ديوان الشاعرة [ الخيــل ]

[الموناليزا]

:+:+:+:+:+:

http://www.khellan.com/up/uploads/60ca3dac03.gif

نسجت احاسيسها بصياغه أديب

وترجمت عما يجول في خاطرها وفي خواطر الكثيرين بما تكتبه

كتبت فالحب والأخوة والعلاقات الإنسانيه فأمتدت حروفها تلامس كل المشاعر

شرفتنا بإنضمامها للهير في 27-05-2006


فكانت

فارسة الشعر

الشاعره [ الخيل ]


http://www.khellan.com/up/uploads/d920ae90ae.gif

[الموناليزا]

أصعب قرار


كل منهم صار ينشد وش حصل يالــــخيل كـيف ،،، وش تبين الحب دامه أوصلج لاصـعب مسار

كيف تلقين القصــايد والحــــروف لـها رفــــيف ،،، في قلوب اللي سمعها وأترك بهم لـــج شعار

قلت من حرفي وقولي لي ترى ملــــيون كيــف ،،، وللقصـــــايد دوم نسعى لو بها صـعب القرار

في بعضها الشوق يرمي صاحبه بحب عـــفيف ،،، وبعضها الثاني يجــــــرك للهــلاك بذا الـمدار

وبعض ناس العصر ترجع للـــمحبة كالشـغيف ،،، وبعضهم ينسى عهــــــوده قبل ما يلفي النهار

شفتوا كيف الحب يجعل قلبي متولع رهيـــــف ،،، وبالـــــــــشعر أقدر اعبر دون لا ابدي الحوار

أنتقى حروفي عشانه ذوق واحســـــاس مريف ،،، والمشاعر لا لمــــــسها لزم يشـــــعر بانبهار

هي نعم هذي مشاعر ما هي لعب ولاهي زيف ،،، نابعة من قلب وحدة بالشـــــعر الــــــــها مزار

حس تشعر به معاه وقلبها صاير ضــــــــــعيف ،،، والضعف بالحب قوة لا بدا المعــــنى يمـــــــار

صارلي حكمه ملازم يأمــــــــر الصف ويضيف ،،، وحاشــــــية قلبي عشانه تلتزم باصــعب قرار

[الموناليزا]

كيــــــــــــــــــــــف؟؟؟؟





هي نعم أعشـــقه دايم بالأمــر والطاعه =وأن بغــاني اليوم والله جيـــت له بخضوع

عشت له حس وشـــعور ونبضة ملتـاعه =والــسكن له بالـــحشا ما بين ست ضلوع

طواعته النفس وأهي بحـبهم طــماعه =وبه لقيـــت الحب له ملـــيوون صنف ونوع

ما نكرت أســـلوب قلـبه ولا جهلت أطـــباعه= فاهم ن له نور عيني وله قدر مرفوع

روض خيول الهوى لين اخضعت له بطاعه= ومن زلال الحب يشفي لي بلاه الصوع

ولو بلاني الحـب منه بالأسى وأوجاعه =ذي صروف الحب دايم والصـــبر مشروع

ما بشاكي به صــديق ولا أخو ولارباعه =لـين يرجـع غايتـي ويطـــفي لهيب الروع

مالغيره شان عندي ولا حلت لي اوضاعه =دام ،،،،، فوق الارض الأمر له مسموع

ولو بعد عني تراه بكل حيــــن وساعه =فيني متواجــد حبيـــبي وأنتــهى الموضوع

وبإختصار القول شفني دوم له منـــــصاعه =كيف بترك أصل شوقي وبـتبع الفروع

[الموناليزا]

مطارحة شعرية

حي من يطري لنا الذكرى وذكرها


حي من يطري لنا الذكرى وذكـرها =لي عرف عشرت خويه ولا نساها

مرحبا حييت لك باحلى فســــــــــرها =ومن بداية هالبــــــيوت لمنتهاها

لك تراحيــــب عدد هـمل ومطرها= أو عدد ما حنـــــــــت الام لضـــناها

شاعر ونبض القوافي هو قهرها = خاضــعة وأسـتسلمت لك من رضاها

تكتب بديجور ليلك او ســــــفرها = ولو نويت الــــــعد حتى في عـشاها

ماهرن بالعلم متمــــــكن فكرها = والبــــــــــــيوت تجيه لامن هو دعــاها

لك يابن ركاض نسرع في نشـرها = هالردود ولو عــــرف كل مـن قراها

من ثلاث سنين وأنته تعتبـــرها = مطارحة يالشــــــيخ وأحنا اللي نـباها

شاعر تنهل من بحور وغـزرها = والقصـــــــيدة تتلــــــــيها لمــــــبتداها

وتطلب صعود القوافي عن حدرها = ولك من النظرات بـعدن في مــداها

لا رعاة الخيل تفهم في خبـــــرها = مثل فهمك يالغضـــــــي بـهم ضواها

ولو عنت لك هالقوافي مع بشـــرها = أبـــــشرك باللي يقـدر لك غلاها

مكانتــــك عند الذي يفـــــــهم وقرها = غالية وتسوى لنا العين وصباها

والـقوافي لو بأيـــــــديه لاختصرها = وأرسل الــعراف يــشرح لك نباها

ولك تشف من الخــوافي عن سترها = ولا تبالي بالحقـــــيقة بمـستحاها

وأدري بك م أنته من اللي هو نكرها = مخوة الوافي اذا ما هـــو وفــاها

تفهم المعنى قبل لا تخــــــتبرها = ومن عـــــناوين الشعر تكشف قصاها

بس وين اللي بنا يأخــــــذ حذرها = دورة الأيــــام ويتـــــــحاشا قضـــاها

ويصبر بإيمــــان عزم ع خطرها = ولا يماشــي النفس بأيــــده ع هـواها

قبل ما تغضي عيونه عن بـصرها = واليـمين يوسد الـــــــها من حـصاها

والسموحة كان لفتي في نــــــظرها = قاصرن يالشـيخ عـنـدك لي تراهـا


الـــــــــــرد على القصيده من الشاعر:



ايقـول عـرّاف الـمعاني و مدرها = قد جرب الدنيا غداهـا و قــساهـا

أبـيات مـا تـعسر عـليّه نــــــــثرها = ولا تـنتقد عـند كل مــنهو قراها

أحـلا مـن الـجوهر ببارج شررها = محجوبـة ٍ يذري عليها غــطاها

مـا تـنّسا مـهما يروّح وطـــــــرها = ايـموت راعـيها وتبــقى بخلاهـا

شـروات دوح الـكل يـقطف ثمرها = يستدرجه منها غواها و شذاهـا

و يـا مـرحبا عـدّة مخايل مــطرها = وعداد ما هبّــت ذواري هواهــا

وعـداد طـول الأرض كلها بشبرها = وعداد خطـوة كل كائن مشاهـا

تـرحيبة ٍ أصـفى مـن اللي حجرها = وافـــــظى بهـا لما تقابـل معاهـا

و يـالخيل فهم الـجيل يوجب فسرها = و يا كم من يبغي فككهاوتاهـا

يـبغا لـها صبر ٍ و قـوة بـصــــرها = و لا كل من يبغي العليّا رقاهـا

لي ما يـميز من صـفرها حــــمرها = ولا يميـز من بردهـا لظـــــاهــا

الـعلم يـسكن نـفسنا فـي صــغرها = يكبر معاها و يبقى الها غذاهـا

حـمدت ربـي يـوم انـه مــــــــزرها = بـما يـزكـــــيها و يـنور مــــــساها

قد صـادفتني الـيوم خـيل بـشعرها= يـعل الهنا يسقي بلـــدنا ويـــــاهـا

غـيث ٍ يـعم ديـار بـدو و حظـــرها = يحيي الهشيم و يزخر بها فــلاهـا

يـداعب الأرض الـمحيله و شيرها = و يناجي الأرياح وتهب صــباهـا

و الـورد يـتلاطف معاها زهـــــرها= و يميل مثل الغانيه في امغــناهــا

و خلاف تالي الليل يظهر فجرها= وتشعشع خيوط الشمس في ظحاهـا

و الـشمس مجبور ٍ انا في نظرها = وشمسي انا غابت وانا في رجاهـا

لو كان جنح الليل...يسفر قمــــرها = و النجـم يتـلالا بزينــــــة سماهــا

أكـتب بـيوت الـشعرو انظم سطرها = ابيات تـــطرب سمع يلـــي قراهـا

لـو كـانت هـزيله عـليّه كـســــــرها = لا كـل من حاول بيظهر خـــفاهـا

يـالخيل بـالحيل الـجيل ياكم أمرها = عليك تكشف خافيــــه في معناهـا

ارسـلت شـيهانه بـعالي وكــــــرها = حـتى صـقرها فز و عــــنا وراهـا

كـبيرة المنجب عـظيم ٍ خـــــــطرها= يـا ويل من قاوم عليها وعصاهـا

مـن الهلاك اتشوف عينه سحرها = لو في المنــــام آقـوم اقصد جداهـا

هو لي مناة الروح عيني بصـرها = وهو المرض فيني ودواهاوشفاهـا

الـليل يـسكن داجيه فـي شـــــــعرها = و الصبح ينور من خدوده سماهـا

و الـردف نـابي زين هايف خصرها =و من الحـــلا والزين الله عطاهـا

اغـلى مـن الغالي وغـالي مــــــهرها = لـو تـطـــــــلب الدنيا اليها فداهـا

حـاربت و الـحين طـحت كلي بأسرها = آمر امــــيري الك نفسي ولاهـا

أرد حـاظر ســـــــــــــــيدي فـي أمرها = وامـشي وراخلي واقبّـل ثراهـا

عـديت لـي مـن الـكوارع شـــــــطرها = ظمد ٍ و منظومه بكوت ٍحواهـا

و مـطيت لي حيل ٍ مـواحيل ســـرها = ما دغرو لغـــــياد محــد ٍ حداهـا

و اسريت في هزع ٍ غليظ ٍ وسـرها = و ما ريت لي ميراد خدرس وطاها

شمر الـزمان ان زان و ارها مدرها = لفـت الـــعقايد في الرعايد دعاهـا

غـلجت مـساليك ٍ توصل جـســـــرها = وابنيـــت اكبـر مد يوصل مداهـا

اتـهيظت روحـي و ظميري بدورها = و لاني بشــاعر يوم أعبر غلاهـا

وافـين لشبار شوفهم فـي ذكـــــرها = اعـنا لـها ينـــــــساح بالي جداهـا

مـا حـد يـلمسها عليّه ذيـــــــــــرها= و الـقلب فـوق الوظم وانا ذراهـــا

بـارود حوض الموت لو بنتصرها= و اكفح بخشها لجل اكسب رضاهـا

و بـالطم الـعايل ولـحايل عـقرها = والـلي تـزعلـــــــــــها انا اقتل اباهـا

ومـا اتـفق مـع أبن عبس بفكرها = الكـــــــثره تغلب كل شجاع ٍ عداهـا

مـا هـمني يـمع الـعرب مـع حشرها = لابد كل جـــــــــــمع ٍ مؤنث نباهـا

قـد قـال بـن عـمي قبل في دهرها = خاطـــــــــــرج يا دنيا وانا ما اباهـا

آخـذ جهازي تحت راسي حجرها = واكـر واشـــــرب من عدوي دماهـا

و اهتزي ي جبال الارض من صخرها = و الكل أعجب قال:ماذا دهاهـا؟

تاريخنا زاخـر و نـاخذ عـبـــــــــــــرها = و حـريبنا فـايل فـلا له مـشاهـا

و الـكوكب الـلي يطفر منه بحــــــرها = و يزيـف يتلاطــــم يشلّة هواهـا

الـذيب يـهذل و مـعديته حـمـــــــــرها= يـحصد كبيرات الثــنادي سلاهـا

عـليك تحصدها و تـجني ثـــــــمرها = يكشف لك المستور علمه وياهـا

سـمي الاول ميم غـــــــــــــرّة دررهـا = و مـن المذاكي وازنت في خطاهـا

جـمالها كـن الـخمايل صــــــــــــورها = و اطـيب من البن المكيف شذاهـا

انـا اتـحدى كـل مـنهو حــــــــظرها = انـه يـلاقي فكرتــــــــي و امغزاهـا

آصـوغها بأحلى الـمعاني وعـبرها = واطـرز الأمـثـــــــــــال فيها معاهـا

وارتـبه تـرتيب جـند ٍ كـثـــــــــرها = سيل البحور او ظرب طنب ابنقاهـا

هـذا سـطرها مـحتواها شـــطرها = اقـرى ذكرها في كثـــــــــرها رواهـا

أطـرب اذا شـفت المعاني غـمرها = من التـــــــــراتيـب زيّنت في رداهـا

عـشرة خـليلي لو سـعيت ابنكرها= لا يمكن ان القـــــلب يسمح نساهـا

مـا للعقل سـلطه عـلى القلب مرها = وانا قليــــــبي هوب فيــني معاهـا

والـختم مـترى الـبحر سجي وسبرها = لا بد ما يـــسحب ويمتد مــداهـا

أصـبر عـلى ماياك واحمل خطـــــرها = وأكتم همومك لا تكـــشّف غطاهـا

و صلوا عـلى اشرف رجل في بشرها = طه عدد نجم ٍ لمـــع في سماهـا

وعـداد حـرف ٍ انـكتب في سطــــرها = وعداد آيات اخشــعت من قراهـا

[الموناليزا]

قّطع احبال المودة


قّّطع احبال الـمودة وقال أنا منك أنتهـيت = وأبتـدت رحله عذابي بين جرحه والغياب

جارفني بسـيل وده لين ما فيـه أرتمـيت = وصرت أنا الغرقان به بين المودة والسراب

قاسي ن في جورنهجه وكم له ياما بكيــت = وصرت أير النوح بعده لين ما جاني إكتئاب

فيه ظلم الكون كله ورغم مابه ني هويـت = ولو يجيني الامر منه قلت له حاضر مـجاب

صاحبي ربعي دروا بي وأنته بعدك مادريت = والـشقا لي حل فيـني أنته اصله والعذاب

صرت اقول الحب همي وفيه أنا صدق أبتليت = ولابسني لبس جني او شرى نهش الكلاب

دمـع واحساس يلوع لك حياتك ما حيـيت = وبالنـهاية تشعر أنك ما تطيق لهالثـياب

ضايــق البال وحزين ولاشـعرت أنك نسـيت = ساقوا الذكري لبـيتك وانطرى برد بجواب

شخـص لك بيقول خله واشطبه من كل بيت = واحسب اشعارك عشانه سافرت وبلا إياب

وشخص ثاني لك يلوم دامك أنته اللي بديت = وينصحك تصبروتجرع كاس غدره كالشراب

قمت انا استغفر واقول استغفر الله ومارأيت = غير صورته بكـتابي والمـشاعر بإغتراب

قمت اشك انه ترى انسان وله دارن وبيت = وراودتـني به تـصاوير الروايع والعـجاب

وسط توقيعن بقسم الشعر يمكن حق بكيت! = فيه صـورة صقر تشبه عين خلي باقـتراب

أه يا ويل اللذي مثلي وأنا بمثله اشـتقيت = وكل ما مرت طـواري ناح له قلبي وذاب

ولاتذكرت الكلام اللي معه يومي أبـتـديت = قصة الحب الجميـلة واحلا ايام الشباب

هلت الدمعة بعيــني وأنتــظرته ولا لقيت = غير ذكرى اللي هجرني وترك بيوفي مصاب

ليش يال،،،، بديت الحب وأنته اللي نهيت = ولا رحمت اللي رخص لك نور عينه والصواب

[الموناليزا]

رحمة الله عليك يا صدام حسين


معك يا بو عدي اليوم طال الهم بي واشتد ورغم الظلم لي جبته ترى بك فاق ميزاته

عرفت أن الشعب لي هو شعب ما ينوصف بالند يباله شبل يالمرغم يحد بحيل شناته

تفوقت بعزم وقتك وبك معنى الحزم ينعد ولو قالوا تــــرى ظالم نـــقول بحسن نياته

حكم شعب ن ظلم نفسه بنوع الدين والمعبد وسعى بالموت بالدنيا على مضمون ضيقاته

ولو والله يحصل لك بالبطولة مالكم من ند ولا من هالغجر واحد يفوقك يوم بسواته

تمثل للعرب رمز الشجاعة لو بدالك حد وابد ما كان يوم الموت يحد الحق وأصواته

ترى لي هو سعالك بالقتل لا بد ما ينصد ولو بوش ابتغى غيرك ترى بتطيب مزاته

ولزم اللي ذبح ناقة ترى له بالحــــلو مرتد وله عقب الغدا حلوى تزين طيب سكراته

عساها يا عرب نقــطة بداية والظلم يرعد ف بقــــعة كل من منكم تبســــم حزة وفاته

أنا ما ألوم كلب ن ينهش بجسم الطفل ويهد أنا بس العجب فيني من اللي باسمة شفاته

ياللي هو ناسي اصله وناره بادية تخمد نسى أن المسلم يسامح وهذي افضل صفاته

عجب من أمة محمد يا لي هي بالقتل تسعد ولي هو اجنبي وكافر يهل اليوم عبراته

طلبتك ياللي بي تعلم ووحدك عالم ن مفرد تسوق الرحمة لقبره وتغفر له خطياته

[الموناليزا]

بعلمك وش مخفي داخل اعماقي


أشوف قافي تجيني اليوم مغـــصوبه = يوم أن حرفك يـشكل سم وأطـفاقي

جيت بحــــروف ن بسيطة وصدق مكـتوبة = لكن تساوي ألـوف بعــد وأوراقي

جيتك بداوي وطاة الحرف وأسـلوبه = وبعــــلمك وش مـخفي داخل أعــماقي

رجمك حشمته وشفت النفس معطوبة = وعرفت من هو اللي فينا داني وراقي

جيتك كريم ن حروفه دوم مطلـــوبه = ما هوب مثلك عديم الذوق وأخــلاقي

ولي هو يدور ع حــــرفه أجـر ومثوبه = ذاك الذي ما لشــــخصه قـلبنا راقي

أما أنا بنت يعـرف سالك دوربــــــه = أني من اللي بحـرفه دايــــــم ن باقـي

وأقوي نفسي بصبرن زادت تعـوبه = لو هل دمـعي بلـيلي لين مشـــراقي

وأيرع كؤوس المرير بلـــذة شروبه = ولو هو وصل بالحشا مسكون معلاقي

والله ما لي ع التلمــيح وأطــــروبه = لكن جـروحك تزيد الخــــافق اعـواقي

علمتني أبغض لحرف ن زادت عيوبه = واعزف عن الدرب ياللي لشفك يساقي

واللي يجـيني بأصله وطيب عذروبه = ارقى لعينه صـعيب المر وأنـساقي

واللي يمــثل بردة فعـل مـقلوبة = اقـلب موازين يــــومه ولا له أشــتاقي

قلبي يحس بصديقه وصدق محبوبه = وعندك توضح فرق لي بين الأرناقي

كنت بعيوني صديق ن بالطــــهر ثوبه = ماهــوب فرد غشيم ودوم مــلاقي

واليوم وجهك ظهر لي بغاية شحوبه = والمر بك فاق طــعم الحــلو بأذواقي

[الموناليزا]

أحس الحب لك فيني طبيعه


من اللي هي شكت بعد الحشامي = وبها نار البعد تلـــــضي وليــعه

بعدك اليـــــــوم يا عالي المقامي = يشط الروح ويشـــهرها القطيعه

أنا يالغــــــــــالي لك بأول كلامي = أصـــيغ البــيت لك من زود ليعه

رجيتك والحشا مشــــتاق ضامي = تروف بشـــخص يطلبك الشفيعه

من أشتات العقل يا كم هامـــــي = شرات اللي فقد صـــحبة ربيـــعه

حشـــــــــمك بكل قول وأحترامي = ولا يرضــــى بكم ادنى وضـــيعه

من ديار البطين لخـــــــير شامي = بنى لك عــــنده حصـــون منيـعه

ديارن شيــــــــــخها لا ما يلامي = على مر الزمـــن فعــله وصنيعه

أودك ود ما يــــــــــــقبل مـلامي = وأحس الحــــب لك فيني طبـــيعه

لفتني دون لا أشعر بأنــــتظامي = وسطت بي مثل ماتسطي الدريعه

[الموناليزا]

هكذا الدنيا تدور


ودي استتفسر عن سنين وشــــهور غابرة وأنــــشد الأجيال عنها بالمــعالم والعـصور


وين هامات العــــرب يوم المـراكب سايره ليــــش ترجع راية الحــق المــــمجد بالحـظور


كنا في عهد الصحابة قوة كانت عامـــــره تخـــذل اعداء العرــــــوبة بالمعارك والعـــــبور


ومن وفود الجند فيها للديانة مهـــــاجره ما هي من بيـــن المساكن تـرقد بجـهل وجــور


تضرب هجوم الاعادي بالبنادق جاهرة وتطــــمي كل الحقد فـــيهم ساعة العزم وتـفور


وين كنا ووين صرنا يالقلوب الغادره لي تبيع الشهـــــم منـــــها لو بــــدى عــــقـله يدور


ليش صمت الناس دام القتل عيني تناظره وجثــة اخواني تعاني بين هاذيك القـــــــبور


وش يفيد العلم دامج يالعقول الخاسرة وأنتي في سعف الكلاب اللي علينا هي تشور


تطمــــح لشــرب الدما والقــــلب ناره ثايره بس نــــسكت لو نعاني م المجازر والشرور


نسعى في رفع العلم وأحنا عجــــرنا نطايره لو رفعــناه يتحدر دامنا نخشــــى الجـسور


يا حسافة دام عند الغرب صــرنا محاوره لتشـــاور والتــــــحاور من أجل قتــل الـــشعور


والسبب معروف ياأمة نبــــينا بأخـره والدمـــار أهو المؤكــــد وهكـــــذا الدنــــــيا تـدور

[الموناليزا]

يا أغرب أنسان عرفته



يا أغرب أنسان عرفته لا توفيها وصاتك = روح وأتوكل ع ربك والبقى بنفس ن عليله

دام ما لي غيرحقران وهموم بها حياتك = وش يفيد النوح جسم صارت أطرافه شعيله

كل ما بالخطة اللي صغتها بحرصك وذاتك = قد تنـفذ يا غــناتي بكل تدبيرن وحيله

ولك تدابيرن عجز عنها المقنع في سواتك = تلبس أزياء الترف والعز بأشـكال جميله

لين بينت النهاية والغـدرأبرز صفاتك = به تمثل دور قيس بحب ليله

أه يا مكبر غرورك يوم تلوحها عصاتك = ولي يشوفك قال عنتر لي عشق عبله الجميله

ما درى أنه بوسط يوفك غل يضمرفي سكاتك = ولا تكدر صفو خلك قمت برمولك تهيله

لي يحبك كان يسعى بكل شئ ف رضاتك = لين هذا الوقـت حاشا مالنا عالذل حيله

صرت مستغرب من اللي صار فيني من قساتك = وقلت ويلي كيف بصبر يلعن الحب وسبيله

هل من الممكن أتٌرك روح تهلك من شقاتك = ودرب قلبي في سرابك تاه عني بكل ليله

سالبن غيري بحبك والمحبة من شراتك = ما توفي الـحق مرة بين خل ن مع خليله

والمثل قال وتأكد بعدما هو الفوت فاتك = لا بتنفعك الدموع ولابتـشفع لك وسيله

من حفظ نفسه وتٌقوى بالصبر عن ذكرياتك =ذاك لي بحسٌده والله لو غدت نفسه قتيله

صدق طعم البعد كايدبس اعذب من شفاتك = لا جت بحـلو المعاني وتٌوجتها بالرذيله

وش بقى لك يالمشقي غيرعين ن من حلاتك = تنتـقي منها عشيقك لي بمدحه تستكيله

وتبدى قصتك بحبيبي وإلا تزقرها غناتك = لين تصبح شخص عادي وبالخفا تضوي الفتيله

ولا بغيت تعرف قدرك والا مقداره غلاتك = قمت تطعن بالمخفي وتبحث قبورن طويله

عذرك أنك من لقايه ما تشبعت بلهاتك = والله أكرم ع الشوارب لو غدت روحي سليله

ما يبيع القدر مثلي لو تعذبه عبراتك = لا ولا بتبـع هوى اللي غربل فوادي نكيله

بس عقب اللي حصلي قوم وألبسها عباتك = وأترك دروب المرايل والسنع للي يشيله

ما بكملها نعوتك يمكن تعدل بذاتك = وتوفي بعهودك مع اللي بعد شخصي تستميله

[الموناليزا]

رد متواضع على قصيدة شاعرتنا قصايد



قبل لا أثني ع حرفج او أزيـد
،،، ودي بس القي السـلام وأســتمد

ومن قوافيج الوفيره اسـتزيد
،،، ياللي لج معنى القصدوحده أنـفرد

وألتفت لقاف حرفج من جديد
،،، وأنتشى بي هاجس الشعر الجلٌد

وأغرقت عيني بدمعي لي يسيد
،،، عالوجن ياللي بدموعه مرتعد

وأنطرى لي نحت بيتج ع القصيد
،،، وقلت مني لج ترى هذا العهد

والله أن اللي لفاني بالمـــــزيد
،،، أغتلي لشـفه على درب الأمـد

وأنقش أبياتي بصيغه من جديد
،،، لأجل ما نوفي قــدر بنت البـلد

هي قصايد يا عرب نسل ن مجيد
،،، ما تلاقـــي له مثــيل منـفرد

لي قسى وقتي الاقيها تعيد
،،، وبالفرح هـي دوم عندي تستبد

ما قدر عفــــراقنا ذاك البليد
،،، ومن سعا بالبــعد عنه نبـــــتعد

غايتي بس اللقا يحصل اكيد
،،، والوعد لي هو لفــــاني يعــتمد

لان بي حزن ومشاعر تستزيد
،،، وأن عزيتج ادري بأني ما بــرد

بي شقا بي هم ساكن لي سعيد
،،، لي عشق حرن تعلى للأبد

شيخ يعرفه المشايخ والعبيد
،،، ماهو مثل الكل يفـرق عن بعٌـــد

منيتي أحظى بمثل شخصه رشيد
،،، ولي نطق كلمة تراها كالوعد

فايق ن متفوق بطبع فريد
،،، صدق عندي ،،،،،،،، ما مــــثله أحد

[الموناليزا]

لك يدوم الود في وسط الصميم


يا غناة الروح يا سر النـعيم
،،، يا شفى المعتل من عوق السقام

ما يوالمـنا علاج ولا حكـيم
،،، دام حبك ساطي ن بي بالمسام

لك يدوم الود في وسط الصميم
،،، مثل ما صدري تحاوطه العظام

مـبتلي بالحب والخالق علـيم
،،، والحزن يزداد عام عـقب عام

ثيبني يالحـر بو عقل فهـيم
،،، ودلٌنا بـس وين بنلاقي الـمرام

لي بلاه الشوق يصبح كالعديم
،،، مـطرحه ليـعات ولحافه سهام

ما يلام اللي غدى مثلي سقيم
،،، علته بالـيوف من وقع الغرام

عاش لك دنياه باحساس ن كريم
،،، وكل ما به من مشاعر لك تسام

ما سعى للشين او قول الذميم
،،، ولانظـر للغير بعـيون الهيام

ولاشكى من جرح في يوفه أليم
،،، ولاهنت له عين بأطياب المنام

لين بعدك حوٌل الدنيا جحيم
،،، وكل شئ ن صار حولي كالحطام

ما بقى لي شئ بعيوني سليم
،،، لاعشق ولا حب لا شوق ووئام

لا صدق لاعهد لاخل ن نديم
،،، غير ذم وقول وإكراه وملام

والسبب معروف والله العظيم
،،، كله امن البعد عن طهر الكلام

دعوتي للي بما نـخفي عليم
،،، يكْـفِنا شر المفارق والصدام

[الموناليزا]

أراهن بك على كل الملايين الذي تحشد

أنا أشهد لو بيه هم ن بعد لقياك يتبدد
،،، ولو ناظرتها عيونك أبنسى عالمي الموجود

وبأدرك بس تعظيم الأله وفضله الأوحد
،،، ياللي أنعم على عبده شكرته ربي المعبود

ترى من حس بك مثلي وبه سهم العشق يصعد
،،، يراجع بك حساباته ويشعر بالكرم والجود

حبيبي من غدى مغرم وغارق بك بليا حد
،،، وسر العوق في شخصك لانك فارق ومفنود

طبيعي يحس بالنشوة ولوهو ضايق ومشتٌد
،،، لأنك بلسمه الشافي ونبع من الوفا مورود

رسم لك بالحنايا هالشعور الخافي الممتٌد
،،، ياللي يسري وسط دمي وخالطني بليا حدود

واذا عد القصيد تحس به صوت الصدى يبعد
،،، ويملي بالفضا صوته وحوله تجتمع الوفود

يحبك كلمة ن ينطق بها معنى الهزل والجد
،،، وكل حروف بالدنيا يترجمها شعر مقصود

عساك بخير يالغالي ولك من هالدعا ينشد
،،، عدد ما يهطل الوسمي وترعد بالسما الرعود

غلاك اللي بنا يرجع لوقت ن ماضي ومبعد
،،، مضى وأسترجع أيامه بعهدن بالغلا معقود

ترى ما كل من حبك تلاقي به عشيق مود
،،، ولا من خصك بمدحه تحس بشوفته بسعود

أحيدك بالعنا تثبت وألاقي بك عزم يحتٌد
،،، واذا ثارت بك عداهم اشوفك حامي وجلمود

واذا مني نشدتك بالغلا ألقى الصفا يرتد
،،، ويعكس لي من شعورك غرام ن واضح ومشهود

تفوقت بفضل ربك على كل الملا بالعد
،،، وعندي وحدك الغالي ولو يكثر حكي الحسود

أراهن بك على كل الملايين الذي تحشد
،،، ويسعى لضمها غيري وعندي وحدك المنشود

لأن اللي رأى مثلك طبيعي يركع ويسجد
،،، ويشكر ربه العاطي ياللي أعطى بدون حدود

[الموناليزا]

محاورة بين قصايد والخيل


يا قصايد وش جوابـــج ع السؤال
،،، لي يجول بخاطري مما يلــــي

عنـــدي أمرن بي يحـــــير كل بال
،،، يشغل أفكاري وهمن صار لي

مرحبا باللي لنا تشــــكي العـــلال
،،، لي لها قدر بقلبــــــــــي معـتلي

شرفيــني يا غـــــناتي بالــــــجدال
،،، وأبشري بقول يـــحل المــسألي

عرفيني يالقصــــــــايد ما يـــــزال
،،، حبــــــي في قلبه أو أنه منجلي

وذكريه الــيوم بأطراف المـــــقال
،،، وأعلـــميه أنه هوايـه الأولــــي

الذي قد هام بج لأقصى مــــجال
،،، لــــــج ترى ما زال بعده يمـهلي

ينتظر ردج عسى يلـــقى مـــنال
،،، وكيف ما تـــــبغي تعالي وأفـعلي

يا قصايد علمـــــــيني بالـــعدال
،،، وأصدقينــــــــي ياللذي ينقال لـي

صدق أنا في خاطره لا ما أزال
،،، وأحلفــــي أرجوج لا لا تخـجلي

صدقيني يا غــناتي بهالمــــقال
،،، أنج أهـــــله والحـــــبايب والولي

وأن وده مــن ودادج لو ينــــال
،،، ولج يعــــــــد القول ومنه يرسلي

قولي له بأن العشق عقبه محال
،،، وأشرحــــيله وضع قلب ن مبتلي

وأني له برخص ترى حال ومال
،،، بس قربه ليــــــــــت مرة يحصلي

أبشري بالخير يا بنـــــت الحلال
،،، وبالصـــــــــبر يا بنت دوم تمهلي

والخفوق لي شكى همومن ثقال
،،، بإذن رب الــــكون لزم يختـــــلي



العنابي (( الخيل ))

الأزرق (( قصايد ))

[الموناليزا]

يامرحبا بطعن السيوف

يا مرحبا بطعن السيوف وألف سهلاومرحبا
،،، أهلا بمرسال ن لفى ودروب سيره تصعبا

أهلا بمن يشمت بغيره والنوايا توضحت
،،، في وقت متعبك الزمن واللـي توده مرعبا

جارت ليالينا نعم والفــوز نحنا نطمحه
،،، بس اللعب والظرف لي صادف فريقي متعبا

متعلي ن في منزلة والقدر غيري يعرفه
،،، واللي جهل شاني دخــــيله للنتايج يحسبا

لي تبغضه فرح مثيلك ثم فرح ديرته
،،، ما فكر بفرق وغدر وأســـلوب مكره جربا

يفوق في وصفه ويرمز للتعاون دائما
،،، ما يجحد النعمة مديم وبالرفاهة هـــو ربا

واللي قصد من بعث حرفه للشماتة ذا نسى
،،، ولا فكر أنه يرجع ويحفظ مكانه لـــي يبا

جمع شتاتك يالخوي وأبعد مسيرك عننا
،،، ولا توزن أفعالك بطبع الحقد وأسلوب الغبا

وأدرك مفاهيم اللعب واللي تريده أفعله
،،، بس أحذر لسانك ترى بعض الحكاوي كالوبا

وإن كان قصدك للظبي بتهين قدره لا حشا
،،، ما عاش من يجرئ بفعله لو على ريوله حبا

وأرجوا السموحة ياعرب من قاف حرفن نكتبه
،،، دام المشاعر لي بهـــم من صوبنا راحت هبا

[الموناليزا]

زايدن له شوق خله


راوديهم يالخواطر وأنشديهم عن غيابه
،،، وأرحلي لداره وردي بالجواب اللي نباه
عاتبيه بحس قلبي وأنقلي شوقه وعتابه
،،، وأعلميه إنا بغـيابه مالنا حد سواه
صوري له كم نعاني والحشا زايد عذابه
،،، والشعور اللي يحيده ما تغير مستواه
زايدن له شوق خله وعايف لذة شرابه
،،، مسهرٌنه وياه دايم والصبر يسعر لضاه
من شراه اليوم شيد بالحنايا وأهتنابه
،،، حسي وشوقي ونبضي كلها تطلب رضاه
مالكني بطيب قلبه والطبع ياللي حلابه
،،، ولي عرف طبعه حبيبي باع عمره وأشتراه
منفرد ماحد وصـله باللباقة والذرابه
،،، كامل بالوصف وحده جل من صور حلاه
لو يمر الوقت دونه صدق نشعر بالغرابه
،،، ولا رجع نبضي يتزايد ويتضاعف من غلاه
ما سعى للغدر ساعه ولا فتح للشك بابه
،،، وأن غدر غيره تغاضى وعز نفسه عن هواه
وحكم العقل بقراره والتريث من صوابه
،،، ولا سمع للشين قوله ولا من ردوده عطاه

[الموناليزا]

بصون الود مهما يصير

بغيت أوقف ولك أسرد ولكن خانني التعبير
،،، وقمت بحرفيه أتراجع كأن القول يتـــــبخٌر

عرفتك غالي وقدرك معي ما يقبل التغيير
،،، ولكن قولك وحكمك قتل ما كنت به أشعٌر

غرام وشوق ومعاتب وود مخلٌط بتقدير
،،، وحرف ن ينكتب لاجلك ويوصف علتي ويظهر

أجيك بشوقي وقلبي عليك من الغلا بيطير
،،، وأنته يالغلا تجهل غرام بالحـــــشا يكبٌر

سألتك مرة ومرة عن اللي حاصل من للغير
،،، وأنته بالجفا تبعد ولشـــعور الهوى تنكر

تفضل وضح اسبابك اذا مني بدا التقصير
،،، وبيٌن خافي شعورك اذا به ما أنت مستكثر

ترى لك عندي معزة قدرها ما حوى التصوير
،،، ولو تبعد ولو تجهل غلاكم بالحشا يبحٌر

تدلل يالغضي وأمر وغيرٌ موجة التفكير
،،، وبرمج حسك وشوقك وأنا بالحس ذا بشعٌر

ولك من عندي مشورة بها من قوة التأثير
،،، تقرب عندي وتلقى قصيدي لشخصك مسطٌر

ولك من عيني اليمنى أصون الود مهما يصير
،،، ولا أتعب شخصك الغالي ولو يدعيني محيٌر

[الموناليزا]

بك ترى نلقى العوض



صعبة هي نخسروأنته ما تنال اللي تريد
،،، بس وين اللي بفوزك ما عرف معنى الغرض

حد يلعب من شعوره طامح لنصرن فريد
،،، وحد بس الشر يغـــرز به تفاصـــيل المرض

لو تعاود يا فريقي وحدك أنته اللي أريد
،،، لا شياطيــــــــن وفــــهود وخلها تأكل بعض

رمزك أنته اللعب دايم دام يرأسكم سعيد
،،، والا غيرك يا حسافة من هزيمــــــة ينقبض

فاز وأهدوله بطولة وبالنهاية مســتفيد
،،، وأنته يا أسم السعادة بك ترى الحاضر نهض

ما بنترك حزن يلغي حب شعب ما يحيد
،،، عن طريق الحق دايم وبك ترى نلقى العوض

في بطولة من يبيها يشرب الحزن ويكيد
،،، ويتغاضى عن فعايل من لنـــصرك هو رفض

ولو يزيد الغير هذرة والا في قوله يعـيد
،،، ما يغير عشق ناسك لو على قــولي أعترض

[الموناليزا]

المكحل


بي حزن يملي متاهات الضـلوع
،،، من غياب اللي كساهم الإحترام

نطلبك يا بن العرب تنوي الرجوع
،،، لا ولا تــــنوي المباعد والخصام

المكحل لك ترى طبع ن ســـنوع
،،، يـــــفرق ويفنــــدك عن كل الأنام

بك لقيت الأخ والشـــخص القنوع
،،، وعندي سكوتك ترى ابلغ م الكلام

ما نطـــيق الدار عقبك والربوع
،،، وأن بغيت الصدق أشــبه بالحطام

في حضورك تسفر أنوار الشموع
،،، وفي غيابك يحـــرق الفـرحة ظلام

ومن طيوفك نور يقــبل بالســطوع
،،، نابع ن من زود حرصـك بأهتمام

وكيف نروي الورد دونك والفروع
،،، وكيف نكمل هالمســيرة للأمـام

نطلبك يا رب في ساعة خــــشوع
،،، تحفـظ اللي حايزن أكـــبر مـقام

لي يمثل للــــــهير ســـيف ودروع
،،، وأن بكــاه الشعر طبـــعا ما يلام

[الخيل]

صباح الخير


هلا بصبح ن ملا الدنيا بحس الشاعر المزيون
،،، هلا بأبيات تطــربني بشوق الخافق الحاني

هلا بمن فضٌله قلبي على كل البشر بالكون
،،، وحبه يسري بدمي غريق ن وسط شرياني

هلا بمن حرك أشجاني وبٌيح سدي المكنون
،،، ومن فيض الشعرروى رياض اليوف وأسقاني

صباحك يالغــلا يشبه غديرن ممتلي بمزون
،،، وساحة ورد تتشابه بورد سيــوح لبناني

وإذا أقبل ترى ليلي لمحتك كالقــــمر باللون
،،، ونوره وجهك الغالي يهيج سطرها أوزاني

وأسامر صفحة الذكرى وأسابق وقتي المجنون
،،، وأحاسب ما مضى بعمري وأنا أرقب يومي الثاني

لشفك ينحني فيني شموخ العاشق الممحون
،،، يفٌجر ما بقى فيٌه حنـــين وبرمج أشجاني

واذا ما دنت الذكرى شعرت بحزية المغبون
،،، ياللي صابه بعد عقله ذهول أو هفة جناني

تخيل بس من عقبك وش اللي بي ترى بيكون
،،، وأنا من دونكـــم جــثة تســير لعالم ثاني

تغيرها الصروف اللي خلت من كفة المضمون
،،، وتعكس وضعها الدنيا من أقصاها الى الداني

تبعثرها وتنسفها من أحزان الدهر بالدون
،،، وتخنق غبنتي فيني ودمعي خرس أوجاني

ووضعي عنق ن محاصر بحد مهند المسنون
،،، وقربك بس من يقدر يعٌــدل كفــــة أوزاني



الخيــــــــــل