على السيفه .. وبتصل حق سلامه .. واتصلت .. ويعطيني مغلق ..
قلت شوو السالفه ليكون تقص عليه أو شي .. وهديت عمري قلت يمكن شي شغلها .. بتريا .. ومابيطيح نصي ..

في اللحظه اللي كنت فيها سرحان مع البحر .. وأفر هموومي للبحر.. أشم ريحه ما شميتها من قبل ريحة دخون وعطر .. فقلت منوو هاي اللي متعطره جي ... ويوم صديت ورايه أشووفلي وحده ولا جميلات العالم .. قلبي يدق ويدق من شفتها فقالتلي شحالك سعيد .. فعرفت انها سلامه وانا بطير من الفرحه .. قلتلها انتي سلامه .. فقالت هي .. أنا سلامه ولاتباني ارد و لاشكلي مب عايبنك .. فقلتلها بالعكس .. انتي ولا العروس حتى البدر ما ايي صوبج ..
ويلسنا على السيفه .. كل حد يقول اللي في خاطره .. وانا قلبي قابظني ما اقدر ارمس ..
أغازلها شوي وأستحي .. حتى انها قالتلي لازم انا استحي مب انته .. ويلست ساعتين ويايه وروحت بس كانها يالسه ويايه نص ساعه .. رديت البيت وانا طاير من الفرحه .. وأحس كاني اكثر انسان حاس بالفرحه في هالعالم .. لو شفتوني بس .. وكل مايمر يووم احبها أكثر واكثر .. حتى اني اهتميت في مستقبليه .. و ودرت ربعي القبليين .. يعني خططت للمستقبل اللي بيي.. وقلت هالسوالف ابدا ما بتنفعني وحطيتلي هدف في الحياة ..


لاتحرمونا من ردودكم ترها اجزاء واذا عيبتكم بكملها
العيون السود
21-03-2006, 12:02 AM
تسلم اخويه على القصه

ونترياااا باقي الاجزاء
اشتقت للامارات
21-03-2006, 12:25 AM
مشكوره على تواصلج ختيه وفالج طيب
عـــالـــي مـــستواه
21-03-2006, 12:59 AM
مشكور على الموضوع اشتقت للامارات هاي قصتك وبعدين مب كامله اخوي
اشتقت للامارات
21-03-2006, 01:09 AM
مشكور اخوى على ردك بس ترانى قلتلك تراها اجزاء لو عيبتم بكملها
عذبة السجايا
21-03-2006, 10:22 AM
تسلم اخويه على القصه,,,

وبانتظار باقي الاجزاء,,,,
غاوي الهير
21-03-2006, 01:48 PM
تسلم على القصه
ويليت اتكملها


غاوي الهير
اشتقت للامارات
21-03-2006, 05:20 PM
مشكورين على تواصلكم وبكملها فى نفس المكان
العيون السود
21-03-2006, 11:16 PM
يالله اخويه كملها بسرعه
اشتقت للامارات
22-03-2006, 12:32 AM
الجزء الثانى
ومره اتصلتلي.. قالتلي ابا أشوفك في نفس المكان اللي نتجمع فيه..
عندي موضوع ابا اقلك اياه .. فوافقت ..

وتجمعنا في نفس المكان .. وتفاجأت من سؤالها وهي تقولي

سلامه : انته كم من مره غازلت ؟؟

فما عرفت شو ارد عليها لاني لو قلتلها شو كنت اسوي يمكن تهدني .. وتخليني..

سعيد : انتي اللي دخلتي قلبي وبس .. وما حد يمكن يدخل قلبي من بعد ما حبيتج ..

سلامة : بس انته كم من مره غازلت جاوبني ابصراحه ..؟؟

سعيد : وليش كل هذا .. أنا ما غازلت ولا سويت لاي حد شي.. كفايه اني أحبج ومقرر اني أخطبج عقب ما اخلص .. وانتي تعرفين السنه بكمل الكليه ..

سلامه : بس انته شكلك ناوي على الجذب وانا ما أقدر أكمل وياك ..

سعيد : ليش سمعتي رمسه عني .. أو شي .. وانتي لازم ما اتصدقين الرمسات .. مول ..

سلامه : خلاص اذا مابتقوول الحين شو سالفتك ويالبنات .. ما بودرك .. بس انا بقولك وبرتاح ..و اليوم وانا سايره العياده وحده كانت تقولي على انها كانت تحب وحطمها هالانسان .. وهي بعد ماسترت عليك وقالتلي تعرفين هالانسان سعيد راشد( ...........................)..

فانا قلتلها لا ما اعرفه .. فالحين تقوولي شو السالفه ..


فماعرف سعيد شو يسوي وقالها السالفه من بدايتها لين نهايتها .. بس لاحظت شي انها كانت تسؤلني عن ربعي اللي كنت وياهم أيام الدراسه .. وتسجل اساميهم على طول .. حتى اني سؤلتها ليش .. فردت عليه بجواب غير مقنع .. وقالتلي .

سلامه : الحين كبرت في عيني انك قلتلي الصدق يعني.. أنا واثقه انك مابتجذب عليه عقب .

سعيد : صدق والله .. وانا على بالي .. انج بتعصبين ..

سلامه : وحد يعصب على انسان يعترف بخطاياه ..

وانتهى الموعد وكل حد سار بيته .. بس انا الليل بطووله كنت مستغرب ليش كانت تسؤل وتكتب اسامي هالشباب .. وثاني شي انها ماعصبت ل هالدرجه انها بارده ومافيها ذرة غيره ... وثالث شي القصه اللي قالتلي اياها .. بعد لين الحين أنا مب مستوعبنها ..أحس كأنه لعب في لعب .. وانا واحد من ابطال اللعبه . وعقب قلت اوووه أهم شي اني بخطبها السنه .. وكل شي يولي .. وحطيت راسي على المخده ورقدت هذاك الرقاد الحلوو..


اتريا ردودكم وبعدها القصه حلوه اذا عيبتكم بكملها
العيون السود
22-03-2006, 12:58 AM
تسلم اخويه على البارت


ونتريااا التكمله لا تبطي علينا
اشتقت للامارات
22-03-2006, 01:14 AM
فالج طيب بس اتريا الردود ومايصير خاطرج ال طيب
الدانــه
22-03-2006, 01:42 AM
مشكور اخويه على القصه الحلوه
ونتريا التكمله بسرعه لو سمحت..............
اشتقت للامارات
22-03-2006, 01:50 AM
مشكورين عل تواصلكم وانشاءالله فى القريب العاجل بنزل الجزء الثالث والله يعطيكم العافيه
بنت العين
22-03-2006, 01:57 AM
الصراحه القصه تجنن بلييييييييز كملها الحين ابى الجزء الثالث لا تردني :)
اشتقت للامارات
22-03-2006, 02:21 AM
انشاءالله فالكم طيب ومشكورين على التواصل
اشتقت للامارات
22-03-2006, 02:23 AM
الجزء الثالث
ومرن أسبوعين على هالسالفه .. وانسيتها بعد ... كنت هذيج الساعه في واحد من المراكز اشرب كوفي ويا واحد من ربعي .. وفجأه أشووف واحد من ربعي اللي كنت مرابعنهم بداية السنه يعني واحد من الشله الصايعه .. ف من الاحترام نشيت وسرت لين عنده وسلمت عليه وهو بعد وايد استانس .. فبدأ الحوار..


أحمد : تصدق قلت أكيد سعيد مابينش يسلم عشان جي ماييت صووبك ..

سعيد : لا مب ل هالدرجه عاد .. تعال بسؤلك عن الربع وينهم .. عنك .. وينه ناصر .. ما أشوفه احيده طبجتك ..

أحمد : شوو أقولك .. يا خويه ..؟؟

سعيد : عسى ما شر شي فيه .. قولي ..

أحمد : ياليت .. بعد .. المباحث زخته وهو في الشقه مالته .. وقبظو عليه والحين هو محبوس في السجن هو و سيف ..

سعيد : وكيف عرفو عن هاذيلا معنه سيف من صوب وهذاك من صوب .. وانته شوعنك ..

أحمد: والله ما ادري .. انا عني من طاحو هاذيلا في السجن .. بطاقتي فريتها وطلعت بطاقه تلفون ثانيه .. مافيه على المصايب وبفتح صفحه يديده ..

سعيد : زين تسوي .. بس أي خبر تسمعه اتصلي ,, على موبايلي وهذا رقمي ...

أحمد : ان شاء الله يا سعيد ... ومشكوور

وسرت عنه .. وانا افكر واقوول لوكنت وياهم جي بيستويلي ولا شوو.. وتتصلي سلامه احلى بدر ..
وأرمس وياها وانا فرحان... على الاقل تخفف عني هموم ربعي القبليين اللي طاحوو في السجن .. فقلتلها شو رايج .. أخطبج بالخميس .. وانا قلت حق اميه .. فردت عليه لا .. اصبر شوي ..مب الحين .. فقلتلها ليش وردت عقب بتعرف .. الايام اللي بتتكلم مب أنا والامر مابيطــول ...
وبندت عنها وانا مب عارف ليش جي ترمسني ب الألغاز ..

وعقب 3 أيام ..أشوف رقم احمد .. وقلت عسى ماشر شوو مستوي بعد ..

أحمد : السلام عليكم
سعيد : وعليكم السلام .. شحالك احمد ..

أحمد : لا تسؤلني عن حالي .. الحاق شو مستوي ..

سعيد : شوو عندك بعد.... ارمس ..

أحمد : مابقى حد من الشله.. اللي طاح في السجن .. وراشد .. سار يحلل في المستشفى لانه بيسافر .. ما اعرف وين .. وويم فحص .. وظهرت نتيجت التحليل.. اكتشفو انه حامل الايــدز ..

سعيد : لا لا تقووول يا أحمد ..

أحمد : والله .. وهو نادم على هذيج الايام .. وانا ابا اسير افحص بس زايغ .. وابا اسير افحص ويا حد فقلت ليش مانسير انا وانته ..

سعيد : (وهومعصب). شو تقوول انته تباني افحص حق الايدز .. لا يا بوويه سير برووحك .. انا ورايه خطووبه .. تبا تسوي الخطووبه عزا شكلك .. وقم عن دربي يالله مع السلامه ..

وطلعت من البيت وسرت ايلس على السيفه .. وأشوف البحر وافر همومي .. بس شو نسوي هالمكتوب ..
والندم الحين مابينفع لو شو ..

وشوي واشوف سلامه يايه واستغربت منها كيف عرفت اني انا هنيه ..

سلامه : عيزت من كثر ما أتصل وكلما أتصل يعطيني مغلق .. فقلت يمكن القاه في المكان اللي نتجمع فيه ..

سعيد : واحساسج في محله ..

سلامه : بس شو سالفتك شال هموم الدنيا كلها على راسك .. قولي ولاتخليني أحن عليك شرات كل مره ..

وشفتها بنظره وعيوني كلها دموع ما اقدر ارمس..

سلامه : سعيد .. لاتخوفني بلاك ..أمك شي فيها قولي شو سالفتك .. ليش هالدموع .. قولي اللي في خاطرك ..عشان ترتاح ..

فقالها سعيد بكل شي .. من يوم ما اتصل أحمد لين ما وصل البـحر ..

سلامه : الله وياه ربيعك .. بس انته لازم تفحص ..

سعيد : نعم تبيني افحص ليش شاكه فيه اني حامل هالمرض.
العيون السود
22-03-2006, 02:33 AM
مشكور واااايد اخويه على اتكمله
واسمحنا إذا ضغطنا عليك بس هذا من حبنا لقصه


والسموحه
بنت العين
22-03-2006, 02:41 AM
مشكوووووووووووووووووووووووور وما تقصر عالجزء الثالث اسمحلنا تعبناك والله في خاطريه تكملها كلها بس هب مشكله ما نبى نتعبك :)
اشتقت للامارات
22-03-2006, 04:18 PM
مشكورين على المرور
الراشدي
22-03-2006, 11:47 PM
اشكررررررررك خوووويه على الاجزاااء الطررررررررررررر .. وبغينااااااا التكمله ... نترياااا يديدك لا عدمنااااااااااك
اشتقت للامارات
22-03-2006, 11:59 PM
مشكور خويه الراشدى على مرورك الحلو
الدانــه
23-03-2006, 01:33 PM
طال عمرك اخويه بسرعه الله يخلييك
نبا التكمله......
اشتقت للامارات
23-03-2006, 05:12 PM
مشكوره على تواصلج والله يعطيج العافيه
اشتقت للامارات
23-03-2006, 05:49 PM
ترقبو الجزء الاخير منىالقصه المثيره ماذا فعلت سلامه والصدمه التى لم تكن فى حسبان سعيد
بنت العين
25-03-2006, 02:06 AM
وين الجزء الاخير ......
العيون السود
25-03-2006, 02:24 AM
نترياااااااااا التكملـــــــــــــة
اشتقت للامارات
25-03-2006, 02:44 AM
فى القريب العاجل انشاءالله
اشتقت للامارات
25-03-2006, 02:51 AM
الجزء الرابع

سلامه : مستحيل اخذك ..عيل .. انا غبيه اخذك بدون ما تفحص .. ليش ان شاء الله ليكون تبا تنقل المرض عندي ..وتباني اتعذب شراتك ..

سعيد : اللي يسمعج يقوول فيه الايدز..

سلامه : عيل ليش زايغ هالكثر .. سير افحص .. ويوم بتفحص هذيج الساعه رمسني ..

وسارت سلامه عنه وخلته بروحه .. وهو متردد شو يسوي ..
اليوم الثاني اتصل حق سلامه بس ماردت عليه . فطرشتله مسج يوم بتفحص طرشلي مسج عشان ارمسك .. وتم على هالحاله لمدة اسبوع بس ماتحمل وهو اول مره مايرمس سلامه هالكثر .. فقرر انه يسير يفحص.. بس اتصل قبل في أحمد يبا يعرف شو نتيجت الفحص ..

سعيد : السلام عليكم .

أخو أحمد : وعليكم السلام ..

سعيد : هذا مب رقم أحمد .
أخو أحمد : هي هذا رقمه .

سعيد : انزين الاخو لو سمحت ابا اكلم أحمد .

أخو احمد : ههههههه ترمسه .. انته وين عايش .. عقب ما خرب سمعت العايله تبا ترمسه ..

سعيد : ليش ليكون فحص وطلع شي فيه ..

أخو أحمد : لا مافيه شي .. بس الشرطه زخوه لانه هتك بأعراض البنات .. كفايه انه فظحنا .. وين بيسير من عند ربه ..

سعيد : عيل بخليك .. ومشكور يوم بلغيتني ..

وصك الموبايل وسار يفحص .. وهو مرتبك . وكان خايف من انه الشرطه تزخه .. بس هو تشجع وسار المستشفى وطلب تحليل كامل.. وطرش مسج ل سلامه وقالها انه سايرأفحص .. والفليل بتشوفيني في نفس المكان اللي نتواعد فيه.. واستوى الليل وسار سعيد ... وتريا بالساعه والساعتين بس .. سلامه مايت .. وتريا زياده بس شاف الوقت انه متأخر .. ما عرف قال شو السالفه بلاها مايت .. واتصلها .. كم من مره بس هي غالقه تلفونها .. ورد البيت . وطول الليل يفكر .. ويقول ليش مايت .. وفي نفس الوقت..كان زايغ من الفحص اللي سواه ...
بس خلاص هو سوى الفحص .. واستوى الصبح ورد يتصل ل سلامه بس سلامه ماترد عليه ... فاستغربت فقلت وين سارت .. ويووم ويوومين .. والمشكله اني عمري ما سالتها وين بيتكم .. لانه نحنا نتواعد في مكان واحد ..وحتى اني ماسألتها اذا هي تجرس ولاتشتغل.. بس هي كانت تسؤلني كل شي عن ربعي .. وعن بيتنا .. وعن كل شي في حياتي ..

و كملت اســـبوع كامل على هالحاله .. وانا ما اعرف شو مستوي .. أخافها تعبانه أو شي ..
فتذكرت التحاليل .. فقلت أحسلي أسـير أشوف الفحص.. يوم سرت المستشفى .. عطيتهم ورقة التحليل .. ف قالوولي ادخل داخل عند الدكتور .. وهني حسيت انه شي فيني ... واتمنيت اني اموت قبل لا أسمع شوو قالي الدكتور.. قالي

الدكتور : لعبت كتير أوي .. بس انتا صوغير أوي .. وانتا دمرت حياتك لوحدك .. الدنيا يا ابني مش لعب وبس لأ ياابني .. بس دلوأتي توب لربنا الوحيد هو اللي بيغفر الزنووب .. والله معاك .. بس انتا لازم تبأ عندنا .. لاننا خايفين تنأل العدوى لحد غيرك ...

سعيد : يعني خلاص .. حياتي راحت .. ومستقبلي ضاع .. ماشي أمل ..

وفجأه اتذكر اليوم اللي ابتديت فيه هالحركات لين اليوم ... وأشرد بسرعه من حجرت الدكتور .. وهو كان يزقرني .. ورحت بعيد بعيد .. وأصيح .. وأصيح .. وعيوني تحمر ودموعي ما طيع توقف .. وفجأه اتصلت شما كأنها حاسه باللي استوى .. بس ماشليتها ..

بس لاحظت انها كل شوي تتصل .. يعني ماتوقف مول فقلت ليكون تعرف .. فقلت ليش ما أشله ..

سعيد : هلا وغلا .. وينج من زمان .. ماسمعنا حسج .. عذبتينا ..

سلامه : بس صوتك يقول العكس.. اللي يسمع صوتك يقول واحد مزجم .

سعيد : ها هيه شوي مزجم ..

سلامه : وشو عن التحليل .. طلعت النتيجه ولا بعدها ..

سعيد ماتحمل هالكلام وصاح صياح .. وهو ندمان على اللي سواه .. ولا رس مول .

سلامه : الله ما يظرب بعصا ..

سعيد : انتي بدال ماتوقفين معايه تقوليلي الله مايظرب بعصا ..

سلامه : سعيد ممكن أشوفك في نفس المكان اللي نتيمع فيه كل اليوم ..

سعيد : ان شاء الله ..


واستوى الليل ويشوفون بعض في نفس المكان ..

ويدور الحوار ..

سلامه : والحين شو بتسوي .. يا سعيد ..

سعيد : ماعنده تعليق ..

سلامه : بس انته كيف طاوعك قلبك .. وهتكت بأعراض بنات الناس ..

سعيد : كنت واحد طايش ..

سلامه : لاه الحين واحد طايش ..

سعيد : انتي شوو يالسه تسويلي تحقيق..

سلامه : هي تحقيق وعن جريب بعد بتسوي تحقيق لاتتسرع

سعيد : ( وهو مستغرب ) ليش شوو قصدج .. ليكون بلغتي عني .. أو شي ..

سلامه : هههههه لا وليش .. بس كل شي بيبن .. والله العادل..

سعيد مستغرب منها ليش جي ترمسه بهالاسلوب ..

و ثواني .. وسلامه تقول ل سعيد

سلامه : خلاص نهايتنا قربت يا سعيد ..

سعيد : ليكون بتودريني .. ( وهو معصب )

سلامه : هي عيل اتم ويا واحد ماخلا بنت مالعب فيها .. وثاني شي انته حامل مرض الايدز ..

وانته تذكر يوم فريت عليه الرقم .. وسرت على طول حتى يوك كنت ترمسني في التلفوون ماتعرف شقى شكلي من كثر ماتغازل ..

سعيد : ساكت .. ولا تعليق..


وفجأه تنش من مكانها سلامه .. وترفع يديها .. مافهمت شوو قصدها من هالحركه ..

وثواني وتطلع سيارة الشرطه ..

سعيد : حووو انتي شو سويتي.. ليش تبلغين الشرطه شوو اسويبج ..

وشرد سعيد .. بس الشرطه قدرت اتزخه ..

وينسجن .. سعيد .. وهو مب داري ليش سلامه جي سوتبه ..

ولحظات .. ويقولوله زيارة عندك يا سعيد ..

طلعت .. وأشوفلي سلامه .. ودار الحوار امبينا ..

سلامه : شحالك يا سعيد ..

سعيد : انتي شو سويتي فيه حطمتي حياتي .. وشوهتي سمعتيه

سلامه : ليش انته ما شوهت سمعت البنات اللي خذت اغلى شي عندهن ..

سعيد : بس انتي ليش جي سويتيبي.. أنا حبيتج وكنت ناوي أخطبج بعد .. بس انتي حتى دمرت كل شي .. الكليه طردتني.. شو تبين اكثر من جي .. والله حرام .. انتو شو قلبج ..

سلامه : انا بقلك شو سالفتيه .. انته مشكلتك غبي وماكنت تفكر موليه .. تذكر يوم فريت عليه الرقم .. وانته ماتعرف انا شو اشتغل او شوو حالتي .. ولين اليوم انته ما سؤليتني .. معنه شكلي مول مايرمز اني انا جي ..

سعيد : صح انا مول ما سؤلتج عن حالج .. بس انتي شوو تشتغلين . .. بس اللي يشوفج مايقول انج تشتغلين ..

سلامه : ههههه لا .. ولو أقلك بتنصعق بعد .. أنا شرطيه .. وانتي يووم فريت عليه الرقم .. قلت ليش ما العب بأعصابه .. بس قبل كل شي .. سألت اللي ويايه في الشغل .. وقلتلهم اني انا بحبك ..و بحاول أكشف منوو هالجنس الخايس اللي وياك ..

سعيد : انتي شرطيه لا لا ما أصدق ..

سلامه : أكبر دليل الاسأله اللي سألتك اياهن .. تذكر يوم كنت أكتب اسم ربعك في ورقه وكنت تقولي ليش تكتبين ...

وانا اللي عقيتهم كلهم في السجن ..

سعيد : بس انا حبيتج .. خلهم هم يولون ليش جي سويتيبي..
والله حرام انتي شوو قلبج ..

سلامه : والله أنا كرامتي ماتسمحلي أخذ هالاشكال .. تفهم ..
ويالله مع السلامه .. وقوم صل ركعتين واطلب التوبه من ربك
وتظهر سلامه والدمووع ينزلن من عيون سعيد ..
وتذكر الساعه اللي كان يقوول حق البنات عقب ما ياخذ اللي يباه .. انه مايتنزل ياخذ هالاشكال .. وعرفت انه الله ياخذ حقوق المظلومين .. والله فوق .. ومحد يقدر ينخش عن ربه ..
ويصيح سعيد صياح الندم .. وانحكم عليه .. ثلاث سنين .. وهو عارف انه بيموت قبل ما يطلع .. وقام وصل ركعتين ..
وطلب التوبه من عند ربه .. وهو مستحي من ربه عقب اللي سواه ..

وعقب ما مرت سنه كامله .. تذكرت سلامه سعيد وقالت ليش ما اسير أسأل عنه .

يوم سألت عنه .. قالوولها : الله يرحمه الريال توفى وهو ساجد لربه .. وماكان يودر المصحف ولا الصلاه موول ..

وتبتسم سلامه .. لانها عرفت انه سعيد بيدخل الجنه لانه توفى وهو ساجد .. وتظهر من المكان اللي كانت فيه .. ودعتله عسى الله يدخله الجنه ..بدون حساب ..



انشاءالله عيبتكم نتريا ردودكم
والسمووووووووووووووووووووووووووووووووووووووووووووو ووووحه على التاخير

اخوكم
اشتــــــــــــــــــــــــــــقت للامــــــــــــــــــــــارت
العيون السود
25-03-2006, 02:57 AM
تسلـــــــــم اخويــــــــــه علـــــــى القصــــــــة
والله يعطيـــــــك العافيـــــــــة
بنت العين
25-03-2006, 03:12 AM
تسلم عالقصه الحلوه عيبتني وايد الله يرحمه .............
فتـ المشرف ــي
26-03-2006, 04:44 PM
مشكوووووووووره اخويه ع القصه الحلوه
ونتريـــــــــا الجزء الثاني
ترى القصه عجيبه
يسلمـــــــــــواااا
اشتقت للامارات
26-03-2006, 07:59 PM
مشكورين على تفاعلاتكم الحلوه
فتـ المشرف ــي
27-03-2006, 12:32 AM
تسلم اخووويه ع القصه الحلووه
نبا الجزء الثالث اذا تسمح
اشتقت للامارات
27-03-2006, 02:07 AM
تسلم اخووويه ع القصه الحلووه
نبا الجزء الثالث اذا تسمح
مشكور خويه على مرورك بس الاجزاء من الاول ليل الرابع كلها منزلنها فى نفس الصفحه تدور عليها وبتشوفها تراهم بترتيب
فتـ المشرف ــي
27-03-2006, 04:53 PM
مشكر اخويه نتريا التكمله
اشتقت للامارات
05-04-2006, 05:46 PM
العفو الغالى ومشكورين على تفاعلاتكم ومشاركاتكم
واتمنى ان القصه عيبتكم وان تنال اعجابكم
اخوكم اشتــــــــــــــــــقت للامـــــــــــــــــــــــــــــارات
اشتقت للامارات
15-04-2006, 06:58 PM
العفووووووو

ومشكوره على التوااصل
عيناويه وافتخر
16-04-2006, 01:50 PM
تسلم ع القصة رووووووووعة وانشالله ياخذوون العبرة منها
اشتقت للامارات
17-04-2006, 05:51 PM
العفوو ومشكوره على المرور
عاشق الهير
20-04-2006, 12:40 PM
مشكوووووووور اخوي على القصه

الله يعطيك العافيه

اخوك

عاشق الهير
اشتقت للامارات
21-04-2006, 05:36 PM
العفوووووووووو الغالى ومشكوووووورين على تجاوباتكم الحلوووووووووووه
الدلوعة
25-04-2006, 03:46 PM
مشكور أخوية على القصة ..
.
.
.
.
واااااااااااااايد روعة ...
.
.
.
لاتحرمنا من تواصلك ...
.
.
.
الدلوعة ...
اشتقت للامارات
26-04-2006, 02:11 AM
مشكووووووووووووورين على تواجدكم المستمر ودعمكم الدائم
قـلب الغـرام
03-06-2006, 08:52 PM
تبون الصراحه القصة عيبتني واااااااااااااااااااايد

مشكووووووووووووووووووور أخوووووووووووويه ولا تحرمنا من أبداعاتك
اشتقت للامارات
03-06-2006, 10:16 PM
العفوووووووووووووووووووووووووووووووووووو ويسلموو على التوااجد
العيون السود
25-06-2006, 06:03 PM
مشكــور اخويه على القصة
والله يعطيك العافية
اشتقت للامارات
25-06-2006, 06:17 PM
مشكوووره اختيه العيوون السوود
على المرور الجميل
حـ العين ـور
25-06-2006, 06:54 PM
تسلم اخوي اشتقت للامارات على القصة
ونترياا منك كل جديد ومميز
اشتقت للامارات
30-06-2006, 11:30 PM
يعطيكم الف عااااااااااااااااااافيه على التواااااااااااااجد
قمرهم كلهم
01-07-2006, 03:45 PM
مشكورررررررررررررررررر

يا اخويه:a036:


على الموضوع
~العامريهـ]
03-07-2006, 06:41 AM
تسلللللللللللم خويه عالقصه الروووووووووووووووووووووووعه
اشتقت للامارات
03-07-2006, 09:59 PM
يعطيكم الف عااااااااااااااااااافيه على التواااااااااااااجد
حلو السجايا
06-07-2006, 12:56 PM
روووووووووعة القصـــة..وفيها عبر واااااايد
تسلـم خوي اشتقت للإمارات..
زيـن أني قريتها عقب ما حطيها كاملة لأني ما فيني صبـر..
ننتــظر المـزيد والمزيد منـك فلا تحرمنا..
حلو السجايا
06-07-2006, 12:57 PM
بـس بغيـت أسـألــك هـذي القــصة أنـت كـاتبنها..؟؟؟
اشتقت للامارات
06-07-2006, 03:41 PM
يعطيكم ربى الف عاااافيه


اختى عنوود الصيد


لالالا مب انا كاتبنها

ناقلنها
مزيون بن كتب
06-07-2006, 05:28 PM
تسلم الغااااالي


على القصه الغااويه


ربي لاهااانك
اشتقت للامارات
06-07-2006, 06:42 PM
يعطيكم ربى الف عاااافيه
همس قلبي
15-01-2007, 12:32 PM
كشخه

اليوم قريتها كلها مره وحده

شسوي ظاهره من الامتحان

وقالويه ما بنيج الا عقب ساعه

وانا يالسه ادور لقيت هالقصه جان اقراها

بس لو كانت اطول بيكون اكشخ

تسلم ع القصه
راعية الرنج99
24-01-2007, 11:02 AM
مشكووووووووورالقصه وايد حلووووووه و ننتظر يديدك يسلمووووووووووووووووووووووووووووووووووو
عيناوية كووول
17-04-2007, 10:04 PM
مشكور أخوي على هذي القصة
مخاوي الالم
18-05-2007, 05:27 AM
آآه تقطع القلب




حلوه زمختصره ومفيده

ثاااااااااااااانكس
مكتوب قلبي
09-06-2007, 04:37 AM
مشكووووور اخوي على القصة