المساعد الشخصي الرقمي

مشاهدة النسخة كاملة : - O~°'¨¤¦¤¨'°~o ليــــت جنـــح الليل يحملك اســــــــايo~°'¨¤¦¤¨'°~o



شيخة الغيد
21-12-2005, 03:03 PM
حبيت اني احطلكم هالقصه واتمنى انها تعيبكم


وهيه من كتابااااااتي ...



°¤©><©¤°°¤©> ليت جنح الليل يحملك اساي ... نوح قلبي منك ليتك تسمعه ... ليت حظي مرتن يصدق معاي ... ليت شملي معك ربي يجمعه ... من زمان وصلكم غاية مناي ... من زمان النفس فيكم مولعه ... <©¤° ¤©><©¤° °¤©><©¤°


الشخصيات :
بو سيف ... ... ( الرماح ...(
الام : ام سيف ( موزه (
سيف عمره 27 سنه... وبطي عمره 26 سنه.. وراشد عمره 24 سنه .. وخالد عمره 22 سنه يدرس في جامعة الامارات وكان له اخر كورس ... وناصر 20 سنه في جامعة الامارات .. وزايد 15 سنه في ثالث اعدادي .. وشمسه 10 سنين في سادس ابتدائي .. ووديمه 6 سنوات في اول ابتدائي ...


بو علي .. ( الرماح (
الام : ام علي ( فاطمه) اخت ام سيف
الريم 37 سنه معرسه وماخذ ولد خالتها حميد .. علي 29 سنه معرس و ماخذ بنت عمه مريم عمرها 24 سنه وعندهم ولدين مانع 5 سنوات وفلاح 3 سنوات ... واحمد 25 سنه . وسعيد 23 سنه يدرس في تقنيه العين ...وظبيه عمرها 22 سنه معرسه وماخذه واحد من هل سويحان اسمه مطر ..



بو محمد .. ( بوظبي (
الام : ام محمد ( الريم (
محمد 21 سنه يدرس في لندن .. واليازيه 18 سنه اول سنه في جامعة زايد .. وحصه 17 سنه في ثاني ثانوي ... ومنصور 7 سنوات في ثاني ابتدائي ... ولطيفه 4 سنوات في الكيجي ...


المرحوم بو سالم ( بوظبي ) .. اخو محمد ..
الام : ام سالم ( نوره (
ميره 19 سنه تتدرس مع اليازيه في الجامعه .... وفاخره 17 سنه تتدرس ويا حصه في نفس الصف .. سالم 14 سنه في ثاني اعدادي ..


بو عبدالله .. ( بوظبي (
الام : ام عبدالله .. ( عفراء (
عبدالله 28 سنه معرس وماخذ وحده من هل العين اسمها العنود 22 سنه وعندهم نهيان 3 سنوات وهند سنه ونص ...وهادف 26 سنه معرس وماخذ بنت خالته مهره عمرها 19 سنه توهم كانوا معرسين ... وسلامه عمرها 24 سنه معرسه وماخذه ولد عم ابوها فهد عندها بنت اسمها مي الها خمس شهور ...
وطحنون عمره 21 سنه يدرس في لندن مع ربيعه محمد ... واسماء 18 سنه تدرس في التقنيه ..

شيخة الغيد
21-12-2005, 03:05 PM
الجزء الأول
مــــن يحبك كــــــــثر ماحبك انا ... ومن يحبك حاول وياما اجتهد
ومن في عينه شوفتك كل الــمنا ... لاورب العرس ماغيرك ابــــد

بيت بو محمد
الساعه 11 فليل ..

حصه كانت في غرفتها قاعده في غرفتها اتذاكر الامتحان اللي عليها باجر ... وخلاف طاحت عباتها اللي معلقتنها في العلاقه اتروعت وفتحت الباب وتمت تركض ع الدري ..

حصه : الحقوا علينا جني جني الحقوا علينا . .. وايه .. ونقزت عند اخر الدري..
بو محمد : هاه ياحصوه شويشوي بطيحين .. ؟؟
حصه وهي اتناهي : ابويه امايه .. هااااء جني جني يوم اقولكم جني قلتوليه اتخيل لا لاء منوه قالكم انيه اتخيل .. منوه ؟؟ الجني في البيت هاذا موجود انا مستحيل انيه ارد الغرفه هاء هاء لالالالا نووو نوووو..
وتموا كلهم يضحكون عليها ..
ام محمد : حصيص عن الخبال عاده يالخديه وينه هالجني اللي بتشوفينه بسم الله علينا شو هالرمسه بعد .. وين شفتيه ؟؟
بومحمد : شويشوي على عمرج بتنصرعين بييج الصرع ..
اليازيه : ههههههههه .. جني ولااااا .. جان تغمزلها ..
حصه وهي متروعه : والله العظيم انه في شي في الغرفه انا قاعده جان اطيح عباتيه اللي معلقه في العلاقه يعني شوبيعقها ؟؟ خبرونيه هاه خبرونيه جوفوا كيف تتطالعونيه يعني انتوا منصدمين شراتي ..
ام محمد : عن هالدلع يالبزي ..
بومحمد : انا بسير ارقد ابركليه عن هالخبال ..
حصه : ابويه اتحمل ...
بومحمد : لاء بياكلنيه يعني هو هاه ؟؟
اليازيه : ههههههههههه ..
وراح عنهم بو محمد ..
ام محمد : انتي ياللغايه عادي عباتج اطيح شو فيها .. الا هاه الدلع اللي فيكم .. هاذا اللي يسويبكن جذه ..دوم نحن اطيح عبينا يوم مانعلقهن عدل .. مافيها شي .. بزا عوذ بالله منه ..
اليازيه : مينونه اصلا هاي ..
حصه : يني اللي يبربعبج على حمار في سكه واطيحين من عليه ..
ام محمد : يله عن الضرايب هاه انا بسير ارقد واتنن نشن الغاليات اشعنه باجر ماعليكن دومات ؟؟
حصه : اف ياليت ماعليه دوام اه ياليت ..
اليازيه : حلم ابليس في الجنه ..
ام محمد : يله ابرايكن ويوم بتن بندن الليتات انزين ..
حصه وهي اتحيس حلجها : انزينه ..
وراحت ام محمد عنهم وتمن ارواحهن ..
حصه : اتصدقين يزوي اف مليت من الدراسه ..
اليازيه : ياله ياحصوه ياما قلنا شراتكم واطالعي الحينه نتمنا انا انرد لايام المدراس لو يوم واحد ..
حصه : مايحتاي عاده ايام الخوالي ..
اليازيه : ههههههه هيه اتصدقين .. يويهج .. تتدرين يوعانه انا بسير المطبخ بييب اليه اكل بتتين ..
حصه : لا بروح فوق اربع بييب كتابي وبيي ادرس عندج ..
اليازيه : ياله يالروع هالكثر ايسوي بج .. عادي قوم امايه ارقد فوق .. شو اللي بيستوي عليج .؟؟
حصه : لاء اشدراج انتي عاده انا اخاف عليج .. دقايق خيتووه وبييج ... وراحت حصه اتييب كتابها وراحت اليازيه صوب المطبخ .. وخلاف نزلت حصه وحطت كتابها ع الطاوله وتوها بتروح صوب المطبخ شافت التلفون ايرن .. وراحت صوبه .. مكالمه خارجيه ..
حصه : فدييييييييت روحي انا ..
محمد : ههههههههه يالسباله لو حد غيري ..
حصه : ههههههه عادي بيكون واحد من البتانيه يبا ايخطبنيه .. ومن يسمعني اتفداه بيي يربع ايدق الباب ايخطب..
محمد : هاي اخرت قدرج ..
حصه : شو انسوي الله كريم ..
محمد :هههههههه شحالكم ربكم ابخير .؟؟
حصه : ابخير وسهاله انته شحالك اعلومك حمود والله اتولهنا عليك ياخي لك وحشه من زمان ماشفناك ..
محمد : هووود هووووود . شعندج بالعه راديو هب طاير انا عنج ..
حصه : لا عسب ماخسرك ..هههههههه ...
محمد : ياله مايحتاي عاده اللي يقول الحينه دافعه من جيبج ... الا وينهم قوم امايه ..
حصه : مشكله اللي يستهبلون ياحياتي ياعمري نحن الحينه الساعه عندنا 11 ونص يعني قوم امايه وابويه شخيرهم يلحق انخيرهم .. ويزوي في المطبخ .. ووو منصور راقد .. وتوته راقده مع قوم امايه مشارك فعال ..
محمد : انتي دومج جذيه ..
حصه : حوه انته داق بيتنا اتغلط علينا واتسبنا ابدال ماتقول خواتي يعلني افداهن اتولهت عليهن امحق ليل في ذمتيه ..
محمد : اص اص عطيني يزوي انا مارمس خبايل ..
حصه : يزوي .. ؟؟
محمد : هيه ..
حصه : اتصل عقب ..
محمد :حصوووووووه .. يالعنزه ...
حصه : هااا انزين انزين هاذيه يت .. يزوي تعالي هاذا واحد اسمه خندوش يباج ..
اليازيه تتطالعها مستغربه : منوه ها ريلج ؟؟
حصه : انقلعي يودي ها الخبله حمود .. وعطتها السماعه .. وشلت اليازيه السماعه
اليازيه : مرحبا السااااااااااااع ..
محمد :مرحبا ملايين ولا يسدن .. لحظه .. وين ساير؟
طحنون : بنزل باخذليه بطاقه بدق حق هليه ..
محمد : انزين اترياني بنزل وياك ..
طحنون : اعنبوه لو حرمتيه ماجابلتنيه جذيه قر قر مكانك ..
محمد : ماعليه ماعليه .. بتي اخلاف .. انزين عيل وانته نازل خذلي وياك بطاقه حق التلفون اخاف يقطع الرصيد ..
طحنون : ان شاء الله ماتبين شي ثاني يعلني افداج ..؟
محمد : لا ياغناتي بغيت سلامتك .. اتحمل على عمرك ولا تتطالع البنيات ..
طحنون : لايق عليك الدور من عقب ماخفيت لحيتك ..
محمد : ههههههههههههه يالسبال .. شو قصدك .؟؟
طحنون :افا عليك اسمحلنا الشيخ عزيز وغالي ..
حصه : بتخبرج انتي اشعنه صاخه .. ومطت عنها السماعه وسمعت محمد ايقوله
محمد :هيه اتحرا .. طحنون سكر الباب وراك ..
طحنون : ان شاء الله ..
حصه : زاد انج صاخه ... هب من الله ثرج ..
اليازيه : انجبي يالسيلانيه ومطت عنها السماعه ..
محمد :اوووه ثركن انتن ع الخط نسيتكن والله اتحرا عمريه ارمس حد من لندن اهنيه عادي ماخذ الامر ..
اليازيه : لا فديتك معذور انته شحالك ربك ابخير ؟؟؟؟
محمد :بخير وسهاله انتوا اشحالكم ربكم ابخير ؟؟
اليازيه : بخير وسهاله كلهم ابخير .. هاه بشر شو دراستك ؟؟
محمد : والله الحمد لله هانت ان شاء الله باقيلنا خمس شهور وبنرد ..
اليازيه : بالسلامه يارب ..
محمد : اميييييييين .. هيه صح يزوي ..
اليازيه : شوو ؟؟
محمد : بغيتج اتسويلي ايميل ..
اليازيه : امممممممم ان شاء الله . بس شو تباه؟؟ ..
محمد : ماعرف اي شي بس انه ايكون ايميل معقول.. حطي اسم العايلة ..
اليازيه : وايد مسوينه ..
محمد : عاده انتي شوفي شغلج حطي حرف زياده نقصي حرف حطي رقم ..
اليازيه : هههههههههه هيييييه ماعليه ان شاء الله ..
محمد : والمره الياه يوم بدقلج عطيني السبيلنج والباسورد ..
اليازيه : افا عليك ماطلبت ..
حصه وهي اتزاعق : لاتنسى اتمر زارا وتاخذليه بدل .. سمول هاه ..؟؟
محمد : وهاي ماوراها غير هالبدل ..
اليازيه : هههههههههه وانا بعد لا تنسانا نحن خواتك .. ترا دوم البضايه تنزل عندكم وعقب كمن شهر تنزل عنا نحن ..
محمد : ماعليه يله اجلبن ويهوكن .. بطاقتيه بتقطع ..
اليازيه : عادي بنرد نتصل بك ..
محمد : انقلعن بروح ادرس علينا امتحان باجر انته بتهذربن عراسيه لين ماتفجرنه .. يله باي ..
اليازيه : مالت عليك من اخو يله اجلب ويهك .. وسكرت عنه .. وتمت اليازيه ساكته وسرحانه ..
حصه اتغني : احبك لو بعيد الدار عنك ... جداك ايحن قلبي للرجوعي .. يالو عني الليالي ابعدنك .. غلاك بخافقي تحت الضلوعي تننننن ..ننناانانانن ..
اليازيه : .................................................. ..
حصه : اذا مرتبي الذكرى تونت .. احاسيسي وفكري لك خضوعي .. يالو اخفيت به مابه لنك .. يفز القلب لك من دون طوعي ...بوم دبووووووم طاخ ططااااخ ..
اليازيه : انطبي طبج الله يله انقلعي جدامي خلينا انسير نرقد ..
حصه : ااااااه .. انسير نرقد ولا انسير نحلم ...
اليازيه : هيه بنسير بنحلم في عرب اعيونهم سود وحياتهم مقرونه وخشمهم شرات السيف امشي لا اشوتج ....
حصه : ااااااااي اشعنه اتيييييني عالعوق اااااي ااااااي ..
اليازيه : بتربين .. ؟؟
حصه : لا قلبي هزه الشوق .. وطار من الشوق ..
اليازيه : مايحتاي عاده .. امشي يله .. وتمت حصه ساكته تمشي مع اليازيه عالدري .. وطبعا عالدري كان ظلام بس النور ايحدر خفيف من الممر اللي كان تحت .. وهن قاعدات يركبن الدري حصه كانت جدام واليازيه وراها .. سمعن صوت باب غرفة قوم ابوها يتبطل ..
اليازيه بصوت واطي : قعدي قعدي انخشي ..
حصه وهي متروعه بصوط واطي : لا اخاف ظلام واايني الجني الجن ايحبون الظلام .. مسكتها اليازيه من حلجها ودزتها وقعدن ع طرف الدري .. وهالوقت حصه كانت ميته فيه من الضحك .. وصوت تنهيداتها وهي تضحك تنسمع راحت ام محمد صوب الليت وفتحته ..
ام محمد : هااااااااااه .. يامسودات الويهه الحينه الساعه 12 ونص وانتن لين الحينه هب راقدات نشن يله نشن يللللللله ..
اليازيه وهي اتنش واونها تنود : اتصدقين امايه حجرتنا حاره قلنا بنرقد عالدري ..
حصه مبطله اعيونها واتهز راسها : هههههههههههه .. هيه هيه ..
ام محمد بطنازه : لا والله .. وترقدن وانتن يالساااااات ماشاء الله عليكن ؟؟
حصه : لا لا هاي يوجا ..
ام محمد : انطبي انتي وهي يله انقلعن احدرن حجرتكن وباجر بنجوف منوه اللي بينش .. اسهرن السهر غاوي ..
اليازيه : افا عليج والله لا اربع ع الشبريه ..
ام محمد : تتدرن انتن بينانكن هاذا فضيحه ايوزكن ..
اليازيه : ماعليه يامايه الله بيهدينا ..
حصه : هيه حق العرس بنهتدي ..
ام محمد :خلج انتي عاده .. يله سيرن ارقدن ..
حصه : ان شاء الله ...
وراحن حصه واليازيه غرفتهن ورقدن .. وام محمد ردت بعد غرفتها ورقدت ..

شيخة الغيد
21-12-2005, 03:08 PM
بيت بو سيف ..
الصبح الساعه 7


خالد : اماااااايه يامااااايه ؟؟ ..
ام سيف : يابويه اترياني اشويه البس خواتك ..
خالد : يامايه وين القهوه انا متاخر .. ابا اشرب قهوتيه قبل لااروح ..
ام سيف : عنبوه ياخلوود جدام اعيونك ع الطاوله ..
خالد :انزين ومنوه بيصبليه اياها ؟؟
ام سيف : وااااايه بالستررر .. صب اروووووحك ..
ناصر : اشعندك محتشر انته من الصبح؟؟ ...
خالد : امك هب طايعه اتي اتصلبيه القهوه ..
ام سيف : ناصر فديتك صب حق اخوك فنيان القهوه ..
ناصر : هييييه هيييه انتي دلعي الكبير وخلي الصغير يدلع وياج الكبير بزيييييه .. بزيييييه ..
خالد : منوه قالك انيه اباك اتصبليه وووع
ناصر : ووع في عينك .. اشعنه ايديك ثرها مكسوره وانا ماعرف ؟؟؟
خالد : بسم الله عليه هب هباك الرب .. لا عاده انته اتعرف غير القهوه من اييد ام سيف ..
ام سيف وهي يايه صوبهم : اشعنه محتشر هب رايم اتصب لك فنيان اقهوه ؟؟ وراحت صوب الدلال وصبتله الفنيان وعطته اياه .. وراح خالد صوبها وحبها ع راسها ..
خالد : خالد يعلني افداج ياشيخة الزين انتي هاي القهوه مالها طعم الا يوم اتكون من ايديج ..
ام سيف : هههههههه .. خس الله عدوك ..
خالد : اميييييين ..
وديمه يايه تتدلع : ماماتي انا ماروم اسير المدرسه ضرسي يعورني ..
ناصر : شويشوي عن لا اطيحين من كثر الدلع ..
وديمه : انا اكلم ماماتي ..
ناصر : عافان الله الكل مبزاي في هالبيت .. يله ابرايكم انا بسير دواميه ..
خالد : تعال بروح معاك ..
ناصر : اشعنه انته فاضي نام في العسل اخيرلك ..
خالد : ههههههههه .. ماعليه ماكون خلوود انه ماراويتك انته اشعنه جايف عمرك بل بي ام مالتك اشعنه ليكون هيه جوازك وانا ماعرف ؟؟؟
ناصر : هههههههههه .. هاي كوبي اتعرف شو يعني كوبي يعني ماتسد الا حقيه .. وها السوده مالتك الي واقفه خاري شو اتسوي .. اتجرجها حق عقب يعني ..
خالد : هههههههههه .. هيييييييه .. وظهر عنهم ناصر ..
وديمه : اماما ضرسي ايعورني ..
خالد : ودوووم يله عاده عن الدلع .. يلي نشي انا بوصلج المدرسه ..
وديمه : مابا مابا .. اصلا انا مابروح
خالد : جـــــــب يله بتروحين . تمت وديمه اتصيح ..
ام سيف : يابويه اشعنه اتفاتن عليها من الصبح ابرايها خلها ضرسها ايعورها مابدوام ..
خالد : دلعيها دلعيها انتي ..
ام سيف : اخر عنقودي هاي فديتها قمريه والله هاي وباستها وتمت تمسح ع شعرها ..
خالد : هذااااك في عين امه غزال .. ههههههووووويييي .. كملي الباقي انتي عاده .. وظهر عنهم ..
شمسه : امايه ليش ودوم مابتروح حتى انا مابروح المدرسه ..
ام سيف : يامايه ضرسها ايعورها ..
شمسه : جذابه هي اصلا ..
ام سيف : حليلها هاي صغيره شعرفها بالجذب .. ؟؟
شمسه : شو شووو ؟؟؟ مايعورونها هي بس اتجذب عشان ماتسير المدرسه ..
سيف : اتجذب ههههههههه باي لغه هاي .. صباح الخير ؟؟
ام سيف : صباح النور والسرور ياولديه .وراح سيف وحب راس امه ..
سيف : اشعندهن بناتج ..
ام سيف : اشعندهن بعد موال كل يوم اشعنه وحده تبا اتغييب لازم كلهن ايغيبن .. ارقدن ارقدن ابرايكن ..
سيف : يله يله هنتيناتكن يله جدامي ... مافيكن شي ولا الله قاله الا علثتكن هاي مابتنفعكن يله نشن ..
وديمه : انا امييه .. قالتليه غييبي ..
سيف : لا غياب ولا الله قاله .. نشن جداميه يله ..
ام سيف : انا مايخصنيه .. قومن روحن المدرسه اخيرلكن عن لا تفوتكن الدروس صدقه اخوكم ..

ظنكم اشعنه اليازيه تمت صاخه ؟؟؟
ظنكم منوه اللي كانت تتطريه اليازيه يوم طرت عرب اعيونهم سوود ؟؟
شو تتوقعون من الاحداث والشخصيات بتكون افكار القصه ؟؟

شيخة الغيد
21-12-2005, 03:10 PM
الجـــزء الثانــــــــــي
انته شوفي وانته عمري والهنــا.. ياجسد بي روح ولروحي جسد
وانته عيني وانت نوري والسها .. وانته اســــبابي اذا حبي خمد

في بيت بو عبدالله
الساعه 7 المغرب
يوم الثلاثاء ..


هالوقت كلهم كانوا قاعدين في الصاله .. عبدالله وحرمته العنود وام عبدالله واسماء ..
هادف : هوووود..
ام عبدالله : اهداااااا ..
هادف : السلام عليكم ..
الكل : وعليك السلام ..
اسماء : وينك انته من البارحه ماشفتك ؟؟
هادف : اونه عاده اللي ايقول الحينه ذابحنج الشوق ..
اسماء : ههههههه .. عليك انته .. امممممم .. ميبي ..
هادف : هاي بنتج يبالها عضضضضضه ..
عبدالله : دواها الدلووووعه ..
اسماء : اااااي جتفيييه .. اااااي .. هادف لا تعضني من اهنيه عضني اهنيه صوب العظم ..وتمت ادزه ..
العنود : انتي ابكبرج عظم .. هههههه.. هادف حرام عليك فجها ..
ام عبدالله : وايه يعلني افدا بنتيه اشياااااك اتوحشت عليها ..
اسماء : ووووع كله تفال .. ياخي عندك حرمتك لين الحينه ماعقلتك .. اففففففففف ..
هادف : اشعنه يالبقره اتشوفيييييني ياهل ..؟؟
اسماء وهي تربع : الا انته .. ههههههههه ..
مهره: السلام عليكم ..
الكل : وعليكم السلام ..
مهره : هادف
هادف : لبيه اعيونه (واشر ععيونه ).. قلبه (واشر عقلبه) .. لبيييييه ..
مهره وهي معقده حياتها وتضحك عليه : شياك ع اسامي فديتها ؟؟
هادف : دواها ..
ام عبدالله : هذيله هم هادف واسماء من هم واصغار جذيه عاده احيد اول كلنا كنا في غرفه وحده .. ويوم بيي ارقدهم كلهم ارقود الا هم الاثنينه يتفاررون بالمخاد وهاذا ياشر حق الثاني وهاذا يهدد الثاني .. وكبروا وهم خرشان والخريش عمره مايعقل .. وطالعي مع انه اكبر عنها بثمان اسنين ماتخاف مااتقول اكبر عنيه لا مالي خص فيه لا تخرشه ازياده ..
عبدالله : ههههههه .. صدقتي يامايه ماقلتي شي .. محد طلع عاقل الا انا وسلامه ..
ام عبدالله : فديييته وطحنون بعد ياره الله .. والله يانه الدار هب مرغوبه ابلياه ..
العنود : ياله ياعمتيه جانه الا عميه هو اللي مسافر ماتولهتي عليه جذيه ..
ام عبدالله : ههههههههه .. ومنوه طراله عمج .. خليه ويامزارعه وبعرانه ...
هادف : هيه عاده انتي اقعدي قولي جذي واخر شي خليه ياخذ الناقه على راسج . وتستوي حرمته الثانيه..
ام عبدالله : هدووف مسود الويهه .. اعنبوووووك ..
عبدالله :هههههههههههه .. واتخيل انته ياهدوف انك اتكون ولد الناقه هاي .. عادي ترا انا شاك في امرك ياخي المزاريع كلهم حنطاويين الا انته من وين ياييب البياض ماعرف ؟؟
هادف : قل اعوذ برب الفلق قل اعوذ برب الفلق ... اخر شي بحترق و بستوي صخامه انا ..
ام عبدالله : يابويه رد الشهاده ع ويهه اخوك .. حليله
مهره : لا ياخالتيه لاتزيدينه ثره هو ماينزاد خقه..
ام عبدالله : ثرها الخقه راكبتنه ..؟؟
مهره : عيل مزروعي عالفاضي ..
هادف : هااااا شو ابلاهم المزاريع جان ماخذتوا منهم عيل ..
مهره : عاده المشكله العوده انه خالتيه خذت منهم وانا نصيبي لحق نصيبها ..
العنود : هيييه ماشاء الله عيل ربي ايعينكم عليهم .. ويعينيه وياكم ...
ام عبدالله : عاده في اللوص والخريط محد شراتهم ياله ... يطفح يطفح من فوق روسهم ..
عبدالله : امايه عاده هب ثرج اتغلطين علينا من الصبح ... ونحن اسكوووووووت ..
ام عبدالله : مسود الويهه الا انتوا اعيالي والحرمه تلحق ريلها وخلاص ثرني غديت شراتكم ..
عبدالله : هيه اذا جذيه ماعليه ..
هادف يطالع مهره : تسمعييين يعني انتي الحينه لاحقتنيه ..
مهره : هههههههه .. ماعليه انزين
وهزت راسها وتمت تتطالعه وخلاف ظهرت عنه من باب الصاله وراحت قعدت ع الدجه وهو مات من نظراتها وظهر وراها..
هادف : انا كم مره اقولج لا اتسويلي هاي الحركه ..؟؟
مهره : امممممم .. اشعنه ..
هادف : اموووووت مكاني ..
مهره : ياله ياله .. انزين هدوووفي ..
هادف : ااااااه .. لبيه لبيه امري بلي تبينه ..
مهره : امممممم .. شو رايك انروح العدسه الذهبيه ونتصور صوره حلوه ؟.؟
هادف وهو معقد حياته : مافهمت كيف نتصور ؟؟
مهره : يعني نتصور انا وانته ....
هادف : هاتي الكيمره وصورييني لين مايحترق الفلاش ..
مهره : ههههههههه .. لا مابا اشعنه اتقاشر ع الكيمره وع الفلم خله يحترق فلمهم ..
هادف : ماعليه يامهروه انقلعي مابوديج .. وتوه بيروح عنها نشت تربع وراه ومسكته من ايديه ..
مهره : هدوفي غناتي .. اتمصخر .. الحينه بتودييني ولا لا ..
هادف : من اعيووووووني ..
مهره : ياويييلي انا .. تسلمليه اعيونك ..
هادف : انزين يله سيري البسي ..
مهره : لا تعال اباك تكشخ ويايه ..
هادف : اه منج انتي يالعاطفيه .. فديييت العاطفييييين انا ..
مهره وهي قافطه : يله عاااااااااد.. وروحت عنه ..
هادف : انزييييييين .. ياااااي يااااااي .. وراح وراها ..

في بيت بو محمد
الساعه 10 فليل
الثلاثاء

حصه كانت طايحه في الصاله قاعده تتطالع قناة نجوم ... وامها ولطيفه قاعدات على الكراسي اللي وراها ..
حصه : يزوووووي .. يزووووي ..
ام محمد : محد يزوي اهنيه لا تسندرين رورسنا
حصه : وين سارت هاي بنت البطه السوده ؟؟
ام محمد فاجه اعيونها تتطالع حصه : يالسباله ..
حصه : ههههههه اوووه اوووه نسيت نسيت قصديه بنت القمر الحلو ..
ام محمد : يااام لسانين انتي شو تبينها البنيه ربها سارت ترقد ..
حصه : مايحتاي عاده بنتج وايد بترقد .. امايه يوم بييون هيلاك المزايين ازقرينيه بروح ازقرها هاي ..
ام محمد : اي مزايين اللي بييون بعد ؟؟
حصه : امايه هيله اللي في نجوم اللي في اغنية هب النسيم ..
ام محمد : هبي هبي يالسباله مسودة الويهه لا تستحين ولاتتخيلين ولا اتقولين انا بنيه مابقول جذييييه عيييييب .. وشلت ام محمد قوطي الكلينكس ومن شافتها حصه نشت ربعت وظهرت من الصاله وراحت صوب الدري وضرب القوطي في اليدار ..
حصه وهي اتوايج ع امها : هههههه .. هدي هدي ..
لطيفه : امايه امثتها ..
حصه : لا توته لا تمثتيني ولا شي .. ولا ثي ..
ام محمد : انقلعييييييي .. بنشوف منوه الي بيخليج اتشوفينها هالقناه مره ثانيه مسودة الويهه ..
حصه : اماااايه ..
ام محمد : وويييييييعه ..
حصه : يالااااااه انزين الحينه انا ماتفديتهم ؟؟ .....
ام محمد وهي اتزاعق : اقصوورج بعد ..
حصه : ههههههههه ... مايفر الراس الا اللي صوب القلب .. وتمت اتحرك حياتها حق امها . وروحت عنها تزقر اليازيه .. وتمت ام محمد تتحرطم على حصه .. راحت حصه وشافت اليازيه قاعده ع اللاب توب مالها
حصه : بوووووووه ..
اليازيه وهي متروعه : هاااااه ؟؟
حصه : هههههههههه .. اتروعتي ..
اليازيه : فقدتج يالدفششششششششششه .. متى بتعقلييييين .. لين متى بيتم عقلج في انعالج فكري مره وحطي عقلج في راسج ..
حصه وهي تتطالع اليازيه منصدمه : لا والله.. لا والله .. انا الحينه عقليه في انعالي ؟؟
اليازيه : اشعنننننننه ؟؟ حظرتج عندج شك في هالشي .. ؟؟
حصه مسكت اليازيه من رقبتها : اذا انا عقليه في انعالي فانتي عقلج اتعلق ع ظهر حمامه راح لندن انزييييييييين ..
اليازيه : اااااي يعلج العوووق بموت يالسباله خنقيتيينيه ..
حصه : هيه صح ... لا لا خلاص اسفه اسفه .. اممممممموااااح وباستها ع راسها ..
اليازيه : لا الحينه اتبوسيني هااااا؟؟ مسكتها اليازيه من ايديها و عقتها ع الشبريه وتمت تضربها بالمخده ..
حصه : ههههههههه .. ااااي ااااي والله خلاص خلاص سوري اخر مره ....
اليازيه : اخر مره ؟؟؟ قولي توووووووبه ؟؟
حصه : تووووبه توووبه والله تووووووبه . ااااي ااااااااي ..
اليازيه وهي ادزها : انقلعي .. ونشت حصه وتمت اتعدل شعرها ..
حصه : هههههههه .. مجررررمه .. هيه صح يزوي ..
اليازيه : هااااااااا.؟؟
حصه : اف صدي عليه ..
اليازيه : يعني مثلا بسمعج بعيوني تراني اسمعج ؟؟
حصه : هههههههه .. لا براسج .. ياهلويهه ..
اليازيه : حصيييص .. قولي اللي تبينه وانقلعي برع اخيرلج ..
حصه:اقولج يوم بتكون غرفتج انتي وريلج هييج الساعه طردييييني ..
اليازيه : هي حيرتيه انا وريلي انتي اشعليج ..
حصه : اممممم عليه جلابيه .. هههه حيره وندم .. شو ها حيرتيه بعد..
اليازيه: ماعرف فتحي القاموس ..
حصه : هقهقهاااااااااق .. سخيفه ماتضحكين تبين اتضحكين بس ماترومين ..
اليازيه : حصوووه بجتلج .. بس بس ..
حصه : انزين انزين بس خلاص سوري سوري ... والله انزين عاده خبريني شو اتسوين ..
اليازيه : ماشي قاعده اسوي ايميل حق محمد ..
حصه : اشعنه ؟؟
اليازيه : بعد اشعنه ايسوون الايميل انتي اشعنه عندج ايميل انا اشعنه عندي ايميل .؟؟. بعلقه في برواز شو رايج ؟؟
حصه : انزين بس هو المفروض انه ايكون عنده من زمان ايميل لانه يدرس .. واكيد يحتاي انه المدرسين ولا الطلاب يطرشولهم ..
اليازيه : اه منج يالذ كيه ايميل هذاك غير هب عالهوت على الايميل مال الجامعه .. فهمتي ياذكذك ..
حصه : ااهاااااا هييييييييييييه .. انزين سويله ..
اليازيه : بسويله انزين تراني اسويله ..
حصه : انزين يزوي تعالي ويايه بنسير انرمس امايه عسب اتودينا العين ..
اليازيه : اشعنه نحن مابنروح هالاسبوع ..
حصه : لا سمعت امايه اتقول مابنروح ...
اليازيه : لا ظبيه بتي ..
حصه :اعرررررف .. عسب جذيه اريد اروح .. واحنا من اسبوعين مارحنالهم الحينه ..
اليازيه : هيه والله ..
حصه :يله عيل ..
اليازيه : روحي انتي ابتدي فيها وانا بيي اكمل عليها ..
حصه : ههههههه ...لا توها مواقعتينيه ومعصبه عليه ..
اليازيه : اشعنه ؟؟
حصه : ماشي قتلها يوم بيحطون المزايين اللي في هب النسيم ازقرييني . وعصبت .. عاده انتي امج ماتبانا انقول عن حد انه حلو ..
اليازيه : ههههههههه .. انتي ماتستحين ؟؟..
حصه : لا اشعنه استحي انا ماقلت شي عييب ؟؟ ياله انتي الحينه يوم تتطرينه طحنون واتمدحينه واتمدحين جماله اه وطوله يالاااااه .. ماتستحييييييين ؟؟
اليازيه : جــــب .. ياله عليج امشي امشي يام العيب انتي يله جدامي .. ونزلن اليازيه وحصه وحدرن الصاله ..
ام محمد : ييييتي مسودة الويهه ؟؟
حصه وهي رايحه صوب امها : هههههههه .. حياتي قلبي وحبت امها ع راسها وتمت معلقه اممممممممممممممممممممممممممموووااااااااااااااااااا ااااااااااااااااااااااااااااااااااااح ..
ام محمد : بببببس بببببببس اف لزقتي اشعندج نشي ؟؟
حصه : هههههههه .. نشيت هاه خلاص .. زعلانه يالقمر ..
ام محمد : من يومج الا انتي خبله ومحد يزعل من الخبايل ..
حصه : انزين ماعليه .. المهم ريييييمي ..
ام محمد : لا والله .. لاعبه وياج انا في الشارع هاه ؟؟
حصه : لاااء لااااء .. انتي اشعنه ايروح فكرج ابعيد .. فديييت الريم شيخة الحريم انا ..
اليازيه : امايه اتولهت عليج ..
ام محمد : فديتج انتي يالعاقل محد مريحنيه في هالبيت الا انتي .. الا تعالن شو سالفتكن تتفدن شو عندكن هاتن من الاخر ..
حصه : طلبتج قولي تم ..؟؟
ام محمد : رديييتج ..
اليازيه : افاااااا افاااااا .. اتردينا .
ام محمد : اقولكن بتذلفن عنيه وبتخلوني اسير ارقدن اختكن ولا لا ؟؟
اليازيه : امايه كلمه كلمه ..
ام محمد :شوو تبن ؟؟
اليازيه : امايه حرام انريد انروح العين عن قوم يدتيه دخيلج امايه حرام .
ام محمد : لا لالا .. اعنبوه شو كل اسبوع ؟ الاسبوع الياي ..
اليازيه : لاء امايه حرام عليج ..
حصه : هااااااااه .. اخ ياعيييني وين من كل اسبوع نحن من اسبوعين مارحنا ..
ام محمد :عادي هب لازم انروح كل اسبوع وانخلي ابوج اروحه اهنيه ..
حصه : امايه ابويه مايتم روحه اهنيه وابويه متعود ايسير البحر والخميس المزرعه ونحن بس نيلس اهنيه شو انسوي .. امايه فديتج فديتج ..
اليازيه : هيه امايه الله يخليج .. وتمن ايبوسن امهن ..
ام محمد : بس بس خلاص يله يله فجني بوديكن خلاص ..
حصه : اتعيش امااااايه اتعيييش يس يس .. ونشن ينااقزن ..

شيخة الغيد
21-12-2005, 03:16 PM
في السياره
يوم الاربعاء
الساعه 5 العصر


انته ميعادي وسهدي والعـــنا .. وانته تعذيبي وصبري والجلد
وانته راحاتي وروحي والظنا .. وانته الاول مابها قــــبل وبعد


حصه : امايه ..
ام محمد : خير لا تلوعن جبديه في الطريج ..
حصه : انزين امايه شو رايج في اجازة الربيع انسير لندن حق حمود..
ام محمد : واشعنه ان شاء الله ..
حصه وهي تتطالع اليازيه: امايه لانه اتولهنا عليه .. فديته ماشفته من الصيف اللي طاف يوم يانا كم يوم وراح ..
اليازيه باست ايديها ونفخت فيها وطرشت البوسه حق حصه . تمت ام محمد تتطالع اليازيه مستغربه منها ..
حصه : اطالعي ايديج ..
اليازيه وهي تتطالع ايديها : هاه اطالعت ..
حصه : ووووع طالعي كيف كلها طحالب ..
ام محمد : ههههههههههههههه الله يقطع ابليسج .. وتموا كلهم يضحكون حتى الخدامه واليازيه تتطالعها معصبببه ..
اليازيه : تتدرين انج سباله .. وكفختها ع راسها ..
حصه : اااااااخ ...
ام محمد : هو خمس شهور ان شاء الله وبيرد وانا ماروم ع السفر كل سنه ..
اليازيه : امايه حرام ...
ام محمد : لا حلال ولا حرام بسكن عاده صخن شويه .. ياينكم رمضان صكن احلوجكن ..
حصه : هاااااااااااااه .. امايه لحقي لحقي .. الرماح الرماح .. امايه دخيلج خلينا انمر انسلم ع خالتيه موزه امايه عشان خاطريه ..
ام محمد : حصيص بخش انعالي في حلجج.. صخيييي ..
حصه : امايه حرام بيطوف اللفه خلي يلف خليه امايه .. افضل لف لف ..
افضل : ماما لفي ؟؟
ام محمد : لا بابا روح روح كمل دربك دربنا طويل . .. وصدت على حصه .. انطبي انطبي انتي..
اليازيه : ههههههههه ..
حصه وهي معصبه : ضحكتي من سرج بلا ان شاء الله ااافففف .. ولفت ويهها صوب الدريشه .. تتطالع وكل شويه اتقول ااه ااه ..
ام محمد : بسج عاده ... شميتي الريحه ؟؟
حصه : ياليتني اوصلللهم عاده ..
منصور : منوه تبين ؟؟
حصه : ابا يزوي ..
منصور : هاذيه عدالج ..
حصه : ممكن يااخ منصور اتلف ويهك واتم في حالك لاايك كف ع ويهههههك..
منصور : امايه انا عليه امتحان يوم السبت ..
ام محمد : ماعليه يوم بترد بندرسك اياه ..
اليازيه: ااف صدعتوا روسنا بسكم عاده ..
ام محمد : يله اجوف حد منكم الحينه يرمس لا اردكم بوظبي واخليكم تتصايحون ..
لطيفه : لا ماما انا اليد الوح عند يدووه ..
منصور : توته تعالي بنلعب ..
لطيفه : مابا بلدد انا ..
منصور : انا ليش ماعندي ولد يلعب معايه كل الاولاد عندهم اخوان يلعبون معاهم الا انا .
ام محمد : تراك الحينه ساير عند اعيال خالك وبتلعب وياهم بس صكها الدعنه ..
ووصلوا هل بوظبي العين ..


بيت بو علي
الساعه 7 المغرب
الاربعاء


حصه لاويه ع يدها : شحالك فديييتك والله انيه متولهه عليك يالاااه يايدي كيف وتمت اتبوس يدها ..
بو علي : خلج انتي عاده يالعيوز .. ممره ..
حصه : الا يدي بسالك انته بتم طول عمرك جذيه غااوي ..
بوعلي : ماخرب يعلني افداج ..
حصه : ياله يايدي عاده الا الجمال من عقبكم ياهل بو الخييييييل ..
بوعلي : من زمان مقيوله فينا .. يابنتي ..
حصه اتلف ع يدتها : ريلج خقاااق ..
ام علي : هي يامايه وانتي بزيه علينا ازياده .
حصه : ههههههههه ..
بوعلي ايحرك عصاته : هب هههب .. منوه اللي رمس ..
اليازيه : يدتيه بتضربها .؟؟ هههههه .
بوعلي : هيهااااء .. لا لا كله ولاام علي يعلني افداها انا .. يعل يديه القص قبل لا امدها عليها ..
حصه : ياعييني ياعييييييييني ع الحب .. عاش الجوو رووح مافيه منها الرومانسيه ...
مريم : نحن الا نتعلم منهم ومتعودين ع هالاجواء ..
ام علي : انتن ثركن موووول ماتخيلن وانتي حصيص مسودة الويهه عدج ماعرستي شو هالسوالف ؟؟..
حصه : ياله ياييدتيه تعالي تبيني اعلمج ..
رفع بو علي عصاته : مسودة الويهه شو بتعلمينها احبك واموت فيك وافديك ابروحيه واعطيك ورده .واعطيك كبله
اليازيه : يدي شو الكبله
بو علي : البوسه
وتموت كلهم يضحكووون عليه .. ..
حصه : وابووووكم .. لا لا العصا شررده ..
اليازيه : دواج العصا لمن عصا ..
احمد : السلام عليكم ..
الكل : وعليكم السلام ..
وراح احمد ووايهه حصه واليازيه ..
احمد : جني الا اسمع كلام حب ..
ام علي : لا لا محد قاله الله يبحص ابليسج ياحصيص .. بتخربين الولد ..
حصه فاجه اعيونها والكل يضحك ..
احمد : امايه في شوه عاده حصووه بتخربنيه ...؟؟
ام علي : لا يابويه ابدا سلامتك ..
حصه : هااااااه جاني انا الحينه بخربه .. االله واكبر الله واكبر وتمت حاطه ايدينها ع راسها ..
ظبيه : شو بلاج هههههههه تولوليييين ؟؟
حصه : تعالي ياظباايه وسمعي اوني انا بخرب احمد اذا سمع فديتج وحبيبتي ..
ظبيه : هههههههههه .. ومنوه اللي قال ..
حصه : يدتيه ..
ظبيه : هاذا ولدج بيعلم ابلاد ..
احمد : انا افا والله افا ياامايه اتشوفين شو ايقولون عنيه ..
ام علي : ههههههههه يابويه هيله مايخيلون .. عاده الحينه من اجتمعن خراب الدار ظبيوه وحصوه .. بتخرب اليلسه ..
حصه : افا افاااا .. امووووووت فيج انا وراحت لوت ع يدتها وتمت طايحه على ريلها ..
ام محمد : يله يامايه خلصت انا ..
ام علي : اليازيه امايه الله لا هانج هاتي عباتيه وياج ..
اليازيه : ان شاء الله ...
حصه : ماشاء الله الريم كاشخه ع وين ان شاء الله ..
ام محمد : مايخصج انتي قري مكانج يله امايه
حصه : يدتيه وين بتسيروووون اشم انا ريحة خيانه ؟؟
ام علي : بنمر صوب ختيه موزه الرماح .. ايقولون ميهوده حليلها ..
حصه : وانا ؟؟
ام محمد : انتي قري مكانج اخيرلج ..
احمد : ويين وين اتسيرين انتي عاده بيتهم كله شباب رازه بويهج ع ويين ؟؟
حصه : ااه ..
مريم : ظبيه مابتسيرين ..
ظبيه : لا يختيه راسي يعورني اليوم يايه من سويحان واصك درب الرماح لا لا بمر عليها اخلاف .. امايه قولي حق خالتيه اني تعبانه ..
ام علي : ماعليه يله مع السلامه ...
وظهرن ام محمد وام علي ووياهم لطيفه وركبن السياره وراحن صوب الرماح ..


بيت بو سيف
الساعه 8 فليل
الاربعاء

سيف وخالد وناصر وام سيف كانوا كلهم في الحوي .. ام سيف وخالد قاعدين ع الدري اللي يدشون منه البيت .. وسيف وناصر واقفين صوب القفص مال الحمام ع الرمله ..
ناصر : سيفوووه يلعن خييييره الطير شو سوابها الحمامه ..
سيف : ههههههه شو تتحراه انته حر هاذا حرررر .. والحر من طبع الاشراف ..
ناصر : بس ياخي والله انهن حماميه خلصن كل يوم نعطي طيرك وحده مره ثانيه تباله حمامه السوق فاج حلجه ..
سيف : الا هن حمام ..
ناصر : فقرتني ..
سيف : ياله عاده ..
ام سيف : انته الحين بخبرك مجابل هالطير مجابل بدال ماجابله.. هب اخيرلك اخطب لك واتجابلها اخير عن الطير ع الاقل الحرمه بتييب لك اعيال هاذا شو بيبلك ان شاء الله ..
سيف :امك موووول عاده عالدقه .. يامايه استهدي بالله انا توني صغير ..
ناصر : مايحتتاااي عاده .
ام سيف : وين صغير ياولديه وانته اللي كب ك معرسين وعندهم اعيال تتدري انته كم عمرك الحينه ؟؟
خالد : هههههه 27 سنه و3 شهور وساعتين وثلاث ثواني ..
ام سيف تضرب خالد ع جتفه : ههههههه .. اشعنه انته اللي يايبنه ؟؟ ..
خالد : افااااااااا افااااااااا .. شو اييبه بعد قولي بعد حملت به افااا ياام سواف ..
ام سيف : انتوا هب بسكم من هالحمام هب زين هاالحمام والطيور فليل ..
ناصر : امايه عاده كشافات ع الفاضي يعني ..
ام سيف : لا يابويه هب زين ..
وشويه الا بدشة الستيشن مالت بو محمد عليهم ..
خالد : حوووه حوووووه منوه ها .؟؟؟ اللي حادر علينا جذيه البيت ..
ناصر : هاي سياره غريبه ..
سيف : يمكن بطووي يايب سيارة حد من ربعه ولدج دومه يسويها ..
وشويه الا نزلت ام علي ووياها ام محمد ..
سيف : مرحبا مرحبا بالشيوووووخ .. وانا اقول شو السالفة الرماح منوره اليوم ..
ام علي : منوره بوجودك ياولديه .. وراحوا خالد وناصر وسيف وسلموا على خالتهم وعلى بنت خالتهم الريم وييت ام سيف وسلمت عليهم ..
ام سيف : توه مانور البيت .. من زمان ونحن نهذييبكم عسب اتونا ..
ام علي : ياله عاده خلي عنج انا هاك الاسبوع كنت عندج ..
ام سيف : انا قصديه عن الريم فديتها شحالج امايه وشحال محمد واخواته واخوانه .؟؟
ام محمد : بخير وسهاله كلهم ابخير الحمد لله ..
ام سيف : فديييت توته انا تعالي فديتج تعالي .. وراحت لطيفه وحبتها ام سيف ..
سيف : ياله منوه هالمزيونه ؟؟..
لطيفه : انا توته ..
خالد : هاي غرشوبه من غراشيب بوظبي ..
سيف : ياويييييلي انا عالتوووووت ..
لطيفه : لاااااا مث توت توته ..
سيف : ان شاء الله عمتيه توته ..
ناصر رايح صوبهم : مرحباااا مرحباااا ملاييين بغرشوبة العين..
ام علي : ههههههههههههه .. الحينه انا العيوز خليتني غرشوبه ؟؟؟
ناصر : افا افااااااا ..
خالد : ومنوه قال انج عيوز خليني اكسر راسه .. ليتج بنت ماتخطيتي العشرين حرام لااسوووم روحي وقلبي كله بس فدوى نظره من اعيونج ..
ام علي وهي مستانسه : ههههههههه .. الله يخس عدوكم ماتنغلبون في الرمسه ..
ام محمد : ههههه يامايه شو تبين بعد اكثر عن هالغزل ..
خالد : لا عاده ياخالتيه هالرمسه ماتنقال للكل ماتنقال الا للزين ..يالزين ..
ام علي : ماتنغلبون في الرمسه ياعيال ختيه ..
خالد : ههههههههه افداج ..

شيخة الغيد
21-12-2005, 03:22 PM
بيت بوعلي
الاربعاء
الساعه 10

كانت حصه واليازيه وظبيه قاعدات في الصاله ..
حصه : اف لين الحينه مايوا ليتني رحت وياهم والله ياظبايه اني متولهه اريد اشوفه فديته وماتخبلت عليه ازياده الا يوم شفته ايول في عرسج ويا قوم احمد سعيد ..
ظبيه : حصوه لا تتعلقين في امال احسلج ..
حصه منحبطه : اشعنه ؟؟..
اليازيه : انا دومي اقولها هالشي بس هيه الله يهداها ..
حصه : انزيبن خلوه يشوفني عسب ايحبني هو يعديبي يوم انا اني كنت ياهل في صف سادس .. الحينه من خمس اسنييييين .. والمشكله يوم ايي ايمر ع يدتيه اكون انا في بوظبي شو اسوي والله حرام والله انيه احبه من خمس اسنيين بس بس اف اتعذب انا وايد ...
ظبيه : حصيص لا تفكرين هالتفكير ترا هذيله عيال خالتيه هوايتهم تعذيبب البنات جوفي انا قبل كنت اموت في سيف اموت في التراب اللي يدوس عليه اتخيلي كنت اسيرلهم واتم عندهم لين فليل بس عسبه وانا صغيره اتخيلي كان عمري 10 سنين اربعه وعشرين ساعه في بيتهم ابا نظره ابا ايعبرني ابدا لا حس ولا خبر .. حتى علايه بنت خالتيه راحت وقالتله سيف ترا ظبيه اتحبك اتوقعي شو رد عليها ..
حصه باحباط : شوووو ؟؟
ظبيه : قالها روحي قوليلها عن هالخرابيط ... انا ماتعيبني هالسوالف وانتوا شرات خواتي اتخيلي وانا هالوقت كنت في بيتهم ..
اليازيه منصدمه : هاااااااااه .. سخييف كم كان عمره هو هالوقت ..؟؟
ظبيه : هو 15 وانا 10 ..
اليازيه : اوييييه ... حصوه شليه من بالج خلوود ترا هب داري عن هوى دراج انزين ..
تمت حصه ساكته وسرحانه ..
اليازيه : حصييييييييص ..
حصه : ..................
ظبيه : الحص يعلني افداج في هالزمن لازم هو اللي يحبج ويلحق وراج انتي لا تحبين الا اللي بيحبج نحن بنات مابيدنا شي مستحيل انسير بيتهم وانخطبهم اذا حبيناهم او اذا حدروا خاطرنا لا الريال هو اللي بيده هالسلطه انه يشوف البنت اللي تعيبه وايروح يخطبها .. فهمتي ..
حصه بيأس : حرام عليج لا ماتخيل والله انا احبه والكل ايعرف بهالشي ماقدر والله مااقدر ..
ظبيه : اوكييييه حبيه بس لا تعلقين عمرج امال عسب مايطيحن كلهن عراسج .. شرات مانا سويت اتخيلي كنت اشوفه كل شي في حياتي كبرت وانا احبه بس جوفي نصيبي وين فرني لاني انا هب من نصيبه وانا الحينه ويا مطر يعلني افداه عايشه فوق السحاب ... ماظن انه حد ايحبنيه فهالدنيا شرات ماهو ايحببني ..
اليازيه : اااااه ياويلي انا ع الحب ..
ظبيه : هاه وانتي بعد شو فيج ليكون ؟؟ امنوه بجتلج ليكون بطوي ولا رشود ولا ناصر ..
اليازيه :هههههههههههه لالا .. انا محد في خاطريه مابا اتعذب ..
حصه : اووووونه عاده ..
وشويه ودشن ام محمد وام علي ..
ام علي : السلام عليكم ..
حصه : مابغيتوا اتووون جان بتوا عندهم بعد ..
ام محمد : خلج انتي عاده .. سكتي اروحي قابضني صداع ..
ظبيه : ياله يالريم انتي دومج مصدعه ..
ام محمد : شواسوي كم طريق اليوم انا ضاربه لازم بتعب اعنبوه ..
ام علي : يعلني افداها الريم انا ..
ظبيه : هيه انتي كله الريم والريم ..
ام محمد : اشتغلت الغيررررره ..
ظبيه : ههههههههه .. لازم عيل شو .؟؟
ام علي : الا وين مريم ؟؟
ظبيه : وداها علي من عقب ماظهرتوا بيت هلها ..
ام علي : حليلها ..

الخميس
الساعه 2 الظهر ..
بيت بو علي ..

كللهم كانوا قاعدين في الصاله يتغدون ..
سعيد : السلام عليكم ..
ام محمد : حشا يابوك عاش من شافك انته وين ؟؟
سعيد : هلا هلا وغلا هلا بالزعييييييمه .. انتي اهنيه ماشاء الله اتصدقين انيه مادريتبج الا البارحه فليل ..
ام علي: ثرك انته اتقر في البيت عسب تتدري في حد ..
سعيد وهو يتلفت : ماشاء الله منوه هاي اللي صوتها غاوي اللي توها رمسة انتي ظبيوووه لا لا انتي صوتج هرن سياره اكيد اكيد قمر الرماح .. وراح صوب امه وحبها ع ر اسها ..
احمد : هييه عطيييه الدلع ..
ام علي : فديكم والله يعلني مخلا منكم ..
سعيد : ولا منج يالغاليه .
ظبيه : اقولكم انتوا اشعنه ماتودونا المطعم اتغدونا ولا اتعشونا عافان الله عندكم خوات ماتقولون بنوديهم مكان .
احمد : ههههقققققققهق اشعنه الغاليه ريلج وين ؟؟..
ظبيه : انا يوم عندي ريلي ملزومه به ويوم عندكم ملزومين ابيه ..
سعيد : اونه ..
احمد : لحظه سعود انزين وياويهج اتقولين يوم السبت وين تبين اتسيرين ان شاء الله ؟؟
ظبيه : مطعم نتعشا ولا نتغدا حللينا بنسير وياكم ..
ام محمد : هيه والله وهي صادقه ودونا فرجونا ودونا المبزره بنطمش ..
سعيد : ياله عاده انتن الهنتييين .. يوم تبن اتسيرين تتطمشن وتظهرن ريلج وريلها محد واتسيرين اتحوطن العين بكبرها واتردن وهاذا كله ولا اطمشتن ..
اليازيه : لا عاده سعيد غير يوم وياكم انتوا شباب وادلون كل مكان ..
حصه : هيه ونحن اني العين رحله سياحيه .. هههههه ..
احمد : هههههههه يله عاده .. مره وحده رحله سياحيه ..
سعيد : اقولك احمد رمسة بطووي ورشوود عن هييح السالفه ..
احمد : الله يخسك انته اشعنه تبا تفضحنا ..
سعيد : ياخي شو يعني مافيها فضيحه ولا شي اسمييييينا بنستااانس مصخرررررره ايقولك اخرط على اللي ماتعرفه واللي اتعرفه زيييييييده .. ..
ام علي : شو سالفتكم انتوا الاثنينه ؟؟..
حصه : هههههههههه هيله هم شنقل ومنقل .. اللي في سبيس تون ..
اليازيه نقعت من الضحك : هههههههههههههههه .. هيييه هم هم ..
احمد : اشياهن بناتج اتخبلن .؟؟
ام محمد :اشعنه انته توك اتعديبهم من زمان عافان الله نحن عايشين هالحاله ..
ظبيه : بسم الله عليهن شو اللي مخبل ابهن ..
ام علي : مايابنه من برع .. عشت الينان ع اصوله لين مايوزتج ..
احمد : هههههههههه اتحيد سعود يوم يوم انقص عليها وانلبسها لبس باتمان وانقولها نقزي من الجامه والحبيبه مصدقه بتنقز هههههه تتحرا عمرها اتصور الرسوم .. ..
سعيد : ههههههههههه هييييييييييه ههههههههه امايه انتي اشعنه اتيين اتخربين علينا جان خليتيها اطب ..
ظبيه : بسم الله عليه يعلكم ابدالي ... هههههههه .. انزين ماعليه انا رديتها الحركه ..
سعيد : ههههههههه انا مالي خص رديتيها في احمدوه ..
ظبيه : الحبيب مستانس كان ايموت يوم ايشوف درهم وانا متعمده كنت حاطه الدرهم على النار قتله احمدوه تبا درهم قالي هيه قتله انزين هاك يود عاد انا خاشتنه في البوك وعقيته في ايديه ويا الدراهم واول شي طاح الدرهم الحار هههههههه ..
احمد : انطمي انطمي سباله ثرج كنتي .. مونكككي ..
حصه : اسميكم انتوا يوم اصغار سوالف ..
ام علي : يله عاده عن هالرمسه باجر ان شاء الله رمضان وابا حد ايوديني الجمعيه ..
سعيد : هييييه صح صح .. مبرووووك عليكم الشهر ..
الكل : الله يبارك فيك ..
سعيد : احمد نش ويايه ..
حمد : ياريال مافيييني ..
سعيد : نش عاده عن العيازه وسحبه من ايديه ..
احمد : اعنبوك شو اظهر بوزار وفانيله شو مدراسي ؟؟
سعيد : هههههههه .. يله انزين سير بدل وانا بحر سيارتيه ..
احمد : ع وين ؟؟
سعيد : بنسير نشتري اللبس ..
احمد :ههههههههه خس الله عدوك الله يعينا اليوم .. جان مابيتونا في السجن ..
سعيد : افا عللليييييييييييك .. ماعاش اللي يبيتك دقيقه وحده في ها المكان الخرابه وانته ولد بو علي ..
احمد : حرف الواو يعني ..
سعيد : هييه نعم فوق كل شي ..
احمد : شو اللي مخلي الخقه فينا الا هالشي نحن ..
سعيد : هههههههه .. لازم انساير الزمن بلي فيه ..
احمد : انزين انته اليوم ماعندك حفله ؟؟
سعيد : امبلا بس عاده متى عالساعه 3 بتخاووونا ؟؟
احمد : لا لا عاده انا وبطووي مالنا ف هالسوالف اوكيه نتمشى وياكم نتمصخر لكن هالامكان لا لا .. مالت اليهال اللي شراتكم .
سعيد : هههههه سر سر البس اخيرلك ..
وراح احمد لبس اثيابه وركب ويا سعيد في سيارته وراحوا السوق .. وفي السوق اتلاقوا مع بطي وراشد اعيال خالتهم ..
بطي : الله يفضحكم ان شاء الله ها اللي يماشي اليهال ..
سعيد : يله عاده بطووي تراكم مقتنعين فيها ..
بطي : ههههههههه انا عادي حق السوالف والمصخره والتتطنيز كل شي بسوي ..
سعيد : اشهد انك خييييلي .. خشمك ... وااايه مزيووووونه ..
احمد : روح انزييين من حلاتها ..
راشد : ههههه اشعندها تتطالع امحق اعيون في ذمتيه ..
بطي : عادي هذيله الاشكال بتي هي اترقمك ماعندهن مانع ..
سعيد : اتهبي الا هي بخش الانطونيو في حلجها ..
راشد : ياله ياله عاده مايحتاي محد لابس الانطونيو الا انته بتخبرك اشعنه الخققققه ؟؟ الحينه انطونيو ههههههههه اخلاف لبس بتان ..
احمد : ههههههههه ياريال صدقت مايستوي لبس بتان ونعال انطونيو..
بطي : ههههههههه بتان مطورين ..
ودخلوا المحل اللي بيبع لبس البتان ..
احمد : سلام عليكم .. ارباااااب ..
الريال : واليكم سلام بابا ..
احمد : في عندك هاذا لبس مال بتاني ..
الريال : اي في موجود .. كلششش لوون في .
بطي : عاااش بالوان بعد .. خخخخخخخخخخخاااااااي ..
راشد : ههههههههه عسب تثبت الجنسيه ..
سعيد: اخاف ونحن لابسين لبسهم ايرشونا بجواز ..
احمد : هيه ترا هاذا اللي ناقص ..
بطي : هات بحري انا ابا بحري ..
راشد :اوكيه بطووي بحري وانا اخضر وسعوود بييج واحمدوه ابيض ..
احمد : هيه والله صدقك ها شو رايكم في الالوان .. ترا ماشي اخير عنهم ولا الباقي كلهن مقصصصه ..
سعيد : هههههههه هيه والله .. يله انزين رفيق عطنا ها الالوان ..
الريال : انتوا في وين رووه .؟؟ لبس بتاني لبس سيمسم انا يلبس ..
راشد : بنسير بنغازل ..
بطي : هههههههه خسك الله لا بنسافر باكستان ..
الريال : هاذا في باكستاان واااجد هلوو ..
سعيد وهو يمط عنه الكيسه ودفع الحساب : اعررف مايحتاي عاده بلاد الس للعجايب باكستان ثرها ..
الريال : شنو ايقول انته بابا ..؟؟
بطي : مافي ايقول شي ايقول هاذا واجد بلاد في مزبووووط ..
استانس الريال ع رمستهم ووقفوا عند سيايرهم اللي كانت موقفه في الباركن ..
راشد : انتوا ناووين ع موزه تتطردنيه اليوم من البيت كيف بلبس اللبس جدامها واظهر ..
احمد : وين موزه ياريال اهوووون حلج فطيييييييم شو يصكه ..؟؟
سعيد : ههههههه .. انا بخبركم تتدرون شو بنسوي ..
بطي : يله راعي الفكره شور علينا هب انته اللي مخطط نلبس هاللبس و انحوط به في المول مطنزه ثرنا
سعيد : هههههههه .. جوفوا اول شي نحن بنخلي الثياب في سيارتيه ع اساس انا نحن اللي بنمر عليكم الرماح وبتركبون ويانا وخلاف بنمر الشيشه وبنبدل في الشيشه مالت البترول وخلاف بنركب وبنروح السوق مال الشارجه ..وخلاف بنرد العين وبنسبح وبنسير العين مول نطالع الاوضاع قبل رمضان ..
بطي : واشعنه مانروح المول انروح السوق ..
سعيد : شو تبابه المول اليوم الخميس وعادي اي حد من شباب العين ايكون موجود اهناك ويشوفونا ..
راشد :هيه والله عاده نحن لو من بعيد بننعرف .. اسميهم بيطنزون ..
احمد : انتوا اتحيدون انكم بتستون مطنزه يعني من عقب هالسالفه ..
سعيد : ياريال خلنا نستانس يعني الواحد كم بيعيش .؟؟.
احمد : خلك انته عاده محد مونس عمره كثر ماانته مونس عمرك .. بالهببببل .. اخر وناسه ..
بطي : اقولك سعوود بتان في اوودي هاه لا وبعد اخر موديل هاه وين انته تبا ..
سعيد : ههههههههه ابا الشارجه واستوي فيها خاااان وايلس اضحك لين ماهلك ..

شيخة الغيد
21-12-2005, 03:23 PM
في سوق الشارجه
الساعه 7 المغرب
الخميس ..


بطي وراشد واحمد وسعيد كانوا لابسين لبس البتان اللي لابسينه ... واشكالهم كانت صدق اتفطس من الضحك وكل ماشافوا حد لصقوا فيه .. وقعدوا يتمصخرون عليه ..
احمد :هههههههههه يعلكم الفضيحه احس بعمريه مطنزه حق اللي يسوى واللي مايسوى ..
بطي : ههههههههههههه .. كله ولا انته احمدوووووووه طرررر ظاهر غير العرج طافح بهااللبس ..
راشد :ههههههههه .. بس بس واله انيه هلكت ..
سعيد وهو رايح صوب وحده من البنات : انا في واجد هبي هاذا لون اخمرررر ..
راشد : اموت ع الاحمر انا ..
صدت البنت عليهم وهي متروعه وتتطالعهم منصدمه : فقتكم ومشت عنهم ..
احمد :وااااااااو وااااااااااو هههههههههههه واووووووووو .. لقطوا ويهكم ..
سعيد : جب عادي ..
بطي : اتعيشون وتاخذون غيرها ..
راشد :والله لا اراويها .. ومشى وراها . لو سمحتي اختيه وياج راشد الخيلي من التحريات انتي غلطي ع رجال امن ولازم تتحاسبين ..
البنت متروعه : .........................
سعيد : ماعليه ياراشد سامحها هالمره عسبي ..
راشد : لا ياسعيد .. اسف انا ماقدر ..
البنت : والله مكان قصدي بس المفروض انه التحريات مايغازلون ..
راشد : نحن كنا نمزح ..
البنت : انزين وانا بعد كنت امزح اسفه ..
راشد : ماعليه ماعليه جلبي ويهج .. وراحوا عنها ...
البنت حق اختها : تتدرين منوه هذيله ؟؟ ماشاء الله عليهم كل واحد احلى عن الثاني ..
الاخت : امنووووووه ؟؟ لا ماعرفهم ؟ تحريات صح ..
البنت : لا هب تحريات ركبي بخبرج في السياره ..


الجمعه
بيت بو محمد
الساعه 7 المغرب
اول ايام رمضان


اليازيه : يله يامايه عسب انسير انصلي في المسيد ..
ام محمد : يايه البس دليغاتيه ..
حصه : ههههههه امج بتسير المدرسه ؟؟..امايه لا تلبسين وردي بيخالفونج لبسي ابيض ..
اليازيه : ههههههههه ياويهج .. ههههه اشعنه تبين اتطبقين عليها الاحكام اللي تتطبق عليج ؟؟
حصه : هههههههه .. يزوي شو رايج عقب انخلي امايه اتودينا المارينا ..
اليازيه : هيه عسب مره مول اتحفر لج قبر واتحطج فيه اونه بتروح المارينا ..
حصه : والله يزوي انتي قوليلها انج تبين لج جلابيات من اليشمك حق الجامعه لانه رمضان وانتي تبين تلبسين جلابيات ..
اليازيه : انزين انا مفصله عند الخياط خمس جلابيات وياج ..
حصه : يالعنززززز عاده لا تستهبلين بلا سخافه خليهم حق عقب ..
اليازيه : انزين عاده انتي اشعنه تبين اتروحين ..؟؟
حصه :ابا اروح اشوفليه بدل حق العيد ..
اليازيه : ليكون حلمتي انج اتشوفين الشيخ خالد الخيلي اهناك وتبين اتروحين ..
حصه تفصخ انعالها : حوووووووووه مالج خص بالهنعال ترا ...
اليازيه :انزين بس انطمي .. بخبرها عقب مانظهر من المسيد ...
حصه : امايه يله يبونج اتاذنين في المسيد ..
ام محمد :يايه اعنبوكن ادخن ابوكن شو بلاكن قرصكن نيي ..
اليازبيه : حصوه اشويه عاده قرصج ..
حصه : هااااه .. هيه .. انزين ..
وراحن ام محمد وحصه واليازيه ايصلن التراويح والعشا في المسيد .. وقعدن حصه واليازيه ايحنن على امهن عسبت انهن ايروحن المارينا وخلاف ودتهن وطبعا كانت معصبه عليهن وحلفت عليهن انهن مايدشن غير ثلاث محلات ويظهرن .. .. وشلن لطيفه وياهن ..
في المارينا .
حصه وامها واليازيه ولطيفه كانوا يتمشون دشت حصه محل وخذتلها تنوره وخلاف ظهرت تبا ادورله قميص ..
ام محمد : تراج بس بتحدرين محل واحد عسبت القميص ..
اليازيه : انسير زارا اكيد بتحصلين كل الالوان اهناك ..
حصه : امايه انزين طالعي هالمحل تعالي بنطالع .. وطبعا هالمحل كان مجابل الكوفي اللي كانوا الشباب قاعدين وكانت طاوله مجبله هالمحل وقاعدين فيها 3 شباب ..
حصه اتاشر ع المحل اللي مجابل الكوفي : امايه اهنيه ..
ام محمد : امشي بسرعه يله تعالي وخلت حصه جدام باب المحل وخطفت عنها تمت حصه واقفه عند المحل وهي قافطه شويه ومشت عنهم وحدرت زارا وهي معصبه وشويه وبتصيح . وشويه ورن تلفون محمد ..
الريال : السلام عليج شحالج ..؟؟
الريم : وعليك السلام والرحمه ..بخير وسهاله .. اشحالك انته ؟؟
الريال : ابخير وسهاله .. ماشاء الله في المارينا جفت لطيفه وعرفتكم ..
الريم : اشعنه انته اهنيه .؟؟.
الريال : هي والله توني ظاهر ..


ظنكم منوه هالريال ؟؟؟
ظنكم البنت من وين اتعرف قوم راشد وبطي واحمد وسعيد ؟؟
ظنكم شو بيكون حال حصه من عقب ماسمعت كلام خالتها ؟؟
ظنكم شو الحال ع طحنون واليازيه ؟؟

شيخة الغيد
21-12-2005, 03:24 PM
الجزء الثالـــــث

شفتك وشفت الشفا في شوفك الشافي ** من بعد شوفك غفا طرفي ولا خافـي
مديتني بالدفا وفي حظنك الدافـــــــــي ** لو كان جوك صـــفا للعاشق الصافي


اليازيه : امايه امنوه هاه ؟؟
ام محمد تتطالع حصه وتضحك : اتشوفون الشباب اللي كانوا قاعدين جدام هاك المحل وانا ماطعت اني احدره عسب ان هم كانوا امجابلينه ..
حصه : هيه اشعنه واشعنه تضحكييييين ؟؟
ام محمد : حليله خالد ولد خالتيه كان ويا ربعه وجاف توته وعرفنا ..
حصه منصدمه وتبتسم بهبل : لا والله وهو واحد من الشباب اللي قفطتييني جدامهم ومشيتي عنيه وخليتنيه شرات الناطور واقف حذال المحل ..
ام محمد : ههههههههه .. والله انيه مادريت ..
حصه : عاشوا انتي لازم مابتتدرين انتي بس من اتشوفين كندوره بيضا ربعتي عنها اتقولين مكتوب ع كناديرهم خطر ..
ام محمد : صاء صاء يامسودة الوسهه بس صخي عن هالدعنه ..
اليازيه : هههههههه تعيشي وتكلي غيرها ياحبيبتي هههههه ..
حصه : انجبي انتي.. وهو وينه الحينه ؟؟.
ام محمد :ظاهر ايقول ..
حصه : قوموا خلونا نظهر انا ماروم اتحمل عمريه من بعد هالقفطه خلاص خلاااص احس عمري بصييييييييييح .. ااااااااه اااااه ..
ام محمد : اخذي اللي تبينه وفكينا ..
حصه بقهر: مابا .. اريد اظهرررررر .
اليازيه : صبري بروح اليشمك بشوف اليه جلابيه حق الجامعه باجر ..
حصه : عندج ملاين الجلابيات عقب خلاص يزوي انا هب طايقه عمريه امايه ابا اظهر ..
ام محمد :يعلج الدود في ذمتيه انقلعن والي يبيكن اهنه مره ثانيه ..
وظهروا من المارينا وركبوا السياره وردوا البيت وحصه طول الوقت هب مهتمه لاي شي وتفكيرها كله صوب خالد وكيف هالفرصه طافت انها ماشفته .....


الجمعه
بيت بوسيف
الساعه 2 فليل ..


سيف وخالد وبطي وراشد وناصر والشباب ربعهم كانوا كلهم قاعدين في الخيمه اللي كانوا مسوينها جدام باب بيتهم ...
حمد : قوموا يله خلونا نلعب طايره برع ..
خالد : يمعت الشباب ؟؟
حمد :ههههههه هيه والحينه بروح اصفهم طابور ..
ناصر : شو اتجددون ايام العسكريه ولا ايام المدارس عاده بو شهاب متعود انته ع ايام العسكريه ..
حمد : الله ينطب ذييج الايام ياريال صخ عنيه لا تذكرنيه ..
سيف : ثره هب منك من الحبس اللي ييك ..
حمد : يله عاده نبا 4 عسب نستوي 14 ..
خالد :انا بلعب وياكم ..
ناصر : وانا طبعا ..
حمد : يله حصلنا اثنينه منوه بيزيد ... بو هنيدي يله ؟؟
سيف : لا ياريال مافيني .. توني ياي من الصاله وتعبان . اليوم شال 70 ..
حمد : ماشاء الله 70 تف تف تف الله وكبررررررر .. كبروا ..
بطي : ههههههه اعنبوك بو شهاب مصيروي .؟؟
حمد : ههههه بو سنيده نش ..
راشد : ههههههه اتريا تلفون ..
حمد : ياله مايحتاي مونيكا بتتصل.؟.؟
راشد : هههههه ربك بعد ..
حمد : يله عاده لا تحيرونا ..
خالد : نش سهييييل ..
سهيل : يله بنش لا تاكلونا اعنبوه ارمضان خلونا انشوف المسلسلات ..
حمد : نش بتشبع ثرك منهم هالمسلسلات يله نش مادري شو بيعطونك من وراهن ؟؟ ..
سهيل : يله نشينا عن الحنه ..
وشويه ورن تلفون ناصر وكان واحد من الشباب اللي كانوا برع يتريون العدد يكتمل عسب يلعبون كوره ..
ناصر : مرحبا مرحبا الساع بخلفان حيييييبه ..
خلفان : الله يحيك ويبجيييك .. هاه بتلعب ؟؟..
ناصر : هيه بنلعب حصلنا 3 ونبا واحد ازياده ..
خلفان : والله زين تعالوا مبارك اهنيه بيلعب ويانا ..
ناصر : بروووك راعي دبي ؟؟ احلف .
خلفان : والله العظيم ..
ناصر : خله يقرب ...
خلفان : خبرته بس قال اول بادي بيلعب ويانا كوره وخلاف بيقرب .. بعدين مش وقتته اتاخرونا انا طرشت حمد صوبكم رقد وياكم اشوفه ..
ناصر : ههههههه تحت اللحاف انخش بعد .. هههههه يله يايين ..
خلفان : نصوور الكوره ..
ناصر : امحق ليل في ذمتيه وبتلعبون بليا كوره سبحان الله ..
خلفان : دورها في بيتكم يمكن زايد اخوك شلها ..
ناصر : ماعليه بتخبره يله .. ياينكم .. باي
خالد : برووووك خاري ؟؟
ناصر : هييييييييه ..
خالد : ياحييييبه والله ..
ناصر : رشود وينها الكوره ..
راشد : مادريبها ماشفتها ..
بطي : جنها اتراوتليه ورا البيت صوب القفص مال الحمام .. طايحه اهناك ..
خالد :ابرايكم انتوا سيروا عن لايموت علبينا خلفوون وانا بسير ايبها وبييكم ..
ناصر : لا تبطي عاده ..
خالد قاعد يرفع كندورته عسب يربطها على خصره : يله انزين سيروا وانا بسير اربع بييبها وبييكم ..
سهيل : ها هاه ياريال استهدا بالله ..
خالد : هههههههه يالجببش .. لابس وزار ..هههههههه ..
سهيل : اشوا .. اتحراك بترواني ركبك ؟؟
خالد : ههههههههه ملعوون الصير اشعنه رقاصه عندك ثرني ؟؟ يله يله انقلعوا واحد ورا الثاني ..
حمد : يله عاده ..
وراحوا الشباب يلعبون وخالد راح يربع اييب الكوره وهو قاعد يمشي في الشارع عسب ايروح صوب الرمله اللي مركزين فيها الشبكه مالت الطايره ..
خالد : ههههههه .. برووك بركن بركن وانزل .
مبارك : ههههههه يله ببركن هالصوب وبنزللكم ..
مشى خالد عسب يعبر الرصيف وفي نفس الوقت مشى مبارك بسيارته عسب ايوقفها في الباركنات اللي جدام باب بيتهم ..
خالد : حوووووووه .. بتتدعمنيه استوت 250 الف قبل 100 الف ..
مبارك :ههههههه وانته تتحرانيه بدفع عنك 250 الف وايه بشرد وبخليك .. اهنيه ..
خالد :ههههههههه راعي دبي مانروم انقولك شي انزل انزل لا ارطخك بالعصاه مالت الشبجه ..
مبارك : يالشبجه خلكم ياهل الرماح ..
خالد :هيهااء بدينا في دارنا وتغلط والله يانتكود عليك كلنا ونضربك ضرررب ؟؟
مبارك : ههههههههه نذل ..
خلفان يزاعق : يله عاده متفيجييين اتسولفون ..
ونزل مبارك وسلم على خالد وخلاف راحوا صوب الرمله اللي مركزين فيها الشبكه مالت الطايره عسب يلعبون وبدوا الشباب يرفعون كنادريهم ويعقون سفرهم عسب يلعبون ..


في بيت يران بو سيف ..

نوره : واييييه .. عليوووووه تعالي شوفي خالد . اربعي ..
علياء : ياله خلج عاده انتي خالد ويا طلابة خالد ..
نوره : احبه ياختيه احبه ..
علياء : انتي بعدج ع هالسوالف اعنبوه بنيه عمرها 14 اتفكر في سوالف الحب والخربطان ..
نوره : انزين تعالي شوفيه كيف رابط كندورته ويربع وشعره ايطير على ويهه ااه بموت بتخبببل طالعي قصته يوم تطيح في عينه كيف يحرك راسه عسب يرفعها ااااااه بمووووووووت .. ..
علياء : موووتي فكه ..
نوره : سباله .. تعالي براويج شي ربعي ربعي ..
علياء : لا ماريد اشوف خالد انا روحي استين عليه يوم اشوفه والله والله والله انه احلا واحد في الرمااااااح ... وكل البنات يرمسن عنه في المدرسه .. خالد الخيلي خالد الخيلي راعي الرنج السوده راعي الرنج السوده اف يقهررني والله يانوير لو تتدرين بس كيف البنات ميتات بس عسب اييبن رقمه وعادي تراج انتي وحده منهن عسب جذيه انا هب مهتمه .. لانه اول شي خقاق وجايف عمره واحس به هب راعي هالحركات ..
نوره : اف علايه لا تحبطيييييني عاده تتدرين خاطري اجتل كل وحده اتفكر فيه .. تعاي تعالي مابراويج خالد براويج حد ثاني تعالي ..
علياء : هاه ييت يله راوييني ..
نوره : اتشوفين هذاك اللي واقف عدال باب البيت يرمس في التلفون ..
علياء : لا اي واحد ..
نوره : هذاك يالغبيه اتجوفين هاي الرنج اللي لونها ازرق فاتح .. اللي توه سكر بابها ..
علياء : هيييه هاذا واحد من اعيال ام سيف صح ..
نوره : هيه هاذا مايذكرج بحد شفناه البارحه ..
علياء : لا امنوه نحن البارحه في الشارجه وهاذا شو يخصه ؟؟
نوره : دققي عدل في ملامحه ..
علياء : دققت ..
نوره : اتشوفين البارحه يوم كنا في الشارجه في السوق واللي كانوا لابسين لبس بتان وقالوا انهم من التحريات ومادري شو هاك اللي خرط عليج ..
علياءؤ : هييييييييييييييييه صصصصصصصح والله هاذا هوووو ..
نوره : هيه هاذا هو ..
علياء : وهم اشعنه جذيه كانوا مسوين في عمارهم ؟؟
نوره : ماعرف اكيد يستعبطون ..
علياء : بس تتدرين نوير هذاك اللي كان ايسوق الاودي اف اف عذاب والله كان احلاهم .. هاذا واحد من اخوانهم ؟؟
نوره : لا مش واحد من اخوانهم ماعرفه منوه يمكن حد ربعهم .. اصلا كلهم حلوين ..
علياء : صح بس هو كان غير يعني طول بجسم بعرض بجمال يعني ..
نوره : اف قولي ماشاء الله عن لا تحسدييينهم ..
علياء : هذيله هههههه مايخلص جمالهم ..
نوره : هيه والله صدقتي الا نحن مالت علينا ..
علياء : نشحت الجمال شحاته ..
نوره وهي لاصقه في الجامه : يالااااه في حياتي ماشفت احلى عنه .. بمووت بموووووت ..
علياء : اه والله انا ماقدر ااتحمل اسميني صدق بتخبل ماروم اتحمل يالاه اف متى بيخلص رمضان وبنفتك مابنشوفهم هالكثر ونتعذب ..
نوره : علياء حرام عليج لا اتقولين جذيه .. هذيله يغنونا عن روحة اي مكان ..
علياء : اااااه انا برقد وبحلم انه اي واحد منهم ايكون ريلي .. طالعي منوه قدنا احلى السيايير وايددهن واجمل الشباب واحلاهم كلهم جدام اعيونا بس انبطل الستاره وانشوف اللي نباه ياحسره عاده مالت نحن بس اللي انشوف ونتعذب وهم خبر كان ولا حد درابنا ..
نوره : الله يخليج ولو حتى بيشوفون هذيه ان شافوا بيشوفون ملكات جمال شراتهم مابيطالعونا انا وانتي ..
علياء : لا حرام نوير عاده نحن هب شينات لهالدرجه شويه احلا عن غيرنا ..
نوره : صح بس مستحيل واحد من هيله يصد صوبنا ..
علياء : اف ياربي .. وانخشت في اللحاف ورقدت .. وتمت نوره تتطالعهم لين ماخلصوا يلعبون ..

شيخة الغيد
21-12-2005, 03:26 PM
في لندن ..
يوم السبت ...


محمد وطحنون كانوا قاعدين في اللوبي مال الجامعه .. يدرسون حق الامتحان االي عليهم بعد شويه ..وشويه ويت بنت مع ربيعتها ووقفن عند طاولة قوم محمد ..
منال : السلام عليكم ..
محمد وطحنون قعدوا يطالعون بعض وخلاف ردوا عليهن السلام ..
منال : شخبارك محمد ..؟؟
محمد : بخير ربي يسلمج ..
منال : ليش كنتوا غايبين البارحه ؟؟
محمد :على مااظن انه في كل دوله اسلاميه البارحه كان رمضان ونحن كنا تعبانين وصيام اول يوم حبينا انريح في البيت فيها شي ؟؟
منال : لا لا مافيها شي ع العموم هاي محاضرة البارحه نقلت لك اياها ..
طحنون : وانا ؟؟
منال : لا .... يعني حقكم انتوا الاثنينه ..
محمد : اها مشكوره .. ماتقصرين بس انا نقلت المحاضره من عند سعيد .. البارحه فليل يانا ونقلناهن ..
طحنون منصدم وعلامات التعجب في ويهه : متى هوو ؟؟
محمد يضرب طحنون ع ريله من تحت الطاوله : الباررررررررررحه ..
طحنون : هيه اتذكرت .. هيه هيه .
منال : يعني اتردوني .. ؟؟
طحنون : لا مانردج .. بس محمد نقلهن ..
محمد : مشكوره المره اليايه ان شاء الله ..
منال : خلاص ماعليه شكرا ..
محمد : العفو مع السلامه ..
وخلاف راحن منال وربيعتها ..
طحنون : اشعنه انته جذيه اتعاملها ..
محمد : كيف تباني اعاملها ؟؟
طحنون : عطها ويهه اعنبوه لوح ماتحسسس ؟؟
محمد: طحنووووون بزغدددك والله .
طحنون : ههههههههه لا تزغدني ولا الله قاله .. لا والله صدق طالع يعني كم هي اتحاول وياك ؟؟
محمد : والله انيه هب متفيج حق هاي السوالف ولا حق هالاشياء انا باقليه خمس شهور وبرد البلاد يعني هب متفيج حقها .. ادري انك تباني اخليها الفريند مالتيه بس طحنون مليييييت انا خلني فرريي ع الاقل لو هالخمس شهور اللي بنتمها ... اشعنه انته ماتفكر فيها انته اللي من طبينا لندن عمرك مافكرت اتسويلك قيرل فريند ...
طحنون : ولا عمريه بفكر ..
محمد : خاطريه اعرف اشعنه ؟؟
طحنون في خاطره اشهد انه الغالي ظبياني ومابلاني غير ذاك اللي بلاني :.................. وتم سرحان ..
محمد :حوووووووووه ..
طحنون : ها ؟؟
محمد :وين وصلت ؟؟
طحنون : لا وياك ..
محمد : اوووويييييين .. باين ..يخويه وايد باين وخلاف نش محمد من ع الكرسي ورد طاح ع الطاوله ..
طحنون : ههههههه حووووه حووووووه اصلب عووودك .. اشعندك ؟ ودر عنك هالافلام الهنديه ..
محمد :اوه نسيت ههههههههه .. ياريال يخرب بيت التفكييير . .. نش نش .. يله خلنا انروح ..
طحنون : يله اتاخرنا ..
نشوا طحنون ومحمد من ع الطاوله وكل واحد راح للقاعه اللي بيقدم فيها الامتحان واتفقوا انهم بعد مايخلصون يحدرون النت عسب ايشوفون درجاتهم وعقب يتلاقون في اللوبي ..


بيت بو محمد
الساعه 7 المغرب ..
يوم السبت ..


الزمن تلاف والـــــهم اعسراني ** والبـــــعد ياسيــــــــد الـغزلان شيني
ظمني محتاج بك عطف وحناني ** ظمني واشفي جروحٍ من سنـــــيني

اليازيه كانت هالوقت فاتحه الابتوب مالها وقاعده عليه وحصه مشغله التلفزيون وقاعده تتطالع المسلسل ..
حصه : يزوي تعالي شوفي المسلسل والله فنان ..
اليازيه : شفته الظهر في قطر ..
حصه : انزين انتي شو اتسوييين ؟؟
اليازيه : ارقص ..
حصه : ماشوف الارض تهتز ..
اليازيه : يالسباله .. محد غيرج يالدبه اعنبوج ادرام ..
حصه : بسم الله عليه الحينه انا درام انتي شلج في الجسم المخصر روحي بعيد يالمسطره ..
اليازيه : هااااااااااااااا ..
حصه : بسم الله اشعندج جذيه اتزاعقين ..
اليازيه : حصووووووه لحقي لحقي انا فاتحه ايميل حموووود وواحد ايميله المزروعي اكيد طحنون ..
حصه نشت تربع من مكانها راحت صوب اليازيه ومبحلقه اعيونها في الكمبيوتر : اووووونه ظهري ظهري ..
اليازيه : بسولف وياه ..
حصه : يزوي يالعنز هو اكيد يتحراج حمود ..
وشويه وظهر عندهن انه هو يطلب المحادثه ..
"++" اشهــــــد ان الغالـــــي ظبيانـــي "++" : حموود انته وين ياخي انا من الصبح في اللوبي ليكون رسبت ..؟؟
اليازيه قاعده وفاجه حلجها تتطالع المحادثه : ..............
حصه : ووايه ورررطه .. وضربت اليازيه ع راسها وسحبت الماوس وسوتله ابلوووك ..
اليازيه : هااه اشعنه ..؟؟
حصه :لانج احماره في الجيييييش .. يالسباله شو كنتي بتقولين له تبين اتورطينا .. شو كنتي بتردين عليه ولا بتمين ساكته حمود يوم قالج سويله الايميل قالج سويله اياه وخلاص مع السلامه ماقالج حدري جيكي وحدري الوقت اللي تبينه يعني هو يعرف انه محد غيرج ايعرف البسورد ... تبينه يذبححححج ؟؟
اليازيه : اوه صح نسيت والله اني من شفته استخفيت ينن اينونيه ..
حصه : مالومج ياختيه .. يله ظهري يمكن ايكون ايعرف حق البلوك ويجكنا عاده صدق هييج الساعه ..
اليازيه : حصوه صبري لا ماروم اتحمل ..
حصه : انقلعي ماترومين تتحملين صبري ... سحبت ورقه من البرنتر وكتبت فيها ايميله وظهرت من ايميل محمد ..
اليازيه : يالغبيه شو سوييتي ؟؟
حصه : المفروض تشكرينيه ..
اليازيه : اشكرج ع شووووووو؟؟
حصه : جوفي انتي الحينه اتخبرتينيه اشعنه انا شليت لايميل صح ..
اليازيه : هيه صح ردي عليه ياذكية زمانج انتي ..
حصه : جوفي الحينه نحن شلينا الايميل صح ..
اليازيه : اوووووه صح صح رمسي بسج من كثر ماتصححين ..
حصه : انزين انتي شلي ايميله والحينه بسرعه سويلج ايميل ثاني وظيفيه على ايميلج اللي بتسوينه وتمي رمسيه عسب اتعرفين هو شو اللي في خاطره واتجوفين هو اي نوع من الشباب ...
اليازيه : بس انا حاسه انه طحنون ايحبنيه ...
حصه : انقلعي عمر الاحساس مانفع .. احمدي ربج انتي كل اللي تبينه اتحصلينه وساعات تسمعين صوته لو حتى من بعيد مالت عليه انا اللي كل شي بالحسره عليه مالت .. والله لا اشوفه ولا اسمع صوته ولا حتى عندي ايميله تتدرين لو عندي ايميمله بسوي فيه سوايا ..
اليازيه : اف الحمد لله انه ماعندج شي عنه انتي مينونه وانتي مابغييييييييتي الا خلود بيتفيج حق النت والايميل لا ماظني انه عنده هالخربطان ..
حصه : ميبي .. يله انزين انتي سوي اللي قتلج عنه ..
اليازيه : انزين واذا تخبرنيه انتي من وين يايبه الايميل ..
حصه : اوه انقلعي سوي الايميل وخلاف بخبرج يله عاده ..
اليازيه : حوووووه شو حرام اضيفه ريال ع اللسته وارمسه ..
حصه : وايه عاده اللي يقول الحينه هو يشوفج ويسمع صوتج الا كتابه ..
اليازيه : انزين صبري بسويه .. وشويه وجهز الايميل اليديد اللي مسوتنه اليازيه ..
حصه : يله ظيفيييه بسرعه بسرعه ..
اليازيه : صبري خلينا نختار نك غااوي.. فكري ويايه يله ..
حصه : اممممممم .. امممممممم ..
اليازيه : يس يس حصلتها .. انا منك حبيبي وانته مني ..
حصه : روووووووح مانروم مانروم غير عاده يوم يظهر من الحشااااااا من اليوووووف ..
اليازيه : صبري خليني افنتكه شويه ..
حصه : متفيجه الريال بيظهر وانتي اتفنتكين ..
اليازيه: يله سويته شو رايج .؟؟.
حصه :ااااف حلو بس مالت عليج ماحطيتي الا الاااات ..
اليازيه : هااااااه لحقي اون لاين لا لا سكته قلبيه .. وطاحت اليازيه من ع الكرسي ..
حصه اتسوي حق اليازيه مالت : انقلعي خلج طايحه لين باجر ... وقعدت ع الكرسي بدالها ..
"++" اشهــــــد ان الغالـــــي ظبيانـــي "++" :
اليازيه : هااااه لا لا بموت .. كيف يقبل ايميل بنت اشعنه يقبل ويوافق اشعنه .؟؟.
حصه : طالعي شو طرش النا نشي ... انقلعي انقلعي لزي شويه اهناك مضيجه المكان نشي ولا لزي شوي ؟؟
اليازيه : بتورطينا انتي اليوم ..
حصه : صكي الدعنه ..
@ انا منـــــك حبيبــــي وانته منــــي @ : اهلييييييييين مريووم شحالج اعلومج اقولج خبريني بسرعه شو علينا امتحان باجر لاني بظهر .. بسرعه مريوم عاده لاتنقعيييني ..
تم طحنون ساااااكت ..
@ انا منـــــك حبيبــــي وانته منــــي @ : مريوم مش وقته تسكتين لاحقه ع المنتدى مالج جابلينيه شويه اريد اروح ادرس ..
"++" اشهــــــد ان الغالـــــي ظبيانـــي "++" : ختيه شكلج غلطانه انا هب ربيعتج اللي تتطرينها اتاكدي من الايميل عدل ..
@ انا منـــــك حبيــــبي وانته منــــي @ : مريوم بلا عبط يله عاده عقب بيلس اتناحس وياج خبريني شو علينا امتحان باجرامايه محتشره عليه ..
"++" اشهــــــد ان الغالـــــي ظبيانـــي "++" : شعندج انتي قتلج انا هب ربيعتج غصب يعني لازم اكون ربيعتج والله انيه هب ربيعتج انا واحد جيكي ع الايميل .. تعالي شو ايميل ربيعتج ؟؟؟
@ انا منـــــك حبيبـــــــي وانته منــــي @ : المزروعيه ..
"++" اشهــــــد ان الغالـــــي ظبيانـــي "++" : انزين وانا المزروعي شكلج نسيتي الايه ولا الاج ..
@ انا منـــــك حبيبـــــــي وانته منــــي @ : اووه ماعليه اخويه السموحه منك ...

"++" اشهــــــد ان الغالـــــي ظبيانـــي "++" : لا ختيه مسموحه وبالحل .. ومع السلامه .. وظهر سيده اوف لاين .. ماتت اليازيه ..
حصه : اونه عاده هب راعي بنات .. حركاااااات ..
اليازيه : اشعنه يظهر بموت ياربيه .. واشعنه يوافق على اي بنت اشعنه اشعنه ايكمل فالسوالف جان من البدايه قال انتي غلطانه وظهر ..
حصه : حوووه يزووووي شياج ينيتي انتي مالج حق تحكمين الريال اعنبوج شو حرمته ؟؟
اليازيه : احببببه ..
حصه : انقلعي احمدي ربج انج شفتي كتابته وشفتي من اي شي ..
تمت اليازيه مويمه .. وخلاف ضربتها حصه ع جتفها وربعت عنها تحت واليازيه طبعا هالوقت كانت معصبه فقعدت تربع وراها ..
اليازيه : يالسباله والله اتشوفين ان ماتفتج لج شعرج وخليتج ديايه ..
حصه : ههههههههههقققهققهق كوووووكووووو .. مايحتاي عاده ..
وتمت تربع عنها وتوه وانه بو محمد ياي من صلاة التراويح ..
بومحمد : يالخبايل اشعندكن ادابجن ؟؟
حصه تربع وتنخش ورا ابوها : ابويه اطالعها تبا تضربنيه ...
بومحمد : نشن بدال هالضرايب روحن صلن صلييييييتن ؟؟؟؟؟؟؟ واشعنه مارحتن المسيد ويا امكم ..
اليازيه : ابويه تاخرنا عسب جذيه مارحنا وبعدين نحن انتم اهناك روحنا كله حريم ماشي بنات غيري انا وهاي العنز ..
بومحمد : والحينه انتي شو سالفتج ويا هالعنز .. ههههههه ..
حصه : ماعليييه ياحمييييييد .. ماعلييييييييييييه .. انا عنز . منوه ييب العنز .؟؟
بومحمد : هاي رمستج يالسباله تعالي ابويه يزوي طيحي فيها .. وظهر عنهن ..
وتمن يضاربن بالمخاد وعفسن الصاله . وشويه بدشت امهم عليهم ..
ام محمد ميوده راسها : وااايه وااااايه منوه فج الثيران اهنه عسب يتصارعن .. انتن الهنتيييييييين ..
حصه : امايه هي اللي بدت ..
اليازيه : والله انها كفختنيه ..
ام محمد : اعنبوكن انتن بنات بدال ماتن ويايه المسيد يالسات تضاربن في البيت واتخيسنه لو الحينه حد ايحدر علينا ... بسير اعق عباتيه وشيلتيه وبرد وان حصلت نقطه وحده بس في الصاله لااراويكن دواكن .. ااااخ عليكن ...
حصه : هاي خيليه اشعنه اتفجين حلجها .. شو يصكه الحينه بتم ميودتنها علينا لين السنه اليايه ...
ام محمد : ام لساااانيييين صخخخي ..
حصه : وايه وايه .. شفتي يوم اقولج ..
اليازيه : هههههههههه .. دواج ..
ام محمد : يله سيرن صلن ..
اليازيه : يله انزين .. وراحت اليازيه وراحت حصه صوب التلفزيون ..
ام محمد : هاه ابليس وين ساير ؟؟
حصه : بشوف بس شو حطوا؟؟
ام محمد : والله ياحصيص ان مانقلعتي ورحتي اتصلين واتفجين لج كتاب اليوم بفج لج مخج ببرغي يالسباله..
حصه : اف انتي ولد خالتج متى بيحس ابييه ..؟؟
ام محمد : يوم بتعقلين هييج الساعه بيحس فيج انقلعي يله ..
حصه : اففففففف .. متى ..؟؟ متى ؟؟
ام محمد : عله ماحس ..
حصه : امايه حرام عليج لا تتدعيييين ...
ام محمد : روحي صلي اخيرلج ..
حصه : ان شاء الله بروح بروووووح ... انزين واطلعييني ..
ام محمد : طلعت روح العدو ياربيه ... روحي روحي الله يهديج وبندي عن منصور السوني وزقريه خليني ادرسه ...
حصه : انزييييين ..
راحت حصه فوق مع اليازيه عسب اتصلي معاها ...

شيخة الغيد
21-12-2005, 03:28 PM
الجزء الثالث
(الفصل الثاني (
انته كل الناس تكتبلك قصيد ... تخطف الانظار وتسحر بالسلام
مالكٍ قلبي وماغيرك بديــــل ... ذاب قلبي فيك ياحـــــسن الختام

الاحد
الساعه 8 فليل
بيت بو محمد ..

حصه هالوقت كانت قاعده ع الشبريه والشموع على اطراف الشبريه يعني عايشه في جو رومانسي ولاويه على المخده .. حدرت عليها اليازيه وبطلت الليت ..
حصه : اييييييييه .. شو ها ؟؟
اليازيه : بلا جو العشاق هاذا اللي انتي يالسه فيه ..
حصه : يعني حرام اشوفه حرام ارمس عنه بعد حرام افكر فيه هب عزر هاذا ..
اليازيه : قومي امايه اتقول بنسير بيت قوم عمي ...
حصه : هب متفيجه انا .. بالي هب عندي الحينه ..
اليازيه : ههههههههه شو فيوزات القلب محروووقه ؟؟
حصه : سباله صكي صكي الليت ..
اليازيه وهي تربع واطيح ع الشبريه جدام حصه : اووونه اووووونه ..
حصه : شياااااااج .؟؟؟ اتخبلتي ؟؟ ماحيدج ..؟؟
اليازيه : من عاشر القوم اربعين يوم صار منهم ..
حصه : ههههههههه يالعنز ..
اليازيه : يله نشي نشي انسيه شويه ..
حصه : اه يايزوي هاي خمس اسنين عمر هب هينات تتدرين شو كنت اتذكر .؟؟.
اليازيه : شوووووو ؟؟
حصه : كنت اتذكر يوم كنت صغيره يوم كنا انروح بيتهم مع امايه يوم كان شكلي غلط زاغده عمريه بالشيله اوني احاول اسوي عمريه وحده عوده وهو كان يعلق عليييييه .. وعقب انا صحت ..
اليازيه : جرحت القلب بي جرحين جرح يوم هويت وجرحن يوم مشيت .. خخخخخخخخخ ..
حصه : اشعنه انتي اتحسين انه طحنون ايحبج وانتي بعد اكيد هو واثق من انج اتحبينه .. اشعنه انا دوم كان يستهبل عليه ويقفطني .. طحنون راح وهو وهو شال وياه احلى الذكريات القديمااااتي ..
اليازيه : ههههههههههههههههههههه .. الله وكبر الله وكبر لا تعطينا بعين الله يخليج ... هب هب ..
حصه : امحق ليل في ذمتيه انقلعي انقلعي لا اولع هالشمعه في راسج .. اخليج اتبقين ..
اليازيه : هههههههه انتي مستحيل دقيقه تقعدين عاقله ..
حصه : يزوي تعالي بمكيجج ..
اليازيه : مايحتاي تبين امايه اتقص رقبتيه .. يله عاده لا تاخرينا ميروه تترياااني ..
حصه : وووووع .. انا ماريد اروح ..
اليازيه : اشعنه يعني ..؟؟
حصه : بس مادانيهن ولا ااحب انيه اروحلهن ..
اليازيه : اشعنه ثرهن ماكلات حلالج هيله بنات عمج ...
حصه : اعرف بس انا مادانيهن هن وايد شايفات عمارهن عاده مالت مادري ع شوه ..
اليازيه : يله عاده . جامليهن ..
حصه : اف انا هب متفيجه قولي حق امايه اني مريضه وماروم اني اروح ...
اليازيه : انجبي انا ماريد اجذب تبين تجذبين روحي جذبي بروحج .. اموت وافهم انتي اشعنه مادانينهن ؟؟..
حصه : يوم الوحده بتيلس اتغار منج واترمس من وراج لازم مابداننينها ولازم انج بتركهينها .. وهاي فخور السباله دوم تتطري خالد وترمس عنه ..
اليازيه : زااااد انج .. وفخور شو يخصها في خالد ...
حصه : اشعنه انتي ماتتدرين انها اونها عاده اتحبه واونه هو يحبها ...
اليازيه : هاااااااه ليكون صدق ؟؟ ايحبها ...
حصه : مالت عاده شو محصل فيها ؟؟
اليازيه : هههههههههههه .. اصلا خالد عمره مافكر في وحده منكن الا انتن المستهمات والميتات . وهاي فخور ع كيفها ..
حصه : هيه تراها تجذب الجذبه واتصدقها ..
اليازيه : انزين نشي انتي خلينا انروح ..
حصه : اف انا مادانيها ولااريد اني اروحلهم ..
اليازيه : مالي خص روحي قولي حق امايه ..
حصه : اوكي بروح شوالروحه بالغصب ..
ونزلت حصه تحت ونزلت اليازيه وراها .. كلمت حصه امهاوخلتها عراحتها ماتبا اتروح تقعد في البيت لانها بتخلي عندها لطيفه لانها بترقد فراحت اليازيه مع امها ومنصور .. وتمت حصه مع لطيفه في البيت ...


بيت بو سيف ..
الساعه 10فليل ..
يوم الاحد ..


ام سيف كانت قاعده في المطبخ ..
خالد : امايه يامااااااايه ..
ام سيف : لاتزاعج ياولديه تعال يعلني افدا ثرك انا في المطبخ ..
خالد : والله انج انتي يامايه قطوة مطابخ .. اشعندج كل ماتخبرت عنج قتيليه في المطبخ .. شو اتسوين الصبح في المطبخ الظهر في المطبخ العصر في المطبخ فليل في المطبخ الفجر في المطبخ ..؟؟
ام سيف : شسوي ثره انا عندي حد ايريحنيه كل ماقلت حق اخوانك عرسوا عرسوا ياجلون اليه ايقولون نحن بعدنا اصغار وين صغار والله اللي كبركم عندهم اعيال بس انا اعرف يعلني افداك ياولديه محد بيرحنيه وبيبليه حرمة الولد اللي اتعينيه واتعاوننيه الا انته ..
خالد : لاء لاء.. انا ؟؟ بتسويييني كبش الفدا .. منوه قال اصلا امبوني انا مابظهر اخير عن اخواني ..
ام سيف : ثرك بتحلقهم مسود الويهه ..
خالد : من شابهه اخواه فما ظلم .. ههههههه ع كيفي جلبته ..
ام سيف: انقلع عنيه عيل خاري خلني اشوف شغليه ..
خالد :انزين انتي اشعنه معبله على عمرج عندج بدال الوحده هنتين وهالهيس اللي يطبخ شويسوي ؟؟
ام سيف : هاذا شو يسوي هاذا اذا الجدر مايروم ايشله يخافه ايطيح مايحتاي عاده ولا هالنتين ريه وسكينه صخلات الفريج ..
خالد :هههههههههه .. لا ماعليه يوم بيهيسن الضرب هييج الساعه بيعرفن شقايل يفجن روسهن .. وانتي كل شي اتجابلينه اروحج انتي اللي معودتنهم بسج ياامايه بسج .. سنين وانتي شاله هالبيت بسج عاده ..
ام سيف : شو بسوي ياولديه تراني مجابله هالمطبخ .. حق خيمتكم وحق الميلس حق ابوك .. وماشاء الله هب واحد ولا اثنينه اللهم صلي وسم على سيدنا محمد ماشاء الله ربعكم وايد وربع ابوك وايد ..
خالد : يعني بالله عليج اشعنه ماتعلمينهن ويسون لج اللي تبينه ..
ام سيف : صخ صخ عنيه انا هب سادتنك انته بعد ... علم في المتبلم يصبح ناسي ..
خالد :ههههههههه .. عاشوا انتي حطي حرتج فييني فديتج انا وراح ورفع برقعها وباسها ع خدها ..
ام سيف تضربه ع ايديه : ماتيييييوز عن حركاتك ..
خالد :هيه امايه تتدرين هاك اليوم رحت بوظبي منوه شفت ؟؟
ام سيف : منوه شفت ليكون شفتلك عروس غاوويه ؟؟
خالد : هيه عاده انتي هاذا اللي هامنج .. لا هب عروس شفت بنت خالتيه فاطمه الريم ..
ام سيف : يعلني افداها والله .. وين شفتها ؟؟
خالد :كنت قاعد في الكوفي وهي كانت تتمشى ويابناتها في المارينا مول .. وانا شفت توته وعرفتهم .
ام سيف : هاي هي الريم يعلني افداها ريولها ع ريل بناتها في كل مكان ..
خالد : تتدرين انيه من زمان ماشفتهن بناتها ولاذكرهن كيف اللهم بس شفتهن هاك اليوم ولا لقيتهن البال عدل ... مانتبهتلهن ..
ام سيف : ها شو رايك اخطبلك وحده منهن ؟؟
خالد : امايه شو رايج تشتغلين خطاابه ؟؟
ام سيف : جان من وراكم انتوا انا شكليه بسويها .. مخبليبيه هب مخليني اعرف راسي من ريوليه ..
خالد :بسم الله عليج انا ..فديييييتج اموووووووواه . هيه صح وقالتليه اسلم عليج ..
ام سيف : الله يسلمك وياها من الشر ياربي ... الا تعال بتودينيه باجر ان شاء الله بيت خالتك فطيم ..
خالد : واببببووكم واضرب بج خط لين العين ..
ام سيف : ثرك دومك اهناك والحينه عاده بتظرببيه خط لين اهناك ..
خالد :لا هب سالفة جذيه بس انتي اتعرفين من حطينا ها الخيمه ونحن هب متفيجين لا انروح ولا انرد من اي مكان ..
ام سيف : يله عاده غصبن عنكم باجر حد ايودينيه .. يله ..
خالد : عندج دريولج ..
ام سيف : الله ينطبه ..
خالد : ههههههههههه من اعيوني افا عليج ياموييز انوديج اشعنه مانوديج ..
ام سيف : هيه عاده يله الحينه روح عنيه ولا تقعد اترقع ع راسي خلني اازهبلكم السحور وخلاف بسير احط راسيه برقد ...
خالد : انزين امايه ترا هل دبي عنا هلله هلله ..
ام سيف : اذلف لا ارقعك بالملاس ..

شيخة الغيد
21-12-2005, 03:29 PM
خالد : يمممممممم هاذا شو ساقو ؟؟
ام سيف : تعال اضربليه اياه شويه يديه اتعورنيه ..
خالد :اضربه ولا انقصه درجات هههههههاااااي ..
ام سيف : انته اشعنه ترمس جذيييييييه ؟؟
خالد : انتي اشعنه ماتضحكيييين ..؟؟
ام سيف : اضحك ع شوه عاده ..؟؟
وشويه بييت زايد يزاعج ..
زايد : اماايه ياماااايه ..
ام سيف : كملت ..
خالد وهو يحوث الملاس في الجدر : ههههههههههه ماعليه انزين ماعليه ..
زايد : امايه ابا اعرس ؟؟
خالد : عاااااااشوااااا ..
ام سيف : مايحتاي عاده بتعرس .. عاده اللي عمارهم 27 سنه ماعرسوا وانته اللي بعدك ماتخطيت 16 تباه العرس ؟ ومنوه هاي اللي امها داعيه عليها وتباك ..
زايد : شو امايه يعني انا ماستاهل الحينه انا ثالث اعدادي بسير السنه اليايه اول ثانوي ..
ام سيف : ياله ياولديه وانا اتحراك الا بتسير اخر سنه في الجامعه ..
زايد : امايه انا اباها نوره بنت يرانا ..
خالد :هههههههههههههه .. اقولك روح العب وياها صقله خاري ... ولا اخيرلكم روح اقعد ع الرمله الحمرا شي عرقوب هاك الصوب اقعد معاها والعبوا سسي ممي .. هههههههههه .. مشاكل هاليهال اللي توهم بيراهقون ..
ام سيف : انته ماتستحيي ..
خالد : لا ماستحي ؟؟ ماقلت انا شي ..عادي ..
ام سيف : انزين انقلعوا انتوا الاثنينه خاري يله يلللله ..
وشويه بدشة ناصر عليهم المطبخ ..
ناصر : ياسللللام لم لم .. الموز قاعده ويااعيالها .. شو ميمعتنهم ؟؟ عساقو ؟؟..
ام سيف : شل اخوانك واظهروا عنيه خلوني اكمل شغليه ..
الخدامه : يله يله مافي سوي جياده قرقر روخي برااا ..
ناصر يصد حواليه : منوه اللي رمس ؟؟
خالد : هاااااء هب هب هيهاااء مسودة الويهه انطمي انتي لا احطج في الجدر الحينه واضربج ضرب بالملاس ..
ام سيف : ههههههه دواكم اجدت فيكم ..
ناصر : خليها تنقلع المهم امايه تعالي شي حرمه مع بنتها يبونج في الصاله ..
ام سيف : منننييييه ؟؟
ناصر: هيله يرانا على مااظني ..انا توني نازل من فوق الا اشوف هنتين قاعدات ايرمسن ودوم ويوم شافتني الحرمه العوده قالتليه وين امك قتلها صبري بزقرها ووييت ازقرج ... ماعرفلهن عاده انا
زايد : امايه امايه يله العروس ييت ييت ..
ام سيف تتنطز : ييت تخطبك ابويه ؟؟
ناصر : حوه اتخطب امنوه ؟؟
خالد : هههههههههه .. الحق نصوور زايد يبا ايعرس وياخذ بنتهم ..
ناصر : ووووووع انته شفت وييها جنه حد مقحص فيه ويلات ..
ام سيف : انتوا اشعنه اتعيبون ع الخلق .. يله ظهروا لا تغصصون ابيه ..
ناصر : يله انزين بنظهر ..
خالد :امايه اعنبوه سويليه درب .. اروح حق الرياييل وريحتيه ريحة مطبخ ..
ام سيف : يله تعال ورايه ..
زايد :هيه وانا بعد اريد اروح اتسبح ..
ناصر : اتريد تتسبح ولا اتريد ......
ام سيف : يله تعالوا ..
وراحت ام سيف وسلمت على يارتها وبنتها نوره ..
ام سيف : يعلني افداج ياام علياء اعيالج خالد وناصر بيخطفون بيسيرون حجرهم يتلبسون ..
ام علياء : افا عليج ياام سيف هيله شرات اعيالي خليهم يقربون يعلني افداهم .
ام سيف : حدروا يامايه ..
خالد : السلام عليكم .. شحالج خالتيه ؟؟
ام علياء : وعليك السلام ..الحمد لله بخير شحالك انته ؟؟
خالد :بخير ونعمه ... سمحيليه خالتيه ..
ام علياء : مسموح ياولديه ..
زايد يطالع نوره : شحالج خالتيه ..
ام علياء : بخير فديتك انته شحالك ..؟؟
زايد : الحمد لله ..
وتم زايد يمشي ورا خالد وكل ساعه ايصد وراه يطالع نوره . وخالد كمل طريقه فوق ولا متهم باي حد ... ويوم وصلوا الغرفه اللي فيها الدري ..
زايد : شفتها حلوه صح ..؟؟
خالد : وووووع .. ولا ادلها الحلاه اعنبوه من مذهب عليها قالولها رياييل بيحدرون اعنبوه عيزانه اتحط الغشاه ع ويهها .. مادري عاده شو من الزين تبانا انشوف ..
زايد : ياخي انته مالك خص فيها البنت كيفها امها راضيه ..
خالد :امحق بنت في ذمتيه .. البنت يوم اتشوف الرياييل ايحدرون نزلت عينها وهاي اممره امبحلقه اعيونها اتقول كشافات ....
زايد : خلها ع كيفها ..
خالد :انته تباها هاي.. هاي لو تعطيني مليون ماخذتها اوكيه صح الجمال جمال الروح وهي ابدا مافيها جمال عاده الحشمه مطلووبه زيوووود انته بعدك ياهل ع هالسوالف طالع كم فرق بينك وبين سواف 11 سنه وهو ماعرس انته بتعرس ..
زايد : انزين انا ماقلت بعرس الحينه .. بس بحيرها ..
خالد : اقولك انقلع عنيه بعد يالس تلحقنيه اشعنه ليكون انا ولي امررها ولا ولي امرك ..
زايد :اف والله انتوا مايناخذ منكم لاحق ولا باطل ..
خالد :اشعنه انته توك تتدري .. ؟؟
زايد :افففففف ..
وراح زايد عن خالد ..وخالد حدر غرفته واتسبح واتعطر واتعدل ولبس هييج الكندوره البيج واتسفر بسفره حمرا ونزل تحت ..
خالد : هووووود ..
ام سيف : اهدا يابويه اهداااا ..
حدر خالد الصاله عسب يظهر من الباب ويروح صوب الخيمه كلته نوره بعيونها اكل لدرجة حتى انه ام سيف لاحظت عليها هالشي ..
ام في سيف في خاطرها الله وكبر الله وكبر قل اعوذ برب الفلق الله يحرصك ويحفظك ياولديه : حيالله من يانا ..
ام علياء : الله ييحييج ويبجيج ..

شيخة الغيد
21-12-2005, 03:30 PM
في بيت بوعبد الله ..
الساعه 12 فليل
يوم الاحد ..


ام عبدالله والعنود وسلامه واسماء كانوا فارشين الحصير في الحوي وقاعدين عليه ..
اسماء وهي تلاعب هند بنت العنود اللي عمرها سنه ونص : هنووووودي كتكووووته جوفي مي بيبي .. قولي بيبي ..
هند وهي تبا اتخش صبعها في اعيون مي بنت سلامه اللي الها خمس شهور : بيبي ..
العنود :ههههههههه لااااااالااااا ..
هند تتطالع امها وتهز راسها : لا لا ..
العنود :هيه ماما لاء عيب .. نونو هاي ..
هند تاشر ع مي : نونو .
اسماء : ههههههههه ترانا نحن نضرب هاه ؟؟؟
سلامه : حليلها بنتيه طالعوا كيف انصرعت ..
ام عبدالله : بنتنا شيطانه تراها تضرب .. انا يوم اتيبليه اياها امها الصبح شو اتسوي ماشاء الله عليها اتجب الغسول واتضارب تبا الصينيه ..
العنود :ماشاء الله عليها شر شر ... حتى نهيان فديته ماطلع شراتها ..
سلامه : مع انه يقولون البنت اهدا .. ههههههه .. نحن عنا بالعكس اجوف ..
اسماء : ههههههه ... طبعا الافضليه للبنات ..
ام عبدالله : يارهم الله وشوفيهم الاولاد يعلني افداهم انا ..
اسماء : هيه يامايه خلج انتي من المتعصبين لحزب الاولاد .. امايه تتدرين سلامي شو سوت في مييوه البارحه ؟؟
ام عبدالله : اشعنه كانت اتصييح البارحه ..؟؟
اسماء : امايه اظني انه بطنها ايعورها من الغازات شو سوتبها اتخيلي اتخضها خض اتقولين قاعده اتخض اللبن بس عسب تررقد ..
ام عبدالله تتطالع سلامه بعين : الله وكبر علليج .. مجرمه ..
سلامه : لعزوتنيه انا واعيه وياها البارحه لين الساعه خمس وهي اتصييح .. وهب طايعه ترقد ..
ام عبدالله : كيف تبينها ترقد وشي يعورها ؟؟
اسماء : لا وبعد اتصلت في فهد واضاربت وياه ..
ام عبدالله : لاحول الله اشعنه بعد ؟؟
سلامه :ههههههههه . والله يقهرنيه اقوله تعال بنودي بنتك المستشفى اونه انا برقد ورايه دوام وان تمت اتصيح لين باجر باجر بنوديها ..
ام عبدالله : لازم مللتيبه احليله ايقولي من صاحت قالتليه قوم بنوديها المستشفى اعنببوه ..؟؟ ماتخلص سيرت هالمستشفيات ..
سلامه : ماعليه انتي رويتر شغاله ؟؟
اسماء : طبعا ادافع عن المظلوم ..
وشويه بظهرة هادف ووراه مهره ..
هادف : السلام عليكم ..
ام عبدالله والعنود : وعليكم السلام والرحمه ..
سلامه : ماعندك سالفه ظاهر اتسلم وحادر اتسلم ..
هادف : مالت عليج السلام لله هب لج ..
اسماء : اعنبوه ماينشبع منه ..
هادف : انطمي انتي لااييج الحينه واعضج عضه ..
اسماء : تعال وطوط انته والله من هاك اليوم مكان عضتك يديه مستويه خضراء ...
هادف : ههههههههه دواج تستاهلين ..
مهره :حرام عليك ثرك مجرم وانا مادري .
هادف وهو يغمزلها : اجرمت فييج في شي ؟؟
مهره منزله راسها في الارض وخلاف صدت على مي : فدييييييت اللي لابس احمر انا فديته هههههه حرام عليج سلامي اشعنه حاطلها شباصه ..؟؟
سلامه :هههههههه سرقناها مالت هنوودي ..
اسماء : وعقب ماعطتهم شباصتها كل ساعه اتمد ايديها يا تبا اتمط الشباصه اللي في راسها ولا انها تبا اتصبلها اعيونها .. ههههههه ..
مهره : هههههههههه .. فديته ياله محلات البنات ...
هادف : خلج انتي عاده .. وتم ايلاعب مي .. وخلاف مسك هند وحطاها احذال مي .. ..
العنود :ههههههه حرام عليك هاي بنتنا شيطانه ..
ام عبدالله :ها ابويه كاشخ وين ابها ؟؟
هادف : والله بنسير شويه الكوفي ويالشباب بتيين ؟؟
وتموا كلهم يضحكوووووون ..
ام عبدالله : اتهبي الا انته مسود الويهه جان تبا ابوك يذبحنيه يله ودني ..
هادف : ههههههههههه .. مرررررر وحده ها مزروعي مايتافهم ثره .. هيه صح امايه عطييني سويج طحنون ..
ام عبدالله : شو تبابها ؟؟
هادف : بصور حذالها ..شو ابابها يعني بسوقها .. ماتهون عليه واقفه جذييه وتتدرين هو مامشابها ولا شي يمكن بس 1000 كم ... حرام لازم ايكمل ..
ام عبدالله : وهي وانته بتكمل يعني عنه ..
هادف : هيه نعم .. منوه تحصله الكوبي ومايسوقها ..
اسماء : امحق انته عندك بورش وتبا الكوبي والله ماعندك سالفه ..
هادف : التغيير حلو .. يله عاده ..
ام عبدالله : اسامي نشي فديتج السوييج في السده اللي احذال الشبريه ..
اسماء : ان شاء الله ..
هادف : ربعي ..
اسماء : مايحتاي ويوم بطييح مابتي تفزعنيه ..
وراح هادف وقعد حذال سلامه وقعد يلعوزها ..
سلامه : اف اف منك بس بس ..
هادف : هههههههههه ..
سلامه : هاذا جذيه ملوع بجبدج ..
مهره : شو بنقول الله كريم ..
سلامه : في ذمتيه الله يعينج ..
مهره : ههههههه حليله ..
ام عبدالله : فدييييته هادف حنون .. يعلني ماذوق حزنه ..
هادف : افدا ثرج يالغاليه .. ويعلني بالعمر افدااااج ..
ويابت اسماء السوييج وعطته اياه ..
هادف يعطي مهره السويج : يودي انتي حري سيارتيه .. وانا بحر سيارته وبظهر ..
ونشت مهره مع هادف راحت هي صوب سيارته لانه هو كان موقف ورا سيارة طحنون فشغلت مهره السياره وحركتها وهو حرك سيارة طحنون وظهر وردت وقفت مهره سيارته مره ثانيه في القراج ونزلت ..
سلامه : انا لو اموت ماسقت سياره اخاااف ..
مهره : هههههههه نحن عادي متعودين يوم انسير ليوا ابويه كان ايخلينا .. عسب جذيه انا عادي عندي ..
سلامه : انا اتروع يوم اكون قاعده احذال فهد عاده هو شو يسوي بالسياره اتقولين الشارع ملكه مايبا حد يتجدمه ولا يطوف جدامه ..
ام عبدالله : مابييبه من برع الا شرات ولد عمه ..
العنود : هيه صح انا لاحظت على عمي جذيه لكن عبدالله لا فديته عادي عنده ..
وتمن قاعداات وينهن الحريم اللي حذال بيتهم وتموا قاعدين لين الساعه وحده وخلاف ردن الحريم صوب بيوتهن ودشوا هل بو عبدالله البيت .. اسماء ومهره قاعدات في الصاله وسلامه راحت اترقد بنتها والعنود راحت اترقد اعيالها وام عبدالله توها دخلت الغرفه من عقب مايا بوعبدالله . شويه ورن التلفون ..
اسماء : الوو .. مرحبا ..
فهد : مرحبا فديتج شحالج غناتي ..
اسماء منصدمه : هاااااا ؟؟ انا اسماء ..
فهد : هههههههه .. السموحه السموحه شسوي صوتج شرات صوتها ..
اسماء : ياخي ويهي يعورني ..
فهد :هههههههه .. قلنا السموحه عاده يله . شحالج ؟؟
اسماء : هههههه .. انزين خلاص بخير الحمد لله انته شحالك وشحالهم قوم عمي وعمتيه ؟؟
فهد : ابخير وسهاله كلللللللللللهم ابخيير .. وو يسلمون عليج ..
اسماء : اعرفك شو تقصد اونك عاده هاه ؟؟
فهد :ههههههه شو نسوي لازم انضبطه .. الا وينها سلامه ؟؟
اسماء : راحت اترقد مي وتتسبح بروح اشوفها جان خلصت صبر ..
فهد : انزين ..
راحت اسماء الغرفه عسب تزقر سلامه ..
اسماء : سلامي ..
سلامه : اشششش .. انا في الحمام تعالي .. راحت اسماء صوب الحمام ...
اسماء : احدر ..
سلامه :حدري ..
حدرت اسماء وحصلت سلامه قاعده اتغسل ويهها ..
سلامه : اشعندج اتزاعقين شويشوي هاي ان نشت شو يرقدها عاده انا هييج الساعه بصفع وبرقد ..
اسماء : ههههه قصرتي فيها البارحه حليلها والله خبرت امايه عليج ..اتخضيينها جنج اتخضين لبن ؟؟
سلامه : دواها انا مالي بارض عليها ..
اسماء : امحق ام ..
سلامه : والله صدق قذا حتى لو ماتبين اتسوين ابهم شي غصبن عنج ..
اسماء : هاي اول وحده لج وجذيه .
سلامه : فديتها بنتيه عاده شسوي يعني معناته اني ماحبها .
اسماء : ههههههه ومتحبين ابوها بعد ؟؟
سلامه : انطمي .. انتي .. امحق طاري ..
اسماء : انزين تعالي ابوها يباج ع التلفون في الصاله ..
سلامه : لا والله ومستانسه يايه تربعين عسب اتبشريينيه امحق بشاره انا قتلكم ان اتصل قولوله راقده ولا تتسبح روحي روحي قوليله رقدت لانها البارحه طول اليوم مارقدت لانه مي كانت اتصييح ..توه مفتكر حضرته ..
اسماء : جذبة عيينج جنج الا راقده من الساعه 5 لين الساعه 1 .. والبنيه مرقده وياج وين مارقدتي ..
سلامه : روحي روحي خس الله ويهه ..
اسماء : ياله عاده الحينه خس الله ويهه من عقب فديت ويهه ..
سلامه : اااااف انتي اشعنه مناشبتني مناشب روحي قوليله راقده ..
اسماء : انزين ماعليه بروح ..
وراحت اسماء وشلت السماعه ..
اسماء : الوو ... انا اسماء ..
فهد : هههههههه .. اعرف خلاص حفظت . انتي اللي تقلدين الالوو مالت حرمتيه ..
اسماء : ياااااله .. فهد سلامه راقده لانه مي البارحه طول الليل مارقدت ..
فهد : صدق ..
اسماء : .......... هي صدق ..
فهد : فديتها والله حليلها ماتستاهل ..
وخلاف ظهرت سلامه من الغرفه ..
مهره : هاذ.........
اشرت سلامه حق مهره ع اساس انها تسكت فسكتت مهره وقعدت تضحك عرفت انه فهد دومه مظلوم ..
فهد : خلاص عيل سلمي عليها وقوليلها ان شاء الله باجر بمر عليها الظهر عقب مارد من الدوام عسب امر عليها ..
اسماء : خير ان شاء الله ..
فهد : يله مع السلامه .. سلمي على قوم عمتيه وعمي واخوانج .. ..
اسماء : الله يسلمك .. سلامن يبلغ .. وانته بعد رد السلام ..
وسكرت اسماء التلفون وفي اللحظه اللي اسماء حطت السماعه ع التلفون سوت سلامه مالت حق السماعه ..
مهره :ههههههه حرام عليج والله ..
سلامه : خليه دواه يتادب عسب ايعرف ..
اسماء : ماعليج منها هاي مكاره الحينه بتربع ببتصلبه وبطلعني جذابه ..
سلامه : مايحتاي بيبطي ثره وايد ..

ظنكم شو نهاية نظرات نوره لخالد ؟؟
ظنكم شو مصير حصه وخالد ؟؟
ظنكم شو التتطورات اللي بتستوي بين اليازيه وطحنون من بعد ماظافته عالمسن ؟؟
ظنكم شو نهاية عذاب حصه ؟؟؟
ظنكم منوه اللي كان يطريه فهد حق اسماء ؟؟؟

شيخة الغيد
21-12-2005, 03:34 PM
الجــــزء الرابــــع


ياذا النجوم اللي شراتي سهارى .. قولي لنجم الياه يطلع مع سـهيل
خل احـــــبه ســـر ماهو جهارى .. ودي بشوفه واسرتني المواصيل


في بيت بو علي ..
يوم الخميس
الساعه 6 الصبح ...


ام علي كانت قاعده في الصاله ومعاها اعيال علي فلاح ومانع قاعدين يلعبون بالسوني في الصاله ....
ام علي : يامانع يابويه خل اخوك يلعب وياك ..
مانع : لا ماباه يلعب معايه هو كله ايخرب عليه .. بضربه ..
ام علي: حليله اخوك هاذا اشعنه ماتلاعبه معاك .؟؟.
مانع : هو كله يخسسر ..
ام علي : هههه ماعليه انته عطه اياه هاذا الطبش اللي تلعبون به من زينه عاده متعلقين به وخله يلعب معاك وبيفوز ..
فلاح : ادووووه انا ابا العب بفووذ .. بفوذ اتننيييي ..
ام علي: حليله اخوك ايصيح يبا يلعب ..
مانع : اذا مافرزت بضربك انته كله تتدلع .. وظهر السانه حق اخوه ..
وتم فلاح ايصيح : مابا مابا ..
ام علي : بس يابويه بس بس .. يعلني افداك بس ..
وشويه بدشة سعيد عليهم ومن شاف امه في الصاله يا بيظهر ..
ام علي : مسوود الويهه تعال تعاااااال ..
سعيد : هلا هلا امايه .. وبدا يغير السالفه ... شو ابلاه فلاح ايصيح ..اشعنه اتصيح ؟؟.؟؟
فلاح : مايتيني انا الييد الثوني ..
سعيد : الثووني مره وحده ؟؟
فلاح يهز راسه : هييييه .
سعيد : منووووع نش عط اخوك يلعب ..
مانع : عميه هو كله يخسر ..
سعيد : وايه عاده انتي اللي مول عاده مجسح اللعبه تجسيح عطه عطه ..
مانع يفر الجهاز ع فلاح : هاااك يود ..
ام علي : لا اتغير السالفه ولا شي انته من وين ياي ؟
سعيد : امايه سرت .. ااا ... سرت الا الا الشيشه اعبي سيارتيه ببترول و و ييت ..
ام علي : سعوووود عن الخريط ثرك انته هب بايت فالبيت هاي كندورتك مالت البارحه وهاي سفرتك مالت البارحه ماحيدك تلبس هاللون فليل ..
سعيد في خاطره عاشوا رحنا فيها : لا لاني يوم نشيت الصبح جفتها جداميه مفروره ولبستها وظهرت اعنبوه يامايه تحقيق ؟؟
ام علي: جذااب ومن عينك جذاااااب ..
سعيد : هههههههههه . فديت قلبج انا اعنبوه امايه ريال بلحيتيه اتقوليليه جذاب ..
ام علي : وايه عاده لحيتك هب عليه ..
سعيد :ههههههههه .. خلاص ولا يهمج ..
ام علي : انته هب بايت في البيت اعنبوك رمضان خاف ربك انته وين تظوي ويا منوه ترغد لين ها الوقت ..
سعيد : ياويييييلي .. هب رغدي انا.. اعنبوه امايه انتي قلتي رمضان يعني عادي ..
ام علي: عادي لين وقت السحور هب لين الحينه ..
سعيد : وبعدين رمضان الناس صيام يرقدون انتي اشعنه واعيه من الحينه ؟؟؟
ام علي : والله ياسعووود ان ماقلت اليه انته وين تسير ولالله ياخبر علي عليك وانته بتعرف دواك ..
سعيد : امايه عاده شو هالحاله اعنبوه وين رحت يعني انا كنت سهران ويا ربعيه في الميلس وخلاف ردينا ابيوتنا ..
ام علي : اعنبوك الناس رمضان الناس تستغفر ربها اتسوي الشي الزين وتقرا كتاب ربها وانته ماتشبع متالاه لا في رمضان ولا في غيره ..
سعيد :افا عليج يالغاليه كله ولا زعلج ازعل العالم كله ولا انتي .. واللي انتي تبينه انا مستعد اسويلج اياه .. وحبها ع راسها ..
ام علي: اااه ياولديه الله يهديك ان شاء الله ..
سعيد : هههههههه .. فديت ايديج الغاويه المحنايه هاي ..
ام علي : اخيرليه ايوزك عسب اتكون عنك وحده اتكسر لك خشمك لا لا حشا عليه انا ماروم عليك انته ..
سعيد : وحياات قلبج ولا الف وحده اتروم تكسر خشمييييه خشم ولدج سيف سليل وعمره هالسيف مانكسر ولاانعوى ولا حد بيعويه ... الا جان انتي شيخة الزين ...
ام علي : امحق ليل مالت عليك في ذمتيه .. محد خاق بعمره الا انته ..
سعيد : انا خقاق ؟؟
ام علي : لا الغالي يديه .. اذلف اذلف ارقد اخيرلك لانك بتنش اتصلي في المسيد الظهر ..
سعيد : افا عليج من اعيووووني .. وغمز الها وراح غرفته ..
حدر سعيد قسمه وسمع صوت حد يضحك في غرفة احمد .. احمد وسعيد كانوا في نفس القسم وعندهم حجرتين وصاله مشتركه وحق سعيد غرفه والغرفه الثانيه حق احمد ..
سعيد : واااااااو .. انته واعي ..
احمد يرمس في التلفون : لحظه لحظه .. خييييير ان شاء الله ؟؟
سعيد يحرك حياته حق احمد : هااه .. لين الحينه واعي ليكون من فليل وانته قابضنه ..
احمد : عندك مانع ؟؟
سعيد : ههههههههه .. لا يضارب مع فلاح في الصلاه عسب السوني ... هههههههه ..
احمد : اف اتلوع بالجبد ..
سعيد : افا افا يابو شهاب .. لازم من لقا احبابه نسى اصحابه .. صدق صدق من ظهرت عنا في الميلس البارحه فليل لين الحينه ترمس .. اعنبووووووه اسميها الفاتوره 10 تلاف بتوصل ..
احمد : ليكون بتدفعها من جيبك ..؟؟
سعيد : ههههههههه ه ه هه ه هوووهيييي ... لا بسوي حفله عقب رمضان وبدفع عليها . .
احمد : انته ماتشبع .؟؟.
سعيد : لا طبعا .. في حد يشبع من وناسته ياريال خلنا انعيش كم بنعيش نحن باجر بنعرس وبنلتزم خلنا الحينه نعيش شبابنا عسب انكونين شبعانين من كل شي يوم نعرس ..
احمد : ايووه وانته الحين شو مشكلتك اكيد توك ياي من برع روح ارقد اخيرلك ..
سعيد : هب راقد انا الا يوم اتي انته وترقدنيه .. كييييفي اخويه مالج خص ..
احمد حق اللي في التلفون : جفتيه شو ايقول ؟؟ ...
دانه : هههههههههه .. والله اخوك سعوود يجتلني من الضحك ..
احمد : بسم الله ..
دانه : خله يباركلنا ؟؟
احمد : ههههههههه .. سعود باركلنا ..
سعيد : مبروك ع شوه عاده ؟؟
احمد : اليوم كملت معاها ست اسنييين ..
سعيد : خيييييييييييييبه وللللللل ..
احمد وهو يكفخ سعيد ع راسه : حوووووووه .. اتخيبك ياربيه ..
دانه : لا حرام عليه .. الله واكبر الله وكبر رد الله كيده .. هههههههههه ..
احمد : خلج انتي عاده يالعيوز ..
دانه : شويه وبدقلك اوكيه .. يله يله باي ..
احمد : اوكي غناتي يله مع السلامه ..
سعيد: صدق والله احمدووووه كملتوا اليوم ويا بعض 6 اسنين ..
احمد : اتصدق ..
سعيد : احمد اتحبها ؟؟
احمد : معقوله ياسعيد كل هالايام وماعرفت اذا انا احبها او لا ..
سعيد : اعرف انك اتموت فيها وماتقدر انك اتشوف حد عقبها ..
احمد ؟: اتعرف سعود احس اللحظه من عمريه اللي اعيشها من دونها ولا شي .
سعيد : تتدري انته الحينه شي نادر من الشباب ..
احمد : تتدري اشعنه ؟؟
سعيد : ههههههههه .. لانك جديم ..
احمد : قلتها لانيه جديييييم .. لانه حبنا انبنا قبل لاتستوي هالمشاكل اللي استوت الحينه يوم كان كل مكشوف وكل شي كان اسمه صراحه في صراحه ....
سعيد : احمدوه بسالك سؤال بس جاوبني بصراحه ؟؟
احمد : شوو ؟؟
سعيد : انته لين متى تبا هالعلاقه ادووووم ؟؟
احمد : ماعرف ياسعيد انا اروحيه حيران .. اخاف حد ايي يخطبها ولا ..
سعيد : انته اتفكر انك تخطبها ؟؟
احمد : اشعنه انته شاك في هالشي ؟؟
سعيد : تبا تاخذها كيف تاخذ وحده انته تكلمها في التلفوووووون ؟
احمد : اشعنه سعيد .. البنت اللي انا اكلمها في التلفون هب بنت ناس وعرب ؟؟ طالع انا متى معاها عمري ماشفت الغلطه عليها وانته تعرف عدل نحن كيف يبناها ..
سعيد : صح .. بس ظنك امايه بتوافق ؟
احمد : اشعنه منوه اللي بياخذها انا ولا امايه ؟؟
سعيد : احمد فكر في الكلام قبل لا اتقوله .. اتعرف انه الكلام اللي انته اتقوله مستحيل انه في يوم من الايام ايصير ..
احمد : بس انا احبها وماقدر اني اعيش من دونها ..
سعيد : هاذا ذنبك لانك اتعلقت فيها وبغيتها .. يعني الحينه انا جدامك انته قول في ذمتك في اليوم انا كم ابنيه معايه .. عمري مافكرت اني احط اي حد في خاطريه لاني واثق اخر شي اني ماباخذ غير اللي امايه تباها ..
احمد : انته غير وانا غير ؟
سعيد : لا اتقول كلام انته هب واثق منه .
احمد :سعود ادخيلك لا اتكدر مزااااااجيه ..
سعيد : ماعليه السموووحه منك . يابو شهاب.. بس انا بغيت احطك في الصوره .. يله انا بسير ارقد ولا بترقدنيه ..
احمد : هههههههههه .. روح لا امغطك بها العصا ؟؟
سعيد : ياويييييلك بخبر عليك اماااايه ..
احمد : خلج انتي يالدلوووووعه ؟؟
سعيد : حوووووووه .. ها الطول والعرض وبنيه ؟؟
احمد : والله انك انته ..
وراح سعيد غرفته عسب يرقد وتم احمد في غرفته ورقد ..

شيخة الغيد
21-12-2005, 03:35 PM
في بيت بو محمد
يوم الخميس
الساعه 2 الظهر ...


بو محمد : الريييييييم ..
ام محمد : لبييييه .. تعالي الغالي انا اهنيه ..
بومحمد : وايه يعلني ماخلى من هالويهه .. لبيتي حايه ..
ام محمد : حمييييييد ..
بومحمد : اعيوووووونه ..
ام محمد : ماكبرت على هاي السوالف ..
بو محمد : منوه انا ؟؟ .. لا لا حشى عليه لا كبرت ولا الله قاله جان الا انتي كبرتي ها شي ثاااني ..
ام محمد : هيييه هيييه انا الحينه كبرت هاه ؟؟
بو محمد : فديييييييتج يالريم ياشيخة الحريم ..
منصور : ابويه لا تغازل ..
بومحمد : مسود الويهه ..
منصور : هههههههههه ..
وراح منصور يربع عند اليازيه وحصه اللي كانن قاعادات في المطبخ .. حصه واليازيه اونهن عاده بيسون فطور اليوم وحصه كانت بتسوي بيتزا واليازيه كانت بتسوي معكرونه بالباشاميل ..
منصور : لحقن لحقن ..
حصه : خير ياويهه الخيييييير ..
منصور : ابويه يغازل امايه وايقولها كلام حلووووووو ..
حصه : هههههههههههه .. احلف لحقي يزوي تعالي طاالعي ها المراهق الكتكوت شو ايقول ؟؟ ههههههه ..
اليازيه : شو بلاكم ..؟؟
منصور : يزوي ابويه يغازل امايه .
اليازيه : ههههههه عادي حرمته ..
منصور : انزين عادي اغازلج ..
اليازيه : جب انقلع انا اختك ..
منصور : عادي اختي ..
حصه : وايه مالت .. هي ماتستاهل غازلني غازلني انا ..
منصور : مابغزلج بغنيلج اغنيه ..
حصه : وايه يعلني افداك يله يله .
منصور : الغبيه المينونه حصوه ام شعر كشه ام شعر احمر وباجر بيستوي ازرق ..
اليازيه : هههههههههههههههههه .. بس بس بموت دواج تتادبين ..
حصه : ماعلييييه يالدب اعنبوووووك ولد هالمتن .. انته زين مصيمينك رمضان عسب يسولك رجييييم ..
منصور : اصلا انا حلو وجسمي رياضي .. جذيه ايقولي خالي سعيد ..
حصه : والله .؟؟ روح لا اخش هالفلفل الاخضر في خشمك .. ونشت من الكرسي اونها بتربع وراه ..
منصور : هههههههه .. لا لا خلاص خلاص وربع عنهم ..
حصه : يزوي اه اتخيلي انا اكون في بيت قوم خالتيه موزه واكون حرمة خالد والحينه قاعده اطبخله وبعدين اروح وحطله الفطور وافطر معاه وخلاف ادخنه واكويله غترته عسب ايروح المسيد ااااه اااااه .. اخبااااااااال .. اخبااااااال .. ومدت ايديها ع الطاوله اللي كانت قاعده عليها وحطت راسها على ايديها .. وتمت سرحانه ..
اليازيه شلت الطحين وتمت اتنثره ع ويهه حصه : هيه والله وعقب تتناثر هالاحلام ع ويهج ..
حصه :سباااااااااااااااااله .. وشلت حصه الطحين وفركت به شعر اليازيه واليازيه اتصارخ .. يت ام محمد تربع ..
ام محمد : وايه شو ابلاه مطبخيه ابيييض ؟؟
لين : مدااااام ذي ار بلينج ..
ام محمد معصبه : هووووو ؟ . اييييه انتن .. بتخبركن انتن صايمات اعنبوكن عداااااااايل ..
حصه : هههههههه امايه والله هاي يزوي ..
اليازيه : امايه اف اف ماشوف ..
ام محمد : الحينه الطحين كله في حلجكن .. يالله.. استغفر الله شوبقول ؟
حصه : هههههههه ... اللهم انج صايمه . سباله انتي ..
اليازيه : انتي صايمه ..
حصه بغباء : هااااه ؟؟
اليازيه بصوت عالي : صاااايمه ؟؟
حصه : هااااه هييييه .. صح هههههههه .. اللهم اني صايمه ..
ام محمد : ماظنتيه اعنبوكن قلت بناتي حريم وحدرن المطبخ بيسون اليه شي غاوي مالت عليكن عدلن كل اللي سويتنه والله والله الحينه ازقره الكم اكووه هو خاري ...
حصه : يتغزل هاه ؟
ام محمد : انطمي انتي ام لساانييييين ..
حصه : اااااااه ياحييييييج ..
ام محمد تضربها ع جتفها : اعنبوج حتى ع ريلي بتحسديييني ..
حصه : نو... نو الله يهنيكم اللي في بالي غيييير ..
ام محمد : ولا بتظويييييينه ..
حصه : لا عاده من دعاويج مابظوويه ان دعيتيليه بالخير بظووويه ..
اليازيه : امايه شو هاي رمستكن بظوييه ومادري شوه قولي بخطبه وبييبه .. فري العرج شويه صوب المهيرات ..
ام محمد : لا افره والله قاله انا شرات مانا لا اغير رمستيه ولا اغير مذهبيه ..
حصه : متمسكه بعاداتها وتقاليدها .. شوفي امج وطنيه هههههه
ام محمد : يله عاده لا تيلسن اتقرقرن على راسيه نشن بسرعه وخلصن هالمزبله اللي مسوينها ..
اليازيه : افا عليج .. يالغاليه ماطلبتي ..
ام محمد : يابنتيه ادريبج انج عاقل لكن ابليييييييس .. وقعدت تتطالع حصه .
حصه : ماعليه بسامحج لاني صايمه . . اللهم اني صايمه ...
اليازيه : سخييييفه ..
ام محمد : من بونها ..
حصه واقفه وحاطه ايدينها ع خصرها : لا والله شووووووو ؟؟ شوووو ؟.؟ اشوفكن الا حطيتن عليه ..
اليازيه : تستاهلين ..
وشويه ويت لطيفه ..
لطيفه : ماماتي ...
اليازيه : توته تعالي .. نحن في المطبخ ..
حصه : كملت ..
لطيفه : ماماتي شو اتشوين ؟؟
حصه : نشوي عرش في المعاريش .. وتمت حصه اونها اتصيح توته امايه ضربتني ..
لطيفه واقفه : ماماتي ليش ضلبتيها ؟؟
ام محمد : تعالي توته تعالي امايه شربي لج شوربه ...
لطيفه : مابا انا ثايمه ؟؟ ..وصدت على حصه اللي اونها اتصيح ..
حصه : اهههي اههههي اهي اهي ..
لطيفه : احشن شيييييييحي ..
اليازيه : شييييحي .. ههههههههه ..


في بيت بوعلي ..
الساعه 4 العصر ..
يوم الخمييييس ..


سعيد واحمد كانوا موقفين سيايرهم في الحوي ويايبين الماي والصابون وحاطينه حذال سيايرهم عسب يغسلونهن .... سعيد عنده اودي اليديده لونها ابيض .. واحمد عنده بورش كايين لونها رصاصي .. وعاده يالسين يتناقرون منوه احلا واحسن سياره ..
سعيد : هههههههه .. بس بس .. اللي مايطول العنب حامض عنه يقول ..
احمد : امحــــق ...
سعيد : تعال اقولك رمست بطووي ؟؟
احمد : هي توني مسكر عنه في دبي ..
سعيد : والله شو يسوي ؟؟
احمد : سايرين هو وخالد وناصر المعرض مال الحبتور ..
سعيد : شو يسسون ؟؟؟
احمد : سايرين يطالعون البنثلي .. لانه خلود يبا ياخذ وحده ..
سعيد : خلود بياخذ بنثلي ؟؟
احمد : هيييه ..اف رهيبه هاه ؟؟
سعيد : لا والله شفتها هاك اليوم ماعيبتنيه وايد سبورتيه زياده عن اللزوم ..
احمد : ههههههههه .. زياده عن اللزوم .. ولا لانها ب 700 الف ماتروم عليها ..
سعيد : لا لا الله يخليك بتجتلنيه من الضحك .. انته عارف عدل لواباها مابتغلبنيه ..
احمد : الله يخليلك مانع الخيلي ولا انته خرا في ذمتيه .. الف درهم ماعندك ..
سعيد : هههههههههه صخ صخ عن الفضايح لا حد يسمعنا ..
وشويه بدشة بو علي عليهم ياي من المسيد : اعنبوكم اشعنه موصخين الحوي .. البلاد متروسه مغاسل سيارات ..
احمد : يابويه شو انسوي خلنا شويه نضيع وقت لين ماياذن ..
بو علي : صليتوا انتوا ؟
احمد : هي تونا يايين عقينا كنادرينا وينا انغاوص هههههههه ..
بوعلي : امكم وينها .؟؟.
سعيد : وانته ماتروم تيلس لحظه من دونها ياريال لا تعق عمرك عليها .. اثقل عسب هي اللي تركض وراك
بوعلي : ههههههه .. جنها الا لابستنه من كم يوم يبالها .. ظنك ؟؟
سعيد :افا اتشك في خبرتيه ..
بو علي : مسود الويهه اتساوي امك بالرغديات مالاتك .. امك تاج راسيه وراسك وراس مرغداتك ..
احمد :ههههههههه دواك فج من حلجه الحينه ؟
بو علي : شقلللللت ؟؟
احمد : افا عليك ماشي اغني ..
بو علي : حد ايغني وهو صايم سبح اذكر ربك ..
احمد :ان شاء الله ولا يهمك افا عليك .. افدا ثرك . وراح عنهم بو علي صوب المطبخ ..
سعيد : هههههههه راح يتشمم ريحتها قطوة المطابخ ..
احمد : ههههههههههه .. مالت عليك .. اشعليك خله يدلعها .. ماعده حد غيرها ..
سعيد : وانته مصدق ؟؟ .. هاذا هييييييهيهههههي هاذا داهيه ..
احمد :ههههههه حرام عليك لا تحط في ذمتك..
سعيد :والله اعنبوه انا صايم هاك اليوم اتعرفت ع وحده وانا ماعرف انها اداوم في الاتصالات وخلاف سالتنيه شو اسمك قتلها هب قايل وعقب فتره يتني وقالتليه انته سعيد ولد مانع الخيلي ..
احمد : عادي شو فيها ..
سعيد :حوه قالتليه انا كنت اعرف ابوك ..
احمد : هههههههههههههه .. اشششش صخ صخ عن لا يسفرونه ..
سعيد : ههههههههه .. هاي فطييييييم ..
احمد : نحن مخبلتبنا وين هو ..؟؟
وشويه وظهر الطباخ من المطبخ شافهن قاعدين ابيغسلون ..
الطباخ : مشكور مشكور بابا جيين واجد جين .. بس هازا انا في اليوم صبخ في قسل ..
سعيد : اخ احمد لو سمحت ترجم ؟؟
احمد : حادر يافندم .. انقلع انقلع ..
سعيد : حوه لا اتقولليه انقلع انا اخوك.. .. احترمنيه ياخي ... لا تخلي اخر الرجال المحترمين يتصرف معاك تصرف هب زين ..
احمد وهو ماسك الفوز ويرش سعيد بالماي ع ظهره : ههههههههههه .. هاي اخرت اخر الرجال المحترمييييين ..
سعيد : ووووااااايه واااااايه .. وااااااااي بااااااااااااارد .. ثلجت .. ومسك سعيد الصابون وقعد يربع ورا احمد ..
علي وهو شال فلاح : حووووووه اشعندهم هاليهال ؟؟
احمد : علوووه تعال ياخي هاذا ضربن فيوزاته يبا ايرشنا بالصابون ..
علي : جوف عمامك هاليهال شو يسسون ؟؟
فلاح : نذلني نذلني بلعب معاهم ..
سعيد وهو يربع ورا احمد : ههههههههه . وحياتك ماكون اخر الرجال المحترمين ان ماسبحته اليوم ..
احمد : والله ياسعووووود لا اييب راسك وازرعك اهنيه فالرمله انخله ..
مريم : وايه بسم الله شو بلاهم ..؟؟
علي : تعالي لقطات مضحكه هههههههههه ..
مريم : وانا اقول اعيالي من وين يايبنه ثره وراثه ..؟؟
سعيد : اف اف تعبنيه ماروم اربع وراه بسني بسني ..
احمد :هههههههه .. مشااااكل .. غير الرياضين يوم يربعون غير غير الصاله وماتسوي ..
سعيد : الحمد لله مانحتاي صالات ولا جمبازات الجسم اللي يوقف عليه الصقر موجود .. واشر ع جتفه
مريم وهي رايحه صوب المطبخ وتضحك : ههههههه .. والله انكم انتوا .. صيام وتراكضون ..
علي : تعالي عنهم هذيله ميانين ايسيرون ايدوقونج في بطنج .. عاده هالمره اول مره بننيب بنت .. تعالي عنهن ..
مريم : هههههههه شوفوا اخوكم لوووووتي ..
سعيد نقز في ويهها : وااااي انتي ..
مريم متروعه : فلختنييييييه .. ههههههههه .. ياربي كم بعاني ..
احمد :حتى انتي ؟؟ ..
مريم : جفت عاده .. ودشت المطبخ وخبرت ام علي عليهم وظهرت ام علي اتهازب ..
سعيد : ماعليه يامريوووم اشتغلتي يالرويتر ..
احمد : امايه ماخيسنا واي شويه بس ..
ام علي : اعقولكم فنعولكم شو بقول ؟؟ .. بعد غير عن جذه .. الحمد لله والشكر الحمد لله ..
علي : العقل نعمه .. ههههههه ..
احمد : الحمد لله ... وسوا مالت حق سعيد ...
سعيد : هههههههههه .. امايه ابا ماي عطشت ..
ام علي : ادله المطبخ عادي يابويه سير اشرب ... انتوا الا فطار ..
علي : ههههههه ترا امايه تقصد انه ماعلى هيلاك الناس حرج ..
احمد :اونه اونه يشفر هاه .. هههههههه .
سعيد : ماعليه يافطييييم ماعليه بتتين عقب ودوني وعطوني ..
ام علي : الله يخليله بو علي فديته ..ماعليه اقصور ولا ابا منك مالت عليك وع ويهك مسود الويهه ..
سعيد : هب جنها قفطتنيه ؟؟
احمد : نوووووو .. عاي متوعد ..
علي : لوح ياخي ..
سعيد : مالت عليكم الا امايه فديتها ..

شيخة الغيد
21-12-2005, 03:35 PM
بيت بو عبدالله ..
الساعه 5 العصر ..
اليوم الخميس ..


العنود واسماء ومهره وام عبدالله كانن قاعدات في المطبخ .. واليوم عبدالله و هادف كانوا عازمين ربعهم ع الفطور ..
مهره : اعنبوه وين الكيك والحلاوه ؟؟
اسماء :هب توهن اهنيه ع الطاوله ..
مهره : هيييييه ..
العنود : طالعوا هاي الذكيه يمكن شلتهن وودتهن ..
مهره : واتخيلي دخلتهم ع الرياييل ..
ام عبدالله : يالفضيييييحه .. اسماء ربعي ربعي وراها خليها اتيبهن ربعي .
ظهرت اسماء من الطبخ راحت صوب اللفه اللي فيها الميالس ...
اسماء اتاشر حق الخدامه لانها ماكنت اتروم انها تزقرها ..
سنيتا : جيييين جييييين صبر بيودي هازا هلاوه ..
اسماء : لا يالعنز هاتيهن لا لا ... هاتيهن هاتيها وقعدت اتاشرلها .. وفالوقت اللي كانت بترد صوب المطبخ شافت بي ام تتدخل الحوي واتغشت وراحت سيده صوب المطبخ .. وهي قاعده تمشي بسرعه عند الدجه مالت المطبخ..
غانم وهو منزل الجامه : ربعي ربعييييي بدعمج ..
اسماء منصدمه تدقق في السياره وعقب عرفته غانم اخو فهد : اتخسي ماتروم .. في بيتنا وتتدعمنيه ..
غانم : ههههههه .. صبري الحينه بييج انا المطبخ ..
اسماء : امايه اهناك .. وحدرت اسماء المطبخ .. غانم كان اخو فهد ريل سلامه ويصير حقهم ولد عم ابوهم وغانم عمره 23 سنه .. وغانم كان وايد معاهم بعكس فهد لانه غانم كان من سن هادف وكانوا دوم مع بعض ياانه هاذا بايت عن هاذا او العكس ..
اسماء : امايه غانم ياي المطبخ ..
مهره تتطالعها واتحرك حياتها : اونه حلفي ؟؟
اسماء معقده حياتها : مايحتاي اكووه شرف ..
غانم : هووووووود ..
ام عبدالله : اهدا يابويه اهدا محد غريب .. وتمت مهره متحجبه لانه ولد عمها .. والعنود اتلثمت عنه صح انه هو يقربلها بس من بعيد ..
غانم : السلام عليكم ..
الكل : وعليك السلام ..
غانم : خالتيه انا ياي اليوم وماتسحرت من البارحه بس عسب اكل من هالطبااخ الغاوي ..
ام عبدالله : يعلني افدا ثرك يالغالي بالعافيه يعله وين مايسري يمري ... شحالك فديتك .؟؟
غانم : بخير ونعمه انتي اعلومج ربج ابخير ؟؟
ام عبدالله : بخير وسهاله ..
غانم : شحالكن ؟؟
مهره والعنود : بخير ايسرك الحال ومن صوبك .؟؟
غانم : بخير ونعمه .. خالتيه بنتج طردتنيه ..
اسماء حاطه ايديها ع راسها : هااااااااه .. هااااااااه .. وعقب حطت صبعها تحت اعيونها . الله وكبببببببر .. انا ؟؟
ام عبدالله : اسمووووووه ؟؟
غانم : هههههههههه ..
اسماء : امايه والله انيه ماقلت ..
العنود :لا لا اسماء ... معقوله ؟؟
اسماء : اعنبوه حشا عليه ..
غانم : حلفي ..
اسماء ببراءه : والله ..
غانم يضرب ايديه ع جبينه : صدقتج .. لا لا بس قلتي بيتنا ..
ام عبدالله : مسودة الويهه ...
اسماء : اماااااااااايه ..
ام عبدالله : ووينها هاي سودى الويهه يابت اللي ودته ؟؟
اسماء : هيه زقرتها ..
غانم :يله سمحوليه ..
ام عبدالله : عقب ماتخلص تعال يابويه بنسولف وياك اتولهنا عليك من زمان ماشفناك ..
غانم : افا عليج .. من اعيوووونيه ..
ام عبدالله : تسلمليه اعيونك يالغالي .
وتوه غانم بيظهر عنهم .... وخلاف دشت الخدامه ..
غانم وهو ياشر عليها : اكييه يت صاحبة البيت الابيض .. قصديه مطبخكم ههههههه ..
مهره : لا تتنطز ع مطبخنا .. هههههه . مالنا غيره حق العيشه..
غانم : ثره عوقكم هاه ؟؟
مهره : ههههههه يقولون ..
غانم : هههههه .. يله السموحه .
الكل : بالحل ..


بيت بو محمد ..
الساعه 1 فليل ..
يوم الجمعه ..


مزيون من زينه يحير العذارى .. اهيف زريف الطول حلو التعازيل
من عينه اعيون العذراى غيارى .. بو يادل جاني على الرذف كالليل


حصه : انتي عدج ماخستي بعدج على امل يعني ؟؟
اليازيه : انا مستعده اتريا واتريا واتريا ..
حصه : شو جهااااد ؟؟
اليازيه : ههههههههه .. مالج خص اذا ماكان الجهاد له حق منوه بيكون ؟؟
حصه : اوووووونه ...
اليازيه : ياويييييييييلي دش دش ..
حصه : انا انا ... وراحت تربع ولصقت في جتف اليازيه ..
اليازيه ادزها :اوووووووووف نشي .. اعنبوج لزقه ..؟؟
حصه : يله يله .. ووقفت تتطالع ..
اليازيه : ساكت ما يتكلم ..
حصه : ههههههههه دوااااج ..
اليازيه : ماعلش ماعلش ..
حصه :اوكي فتحي مالت المحادثه بس لا تتطلبينها منه ..
اليازيه : اوكي ..
ودقت وفتحت مال المحادثه .. وشافت صورته ..
اليازيه اتسادنت ع الكرسي وميوده راسها : لا لا لاااااااااااااامارررررروم .. ياويلتاااااه .. ياخرررااااااشي.. بتخبل ... ااااااه . حصوووووووووه حاط صورته حاطنها ...
حصه بغباء : ااااااااااه يجننننن ...
ظربتها اليازيه ع راسها ..
حصه : ااااااااخ .. هههههههه ..
اليازيه : بسم عليه ..
حصه : لا والله وبعد قوليله انا اليازيه شو رايج؟؟
اليازيه :لا طبعا اعنبوه هب لها الدرجه الغباء هو ..
حصه : اتحرا بعد ..
@ انا منـــــــك حبيبي وانتـــــه مني @ : السلام عليكم ..
اليازيه : مايرد ..
حصه : هههههههه .. اونه مايحتاي شريف مكه ..
@ انا منـــــــك حبيبي وانتـــــه مني @ : السلام لله ..
وضربتها حصه على ايديها ..
اليازيه : ههههههه .. اخ شو بلاج ...
حصه : يزووي اخبال هو ها ؟؟ ها ؟؟ ..
اليازيه : خلاص اذا مارد بلبسه شو يعني هو شدراه انا منوه ؟؟
::+ :: اشهـــــد ان الغالــــــي ظبيانــــــي ::+:: وعليكم السلام .. نعم منوه معايه ؟؟
حصه : عاشوا .. بدينا بالعبط..
@ انا منـــــــك حبيبي وانتـــــه مني @ : تو الناس ..
::+ :: اشهـــــد ان الغالــــــي ظبيانــــــي ::+:: على ماظن انيه اقولج منوه معايه وماله داعي للوم .؟؟
@ انا منـــــــك حبيبي وانتـــــه مني @ : انزين انته اشعنه معصب ؟؟
::+ :: اشهـــــد ان الغالــــــي ظبيانــــــي ::+:: انا هب امعصب بس انا اقولج منوه معايه لانيه مارمس حد ماعرفه ..
@ انا منـــــــك حبيبي وانتـــــه مني @ : انا اللي كنت مغلطه في ايميلك وكنت اريد ايميل اربيعتيه ..
::+ :: اشهـــــد ان الغالــــــي ظبيانــــــي ::+:: اممممم .. هيه الحينه ذكرتج .. وتم ساااااااكت فتره ..
حصه : يستهبل هاه ولا شوو ..؟؟
اليازيه : اونه عاده مسوي عمره شي ..
حصه : هههههههه اجوفج جلبتي عليه ..
اليازيه : والله صدق طالعي كيف الاسلوب يقهر ..
حصه : يله شحتي منه الرمسه .. ههههه ..
اليازيه :حصوووه اريد نفس ..
حصه :افتح الجامه ؟؟؟
اليازيه : سخييييفه .. فجي عنيه شويه ياللزقه ..
@ انا منـــــــك حبيبي وانتـــــه مني @ : اذا مشغول برايك ؟؟
::+ :: اشهـــــد ان الغالــــــي ظبيانــــــي ::+:: هيه مشغول ..
@ انا منـــــــك حبيبي وانتـــــه مني @ : انته اشعنه جذيه ؟؟
::+ :: اشهـــــد ان الغالــــــي ظبيانــــــي ::+:: انتي كيف تبيني اكون انتي والله انسانه غريبه ؟؟
اليازيه : ااه ياطحنون لو تدري انا منوه اكون جان مت في مكانك من وناستك بس بخليها حره فيك ولا مخبرتنك ..
حصه : شو تبين اكثر عن جذيه لو واحد ثاني والله مابيصدق ايحصل وحده اتكلمه ...
اليازيه : انتي شدراج اونه عاده يثقل ..
حصه : لا ماظن طحنون من هالنوع .. طالعي من متى محمد ايعرفه ومحمد دوم يرمس عنه وايقول انه هو الوحيد من ربعه الخقاق .. وانتي اتعرفين سبة خقته هاي ..
اليازيه : ياويييييييييلي .. فديييييته ؟؟
::+ :: اشهـــــد ان الغالــــــي ظبيانــــــي ::+:: ارمسج انا بلا سخافه ؟؟
حصه : ههههههههههههههه ..
اليازيه : انطمي ..
@ انا منـــــــك حبيبي وانتـــــه مني @ : وياك ..
::+ :: اشهـــــد ان الغالــــــي ظبيانــــــي ::+:: اقولج يله برايج .. واقولج من الحينه انا بسويلج بلوك ودليت ..
@ انا منـــــــك حبيبي وانتـــــه مني @ : يالاااااااااه .. كيف انته تقهر اشعنه جذيه تقهرني ..
::+ :: اشهـــــد ان الغالــــــي ظبيانــــــي ::+:: انتي غريبه اشعنه اقهرج .. انتي اول مره اترمسين واحد عالمسن ؟؟ ولا شو سالفتج اريد افههم ؟؟
حصه : ههههههههههههههههااااااااااي ...
اليازيه وهي معصبه مطت حصه من عقصها ودزتها برع وصكت الباب وقفلته وحصه ميته من الضحك : جب ..
@ انا منـــــــك حبيبي وانتـــــه مني @ : ماعندي سالفه ولا شي .. بس حبيت اسولف عادي ..
::+ :: اشهـــــد ان الغالــــــي ظبيانــــــي ::+:: اها اوكيه انتي قلتي اللي تبينه . وانا اقولج اني انا مشغول
وقاعد ادرس حق امتحان باجر .. بعد تبين تعرفين اكثر ..
@ انا منـــــــك حبيبي وانتـــــه مني @ : لا خلاص ماعليه ربي يوفقك .. ومشكور
::+ :: اشهـــــد ان الغالــــــي ظبيانــــــي ::+:: العفو .. مع السلامه .. وظهر اوف لاين ..
نشت اليازيه من ع الكرسي وهي معصبه وراحت صوب الباب اللي حصه قاعده ادق عليه ..
اليازيه : عللللللله .. كرستي الباب ...
حصه : عوووذ بالله اشعندج ؟؟
اليازيه : سخيييييف ..
حصه : ههههههه عادي بسير عند امايه اخيرليه مالت .. وراحت عند امها تحت وحدرت اليازيه غرفتها وسكرت الباب بقوو ..


في بيت بو علي
الساعه 5 العصر

هالوقت كانوا كلهم قاعدين في الصاله يتريون موعد الفطور ... الا علي وحرمته واعياله لانهم كانوا معزومين عند هل مريم ع الفطور ..

احمد : اف هاي بنتج حشره شو تبا كل ساعه واتصلت ؟؟
ام علي : اي بنت فيهن ؟؟
احمد : حد غيرها ظبيووه الحشره ..
ام علي : رد عليها شوفها ختك ريلها محد عندها يمكن تبا شي ..
سعيد :هي عاده قعدي وسوسي انتي الحينه ..
ام علي : رد رد شوف شو فيها ..
وشل احمد تلفونه واتصل في ظبيه ..
احمد : هاه ..
ظبيه : عله ..
احمد :يوم اقولج ماعندها سالفه ..
ظبيه : جب .. انته وين ؟؟
احمد :في البيت وقت فطور وين بنكون ..
ظبيه : متعوده عليكم الرغيد انتوا ..
احمد :شو تبين ..
ظبيه : ياويهك .. اقولك انته مواعدنيه هييج المره اتودينيه دبي وانا ابا اسير دبي اشتريلي اثياب حق اعيالي ..
احمد : اعنبووج انتي ماتنسين ؟؟..
بو علي : هب هباك ربك اشعنه اتقولوها اعنبوج ؟؟؟
احمد :لا اقولها عندج علوووج ؟؟
ام علي : وانته صايم عاده ..
سعيد : ههههههههه .. هيه صح صح انا سمعته ..
احمد : اليوم انا مشغول مابوديج اصلا بس كنت ابا منج شي هاك اليوم وعطيتينيه اياه .. والحينه هب مودج .. شو تبين اكثر ؟؟
ظبيه : ثرك هب ريال ؟؟؟
احمد : اسكر في ويهج ؟؟؟ هههههههه ..
ظبيه : اتهبي .. والله عاده عن المصاخه انته واعدني ...
احمد : انزين خلاص بمر عليج وبوديج ..
ظبيه :اليووووووم ..
احمد : فكينا اليووووووم ..
ظبيه : يله عيل برايكم واترياك الساعه 8 ..
احمد : احلفي عاده يوم بايي انا ع كيفي ع كيفها اتحدد الوقت واليوم ..
ظبيه : حشا مذله ؟؟
احمد : عسب تتادببن . يله يله باي . وسكرت في ويهه ظبيه ..
سعيد : وين تبا هاي ؟؟
احمد : تبا ادور ثرها هاي تشبع من الدواره ..
ام علي : ودها حليلها خلها اتخلص اغراضها..
احمد :دريوليه ..
بو علي : مسود الويهه هاي ختك وانتوا اخوانها ودوها مدامه ريلها مسافر عنها يعلني ماخلا منها ..
سعيد : مانع الدلع كله حق البنات هاه ؟؟
بو علي : حليلهن البنات هب محصلين اللي انتوا محصلينه ..
احمد يصاصر سعيد : بدينا بالمذله هاه ؟؟
سعيد : هههههههههه ..
بو علي : شو اتقولون يالبعران ؟؟
احمد : ماشي ..
واذن الاذان ونشوا يفطرووون ...

شيخة الغيد
21-12-2005, 03:36 PM
الجزء الخامس

القوافــــي باسمك اتغنت *** مايمـــــوت الــشعر يحيابك
منك مامـــــــلت ولا كلت *** دام تسكن صـــفحة اكــتابك


الاثنين 10 فليل
بيت بو سيف
الرمــــــــاح ..


خالد : يله درسي جوفي حق الجمع قولي ذيه وحق المفرد از ..
وديمه : مابا انا ماعرفه ها كله صعب ..
خالد : لا والله شو اللي مصعبنه جانج عنز لازم بيكون صعب ...
وديمه : انزين انا تعبت ...
خالد : ايييييه يله بسرعه قولي جوفي هاي الجمله شو بتحطليها ذيه ولا از ..
وديمه : از عشان فيه فلورز ..
خالد : يالغبيه ركزي فلورز جمع .. يعني ذيه .. از حق الواحد ..
وديمه : هيييييه انزين نسيت ..
خالد : حلي حلي لا تنضربين بها العصا ..
وديمه : تعبت ..
خالد مبرج اعيونه : ودوووووم ..
وديمه : انزين .. انزين ..كله دراسه ..
خالد : لا والله عيل انتي تبين كله لعب يعني .. فجي هاللوح اللي حاطتنه يله ...
وديمه : انتوا حشره ..
خالد : حوه انتي ام لسانين سكتي .. يله كتبي اشوف ..
وديمه : انزين هاه .. وتمت تكتب ..
وشويه ودخل عليهم ناصر ..
خالد : تعال درسها هاي الذيه والاز ..
ناصر : اقولك بلاها سيارتك انته اتصاوي خاري ..
خالد :اشعنه شو ابلاها ؟؟
ناصر : اشعرفنيه حاشره الفريج حشره قاعده اتصاوي .. يمكن حد لمسها ..
خالد : انزين بروح اشوفها اقبضها هاي شويه ماتعرف ولا شي ..
وديمه :والله اعرف ..
خالد :وايد . مقطعه الكتب تقطيع .. وظهر خالد ..
ناصر :يله فتحي فتحي ..
وديمه : اطالع هاذا انا كله حليته ..
ناصر : اشوف ..
وديمه : انزين ليش مادرسون شموس كله ادرسونيه انا ؟؟
ناصر : شموس صف سادس ... هب صغيره صف اول ..
وديمه : اففف ..
ناصر : يله حطي في هالجمل ذيه ولا از ..
وديمه : هاه حطيت .. بس انا تعبت ..
ناصر : لازم هب منج من هالجوتي اللي ع راسج ..
وديمه : وشموووس ..
ناصر : والخيبتين هب اخير عنج ثرها ..
وشويه ودشت شمسه مع بنت يرانهم اللي كبرها اسمها حمده وهي اخت نوره .. ..
شمسه : طالعي ودوم تتدرس ..ههههه ..
وديمه : طالع انا مالي خص مابا مابا ..
ناصر وهو يزاعق عليهن : يالسباله انتي وهي انقلعييييي انتي في حجرج فجي كتاب وانتي فجي مخج انتن تبن ضرب هاه هنتيناتكن ؟؟
شمسه متروعه : بروح انا بروح ..
وديمه قبضت القلم وهي متروعه .. واتروعت بنت يرانهم وراحت عنهم .. خالد كان قاعد في سيارته خالد مزيون وكل اللي يشوفه يشهد بزينه ريال طول بعرض وخشمه الرفيع وبهيبته وكان شعره طويل يوصل لين حياته في البيت دايما كان يمشي بشعره وحتى يوم يظهر ساعات وغالبا مايتسفر ..وهالوقت خالد كان فاتح باب سيارته وقاعد فيها يتكلم في التلفون ويرفع شعره عن يبهته والباب مبطل خطفت بنت يرانهم اللي هي اخت نوره ..
خالد : شحالج حمده ؟؟
حمده : بخير ..
خالد : خلفان في البيت ؟؟
حمده : لا هو ظهر ..
خالد : خلاص ماعليه سلمي عليه ..
حمده : انزين .. وراحت ..
وتم خالد في سيارته . ونوره طبعا شغاله رادار احذال الجامه تتطالع اللي رايح واللي راد ..
نوره : فدييته. ياربي محلاته ليتني بدالج ياحمدوه فديته كيف يرفع الشعر عن اعيونه اه ..وتمت نوره تتطالعه ودخلت عليها اختها علياء ..
علياء : بسج بسج ..
نوره : تعالي طالعي انتي لو تشوفين هالناس ما بتقولين بسي وبسي ..
علياء : احين انتي شو تتطالعين .؟؟.
نوره : جوفي سيارته هاي اليديده البنثلي اجننن ..
علياء : الا اجنن وبس تتدرين من خذها وكل البنات يطرنه ..
نوره : لازم .. وانا ميته من الغصه ..
علياء : اصلا احلا واحد فيهم ناصر ..
نوره : عشانه ابيضاني يعني ...
علياء : ابيضاني وخشمه ايجنن حياته حلوه هو بكبره حلو .. بس يمكن شوي خالد ملامحه احلا بس انا يعيبني جمال ناصر .. وتتدرين انا دوم الخبط من بينه وبين واحد عندهم بس هاك شويه اعرض ..
نوره : هيه هو وايد يشبه سيف بس سيف اعرض ..
علياء : سيف اكبر واحد اللي عنده المرسدس السي ال ار اليديده .. صح ؟؟
نوره : اجوفج قمتي تحفظين اسامي السيايير شراتي بس هاي السياره اتجنن جفتي يبطل بابها على فوق ..
علياء : الاااااه ازقريني يوم بيشغلها ..
نوره : اف ادعي ادعي انهم ايكونون من نصيبنا ..
علياء : هههههه .. انتي اللي مطيحه دوم في بيتهم اطالعي عاده ..
نوره : تتدرين منوه اللي قاهرني ..
علياء : منوه ؟؟
نوره : زايد سخيف دوم يقعد يطالع وهاك اليوم يوم رديت قبل امايه هو كان ايشغل سيارة ناصر وتم ايغنييلي سخيف اف ..
علياء : لانه اكبر عنج بسنه ولا انه صغير وماعنده سياره .. يعني ؟؟
نوره : اممممم يمكن ..
علياء : هي صح تعالي ناصر شو عنده ..
نوره : الحين منوه اللي يفكر بالسيايير انا ولا انتي ..عنده بي ام اليديده الكوبي اللي لونها رصاصي غامج ..
علياء : نحن بنات وايهمنا انعرف سيايرهم واشكالهم ..تتدرين بس سيارته حلوه وفخمه ..
نوره : اصلا هم كلهم خقاقين من اكبرهم لين اصغرهم حتى ها زايد جوفي الشباب كيف يتيمعون عندهم ومايرابعون الا الشباب اللي شرات مستواهم عيل شفتي البارحه البورش اللي عليها ثنائي .. ابوهم هب مقصر فيهم مبطرنهم ..
علياء : ياحييييهم وياحي اللي بياخذهم والله ..
نوره :بس عاده على اشكالنا هاي ماظن انه ايصدون صوبنا ..
علياء : يقدر ايحبج بذكائج ولا يهتم في جمالج ..
نوره : شو قصدج ؟؟
علياء : قصدي واضح ؟؟
نوره : لا مافهمت ..
علياء : تستهبلين ولا شو ؟؟
نوره : قصدج .......؟؟؟
علياء : هيه ..
نوره : بس من وين..
علياء : تقدرين اتيبينه واتخلينه يتعلق بج ..
نوره : ظنج ..
علياء : طبعا علقيه فيج ولا اتخلينه ايشوفج وخلاف بتشوفين ..
نوره : ترا خالد هب ناقص بنات البنات لين فوق راسه ...
علياء : اعرف .. بس حاولي شو بتخسرين ؟؟
نوره : ماعليه بفكر ..
وتمت نوره حاطه الفكر في بالها واتفكر فيها والله يعلم هالنتين على شو ناويات وشكلهن داخلات ع طمع ..


الاثنين ..
في لندن ..
الساعه 3 الفجر ..

طحنون ومحمد كانوا قاعدين ايرتبون اغراضهم في الشنط عسب ايردون البلاد وايعيدون اهناك وماكان باقي شي حق العيد 3 ايام ..
طحنون : يامدور الحب .. الحب بارض بوظبي ..والشوق وغالي الشوق تلقاه بهل بوظبي .. ماقدر اسولفلك عنها واقولك تعال وشوف كيف الضي يعانق ضي بوظبي .. وين هاذا ؟؟
محمد : في بووووووووووو ظبي ..
طحنون : ههههههههه انته ترتوب ..
محمد : ياله ياشوق بوظبي .. اتولهت عليها وعلى غراشيبها ..
طحنون :عاده ها اللي انته فالح فيه ..
محمد : ملينا وين مانصد صفر وشقر .. وامايه موصتنيه منهن ..
طحنون : خلك عاده ياولد امايه انته ..
محمد : عيل هيله من يلصقن مايفجن .. ههههههه . اتحيد اول مايينا كيف ..
طحنون : مستقطعات .. تعال شحالها منال شفتك اليوم واقف معاها .
محمد : ياريال روح لا اتولع بجبديه ... سخيفه اونه حلمت فيك .
طحنون :ههههههههههههههههههاااي ووووووووووههههههههههههه ... بس بس اكيد شايفتنك على حصان طرواده ابيض .. ههههههههه ..
محمد :......................
طحنون : حمووووود اشعندك ؟؟ سكتت .ههههههه ..
محمد : ها لا ماشي اتخيل عمري على الحصان ..
طحنون : هههههههههههههه .. مستعيل بتركبه معاها ..عادي ..
محمد :وع عاده مش مع هاي اللوث ..
طحنون : حليلها ..
محمد : حلها حلول .. علها سم في سحه ..
طحنون : انزين خبرنيه عاده خلنا نضحك شويه شو كانت حلمانه فيك ..؟؟
محمد : اونه كنت قاعد معايه في الكلاس فجاه شفتك قمت ويت قعدت حذالي وقلتليه منال تعالي بعزمج على عصير .. بعزمها ع سم ..سخييييفه بغيت ارقعها بالملف ع راسها ..
طحنون : خييييييييبه .. احلى هناك ... صيوطاخ .. هاي الا تنغيزه يمكن تترياك اتقولها تعالي بحقق لج الحلم..
محمد : مايحتتتتتاي بتبطي ثرها ..
طحنون : رتب رتب خلنا نرقد ..
محمد : اف خلصت انا هب شال البناطلين معايه انا قايل حق سعيد خاليه ايفصل اليه كنادير .. يوم بنروح بناخذ انا وانته النعل والسفر والوزره والفنايل ..
طحنون : ياله اسمينا بندور دوراه ثرنا ..
محمد : حلاتها دوراة البلاد ..
طحنون : ياخي هب مصدق انا بنرد البلاد يااني مستاانس .. اتولهت على عيوزيه وحشرتها اتولهت على حرمتيه ماتهنيت فيها ..
محمد : هههههههه .. انته حييك عندك اخوك هادف ايمشيها عنك انا موقفه لا حد ايدقها ولا شي الا خواتي يتخبلن يقعدن حذالها اونها سيارتهن في احلام اليقظه .. ...
طحنون في خاطره يعلني مخلا من طاريها : ههههههههههه .. الحلم ببلاش ..

شيخة الغيد
21-12-2005, 03:37 PM
في بيت بو علي
الثلاثاء 6 الصبح
العيـــــــــــــن ..


دانة بالصيت مشهوره لي بها .. لاوصـــــــافه هي ميره
رايعه في الحسن والصوره .. لي شرات النور واقماره


احمد كان راقد في غرفته وتم ايرن تلفوونه ..
احمد بصوت مبحوح : هااا ؟؟
دانه : صباح الخير ..
احمد يبتسم : هلا هلا فديت هالصباح الغاوي ..
دانه : هي بس هب احلى عن صباحك ..
احمد :ياله فديتج انا ..
دانه : يله نش عن الكسل ..
احمد : شويه بس ..
دانه : ماشي الحينه اتنش ..
احمد : شويه شويه ..
دانه :احممممممد ...
احمد : اعيونه ..
دانه : تسلمليه اعيونه الحلوه ..
احمد :تفداج تبيني اجلعهن واحطهن في ايديج ؟؟
دانه : هي اقعد احينه اتغزل ولا تنش عسب اتروح دوامك ..
احمد : متى بيي اليوم اللي انتي بتوعينيه فيه وبتكونين مدام احمد ..
دانه : متى ماانته تبا بيستوي هالشي ..
احمد :………....... لو عليه جان من اليوم ..
دانه : ههههههههه .. نش استوت ست و ربع نش عاده لا تيلس تتدلع وايد ..
احمد :ان شاء الله غناتي من اركب السياره بدقلج ..
دانه : ماعليه اترياك الغالي يله مع السلامه ..
احمد : الله يسلمج ..
دانه واحمد حب دام ست اسنين .. احمد كان ايموت في شي اسمه دانه ويهيم فيها هي كل حياته من عقب امه اللي يغليها غلا ماله حد .. اتعرف عليها احمد لانه دوم كان ايشوفها في كل مكان ايروحله لدرجة انه مره شافها في بيتهم عند اخته ظبيه يوم كانت ظبيه تتدرس في المدرسه في ايام الاعداديه وخلاف انتقلوا قوم دانه بوظبي وتموا هل احمد في العين وكم مره اتصادف معاها في النت وهو لا يدري هي منوه ولا هي تتدري هو منوه وخلاف اتفاجا انه هي نفسها يعني وين ماتحاول انه اتروح عنه قدرهم يجمعهم ببعض ويربطهم ببعض ... كان يعشقها لانه رفضته وايد وايد وسمعته اقبح الكلام في البدايه لكن في النهايه عرفت معدنه كيف طيب ومسالم ولابعد حد هي اتموت فيه ومن كثر ماتحبه من ايقولها كلمه قالتله ان شاء الله وعلاقتهم كانت محدوده بالتلفون ونت ونظرات من بعيد وبس .. لانه يتمناها زوجة مستقبل .. وام لعياله .. نش احمد واتسبح واتلبس وظهر من غرفته وحصل سعيد في ويهه ..
سعيد : بسم الله ..
احمد : من ويهك ..
سعيد : اتريقت ؟؟
احمد : هيه اتريقت ..
سعيد :اشعنه ماتريتني ؟؟
احمد : باجر باجر برايك انا مستعييل برووح ..
سعيد : تعال تعال .. شحاله الحب ؟؟
احمد : اه اسكت اسكت .. لاتعور قلبيه ..
سعيد :ياوييييييلي ثرك ذااااايب من راسك لين ريلك ..
احمد : بيديه هو ؟؟
سعيد : هههههههه روح روح عن لا تتاخر ..
احمد : هيه والله ولا انته اللي يقعد وياك سيلانيه مول ماتسكر حلجك ..
سعيد : ماعليه ماعليه الحينه بسير اخبر امايه ..
احمد : روح خبرها زين اتسوي بتكسب ابيه اجر ..
سعيد :هههههههه .. مافيني اتفلع بنعول ويمسحون بويهه الارض هب مستغني عن جمالي ..
احمد سواله مالت وراح عنه وتم سعيد يضحك مكانه ..وحدر سعيد في الصاله عند امه وابوه ..
سعيد يحرك حياته : هاه هاه ماشاء الله الشياب يالسين ..
بو علي : شاب راسك يالاغبر ..
سعيد : ههههههههههه حليلها افطيم صاخه ماتقول شي ..
ام علي : مارمس خبايل انا ..
سعيد : هههههههههه ماعليه انزين ماعليه الحينه انا خبله الله يسامحج ويبنيلج قصر في الجنه ..
ام علي : اه منك ..
سعيد : ومن عيونج يالحلوه ... فديييييييت قلببببببج من داااااااااخل ..
بوعلي : مسود الويهه اشعنه تتغزل في حرمتيه ؟؟
سعيد : اوووووووونه يغار .. امايه كيفي شوه ..
بوعلي : كيفك روح بنخطبلك وكيفك ..
سعيد مبطل اعيونه : لالالا خلاص هب كيييفي على هواكم وشوركم امممممره ..هاه ام علي تامرينا بشي .
ام علي : سلامتك فديتك ..وراح سعيد حب امه ع راسها وخلاف حب ابوه ..
سعيد يصاصر ابوه : تعال بنسير وياك اليوم العين مول ..
بو علي : هاه زين زين ياي وياكم عيل انا ..
سعيد : ههههههههههههه .. امايه ..
بو علي يحط ايديه ع حلج سعيد : صاااء صاااااء ..
سعيد : قرقش مخباك عيل ..
بو علي : سبااااال ثرك ..
ام علي : اشعندكم تتصاصرون ..
بو علي : لا فديتج سلامتج ..



في بيت بو محمد
الثلاثاء 5 العصر
بوظــــــــــبي


احبك عد مانوري استضاح وخدك يرسم نور الشعيل
واحبك بسمة فيها مزاح تبين رسمها فيك وجمـــــيل


اليازيه وامها كانوا قاعدين في السياره يتريون حصه اللي كانت تلبس عباتها .. وظهرت حصه من البيت وهي تربع في الحوش عسب تركب السياره وفتحت الباب وركب ...
اليازيه : شو باتمااان ؟؟
حصه : لا سوبر مان ؟؟
اليازيه : سخيفه ..
حصه : وانتي اسخف ؟؟
ام محمد : اشعندج يايه تربعين منوه بيشرد عنج يابوج بطيحين وبتتكسريين ..
حصه : اخاف بعد اتعاديج يزوي من نذالتها وتشردن عنيه ..
ام محمد :انتي ام لسان منوه بيشرد عنج بلسانج بتردينا ..
اليازيه : البنيه المفروض اتكون هاديه ورزينه شراتي ..
حصه : مايحتاي ياسيدة الذوق ..
ام محمد : بسكن عاده صخن ماتشبعن من الهذربان اعنبوه ثره مايخلص ؟؟
اليازيه : امايه محمد متى بيوصل ؟؟
ام محمد : الساعه 12 فليل بتوصل طيارتهم .. ياله يعلهم يوصلون بالسلامه فديته متولهين عليه ..
حصه : هيه هيه لازم .. ولدج ماعليه انزين عاده هو الحين مسافر وبيرد بس يوم بنعرس نحن بتتولهييين ..وبتصيحين وبدقين النا تلفون بتقوليلنا تعالوا ولا بنييج ..
اليازيه : جب انا كل يوم بييها ..
ام محمد : صخي صخي ام لسان محد ظاربنه الدود ع العرس شراتج ..
حصه : شو يعني بعرس انا ؟؟ حرام اعرس ..
ام محمد : اكوه الريل واقف ع الباب ثره .. ويوم ياج ولد عم ابوج مابغيتيه لا انتي ولا ختج ..
حصه :شو ها الريم شو هاذا انتي عدني صغيره رمسي الاكبر ..
ام محمد : ولا بتحصلن اخير عنه ..
حصه : هاذن فخور وميروه .. اشعنه مايخطبونهم ؟؟
ام محمد : صخي صخي ..
حصه : صخينا وانجبينا .. وحطت صبعها على ثمها ..
اليازيه : احسن ..
حصه : اشششش ..
ام محمد : اعقلي يامايه اعقلي . لا اله الله الله محمد رسول الله ..
حصه : امايه عاده انا خبله يعني ؟؟
ام محمد : اشعنه عيل هالحركات ؟؟..
ونقزت حصه ومسكت امها من خدها وباستها بوسه طويله : لاني اموووووووووووت فيج ..
ام محمد : بسي بسي .. وظربتها ع جتفها .. اعنبوج شليتي اصطاري ..
حصه : فدييييتك انته ياحلو ياابيض .
ام محمد : هههههههه غربل الله بلسيج ..
وخلاف وصلوا بوظبي مول ودخلن عسب يتشرن حق العيد ... ودخلن انوتا ..
حصه : يزو هاي اجنن البدله ..
اليازيه : اشوووفها ..
حصه : اتخبل ..
اليازيه : اف انا مااحب اللون الاسود ..
حصه : مالت الاسود ملك الالوان .. امبوووونه بس اللي ماعنده ذوق ... مالت ..
اليازيه : يالسباله احترمي نفسج .. جدام العرب لا تسويلي جيه والله لا افصخ النعال ..
حصه : ههههههه انزين انزين يااختي الكبرى ..
اليازيه : شو رايج فيها .. حلوه ؟؟
حصه : هييييه زينه ..
اليازيه : حلوه الا خبال .. باخذها ..
حصه : امايه وينها ..
اليازيه : اهناك قاعده ع الكراسي ..
حصه : بروح لها ..
وخلاف يت بنيه ووقفت حذال حصه ولفت ويهها بتروح صوب امها شافت ربيعتها ادقها ..
حصه : هههههههههه موزوووووووه ..
موزه : من الصبح اطالعج ماتتطالعييييني ؟؟
حصه : ههههههه خلج انتي عاده تتبصبصين انا ماتبصص طريجي سيده ادله ...
موزه : ههههههه حليلي مالي خص ..
حصه : ويا منوه انتي يايه ؟؟
موزه : انا واخويه وامايه ..
حصه : هيه ياحيكم ..
موزه : وانتي ؟؟
حصه : انا وهاي ختيه يزوي وامايه قاعده اهناك..
موزه : هلا شحالج ..
اليازيه : بخير وسهاله انتي شحالج ؟؟
موزه :الحمد لله ..
وخلاف تم اخو موزه اياشر حق اخته ..
موزه : خلاص برايكم ..
حصه : سي يوه تومورو ..
موزه : ان شاء الله ..
وراحت موزه صوب اخوها ..
اخو موزه : منوه هيله ؟؟
موزه : ربيعتيه في المدرسه ...
اخو موزه : هاي اللي رافعه غشوتها الطويله .. هيه ماشاء الله عليها حليووووه ..
موزه : هي ماشاء الله عليها حلوه هي ..
وراحت حصه صوب امها وخلاف راحت ام محمد ودفعت وردن البيت ..

شيخة الغيد
21-12-2005, 03:37 PM
في سيارة خالد ..

خالد : انتي اشعنه مستعيله تتشرين من الحينه باقي 3 ايام ..
ام سيف : لا يابويه انا ماداني الزحمه .. اتعرفنيه ..
خالد : ياويييلي يعلني افدا اللي مايدانون الزحمه ... وهيله الشناكيل لازم تيبينهم ..
وديمه : انا ابا امايه ..
خالد : يالدلوعه انتي .. ابا امايه انتن اصلا تستانسن يوم اتن الجمعيه .. الاه حلو بنطلونج ..
وديمه : حلوو ؟؟
خالد :هيه وايد ..منوه اشترالج اياه ..؟؟
وديمه : انته يوم رحت المانيا ..
خالد : هههههههه فديتج وايد حلو .. شمووووس صاخه ؟؟
شمسه : نبا نسير العين نشتري ثياب ..
ام سيف : ماعليه خالد بيودينا باجر ..
خالد : هيه كله خالد ..
ام سيف : شو هالسياره البلا اشعنه جذيه ضيجه هاي مول ماتستاهل اللي دفعته ابوك عليها ... فديته محد موسع عليه الا بطي فديته بنيسانه وراشد بالرنج ولا انتوا وسيفوه ونصور الا انا شسوي مجبوره اركب وياكم ..
خالد : هيهاء يامويز قمتي اتحرطيم ولا يعيبج العيب ولا الصيام في رجب ..
ام سيف :عيل حد ايدور الرنج الغاويه الوسيعه وياخذ هاي القووووطي ..؟؟؟؟
خالد : هههههههه اتحرطمي انتي لازم تتحرطمين ..
ام سيف : وايه عليك عاده انته اسكت اسكت وضربته على ايديه .. وخلاف عدلت برقعها ..
خالد : هههههههههه .. احلى هنااااك يابرقعج محلاته يلمع يلمع ..
ام سيف : اليوم يابليه اياهم الهندي حليله ..ولبست ها وخليت الباقيات حق العيد ..
خالد : هيه عاده انتي لازم تكشخين ..
ام سيف : واايه ...
خالد : ههههههههه ..
وخلاف وصلوا الجمعيه وتمت ام سيف تتشرا وخالد يدز العربانه ..
ام سيف : تعال حط هالكراتين الماي في العربانه .. بسك اشبع من هالتلفون ..
خالد :ههههههه ان شاء الله .. اقولكم عيوزيه محتشره بدقلكم خلاف ..
ام سيف تتطالعه بنص عين : اشعنه انته كم واحد اتكلم ..؟؟ انا عيوز عييز حيلك
خالد :ههههههههههه ..باي باي ..
ام سيف : بو المنااااكر انته..
خالد : هههههههه شو تبين احطهن ..
ام سيف : تترياني احطهن عنك ابويه ؟؟
خالد : والله انتي اللي وياج ايي بس عسب يضحك اشعنه من االصبح اتواقعينه الهندي حليله وهو فاج حلجه ؟؟؟
ام سيف : مسود الويهه اقوله وين الدهن ايقولي هاك الصوب والدهن جدامه ..
خالد :هههههههههههههه... والله انتي ..
ام سيف: شل شل ..
خالد : هاه شلينا .. وخلاف يت حرمه مع بنتها ووقفن ايسلمن على ام سيف ..
ام سيف : ياحليلكن زين يوم شفناكن ..
ام نوره : هيه من الصبح نحن اهنيه يايين ناخذ اغريضات حق العيد ..
ام سيف : زين ياحيكن ..
ام نوره : شحالك ابويه خالد ..
خالد يرفع اعيونه : هلا هلا خالتيه بخير وسهاله ..
وخلاف لفت نوره وقعدت تتطالعه بنظرااات اطالعها بنظره فيها كبرياء وخقه وعقب ابتسم ابتسامه وهو يحيس حلجه وتم ايحط كراتين الماي في العربانه ..
نوره في خاطرها ياله ياله مالومهن البنات حليلهن بس ماعليه ايصير خير من عقب هالنظره: ..شحالج شموس ودومه شحالج حبيبتي ؟؟
شمسه : بخير ليش مايبتي حمدوه ؟؟
ام نوره : خليناها في البيت ..
ام سيف : يله عيل سمحولنا ..
ام نوره : مسموحه .. وراحوا قوم ام سيف الصوب الثاني ..
وديمه : انا ماحبها هاي نوره دلوعه .. وهي مب حلوه حصووه وظبيه ويزوي احلا وانا احبهم..
ام سيف : ههههههههه .. بنات خالتج لازم تبينهن ..
خالد : اشعنه خالتيه فطيم ماعندها الا ظبيه منوه حصووه ويزووي ؟؟
ام سيف : بنات الريم يعلني افداهن ..
خالد : هييييه .. وانا اقول بعد خالتيه فطيم من وين يابتهن ..
ام سيف : لا لا بنات الريم فديتها ..


في بيت بو عبدالله
الساعه 1 ونص فليل
بوظــــــــبي ..


هالوقت كلهم كانوا قاعدين في الصاله يتريون طحنون اللي راح هادف ايبيهم هو محمد من المطار ..
ام عبدالله : ياله يعلني ماخلا من شوفه ولهانه عليه يعلني افداه ..
اسماء : هيه عاده قعدي صيحي شرات كل مره ..
ام عبدالله : فديته الا من غلاته ..
مهره : لا خالتيه برايج عبري عبري عن شعورج ..
ام عبدالله : هيه يابنتيه هاذا ظنايه ولا انا بسمع شورها .
اسماء : بو طبيبع مايوز عن طبعه من اتصيحين تكسرين خاطره اشعنه تكسرين خاطره وهو ياي والله امايه حليله ..
ام عبدالله : هب بيديه ..
اسماء : من الشــــــوق هاه ؟؟
ام عبدالله : يعلني افداه ..
العنود :عيل وينه عميه .؟؟
ام عبدالله : رقد وقال اول مايي انوعيه ..
العنود : هيه حليله عميه عاده اينش من الصبح ..
عبدالله : السلام عليكم ..
الكل : وعليكم السلام ..
ام عبدالله : توك ييت ..
عبدالله : امايه رمضان ..عادي ..
ام عبدالله : وايه منك..
العنود : زين بعد ياحيــه اليوم ياي شويه من وقت عسب طحنون ..
عبدالله : هييه هييه خلج انتي عاده ..
العنود :ههههههه انا مالي خص .. قلت شي ماقلت شي ؟؟
عبدالله : وينهم اعيالي ؟؟
العنود : ارقود ..
ام عبدالله : فديته نهيان بيتريا عمه وطاح اهنيه في الصاله ورقد ..
اسماء :هاي هنودي اشعنه اترقدينها اف ابا العوز حد ..
مهره : حليلها هههههه .. كتكوكه .. زين اتسوي فيج يوم تقعد اتيرج من شعرج ..
ام عبدالله : من كثر ماملوعه بجبدها مسكينه تقعد اتيرها من شعرها عيل انا اول مره اشوف ناس تلصق يوم اتبوس هممممم مممم ممممم .. حليلها تمل تضيج بعمرها ... هالكثر بوسه ؟؟
اسماء : ههههههه .. لا تخليني ابوسج شراتها ..
العنود :ههههههههههه ...
ام عبدالله : تعالي غير ماطرلج راسج بالجهاز ..
اسماء : اونها امك تتدلع ..
عبدالله : ههههههه .. طالعي امايه اخر عنقودج شو اتقول ماتخيل هاه ؟؟
ام عبدالله : شسوي ياولديه ..
مهره : سلمي امرج لربج ياخالتيه بنفتك منها يوم بتعرس ههههههه ..
وشويه وحدر طحنون لابس بنطلون اسود وقميص ابيض مخطط على الكم بالاسود .. طحنون جماله وايد جذاب مع انه اسمراني بس جمال عليه حياته مقرونه وخشمه رفيع وطويل ولونه وايد حلوو .. والله يشوفه سيده ايعرف انه مزروعي ..

طحنون : سلاااااااااااااامن عليييييييهم .. حيهم هل بوظبي .
ام عبدالله : وايه يعلني مخلا من هالويهه .. وراح طحنون صوب امه ولوى عليها وقعد ايحبها ع راسها وهي لاويه عليها ..
اسماء : فلم هندي ..
مهره : هههههههه .. حرام عليج اروحها في حاله ..
وخلاف سلم طحنون على عبدالله واسماء وعلى العنود ومهره وقعد ..
هادف : هاه يبناه المعرس .. ارتاحي ..
ام عبدالله : يعلني افداه ..
هادف : يله عاده الحينه التفدي كله له ..
طحنون :اشعنه اتغارون انتوا من متى وياها انا حليلي ماشوفها دوم ..
ام عبدالله : ا يابويه لا اتقول جذيه اتعورليه قلبيه ..
طحنون وهو يحبها ع راسها : فديييييت قلبج انا ... الا وينه ابويه ؟؟
عبدالله : راقد ..
طحنون : حليله خلوه يرقد باجر بسلم عليه ..
ام عبدالله : لا هو قايلليه من توصل اوعييه ..
طحنون : حليله عاد هو اينش من الصبح خليه انا بروح اسلم عليه .. وتوه بينش راح صوب اسماء ومسكها من قصتها .. اوه اوه قصتتها طولت ..
اسماء : ااااي .. والله يعور .. هيله عيالج كلهم دفشين ..
طحنون : هيه كلنا شو بتسوين ..؟؟ ههههههه .. بضاربين ..؟؟
اسماء : لا لا بسامحك لانك اليوم ياي .. باجر بضارب ..
ام عبدالله : اشعنه اضاربين اخوج حليله ..
اسماء تاشر على امها واتصاصر طحنون : هاي امك محد ايقول جدامها شي ..
طحنون : ههههههه .. امايه شوفي بنتج اونه اخر عنقودج شوفي شو اتقول عنج .. وروح عنهم صوب غرفة ابوه ..

شيخة الغيد
21-12-2005, 03:41 PM
في بيت بو محمد
الساعه 2 وربع
بوظــــــبي


محمد : انتن الحينه اشعنه ميلسات ع راسي خلوني اروح ارقد .. سويحرات الليل سيرن ارقدن ..
حصه : ماشي تسهر ويانا اليوم ..
اليازيه : اقعد وين رايح ..
محمد : انتن سكنيات شردتن امايه وابويه والحينه بتشردني انا بعد ..
اليازيه : حليلنا الحينه نحن خواتك اقعد ويانا ..
محمد : هاه شو تبن ؟؟
حصه : يله عاده خبرنا شو سويتوا اهناك شو المواقف اللي مرت عليكم ..
محمد : شو يخصج انتي كلها سوالف شباب شو هاللقافه ..
حصه : ياله عاده انزين خبرينا ..
محمد :انتي ماتستحين عادي تسمعين سوالف الشباب ماتبين بعد اوديج معايه المره االيايه ..
حصه : الااااه يستوي ؟
محمد : وايد يستوي تبين تضربين يله ..
حصه : اوووووه
اليازيه : ههههههههههههه دواج تتادبين ..
حصه : اف كلكم شريرين ..
محمد : ظاهرين عليج شياطيييين ... يله ابرايكم بروح انا ..
حصه : ويين ياحبيبي ..
محمد :جهنــــــم .. بتيين بعد ؟؟
حصه : مينوووونه ..( تمت اتحرك ايديها ) روح رووووحك ..
محمد : نذله بالقــــــو ..
اليازيه : شو تتريا منها هاي ..
حصه : هههههههه يتريا منيه عماره وبيت شعبي وفرت اليازيه بالمخده ..
اليازيه : اااااخ .. سباله وفرتها بالمخده ..
محمد :حوووووه استوا المفارر اتقاضن من بعض مالي خص فيكن امحق خوات وامحق استقبال مالت ..
اليازيه : ههههههههههه .. تعال تعال زين جذيه شردتيه ..
حصه : تعال حمود امايه تبا اتخطبلك فخور ..
محمد :شووووو؟؟ يله يله ..
حصه : هههههههههه يوم اقولج ..
اليازيه : حليلها عاده شوابلاها ..
محمد : مابا اعرس اصلا انا لين مايصك عمريه الثلاثين خلاف بعرس .. خلووني اعيش حياتي ..
حصه :طالعي بالهرمسه اللي يرمسونها الشباب البنات ايعنسن ..
محمد : هههههههه وانتي الحينه معنسه يعني ..
حصه : ماتشوفنيه شويه وبخيس عندكم ..
اليازيه : الا خستي وخلصتي .. سباله وحده ..
محمد : انتي كل مالج السانج يطول .؟؟
حصه : يعلني افدا هالعيون الحلوه ياخي اعيونك اجنن اتبادل وازيدك ؟؟
محمد : هههههههههه .. بكبري مزيون اصلا ...
اليازيه : فديته اخويه ماعليه اقصور ..
وخلاف تموا ايسولفون وراح كل واحد منهم غرفته عسب يرقدون ...


في بيت بو عبدالله
5 العصرالاربعاء
بوظــــــــــبي


غانم وفهد وسلامه والعنود ومهره وام عبدالله وبو عبدالله وطحنون وهادف وعبدالله كلهم كانوا قاعدين في الحوي وفارشين الحصير وقاعدين عليه ..
بو عبدالله : ماشاء الله الجو اليوم غاووي ..
ام عبدالله :ان شاء الله عاده تنزل علينا الرحمه ..
فهد : اميين والله انه من زمان مايانا ..
طحنون حاط على ريله مي بنت سلامه والريل الثانيه هند بنت العنود : حلوات البنات ثرهن لا وبعد ملبسينهن نفس الشي ...وهند كل ساعه اتفر عمرها على مي تبا تمسك شباصتها ..
سلامه : خليها كاشخه شراتج اشعنه اتخربين كشختها ..
طحنون : هااي بنت عبدالله اضارب ثرها ..
سلامه : هندوووووه ... بنتي صغيره ..
العنود :لازم عاده حاطينهن ع ريل المشجع العود .. لا ماما هنوودي نونو هاي ..
هند : نونو..
طحنون : ههههههههه ..ياربيه حتى البنات يضاربن ..
غانم : هييييهااء لا تضربونها بنتنا ماعنا حد ايونسنا غيرها في البيت .. وشويه ونزلت اسماء ..
ام عبدالله :هاه خلص المسلسل شبعتي منه يله المطبخ ...
تمت اسماء تتطالعهم وتم غانم يضحك وحاط ايديه ع حلجه سوتله مالت وراحت ..
وخلاف نشن مهره والعنود وام عبدالله وراحن المطبخ عسب ايجهزن حق الفطور ..
فهد : انتي اشعنه مانشيتي وياهن ..
سلامه : انا اهنيه اطالع الصغاريه مافيني ظهريه ايعورنيه ..
طحنون : انتي دومج مفضحتنا ..
هادف : بو طبيع مايوز عن طبعه ..
غانم : ههههههه حليلها ام مي ماعليها زود ..
سلامه : ياحييك ياغانم انته الوحيد اللي ترفع معنوياتي ..
طحنون : ثرج انتي تترين يعني بس حد يرفعها المعنويات هاه ؟؟
وخلاف اذن الاذان وراحوا الرياييل في الميلس يفطرون ودشن الحريم في الصاله يفطرن ...


في بيت بو محمد
الساعه 12 فليل
الاربعاء


شافتك عيني وثم ســمت *** لو شحيح الـــحظ مايابك
ان تمنت عيني اتـــــمنت *** ماتمنت غير تحــــظابك



حصه : بتين ويانا المستشفى .؟؟
اليازيه : هااااا ؟؟ ليش ؟؟
حصه : بنودي توته اتكح ..
اليازيه : لا بقعد اترياه ايحدر ..
حصه : هههههههه .. ا انتي وايد اتحلمين ..
اليازيه : ياالااه حصوه
حصه : الحينه هو اكيد ويا حمود وتوه دقتله امايه قالها ان هم في المارينا قاعدين وانتي منوه تترين يعني ظله ايحدر ؟؟
اليازيه : بترياه ..
حصه : هي ويوم بيي حمود خلي يحطج ويسويج مسنجر اتعرفينه عدل ..
اليازيه : يالاه خلاص ماريد شي برقد.. ياربي وايد بعاني ..
حصه : كيفج كنت بعزمج ع السيره ..
اليازيه : مالت الا المستشفى .. مادري وين سايره ..حد يعزم حد ع سيرة مستشفى ؟ ماعندج سالفه ..
حصه : ماعندي سالفه اعرف لاني يايه اعزمج ..
راحت حصه وتمت اليازيه .. ويوم وصلوا المستشفى ..
السستر : اي دكتور بدكون ؟؟
ام محمد : منوه من الدخاتره اهنيه ..
السستر : في عنا الدكتور فضل والدكتور سامي والدكتور عيسى ..
حصه : الدكتور عيسى مواطن ؟؟
السستر : ايه مواطين ..
حصه : خلاص اوكيه .. وراحت السستر ..
ام محمد : يالسباله وين اتحدرينا عند المواطنين ..
حصه : اووه عاده اتحصلينه شايب الحينه صاك السبعين خلينا انجوف دكاتره مواطنين ..
ام محمد : يام لسان ها لسانج يباله قصصصص . من عرقه ..
حصه : هههههههه ..
توته : امايه هاي ليث يايه معانا ..؟؟
حصه : كييييييييفي مالج خص انجبي لا اخليهم يعطونج ابره ..
ام محمد : صخي صدقها كله منيه انا اللي قتلج بسير جان شردت عنج اخير ..
حصه : لا لا خلص خلاص ..
ام محمد : يالهوااااامه..
وشويه وزقروا لطيفه ..
ام محمد : قعدي انتي اهنيه ..
حصه :لا والله ياريلي ع ريلج ..
وحدروا ع الدكتور هي وامها ام محمد كانت لابسه غشوه وحاطنها على ويهها وحصه كانت متغشيه بشيلتها ..
ام محمد : السلام عليكم ..
الدكتور : وعليكم السلام .. مرحبا اتفضلوا ..
ام محمد :زاد فضلك ..
الدكتور : منوه لطيفه ؟؟
حصه ساكته ومنصدمممممممممه
ام محمد : هاي الصغيره . روحي ماما عند الدكتور ..
الدكتور : ماشاء الله ع البنات محلاتهن شحالج ؟؟
توته وهي متروعه : بكي ي ر ..
الدكتور : انتي ليش خايفه ..؟؟
توته : ...............
ام محمد : ماما كلمي الدكتور ايكلمج ..
توته وهي معصبه وتتطالع حصه واشرت عليها : لانه هاي حصوه اتقول بتاتوني ابره ..
هزت راسها حصه منصدمه وحطت ايديها على راسها وتم الدكتووووور يضحك ..
الدكتور : لا حبيبتي انا ماعندي ابره بس بطالع حلجج سوي ااه ..
توته : ااه ..وتم الدكتور يفحص عليها .. وكل ساعه ايحرك اعيونه صوب حصه وايرد يطالع ام محمد ..
الدكتور : سلامتها وماتشوف شر شوية بلغم في صدرها ..وانا كتبتلها هاي الادويه خذوها من الصيدليه اللي خاري ..
ام محمد : ماعليه يادكتور اسمحلنا ياينك في وقت متاخر وانته بتروح ..
الدكتور : افا عليج نحن في خدمتكم ..
ام محمد : تسلم ماتقصر ..
وظهروا وخلاف راحوا صوب الصيدليه ام محمد كانت واقفه وتصرف الدوا وحصه كانت واقفه على االايدار مال الصيدليه ورافعه غشوتها وقاعده اتكلم لطيفه ..وشويه وظهر الدكتور واول ماظهر طاحت عينه في عين حصه وعين حصه في عينه حصه سيده انخشت ورا الايدار وحطت غشوتها على ويهها .. الدكتور كان بيروح صوب الباب الرئيسي بس شافه مسكر وخلاف رد عسب ايروح من الباب اللي ورا .. خلصت ام محمد ..
حصه : امايه توه الدكتور ظهر وشافني وانا كنت رافعه الغشوه ..
ام محمد : مسودة الويهه اتخلينا انحدر عنده اونه في السبعين وظهر صبي ... انتي ماتخيلين ..
حصه : ههههههههه انا روحي انصدمت ماتوقعت ..
ام محمد : لا ثاني مره اتوقعي مع هالويهه ..
حصه : ههههههههه ... وخلاف ظهروا واتصلوا حق الدريول ويا وقف عند الباب والدكتور كان توه رايح يمشي صوب سيارته لانها كانت موقفه في الباركنات ..
حصه : امايه هذوه عنده اكس فايف ..
ام محمد : مسودة الويهه انتي اشعنه تطالعينه ..؟؟
حصه : هههههههه .. ماطرالي عاده . وايه .. وركبت السياره ..

شيخة الغيد
21-12-2005, 03:42 PM
الجزء الخامـــــس
(الفصل الثاني (

يعالج قلب منه ماستراح ودايم همـــــه العاشق ثقيل
دعيته ربيه اطلب سماح ويرحم لي به الجرح المليل


بيت بومحمد
الاربعاء 3 ونص الفجر
في الصاله ..


بومحمد وام محمد ومحمد وحصه واليازيه كانوا قاعدين في الصاله يتسحرون ..ونش محمد ومط حصه من قصتها ..
حصه وهي فيها رقاد : اااخ ..
محمد : ووووع شو هالشيفه اشعنه جذيه انتي اعيونج ميفنه ووووع عوذ بالله .. وتمت حصه هب مفتكره وتاكل وهي ميته من الرقاد ..
اليازيه : هههههههههه .. تتدري انها راقده اصلا هيه الحينه وهي تاكل ..
محمد فاج اعيونه يطالع حصه منصدم : لاه لاه ..
اليازيه : هييييييه ههههههههه ..
بومحمد : حصه فديتج نشي نشي الغاليه سيري صوب حجرتج ارقدي ..
تمت حصه تاشر حق ابوها انه يتريا وكملت تاكل وكلهم ضحكوا عليها ..
محمد : والله انها ياهل .. هههههههه ..
ام محمد : حصيص امايه نشي يامايه نشي سيري كملي رقادج فوق ..
حصه : هاه .. انزين ..
ونشت بتروح غرفتها ..
بو محمد : نشي وصلي ختج عن لا ااطيح ع الدري ..وتتكسر ..
حصه : لا عادي اشوف اشوف مابتكسر كل انته يالشيبه ..
ام محمد :حتى وهي راقده السانها طويل ..
بو محمد : هههههههه انا شيبه ليكون يد ابوج وانا مادري .؟؟.
هزت حصه جتفها وراحت تركب الدري سمعوا طيحه .. تموا محمد واليازيه يضحكوووون وراح محمد يربع صوبها ..
ام محمد : وايه انطر الراس ..
بومحمد : نحن بنعيد ولا بنقعد انداوي روس روحي روحي شوفيها ..
محمد : سلامات .. تعالي تعالي فديتج انا بوصلج .. ومسكها من ايدينها ..
اليازيه وهي واقفه تحت : ههههههههههههه دواج جان زين شفتج يوم طحتي بصورج وبطرش الصوره ...... وسكتت ..
تمت حصه تتطالعها بعيين من فوق الدري ..
محمد : حليلها فديتج امشي امشي .. مسكينه طاحت اتعورتي ؟؟..
حصه : لا فديتك مايعورني شي ..
محمد كان ايموت في خواته ومايرضى انه يصير ابهن اي شي ...
ام محمد : فديييييت قلبه الحنون انا ..
بو محمد : ظاهر ع بوه .. ولا شو رايج ؟؟..
ام محمد : مالي راي من بعد رايك ياحميد ..
اليازيه : ياوييييييلي ياله ياله .. مانروم نحن ع غزل الفجر ...
بو محمد : انتي انتي اشعنه قاعده ويانا روحي حجرتج ارقدي ..
اليازيه : اعنبوها طرررررررده ..
ام محمد : هاي طولة اللسان اللي فيكن عمريه ماشفت بنات شراتكن ..
اليازيه : بنات خيليه السااانا هالطول ومدت ايديها وحطت ايديها على نص ايديها الثانيه اتاراوي امها كم طول السانها ..
بو محمد : يله يله مسوودة الويهه .. اتغيضين بحرمتيه ..
اليازيه : اسفييييييين .. اسفيييييييين .. بس شو انسوي عايشه وام لسان في حجره وحده وع فراش واحد وفي لحاف واحد لازم بشل شي منها ..
ام محمد : لاااااااه .. فارقي فارقي .. فرقاج عيد ..
اليازيه : هههههههههه .. ادري لانه العيد ياي .. اموت فيج انتي اتخبل عليج وانته بعد اموت فيك وحبتهم ع راسهم وراحت عنهم ... ركبت الدري وشافت ليت غرفة محمد مفتوح .. راحت صوبه ودقت الباب ..
اليازيه : مياااااو ..
محمد : هلا .. وابتسملها ..
اليازيه : شو اتسوي ليش مارقدت .؟؟.
محمد : ماشي الحينه برقد ..
اليازيه : يله برايك تصبح ع خير ..
محمد : وانتي من هله ..
وراحت عنه ودخلت الغرفه طاحت ع الشبريه لكن للاسف البارحه شوق قلبها وصل وهي من هاك اليوم وهي هب في حاله اربعه وعشرين ساعه سرحانه هو كيف اتغير شو اللي اتغير فيه لين الحينه ذكراها في قلبه ولا لا .. بس هي كانت واثقه من هالشي .. لانه حبهم دام اسنييين من يوم هم صغار وهالحب كل ماله يكبر من يوم ماكان طحنون ايي ويلعب معاهم جدام باب البيت ... يوم كانوا طحنون ومحمد 9 سنوات وهي ست سنوات ..
اليازيه لاويه ع المخده : اااه فديييته فديييييته .. احبه ياربي احببببببه ..
وعقب قعدت تجلب حصه ع الشبريه ويت تتجلب صوب اليازيه وتمت اليازيه ادزها ..
اليازيه : اففففف .. الله يعينه خالد جان خذج ..
حصه تنقز : هاها خالد وينه وينه ؟؟؟
اليازيه ماتت من الضحك عليها : هههههههههههههههههاااااااااي .. اعنبوووج من الصبح ميته من الرقاد والحينه بس من طاريه طار الرقاد ونقزتي شويشوي على عمرج حشىى يابوج مايسوى عليج ..
حصه : يالجلبه سخيييفه .. ومسكتها من رقبتها ..
اليازيه : ااااااااخ والله حصوه اه اه بموت يالسباله فجييييني ..
حصه : انقلعــــي ودزتها ..وانجلبت الصوب الثاني ورقدت ..
اليازيه بهدوء : حصوووووووه ...
حصه : ..................
اليازيه : حصيص ..
حصه : ......................
اليازيه : ردي عاده .. رقدتي وفرت عليها المخده ..
حصه نشت وهي لاويه ع المخده : اففففففففف خير نعم ؟؟ امري الشيخه اليازيه ؟؟ فيه شي؟؟
اليازيه : احببببببببه ..
حصه : شسوي مثلا ؟؟
اليازيه : احبه والله احبه ..
حصه : ماعليه بنسويلج ويزه باجر ارقدي ..
اليازيه : اف اف اف .. بنش افتح النت ..
حصه : جوفي ان حشرتيينيه بسير عند محمد وبخبره انج عالنت الحينه حدري بس بدون صوط ..
اليازيه يتها ومسكتها من عقصها: فييج خير اتسوينها يله سويها ..
حصه : مابا اسويها برقد فجي شعريه ..
وخلتها اليازيه وراحت وفتحت المسنجر اول مادشت غيرت النك وتمت قاعده تقريبا 10 دقايق وخلاف حدر..
اليازيه نشت تمت اتناقز : يااااااااااي يسسسسس يسسسس ..
نشت حصه بعين مبطله وعين مسكره : علـــــــــه ..
اليازيه راحت ومسكت حصه وقعدت اتحبها ع خدها : ههههههههه فديتج فديتج ..
حصه : روحي روحي عن لا يظهر .. وراحت اليازيه ......... وطاحت حصه ورقدت ..
O?°'¨ ( مالــوم عينـــــي تسهـــــر عليك ) ¨'°?o : السلام عليكم ..
% فديـــــــــت هل بوظــــــــبي % : وعليكم السلام ..
O?°'¨ ( مالــوم عينـــــي تسهـــــر عليك ) ¨'°?o : شحالك ياعاشق هل بوظبي ؟؟
% فديـــــــــت هل بوظــــــــبي % : اه ياهل بوظبي بخير وسهاله ..
O?°'¨ ( مالــوم عينـــــي تسهـــــر عليك ) ¨'°?o : هاه اشعنه ماسويتليه ابلوك ودليت ؟؟
% فديـــــــــت هل بوظــــــــبي % : لاني ماحدر النت وايد خلاص ليش مستعيله زعلانه الحينه بسويلج ..
O?°'¨ ( مالــوم عينـــــي تسهـــــر عليك ) ¨'°? : انته ليش اتكلمني بهالاسلوب انا شو سويت فيك ؟؟
% فديـــــــــت هل بوظــــــــبي % : وانتي ليش تبين اتكلميني شو تبين مني شو ماصدقتي اتغلطين يعني ع حد ..
O?°'¨ ( مالــوم عينـــــي تسهـــــر عليك ) ¨'°?o : انته اشعنه خاق بعمرك وايد .. لانك مزروعي يعني ؟؟
% فديـــــــــت هل بوظــــــــبي % : شكلج بديتي اتغلطين ؟؟ واتعدين حدودج .. باي .. وظهر اوف لاين ..
اهنيه اليازيه ماتتت من الغصه وسوت حركه وعرفت انه موجود بس مسولها بلوك طرشتله رساله

" ممكن اترد عليه .. اعرف انك موجود .. بغيتك في سالفه وانا اسفه ع الازعاج .. ورفجة هل بوظبي الغاليين عندك انك اترد عليه .. وخلاف سو اللي تباه "

بعد خمس دقايق ظهر اون لاين ..

O?°'¨ ( مالــوم عينـــــي تسهـــــر عليك ) ¨'°?o : ليش ظهرت ؟؟
% فديـــــــــت هل بوظــــــــبي % : انتي اسلوبج سخيف تبين تتحكمين وانتي مالج حق تتحكمين ...
O?°'¨ ( مالــوم عينـــــي تسهـــــر عليك ) ¨'°?o : انزين انا اسفه ..
% فديـــــــــت هل بوظــــــــبي % : وانا بعد اسف انا ماكلم بنات ولا اظيف عنديه بنات ..
O?°'¨ ( مالــوم عينـــــي تسهـــــر عليك ) ¨'°?o : انزين اعتبرنيه ختك ...
% فديـــــــــت هل بوظــــــــبي % : ختيه ماتكلم شباب ..
O?°'¨ ( مالــوم عينـــــي تسهـــــر عليك ) ¨'°?o : الله يستر عليها وعلينا بس بنسولف مع بعض ..
% فديـــــــــت هل بوظــــــــبي % : انزين ليش يعني ليش انتي شو اللي بتستفيدينه ؟؟ ظنج بتسولفين معايه وبعدين اني بحبج لا الغاليه كاش في الويهه القلب مسكون من زمان قديماتي ..
ماتت اليازيه من الوناسه تمت تتفدااااااااااه واستانست وايد عليه انه مع مرور كل هالسنين بعده حبها في قلبه ومايفكر انه ايبدل هالحب بحب غيره ..
O?°'¨ ( مالــوم عينـــــي تسهـــــر عليك ) ¨'°?o الله يخليك اياها .. .
% فديـــــــــت هل بوظــــــــبي % : اميييين .. اوكيه ..
O?°'¨ ( مالــوم عينـــــي تسهـــــر عليك ) ¨'°?o : خلاص عيل اسمحليه ع الازعاج ..
% فديـــــــــت هل بوظــــــــبي % : مسموحه وبالحل وربي يحفظج ..
O?°'¨ ( مالــوم عينـــــي تسهـــــر عليك ) ¨'°?o مع السلامه ..
وبدون لا يقولها ولا شي ظهر اوف لاين ويوم جيكت كان صدق ظاهر .. راحت وانسدحت عدال حصه ولوت ع المخده وتمت اتوعي حصه ..
حصه مغمضه عينها : تبييييييييين كف ؟؟؟؟
اليازيه : اف اعرف انج مدوخه ولا باخذ منج لا حق ولا باطل برقد اخيرليه واحلم في سيد العشاق ..
حصه : مالت ..
اليازيه : ياحماره هب راقده والرمسه اللي تبين تسمعينها سمعتيها ..
حصه : ........................ ورقدت ..
اليازيه : والله هاي الانسانه ماعندها وقت من اتغمض عينها رقدت .. فديتنها والله حصيص بعدني حالتيه اخير عن حالتها على الاقل انا من طرفين الا هي مسكينه هب داري عن هوى دارها وراحت عند حصه وحبتها ع راسها ...

شيخة الغيد
21-12-2005, 03:43 PM
بيت بو محمد
الخميس 7 بعد صلاة التراويح
بوظبي ...


عالبال توك ياجمــيل*** والحين اشوفك مستحيل
ماصدق اعيوني انا*** ياســــــيدي عمرك طويل


ام محمد : حصه وينها فاتورتج انتي وختج طرشي الدريول خليه اييب اثيابج انتي وختج
حصه : امايه حرام بطالع المسلسل
ام محمد : بسج يامايه مسلسلات نشي هاتي الفاتوره ويودي هذيه الفلوس يامايه ماعنا وقت نحن باجر سايرين العين من الصبح نشي يامايه بارك الله فيج ..
حصه : ان شاء الله ان شاء الله ..
ونشت حصه ومسكت الفلوس وراحت تربع ويابت الفاتوره وعطتها امها ..
ام محمد : ليش تعطيني اياهن سيري عطي الدريول اياهن ..
حصه : والله عاده امايه تعبت كله انا اكن خدامتين في البيت ..
ام محمد : يعني اروح انا اعطيه مثلا الخدامه موديه ختج بيت يرانا والثانيه قاعده اتسويلكم سحور حليلهن كم بيجابلن ... وشويه ونزلت اليازيه من فوق ..
حصه : اكييه هاي يزوي يت عطيها خليها تعطي هي بشيلتها انا من دون شيله ..
اليازيه : اعطي امنوووه ؟؟
حصه : روحي عطي الدريول خلي اييب التنانير اللي مسوينهن حق العيد من عند المصمم ..
اليازيه : ووينها الفاتوره ؟؟
وعطت حصه اليازيه الفااتوره وشلت الفلوس .. وفتحت باب الصاله ووقفت ع الدجه وقعدت تزقر الدريول
اليازيه :بشييير .. يابشيير ..
وشويه سمعت الجرس ايرن والباب كان مسكر وهي ماتقدر اتشوف منو اللي عند الباب ..
اليازيه : تعال تعال ..
وتم اللي عند الباب ساكت ..
اليازيه : افففففف متفيجه انا .. وراحت صوب الباب وبطلته .. شافته اليازيه وبطلت حلجها ومبطله اعيونها ع وسعهن ..
طحنون : السلام عليكم ..
وسيده حطت غشوتها ع ويهها وتمت تمشي بسرعه داخل ... واللي كان واقف برع هو طحنون ومن شافها تم واقف يطالعها ويبتسم ..ودخلت اليازيه وهي تربع .. اليازيه جمالها وايد ناعم وهادي وكل اللي يشوفها يشهد بجمالها واللي يشوفها سيده يتحراها لبنانيه اعيون ناعسه وسود وخشم رفيع وصغير ويوم تبتسم تظهرلها غمازيات في خدودها ..
حصه : شو ابلاها هالمينونه ..
اليازيه وهي اتناهي : امايه امايه ..
ام محمد : بسم الله عليج يابنتيه بسم الله شو فيج ...؟؟
اليازيه : فتحت الباب وو طحنون اربيع محمد كان برع وشافني وانا بليا غشوه ومتحجبه ..
حصه : هههههههههههههههااي لا لا وتمت تضحك وطاحت ع الارض وتمت ميوده بطنها وام محمد تتطالعها حصه بنص عين ..
ام محمد : حصووووووه ؟..؟. شو هالمنكر ؟؟ اللي تسوينه .؟؟
حصه وعيونها متروسه دموع من الضحك :.ها ..ها ؟؟ لا . لا خلاص ماشي ..
اليازيه واقفه ومنصدمه واتفكر ..
حصه : عادي انتي اشعنه مكبره الموضوع الويهه مش حرام وانتي مش متبرجه وكنتي متحجبه عادي .. مافيها شي ..
ام محمد : فديتها بنتيه حشيم انصدمت يوم شافها طحنون بليا غشاه مع انه طحنون شرات اولدنا هب شرات بعض الناس وسوت حق حصه مالت ..
حصه : اللي يدري يدري واللي مايدري ايغني ثره على ليلاه ...
ام محمد : حصييييييييص..
حصه : هيه هيه ان شاء الله ..
وشويه ونزل محمد متسفر ومتعطر ومتعدل اخر تعديله ....
محمد : امايه وينه المدخن ..؟؟
ام محمد : تعال ياولديه هاذوه ..تعال طحنون حليله خاري يترياك .. تمت اليازيه متروعه انه امها ترمس بشي جدام محمد ..
محمد: اووووووه نسيته .. وظهر تلفونه من مخباه .. وشاف 10 مكالمات لم يرد عليها ههههههه.. واتصلبه ..
طحنون : حووووووه ..
محمد : ههههههههههه .. سمحليه والله كنت اتسبح وحاط التلفون ع السايلنت ولبست كندورتيه وماشفته التلفون ...
طحنون :...................
محمد : شو بلاك ساكت ...؟؟
طحنون : يله انزين خست انا برع ..
محمد : ياينك ياينك .. مع السلامه .. غريبه اول مره يسكت ولا يتقحطن عليه ..
حصه اتصاصر اليازيه : هب منه من اللي شافه بيصك حلجه ..
اليازيه : جب ..
ام محمد : يله ابويه اتحملوا على عماركم ..
محمد : ان شاء الله امايه ..
وظهر محمد عنهم ..
ام محمد : عطيتيه الدريول الفاتوره ..
اليازيه سرحانه : هاه ..
حصه اتير الفاتوره والفلوس من ايد اليازيه ويرت الشيله الي ع راس اليازيه : هاتيهن .. وراحت عطتهن الدريول ويت ..
ام محمد : انتن حطيتن كل اقشاركن ؟؟
اليازيه : انا لا بروح احطههن وراحت تربع فوق .. وسحبت حصه وياها ..
حصه ع الدري : امباع اعنبوج زغدتيييني ..
اليازيه : اششششش .
ودخلن الغرفه ..
اليازيه : اه اه فديته اه ياجماله ..
حصه : شو سويتوا شو قالج ؟؟
اليازيه مبطله اعيونها وصفعت حصه كف على ويهها تتمصخر معاها : شوووووووو؟؟ وين تبين ؟؟
حصه : اااااخ هههههههه .. شو استوا ..
اليازيه تبتسم شكلها تتذكر الموقف : ماشي ظهرت وانا ازقر بشير خلاف سمعت حد ايدق الجرس قتله تعال تعال ماطاع ايي رحت بطلت الباب وشفته جدامي اه لو شفتيه ياحصوه ايخبل شفتي صورته اللي في الكمبيوتر احلى واحلى طاوي الصفره ايجنن ايعذب احبه ..
حصه : بس بس ذبببببت ..
وتمت اليازيه اتغني : ياليت كل ماشتقـــــتلك... حبي وشوقي يوصلك... والقاك كل ماتــــــــــــخيلك ... في قربي يااغلا خليـــــــل ...
وراحت حصه وطاحت ع الشبريه ولوت ع المخده : انتي اللي يقعد معاج يتعذب ...
وتمن اليازيه وحصه ايحطن اثيابهن .. حق سيرة العين باجر ...

شيخة الغيد
21-12-2005, 03:44 PM
يوم الجمعه 10 الصبح
في السياره ..

احبك عد مانجم وصباح واحبك من زمن وقت طويل
واحبك شوق بيه ماجراح واحبـــك حب ادعاني عليل


ام محمد وحصه واليازيه ولطيفه ومنصور كانوا رايحين العين . محمد كان مع ابوه في البيت وبييروح فليل العين وبيروح بو محمد بيعيد مع ربعه في المزرعه عسب جذيه راحت ام محمد عند هلها اتعيد عندهم .... وحصه متعوده كل مايرحون العين ماتروح بشيلتها وعباتها كله بشيلتها مالت الصلاه البيضا وجلابيتها المطرزه .. لانها كانت اتعرف انهم ماينزلون ولا ايروحون مكان سيده من داخل بيتهم لين داخل بيت يدها .. وام محمد كانت قاعده اتكلم امها في التلفون ..
ام محمد : ماعليه ان شاء الله يامايه الحينه بلف صوبهم .. وبنزللهم الاغراض .. ان شاء الله ... ان شاء الله .. مع السلامه .. وسكرت ..
حصه : وين ؟؟
ام محمد : بشير لف لف يمين صوب الرماح ..
بشير : جين ماماه ..
حصه : شو رمااااااحه ؟؟
ام محمد : وايه بالستر شو بعد اشوه ارماحه ؟؟ الرماح بخطف ع خالتيه امايه موصتنيه اعطيها اغريضات ..
حصه منصدمه : شووووووووووووووو؟؟ لا لا مابا مابا يوم انا بشلتيه وبعاباتي ماتنزليني ويوم بشيلتيه البيضا بتودييييينيه لالا .. لا ايروح ..
اليازيه : هيه هيه بنرووووح ..
حصه : سباله ..
اليازيه : محد قالج انا دوم احط الظروف في بالي يمكن يستوي ظرف ولا شي محد قالج ..
حصه شويه وبتصيح : امايه امايه حرام حرام .
بشير : هادا بيت ماماه ..
ام محمد : لا لا روح سيده كمل هاك اللي اهناك . واشرتله صوب البيت ..
لطيفه : الاه ماما وديني بلااب مع ودوم ..
ام محمد: لا يامايه نحن مابنلعب مستعيلين .. ورانا درب العين ..
لطيفه : امايه ثويه ثويه ..
ام محمد : يستوي الخير ..
وحصه قاعده وميته من الغصه وحاطه ريل ع ريل واتهز ريلها بقهر ..
اليازيه : هههههههه شو زلزال .؟؟.
حصه : انجـــــــبي ..
ام محمد : هيه اهنيه لف لف ..
ودخل الدريول بسيراته في حويهم ..
منصور : الااااااه وايد سيايير عندهم ..
اليازيه : طالعي هاذيه السي ال ار اليديده اللي بابها يتطبل ع فوق ..
حصه تبا اتصيح : ابا اصيييييح انا ..
ام محمد : صيييييييحي ..منصور امايه روح شوف خالتك وينها ..
منصور : انزين ..
ونزل منصور وتم ايحوط في البيت وماحصلها ورد .. وحصه قاعده اتون ..
منصور : امايه ماحصلتها ..
ام محمد: انا اعرفها خالتيه وين الا في المطبخ وفتحت ام محمد الباب عسب تنزل مسكتها حصه من عباتها ..
حصه : لا امايه دخيلج ردي ردي ..
ام محمد :حصيييييص .. وفجتلها اعيونها ..
حصه : اف ..
ونزلت ام محمد وراحت صوب المطبخ..
اليازيه : وايه وانا بعد بنزل مابا حد ينقد عليه ..
حصه تترجاها : يزوي تعالي تعالي حرام ...
اليازيه : شو بتقول اشعنه امهن نزلت وهن مانزلن مايتنزلن ..
حصه : لا لانه بيتهم متروس شباب ..
اليازيه : بيت خالتيه عادي ..
حصه : ياربيه ياربيه ..
ونزلت اليازيه ولفت صوب المطبخ ورا امها ونزل منصور وتمت اليازيه اروحها في السياره مع الخدامه والدريول تتحرقص .. واتفكر .. ياربي انا ليش مانزل اف بنزل وبفتك عادي شو يعني .؟؟.. وقعدت اتعد السايير حصلتهن 5 سيايير اتمنت انهن ايكونن اربع ع الاقل تتدعي انه ايكون هو الي محد بس مافيه مفر .. وفتحت الباب عسب تنزل واتحجبت بشيلتها مالت الصلاه عدل ونزلت .. وكانت قاعده تمشي وتتطالع الدرايش اللي فوق فجاه سمعت حد ايكلم الدريول ويوم صدت شافت واحد لابس بنطلون جيشي وقميص عنابي مكتوب عليه بالانجليزي صوب الصدر بالجيشي ويوم صدت عليه صد هو عليها تمت قافطه من شكلهاااا .. وخلاف وقفت عند باب الصاله ع الدري وعقت انعولها وشافت انه هالريال بيحدر وراها فسيده دشت .. ومن دشت شافت خالتها ام سيف في ويهها ..
ام سيف : مرحبا مرحبا بالحص ..
وراحت صوبها ووايهتها وحبتها ع راسها ..
ام سيف : حبيتي الكعبه فديتج ..
حصه : وياج ان شاء الله .. والله ياخالتيه اني مفتضحه نازله جذيه ..
ام سيف : وايه البيت بيتج فديتج اعنبوه .. انتي الا شراتي انا بعد يوم اقبض الخط الطويل لبستها والله انها اخف واخير عن العباه .. قربي قربي فديتج هاذم قوم امج في الصاله ودشت حصه الصاله ..
ام محمد : خالتيه تعالي وين سايره نحن مانبا عليج شي الا انا يايه انزلج هالغريضات ومروحه ...
ام سيف : اعنبوه هاذيه طاسة الخمير والبلاليط بنتريق وياكم انا دومي اروحي اتريق يتريق عني بوسيف ويظهر والاولاد اتعرفينهم ماياكلون ايتمون راقدين لين الظهر ومن اينشون قالوا بنتغدى ..
سيف : هوود هوود ..
ام سيف : اهدا يابويه محد غريب ..
اتحجبن عدل اليازيه وحصه ..
سيف : السلام عليكم ..
ومن حدر وقفن اليازيه وحصه وسلم سيف على ام محمد ..
سيف : حيالله بنت خالتيه ..
ام محمد: الله يحيك شحالك ؟؟
سيف : والله ابخير وسهاله انتي شحالج وشحالج عيالج ؟؟
ام محمد : بخير وسهاله ربي يسلمك .. وين ياي كاشخ ؟؟
سيف : هههههههه .. هاي ثرج اتسمينها كشخه .. كنت اتحوط في الرماح اونه عاده انسوي رياضه ..
ام محمد: ههههههه .. حليلك ..
سيف : وينها عروستنا التوووووت ؟؟
ام محمد: تلعب خاري .. ماصدقت شافت شمسه ووديمه ..
ام سيف : منج اشعنه ماتيبينها عنا تلعب وياهن مابينا وبينكم الا ساعه الا ربع ..
ام محمد : وين ياخالتيه بعده درب ههههه ..
وطبعا طول الوقت حصه واليازيه قاعدات ولا رفعهن عينهن من ع الارض .. سيف يوم شافهن جذيه منحرجات فضل انه ينسحب ..
سيف : يله عيل السموووووحه ..
ام محمد : مسمووووح يا سيف ..
وتموا شويه قاعدات وخلاف ركبوا السياره وراحوا .. وطول الوقت حصه تحمد ربها انها ماشافته ..
حصه اتكلم امها : ليش ظهرتييني عنهم ماخليييتييني اشوف الغرااااشيب ...
ام محمد : جان خشيتيهم في مخباج ..وظهرتي ..
حصه : ههههههههههههههه .. قمتي اتنكتيييييين ..
اليازيه : ماشاء الله امايه سيف كبر .. لو اتشوفه ظبيه ..
ام محمد : هيه ماشاء الله كم له احينه بيحدر 28 سنه .. وشو تباه بعد ظبيوه ريل وعندها ..
اليازيه : لا يعني بس جذيه ..
ام محمد : حصيص اشعنه صاخه ..؟؟
حصه : لا تكلموني انا زعلانه فضحتووني ..
ام محمد : انزين عادي ماشافج ..
تمت حصه تتطالع امها منصدمه وفاجه حلجها ..
اليازيه : ههههههههههه .. منوه هو ..؟؟
ام محمد تضحك : اروحها اتعرفه ..
حصه : اعنبوووووووووها خيليه ..مقوااااااها


في بيت بو سيف
الجمعه 12 فليل ..
الرمـــــاح


خالد وبطي كانوا رايحين العين ياخذون المكسرات والحلويات ويوم ردوا حدروا على امهم و شافوها قاعده اتعدل الدلال في الصينيه واتصف الاكواب والفنايين وبوسيف قاعد حذالها يطالع في العربيه الاخبار ..
خالد وبطي : السلام عليكم ..
ام سيف وبو سيف : وعليكم السلام ..
بطي : يامايه بسج شو اتسويين ؟؟
ام سيف : شو اتسوين ؟؟...انتوا لا اترمسوني الحينه انا لو عنديه حرمة ولد جان ساعدتنيه وخفت عنيه ..
خالد :ههههههههه عادي اتعودنا ع هالموال كل مايستوي العيد ولا رمضان ولا عزيمه بغتها حرمة الولد ..
ام سيف : انطب انطب انته .. شكليه بيوزك انته ..
خالد : يرضيك يابوسيف ايوزونيه قبل الكبار ؟؟؟؟
بطي : ها ها لا تفرها صوبنا ..
بو سيف : عادي انتوا هب ريايل ...
انصدموا خالد وبطي وتموا يطالعون في ويهه بعض ..
ام سيف : دواكــــم ..
خالد معقد حياته : افااااااااا ..
بطي : ليش ؟؟
بو سيف : وانا صادق .. عيل رياييل مايبون ايعرسون ماتبون حرمه تهتم فيكم وتتخبر عنكم واترياكم اخر الليل ويوم اتحدر اتشوفها تترياك واتيبون اعيال وتستقرون الرياييل يحلمون بالهشي ولا انتوا عادي عندكم هب نشادين ..
خالد : هههههههه هيه عادي فيه بديل ..
بو سيف معصب: هاه شو قلللللللت ؟؟
بطي : ماشي ايقول دورليه عروس ..
ام سيف نقزت : هاه اخطـــــــــب ... ؟.؟
خالد : لا لالالا شو انتي ماعندج وقت ؟؟؟
ام سيف : مالت عليكم انته وهو .. ماتستاهلون تموا عنزوا ..
بطي : ههههههههههه ... عنسوا هب عنزوا ..
ام سيف : الا هيه عنزوا واتنوا العنز ..
خالد : ههههههههههه ههههههههههههههه .. ههههاااااااي .. ماروم ماروم ارمس ..
بو سيف : شو بلاك يالمصرقع ؟؟
خالد يمش دموعه بكم كندورته من كثر الضحك .: ليش نحن بنات عسب انعنس ايطوليه بعمرج ياشيخة المزايين الرياييل ماييعنسون .. والله صراحه انا ان حصلت وحده شراتج باخذها .. بس للاسف مافيه الحين كلهن متمنكرات ..
بو سيف : يعلني افداها موزه .. موزه امبونها شيخة الحريم .. واول ماشفتها قلت حق امايه الا اتخطبيليه اياها وماباخذ غيرها ..
ام سيف : ههههههه بسك بسك عاده ..
خالد : قام ايغازلها ..هالشايب الهايم ..
بطي : ههههههههه .. لو سمعك جان سواك ذبيحه حق باجر هههههههه ..
بو سيف : خلووود ..
خالد : وابوكـــــم .. رحنا وطي ..لبيه لبيه امر الغالي ..
بو سيف : اشعنه مركب عاكس ع سيارتك ؟؟
خالد : عيد ابويه عادي .. العرب كلها اتركب في العيد ..
ام سيف : يابويه لا تركبون هالخربطان وخلاف ماتشوفون ركبوا مخفي خفيف انا اليوم يوم خطفت وايجت فيها ولا ايبين فيها شي اشعنه جذيه عامنها .. اتحملوا على عماركم ياولديه بموت ان استوا حد ابكم شي
خالد : يعلني افدا قلبج انا .. فديييتج ان شاء من اعيوني ... ماطلبتي من ايخلص العيد اشله واشل ابوه بعد وغمز الها ...
بطي راح وفصخ غترته وطاح ع ريل امه : وايييه فديتها ..
ام سيف : فديتك ياولديه وحبته ع يبهته ...
وتموا بطي وخالد قاعدين عندهم وخلاف راحوا يتشرون اللي ناقصهم حق العيد وردوا البيت وقعدوا مع اخوانهم وربعهم في الخيمه وتموا واعيين لين صبح العيد ..

شيخة الغيد
21-12-2005, 03:45 PM
السبت 10 الصبح
بيت بو علي
العيــــــن ...

ابغي وصوفه لكن الوصف خانه *** حرت بجماله وتوهتني اعيونه
لاني صويب مرهف من ســـنانه *** وعزاه قلــــــبن نازفات طعونه

حصه يوم كانوا ايروحون العين كانت اتبات مع ظبيه واعيالها حمدان له 3 سنوات وحمده الها 10 شهور في غرفتها .. واليازيه كانت اتبات هي مع امها ويا لطيفه ومنصور اخوانها في غرفة امها ... حصه هالوقت كانت قاعده تتعدل واتحط اخر لمسات الميك اب ... وظبيه كانت قاعده اتلبس بنتها حمده ..
ظبيه : يله عاده خلصينا لبسي ..
حصه : ههههههه هاي شعرفها ..؟؟
ظبيه : اف ماتشوفينها كيف قاعده تتحيس اعنبوه ..
حصه : حليلها ياهل حمدوووه .. نونو .. طالعي والله ولا يخصها في الدنيا فديتها الاه شو هالفستان الغاوي .. ايخبببببل ..
ظبيه وهي اتشلها واتفرها على حصه : اف مابغينا انخلص .. ظبيه كانت ملبسه حمده فستان ابيض وحاطه شباصه في شعرها وحصه كانت اتموووووت في حمده لانها ع قولتها انه حمده تشبه جكلي بف اللي في بوكيمون .. وتمت حصه اتعلوزها واتحببها وحمده كل ساعه اتير حصه من شعرها لانه حصه كانت مبطله شعرها .. وتمت ظبيه تتعدل ...
حصه وهي شاله حمده : اجوف هالميك اب متى خذتييه ؟؟
ظبيه : رحت هاك اليوم دبي وخذته حلو اللون صح ..
حصه : ايجنن ..
ظبيه : يثبت مايفج ..
حصه : المشكله اني لابسه تركوازي مايستوي احط اخضر بس روعه انتي بيضا اجنان عليج ..
ظبيه : اتصدقين واول مارديت البيت حطيته اونه مطر اعنبوه لازم اتصبغين ويهج وتستوين اليه ساحره ..
حصه : ههههههههههه .. هيله هل سويحان مايعيبهم العيب ولا الصيام في ريب ..
ظبيه : بنيوزج واحد منهم شو رايج ؟؟
حصه : لا لا لا .. انتي اتعرفين عوقي وين ؟؟
ظبيه : احلمي احلمي انتي .. ثرج مول ماتسمعينها الرمسه ..
حصه : صح تتدرين نسيت اخبرج .. هاك اليوم رحنا بيتهم وقعدت تضحك..
ظبيه : اونه ..؟؟متى ؟؟
حصه : ماكنت اعرف وامايه ودتنا واتخيلي كنت بشيلتيه البيضا اتخيلي منوه شفت ..؟؟
ظبيه فاجه اعيونها : شفتيييييييه ..
حصه : ليش فاجه اعيونج جذييييييييه بسم الله ..
ظبيه تضربها ع جتفها : اجحل اعيوني رمسي منوه شفتي ..
حصه : ههههههههه روعتيييييني .. لا ماشفته وين اشوفه الحمد لله ماشافني شو بيقول عنيه ..
ظبيه : مالت عاده شو بيقول يعني اشعنه انتي سايره بشعرج انا دومي يوم اظهر من اهنيه دومي بشيله بيظا لين اوصل سويحان .. عادي ..
حصه : قالتليه خالتيه موزه انها هيه بعد جذيه .. المهم بخبرج منوه شفت ؟؟
ظبيه : منوه ؟؟
حصه : خخخخخخخ سوووواف ..
ظبيه : امحـــق طاري ..
حصه : بس ماشاء الله عليه حليوو ..
ظبيه : ادريبه هو احلا واحد فيهم .. بس مالت عليه مادانيه من عقب ماردنيه ومابغاني .. الحمد لله نصيبي عقني في حلج مطر وايه يعلني افداه .. وشويه ورن تلفون ظبيه وكان مطر اللي متصل ..
حصه : هههههههه .. ولد حلال .. برايج بفضيلج الجو بشل ها الساحره الصغيره وبظهر .. وشلت حصه حمده معاها ويوم وصلت في الممر اللي بين الدري والصاله نزلت حمده عسب اتخليها تمشي وتمت حصه ماسكتنها من ايديها وموخيه عليها يعني ماتشوف الا اللي ع مستوى طول حمده واوطى ..
حصه قاعده اتمشيها : يله يالعيوز خطوه وتوقفين اسمينا بنوصل باجر .. يله .. حصه كانت لابسه بلوزه الها هاي نك لونها تركوازي والتنوره نفس اللون والبدله شكلها وايد حلو على طرف الهاي نك في ورده وفي كل صوب كان في خيوط ونازل منهن حدايد مدوره ع شكل دراهم وكانت فاتحه شعرها اللي يوصل لين ركبهاا .. حصه اللي يشوفها سيده يضرب عليها هالمثل انها ملكة جمال من جمالها حصه اعيونها وساع ولونهم بنيات غامجات وخشمها طويل ورفيع وثمها صغير وفيها حبة خال ( شامه ) على طرف ثمها .. وهي بيضا على سمار خفيف .. وصلت الصاله واول مارفعت اعيونها شافت اثنينه قاعدين في الصاله يطالعونها انصدمت تمت ماسكه حمده وهي تتنافض ومن الصدمه نست حمده وخلتها قاعده ع الارض وقعدت تربع ع الدري وصوت الدراهم اللي في بدلتها ينسمعن ..
بطي : ماشاء الله لا اله الا الله ماشاء الله جمال مصور.. ايه ايه من الجمال ... منوه هاي ..؟؟
ناصر يهز جتفه : .......................... وساكت ..
بطي : حوه اشعندك صاخ ومتبلم ..؟؟
ناصر : هاه شوه ؟؟
بطي : منوه هاي ..؟؟
ناصر : ماعرف اظني وحده من بنات الريم و بنت حميد ولد خالتيه غايه اظني هب متاكد.. هههههههههه حليلها خلت هالصغيرونه وشردت عنها .؟.ههههههههه ..
بطي : هههههههههه حليلها .. ماشاء الله ماخلت من جمال الخيليات شي اظني جمالهن كله طار منهن وحدر فيها ..
ناصر : هههههههه خسك الله اسكت عن لا حد يسمعنا ....
بطي : ليش انت شفتها مش حلوه ؟؟
ناصر راح وشل حمده وقعدها ع ريله : انته خليت شي وبعدين هاي وحده من هلك اشعنه ترمس عنها جذيه ..
بطي : ولو حتى ختيه برمس عنها اذا كانت بهالجمال .. ماشاء الله عليها ماشاء الله ربي يحفظها امايه جان تبا اتخطبليه حد تخطبليه هاي وبس ..
ناصر : هههههههههههه .. الحينه فر راسك العرس ..
بطي : ماظن انسى صورتها .. ماظنيه .. وفتحت ام علي وحدرت الصاله لانها كانت برع ..
ناصر : صخ صخ خالتيه يت .. وتم ناصر ايبوس حمده وعطوها هو وبطي عيديه ..
ام علي : حيالله من يانا ...
بطي : الله يحيج ياخالتيه ..
ام علي : هاي حمده منوه يابها ..؟؟
ناصر يغير الموضوع : بنت منوه هاي خالتيه .؟؟.
ام علي : طالعوا حتى اعيال اعيال خالتكم ماتعرفونها ماتوني الا من عيد لين عيد .. بنت ظبيه ..
ناصر : افا عليج ياشيخة الزين خلاص نحن من باجر بنبركن عندج ..
ام علي : بنشوووف ثركم انتوا الا رمسه ..
بطي : افا عليج ياخالتيه انتي تعرفين غلاتج ..
ام علي : يعلني افدا ثرك يالغالي ..
بطي : وينهم عيل بنسلم عليهم ؟؟
ام علي : سعيد مرقد العرب عيد وهو الخلافه راقد ..
ناصر : ههههههههههه ..
ام علي : واحمد سار ايسلم على عمه وعلي راح ايصلي الجمعه وحدر قسمه واعياله راحوا ايعيدون .. صبروا بسير اشوف البنيات ..
بطي : تعالي خالتيه لا تعبين عمرج ... انتي اروحج ماترومين ع ركبة الدري تعالي ..
ام علي : لا فديتك بعدني بنيه انا الا بس اريوليه ادق عليه لا هب راكبتنه الدري حشا عليه ماروم له بزقرهن بس .. وراحت ووقفت عند الدري وقعدت تزقرهن ..
حصه تتحرقص عند ظبيه : شو سوي شو سوي ..
ظبيه : هههههههههه يالسباله اشعنه اتفرين بنتي واتين تربعين ؟؟؟
حصه : اضحكي اضحكي هاذا اللي انتي شاطره فيه ..
ظبيه : بنزل اسلم عليهم انا امايه محتشره ..
حصه : وانا ..
ظبيه : نزلي ويايه ..
حصه : يله يله والله مانزلت هب نازله من عقب اللي استوا انزل بعد نو وييييه ..
ظبيه : انتي اتعرفين امايه ماتعيبها هالسوالف والمناكر لا تقعدين تحلفين انزلي معايه الحينه ولا عقب اروحج بتنزلين ها..
حصه شويه وبتصيح : حرااااااام ماقدر انا اخاف شو ؟؟
ظبيه : هههههههههههه .. انتي اتضحكيييني والله .. جب جب ماعندج سالفه .. وتوها بتروح عنها ..
حصه اتير ظبيه من طرف شيلتها : تعاااااالي ..
ظبيه : نزلي يله ..
حصه : شو انزل وانا متعدله حرام ..؟؟
ظبيه : انقلعي عيل ..
حصه : خلاص خلاص بايي .. ولبست شيلتها وعباتها وخشت شعرها في العباه واتحجبت .. افف ونزلت مع ظبيه .. وهن نازلات شافن اليازيه نازله ...
اليازيه : زين يوم حصلتكم ..
اليازيه كانت لابسه بدله لونها برتقالي فاتح مع اخضر فاتح مايل ع البرتقالي وكلها كانت عباره عن اوراق مالت الشير بارزه على البدله وظبيه كانت لابسه بدله لونها اخضر فاتح ووردي وفيها اخيوط ومتعلق فيه ها الخيوط اجراس وبدلهن كلهن كانت وايد حلوه ..
ظبيه : ياوييييييلي انا .. شو هالكشخه شو هالزين ..
اليازيه : هههههههه ..وحدرت ظبيه اول وحده واليازيه وحصه واقفات على طرف الباب اللي يحدرون منه الصاله ويتعزامن ..
ظبيه : السلام عليكم ..
بطي وناصر : وعليج السلام والرحمه ..
بطي وناصر : عيدج مبارك ..
ظبيه : الله يبارك فيكم .. شحالكم ..؟؟
بطي وناصر : بخير وسهاله انتي شحالج .؟؟
ظبيه : ايسركم حالي .. هاي العيوز ملعوزتنكم هاه ..
بطي : فديتها ماشاء الله هاي بنتج ..
ظبيه : هيه بنتيه ..
ناصر : ماشاء الله عليها ..
الريم : وينهن عيل حصيص واليازيه ..
ظبيه وهي تتلفت حواليها : كانن نازلات ويايه .. مادريبهن ..؟؟
ام علي : انا اعرفه هالمستحى لكن ماعليه بظهره ..
بطي : ههههههههههه .. خالتيه ابرايهن ..
الريم : اعنبوه لا حشيمه ولا شي مناكر اعنبوه انتوا الا عيال خالتهن ... هب غرب عنهن .
ناصر : برايهن يستحن ..
ام علي : حصووووووه ..
اليازيه ادزها واتصاصرها : روحي روحي زقرتج انتي ..
حصه منصدمه وفاجه اعيونها واتاشر على عمرها : هاه ... هاه .. انا .؟؟.
ودزت اليازيه حصه وظهرت حصه وتمت واقفه : السلام عليكم ..
الكل : وعليكم السلام ..
وخلاف ظهرت اليازيه : السلام عليكم ..
الكل : وعليكم السلام ..
وقعدن اليازيه وحصه حذال امهن ..واليازيه كل ماترفع عينها اتشوف ناصر يطالعها واول ماترفع عينها اينزل اعيونه بسرعه ..
ناصر في خاطره : ماشاء الله عليج .. والله اني مابا اصد صوبج لكن غصبن عنيه ماشاء الله ..عليكن ..
بطي كان متعود ع هالجمال لانه كان ايشوفه في البنات اللي يعرفهن لكن ناصر كان ايموت ع هالجمال لانه ماكان ايعرف حد وهب راعي بنات وهالحركات طريجه سيده من الكليه لين البيت ومن البيت للكليه . فماكان يقدر ايميز بين الجمال الصارخ والجمال الناعم ..
بطي : يله عيل السمووووووحه ..
الريم : وين ماقعدنا وياكم ..
ام علي : اعنبوه اقعدوا اتغدواا عندنا ..
ناصر : وين خالتيه نحن بس خاطفين انسلم ورانا بعد بنسير بيت عميه وعمتيه وبيت خالتيه غايه ..
ام علي : ماعليه مدام جذيه ربي يحفظكم .. تحملوا على عماركم ..
بطي يحبها ع راسها : افا عليييييييج .. من اعيوني انتي تامرين ..
ام علي : مايامر عليك عدو فديتك ..
ناصر يحبها ع راسها : يله مع السلامه ..
الريم : ربي يسلمكم ..
ظبيه : سلموا على خالتيه ..
ناصر : بتييكم هي اليوم ..
ظبيه : حياها الله ..
الريم : عيل وينهم راشد وخالد وسيف مايونا ... تتدرون انا من خمس اسنين ماشفته راشد ..
بطي : ان شاء الله بيونكم هم .. سيف كل عيد ايي ..
امعلي : ادريبه فديته سيف مايقصر حتى يوم ايي صوب العين ايمر عليه ساعات ليت عنديه بنت جان يوزتها اياه بدال مايتم اروحه جذيه ..
بطي : ههههههههه .. والله ياخالتيه انتي وامايه عرسنا ملعوزنكم ..
ام علي : نبا نفرحبكم ..
ناصر : عاده امايه تستانس من انيب طاري خطبه .. نقزت ماشي ون ولا توه .. هههه انزين اتريي نتمصخر .. خلاف اتعصب علينا واتسبنا واتروح ..
ظبيه : تتدرون انا اول مره اشوف حد منهم .. احيد قبل يوم كنا صغار .. ههههههههه .. يوم كنا نتفالع بالحصا ..
ناصر : ههههههه .. انتي اللي ماتين ولا تبينين الريم اتينا .. انتي غاطه ..
ظبيه : عاده الريم ع دربها انا وين في سويحان وايي اهنيه اريح في الويك اند وارد مره ثانيه بس ان شاء ان شاء الله انا بنيكم ..
وظهروا عنهم بطي وناصر ..

شيخة الغيد
21-12-2005, 03:46 PM
في بيت بو عبدالله ..
الساعه 12 الظهر ..
بوظـــــــــبي ..
يوم العيــــــد ...


غانم وهادف كانوا قاعدين في الصاله .. وخلاف دشت اسماء .. اسماء كانت لابسه لبس يشمك لونه احمر .. اسماء وحاطه ميك اب اسود.. اسماء انسانه وايد ناعمه بدرجه فضيعه ورقيقه لابعد حد .. هي بيضا واعيونها عسليات وخشمها رفيع وحليييوه ..
اسماء : السلام عليكم ..
الكل : وعليكم السلام ..
غانم : عيدج مبارك ..
اسماء : الله يبارك فيك .. عساك من عوادته ..
غانم : علينا وعليج ..
هادف : وينها امج غانم ياي ايسلم عليها ..؟؟
اسماء : امايه توها اهنيه ماعرف وين سارت انا رحت شويه فوق وييت ..
هادف : مهره وينها ؟؟
اسماء : في حجرتيه الحينه بتنزل ..
وخلاف نزلت مهره ..
مهره : السلام عليكم غانم شحالك ؟؟
غانم : بخير وسهاله بنت العم انتي شحالج ؟؟
مهره : بخير وسهاله عساك من عواده ..
غانم : علينا وعليج ..
هادف : تعالي تعالي شويه .. ومسكها من ايديها ووقف معاها ع الباب ..
مهره : هلا ..
هادف : فديييييييييييييت القمر مالي انا محلاته ...
مهره : اشششش ..
صد غانم صوب اسماء و غمز الها وخلاف ابتسملها ... تمت اسماء قافطه وغمضت اعيونها من كثر ماكانت قافطه وتمت منزله اعيونها في الارض ...


ظنكم في شي في خاطر بطي ع حصه ؟؟
ظنكم شو في خاطر ناصر ع اليازيه ؟؟؟
ظنكم احمد ودانه بيتمون بع بعض دوم ؟؟
ظنكم نوره شو اللي بتسويه عسب اتخلي خالد ايصد صوبها ؟؟
ظنكم شو التتطورات اللي ممكن اتصير بين اليازيه وطحنون وحصه وخالد ؟؟
ظنكم هالدكتور بيكون له دور ولا سالفته بتكون عابره ؟؟؟

شيخة الغيد
22-12-2005, 12:07 PM
الجزء السادس
جنوب وشمال .. شرق وغرب توهمني *** جهاتي اربع وانـــته الخامســه تكمل
توّهتني في غرامك ليت تفهــــــــــمني *** بعثرتني ليت افهم وين انا بوصــــل


بيت بو علي
الساعه 8 فليل ..
اول ايام العيد ..


هالوقت كانوا خوات بنات اخت ام علي يايات من الهير كالعاده في كل عيد يستوي التجمع في بيت بو علي ...وبنات اختها هن امنه ووضحه وشيخه وساره.. ووضحه معرسه وعندها 3 اولاد وبنتين صغار واكبرهم كان عمره 11 سنه و شيخه عندها بنتين وولدين و اكبرهم كان له 6 سنوات .. وامنه عمرها 22 سنه وساره عمرها 19 سنه .. وهاي ساره كانت اتموت في شي اسمه خالد بس طبعا محد ايعرف انها اتحبه غير اختها امنه ..

امنه : اف ملل البيت خلونا نطلع نحن متعودين كل عيد انا نظهر ..
حصه : هههههههه ثرج خويتيه في الطلعه ..
ظبيه : انتن الهنتين مول ماتشبعن من الطلعه ماتسدكن الهزبه هييج السنه من عند سعيد ..
امنه : يالاااااه الحينه هم محد عاده ومابيردون ..
وضحه : هن يستانسن من يظهرن من الهير بس ايين العين وايحوطن دودهم مايظهر الا يوم يظهرن ..
حصه : والله ملل ابا اظهر انا ..
ساره : هيه صدق ..
شيخه : عاده حظرتكن وين تبن اتسيرين ؟؟
امنه : اي مكان المبزره ولا العين مول ..
ساره : ودونا المبزره نحن ولا مره رحنالها ..
اليازيه : خسكن الله عاده اليوم اول يوم العيد متروسه شباب ..
حصه : امحق ومنوه درابهم ..؟؟
ام محمد : خلج انتي عاده يالقويه يله يله ماشي سيره تبين ايي محمد ويجلب الدنيا ع راسي ماشي قري قري ..
حصه : اوهوووو الحينه هو اشدراه خلاص هو من يظهر مايي لين فليل ..
امنه : دخيلج الريم والله في خواطرنا ...
ظبيه : نشن انزين سيرن سيرن فكنا ..
ساره : هيه والله بنسير اغطط اروينا شويه في الماي وبنرد ..
ظبيه : انزين يله نشن عاده بسرعه قبل لاحد ايي ..
ونشن البنات يترابعن يلبسن عيبهن وشيلهن ...
ساره : ومنوه بيروح معانا ..؟؟
ظبيه : روحن ارواحكم محد متفيجلكن انتن بنات ماعندكن اعيال اتحاتونهم في البيت نحن عنا.. روحن محد بيقولكن شي شلن الخدامه معاكن ..
امنه : ههههههههههه .. خلاص اوكيه ..
وظهرن الاربع البنات مع الخدامه .. حصه واليازيه وساره وامنه .. وشلن الخدامه معاهن وركبن السياره وراحن صوب المبزره وهن في السياره ومرتبشات وواصلات حدهن من الوناسه ..وتمن ايحوطن في السياره وخلاف وقفن ونزلن وراحن يمشن لين صوب الماي وهن كلهن كانن حاطات الغشاه الكامله على وويوهن اللي توصل لين الخصر .. وقعدن يتغططن شويه ورن تلفون امنه ..
امنه : ايه ظباايه متصله ..
اليازيه : ردي عليها شو فيها شو تبا يمكن حد رد ..
ساره : اويييييييه ياويلنا ..
حصه : اوه عادي اشعنه متروعات تيكت ايزي بيقصون الرقبه مايقصها غير خالقها ..ههههههههههه
اليازيه : خلج انتي يالمقووووووووي ..
امنه : الوو هلا ظبااايه ..
ظبيه : وينكن انتن ؟؟
امنه : تونا حادرات ..
ظبيه : عطيني حصيص ..
امنه اتصد صوب حصه وتعطيها التلفون : هااج ظبايه تباج ..
حصه : هلا ..
ظبيه : انتي يالسباله يعني ماتتدرين انه خالد اهنييييييه ..
حصه منصدمه : شووووووووو ؟؟ وانا شدراني قولي قولي والله متىى يا ؟؟
ظبيه : توه ياي هو وراشد وزايد ..
حصه : اووويه بصيييييح والله بصييييييح ..
وتمن البنات يطالعهنا منصدمات مشت عنهن بسرعه وراحت صوب الماي تمشي قبلهن وتمن هن يمشن وراها ..
حصه تصاصر ظبيه : حرام عليج ظبايه خليه ايتم قوليله اي شي خلي يدتيه تحلف عليه بالعشا الحينه الحينه نحن يايين ..
ظبيه : وكيف ان شاء الله بتيبنهن شو بتقوليلهن .؟؟؟.
حصه : خلاص خلاص يايين الحينه بس انتي دخيلج اخريه اخريه ..
ظبيه : يله انزين يله برايج .. وسكرت عنها ...
صدت حصه ع البنات : بنات يله انرد البيت ..
امنه : هاااااه ؟؟ شو والله تونا ياين ليش ؟
حصه : ماشي امايه اتقول انه احمد توه متصل وايقول الحينه هم بييون البيت ..
اليازيه : اونه ..
صدت حصه ع اليازيه وتمت اتصاصرها واتكلمها شويشوي : يزووي خلوود في البيت ..
اليازيه منصدمه : اووووووووونه عيل نحن من الصبح نتريا محد يانا ..
امنه : شو هو اللي محد ياكن ..؟؟
اليازيه : يعني قوم احمد مايوا الى يوم يينا بنظهر ..من الصبح نحن في البيت مايوا ..
ساره : هيه والله بس حرام خلونا انرد البيت انا ماحب المشاكل والله ..
امنه : والله انتن وايد تتروعن . عادي شو يعني والله مابنروح عيد عادي .. وبعدين نحن قاعدين اهنيه في هالمكالن مافيه شباب ..
اليازيه : هب ع سالفة شباب ولا تاخير بييون قوم احمد وبيسولنا حشره ..
امنه : لا لا شو انا مابروح تونا يايين ..
حصه : لا صدق خلونا انرد مافينا ع الحشره ..
امنه : حصبيص ماحيدج اتخافين ..
اليازيه : يله انرد مافينا ع المشاكل ..
امنه : والله ماستانسنا ..
ساره : ماعليه هب لازم اليوم يوم ثاني صدق والله انا ماحب جذيه قلبي يعروني والله ماتعرفون شو صار ابيه هاك اليوم يوم واقعنا سعيد ...
امنه : اووووه انا بتصل بظبايه بكلمها ..
وزخت تلفونها واتصلت في ظبيه ..
امنه : الوو ..
ظبيه : هلا .. انتن وين ماظهرتن ؟؟
امنه : وين نظهر مانبا اعنبوه ظبايه نحن تونا ياين ..
ظبيه : يالغبيه ردن اهنيه خالد وراشد وزايد بتموت حصوه ..
امنه مستغربه : انزين وشو يعني ؟؟
ظبيه : ردن انتن ..
امنه : شو يعني خالد وراشد وزايد اهناك ؟؟
ظبيه : ردن اكيد حد بيي من قوم احمد ولا سعيد بيقعدون معاهم وان ماحصولكم شو انقولهم ؟؟
امنه : عادي قوليلهم راحوا بيت خالتيه غايه اي شي ..
ظبيه : انا مالي خص مابجذب برايكن .. وسكرت عنهن .
اليازيه : شو السالفه ؟؟
امنه : خالد وراشد وزايد في البيت .. اونه ويبونا انرد ..
اليازيه : انزين خلونا انرد ..
امنه : اوه انا هب متفيجتلهم اصلا نحن هب كل يوم اني اهنيه ..
وتمت امنه مصممه على انها ماتروح وتمن البنات يقنعنها لين ماقتعت اخر شي وردن البيت بس اتاخرن وايد لين ماقنعنها.. وهن داشات الحوي بالسياره شافن البنثلي مالت خالد تظهر من بيت قوم ام علي ..حصه ماتت من الغصه وحدرن البنات ونزلن وحصلن ام محمد وام علي وظبيه ووضحه وشيخه واقفات عند باب الصاله واقفات ايوصلن قوم خالد وراشد وزايد ..
ام علي : اعنبوكن ماتشبعن من الهياته ..
امنه : ياله ياخالتيه اللي يقول كل يوم الا من عيد لين عيد ..
ام علي : هاه فججتن روسكن ..؟؟
امنه : لا والله شو ماستانسنا رودنا بسرعه ..
ساره : هاي امون مول ماتشبع من الظهره ..
وضحه : معروفه .. تراها ..
ام علي: فدييييتكن والله .. يله حدرن حدرن ..خلونا انحط عشانا ونتعشى .. ماطاعوا يتعشون خالد مواعد ربعه بيروح يسلم عليهم ..
ظبيه : هههههههههه مول مايخلص سلامات ها خلود والله سوالف اقولج حمدوه لصقت فيه ماطاعت اتفجه ..
ام علي : فديته خالد امبونه شرات ختيه موزه ايحب العرب وايموت في السوالف ..
وضحه : ماشاء الله عليه حليييو خالد غير عنهم ..
شيخه : هو بكبره شال جمال خالتيه البياض والجمال والخشم ماشاء الله عليها ماخلا شي منها ..
وحدرن الصاله وقعدن يتعشن ..وحصه كارهه عمرها وشكلها خلاص عايفه كل شي ولا قامت تسولف ولا شي بس تسمع ..
ام محمد : الله يخس عدوج ياشويخ فضحتيهم .. امايه تتدرين شو قالتلهم ؟؟
ام علي : شو ؟؟
ام محمد : اونه اونكم عاده الحينه اتخيلون منا نحن يوم كنتوا اصغار يوم كنتوا تتسبحون كنا انبسكم اثيابكم يوم كنتوا بو خمس وسبع ...
ام علي تضحك: ههههههههههههه غربلات ابليسج ياشويخ .. فضحتييهم ..
ظبيه : هههههههههههه خلاص عاده استواا رياييل الحينه ..
شيخه : هب عليه .. غصبن عنهم كنا نسبحهم وانلبسهم يوم انسير عند خالتيه الرماح ..
ساره : الله يقطع ابليسج زادهم ظهروا ..
امنه : ههههههههههه .. من القفطه ..
اليازيه : مساااااكين .. امايه زايد شحاله ؟؟
ام محمد : اسكتي استوا ريال الحينه ..
اليازيه : ههههههههه . اونه مايحتاي اتحيدون يوم كان ايي اهنيه عنا ويقعد معانا وايقولنا نكت الحينه اونه ينخش استوا عوود ..
امنه : حتى هاليهالووه قوم بو خمسة عشر بعد ؟؟
اليازيه : هههههههههه هيه ليش مالهم رب ؟؟
ظبيه : لا ماعليكن شي طبيعي انه قاعد في بيت كله شباب اكبار ..
ام علي : فدييتهم والله ..
ساره : عيل خالتيه موزه مايتكم ولا يتنا ..
ام علي : خالد ايقول باجر بتي .. واكيد بتمر عليكم ايقول البيت عندها متروس حريم ولا كانت بتي معاهم ..
اليازيه : حليلها والله خالتيه ..
وضحه : حصوه ساكته ماحيدج ؟؟ شو بلاج ..
ظبيه تتطالعها بنص عين : هاي يوم تشوف الاكل تنسى كل شي ...
ساره : حليلها يوعانه كلي كلي ..
حصه : راسي يعورني صدعت ..
امنه : لازم بتصدعين ؟؟
حصه منصدمه : ليش ؟
امنه : لازم بتظهرين من هاك المكان الغاوي وهييج الخضره الغاويه لازم راسج بيعورج ..
حصه : طبعا عرفتيي عليه عيل ..
امنه : شرات ماصابج صابني ..
شيخه : خلج انتي عاده ماتشبعين ..
وخلاف تموا بنات اخت ام علي قاعدين عندهم لين الساعه 11 وركبوا السياره وردوا الهيير . ونشت حصه عنهم وركبت الدري ودشت غرفة ظبيه وحصلت الخدامه قاعده اترقد حمده ..ومن شافت حمده حصه حادره الغرفه قعدت اتصييح تباها .. وراحت حصه وشلتها ولوت عليها وقعدت اتحبها ..
حصه : جولي خلاص روحي انتي انا بسويها نووم ..
جولي : اوكيه مدام .. وظهرت جولي ..
وفصخت حصه عباتها وشيلتها وعقلتهن ع الشماعه وقعدت ع الشبريه وحطت حمده على ريلها وقعدت اتهزها .. وخلاف حدرت ظبيه ..
ظبيه : جان خليتي الخدامه اترقدها عنج انتي روحج راسج ايعروج ..
حصه : لا عادي ابرايها خلاص اكييه رقدت ..
ظبيه : اعرف ليش راسج يعروج ..
حصه : ياالااااااه ليش ياظبايه جذيه انا مالي معاه اي حظ مالي حظ اني اشوفه ولا يشوفني مالي حظ انه يعرف اني انا احبه من خمس اسنين الحينه ولا حتى اظني ايعرف انيه انا موجوده هو مايحيدني الا يوم انا كنت صغيره .. واكيد هالصوره ماغابت عن باله وحاط في باله انه بعدني انا البنت الصغيره ..
ظبيه : انتي ليش معوره قلبج على ولا شي هو هب داري عن هو دارج وانتي اهنيه تتعذبين ليش اتسوين بعمرج جذيه ...؟؟

الهاجس
24-12-2005, 10:29 PM
مشكوره اختي والله يعطيج العافيه >

فعلا قصه حلوه ومشوقه >


وننتظر التكمله ........

شيخة الغيد
06-01-2006, 01:45 PM
حصه : ظباييه انا احبه ..
ظبيه : خلاص عيل اتحملي ولا تشتكيين .. دامج اتحبينه ..
حصه : اففففف .. والله ضيج .. وتمت حصه ساكته وخلاف حدرت الخدامه وقالت حق ظبيه ان حمدان هب طايع ايي عسب يرقد ويبا يلعب وهو حافي وقاعد يلعب في الشارع ونزلت ظبيه وهي معصبه .. وحدرت حصه الحمام الله يعزكم وقعدت اتغسل ويهها وبدلت اثيابها ولبست جلابيه النوم ونزلت تحت .. وشافت اليازيه مع ظبيه في الحوي واقفات ع الباب الرئيسي مال الفله وظبيه قاعده اتفاتن في الحوي ...غصبن عنها ضحكت لانه ظبيه انسانه وايد وايد رقيقه واتحب الهدوء بس الله بلاها بولد نفس حمدان شيطااااااااااان بشكل فضيييع ايموت في شي اسمه شطانه ودومه يضرب اليهال ويدزهم ويشل اللي في ايديهم وكله حياته لعب في لعب حتى هاي اخته حمده الصغيره هب سالمه منه دومه يكفخها ..
ظبيه : قوم نش يالسبال ماعليه الحينه انا بدق حق ابوك بخليه ااي يشلك ماباك انا عنديه ..
حمدان : شو تبين خليني العب مع الاولاد انا كبير .. هاذوه منصور اهنيه شو تبيني انا ؟؟
حمدان اسلوبه اسلوب ناس كبارمع انه عمره 3 سنين ونص بس رمسته وحركاته اكبر عن سنه ..
ظبيه : ماعليه ياحمدااااانوه انا براويك يله .. والله بنعال ..
حمدان : صبروا هاي امايه بييكم ..
اليازيه : هههههههههههههه والله هاذا ولدج فنتك اونه عاده الحينه مسوي عمره عود انته فقص بيضتك اللي تحتك خلاف ارمس ..
ظبيه : يوم اقولكم مشيبني شابوه ان شاء الله .. انا 22 ومن يبته احس انيه استويت 42
اليازيه : ههههههههه والله انتي شكلج بتعقدييييني من العيال ..
ظبيه وهي تزاعق : يلللللللللله ..
حمدان : اركض واطييح يعني صبري ..
ظبيه : قليل ادب ...
حمدان : هاه انا ييت .. انتي كله اتواقعين ..
ظبيه اتزاعق عليه : بسررررررررعه داااااااخل اتعرف شو يعني دااااااااخل رقااااااااد .. .. بنعال والله ياحمداونوووووه بنعال بتنراغ وبتصصيح ..
حمدان ايصيح : انزين انا ابا العب ابا العب ليش منصور يلعب مابا ارقد مافيني رقاد .. وتم يفج اعيونه اونه يراويها ان هو مافيه رقاد ..
ظبيه : جججججججب انته مالك خص في حد يله داااخل داااااااخل ..
اليازيه تزقر منصور : يله الشيخ منصور لين متى ناوي اتم ان شاء الله الساعه 12 يللللله ..
منصور : انزين بيي ..
وتم حمدان واقف يتريا منصور ايي .
ظبيه ادز حمدان : يلللللله ..
حمدان يصيح : صبري صبري خليه منصور ايي اول ..
ظبيه : وانته شلك هو قدك ؟؟
حمدان : مابا مابا ..
ظبيه اتزاعق : يله ماعليه الحينه ا نا متصله ببوك براويك يالسبال ومسكته من كندورته وقعدت تسحبه ... ودخلته الصاله ..
ام علي : شويشوي يامايه عليه .. يامايه ثره هو الا ياهل ..
ظبيه معصبه : وايد ياهل هو لسانه هالطول ..السبال طالعي الوصااااااااااخه اللي فيه من راسه لين ريله اتقولين طالع من زباله نص ها مايسويه يوم ايكون اهناك الا المناكر كلها تظهر اهنيه يله امش اممممش ..
ام محمد : ظباييه انزين ماعليه شويوشي ..
ظبيه : الريم.. باوره مول مايخلص اربعه وعشرين ساعه بطاريه تشتغل ماتوقف انته ماتشبع باورك مووول مايخلص ؟؟ انا ماروم ماتحمل انا انسانه رقيقه ماروم حقه وحق الطاقه اللي فيه طول اليوم ..
ام محمد : الله واكبر عليج ..
حمدان يصيح : انزين انا ماريد ارقد .. خالوه مافيني رقاد ..
ظبيه : ماعليه انا باجر سايره البيت براويك يله تعال ورايه .. وراحت عنه صوب الدري ..
وتم حمدان ايصيح في حظن يدته ..
حمدان : انا ماريد اسير سويحان ماريد ..
ام علي : ماعليه ماعليه ما بتوديك ..
وقفت ظبيه ع الدري وتمت اتزاعق : يللللللللللللللللله .. وراح حمدان يربع الها ..
ام محمد : والله هالولد هههههههههه .. حليله ..
اليازيه : لا لا عقدتني ..
حصه : والله مالومها ماشاء الله عليه حرج وايد حركته زايده عن اللزوم ..
اليازيه : ههههههه مسكينه والله عاده هي وايد هاديه هي بسها حمدوه وبس.. شراتها هاديه ..
ام علي : اعنبوها والله حليله دومها ادحه واتضربه مسكين لازم بيعاندها هاي شعرفها اتربي مالت ..
ام محمد : هههههههه .. امايه حليلها شو يتسوي يعني ؟
ام علي : بالهداااااوه ..
ام محمد : خلاص هو تعود على هاذا الاسلوب ..
وتموا ايسولفون وخلاف نزلت ظبيه وقعدت معاهم .. والساعه وحده راحت عنهم ام علي وتموا ايسولفون لين الساعه 3 وخلاف راحن ظبيه وحصه الغرفه عسب اينامن وراحت اليازيه مع امها الغرفه ينامن ..
حصه : طيب ؟؟
ظبيه : امبونهم اعيال خالتيه طيبين .. بس خالد ماشا الله عليه سوالف قعدنا نضحك من حدر لين ظهر ..
حصه : اه اه خلاص خلاص لا تعذبييني ..
ظبيه : محد قالج تظهرين معاهن . مدوده تبين تظهرين ..
حصه :انزين شسوي انا من الصبح اترياه ايي ولا يا .. ويوم طلعنا يا ويوم تونا حادرين ظاهر شو انسوي ماشي حظظظ ماشي وسوت حق عمرها مالت ..
ظبيه : ههههههههه .. ماعليه يمكن يضرب وياج الحظ مره ..
وتمن ايسولفن شويه وخلاف رقدن ..

شيخة الغيد
06-01-2006, 01:46 PM
الساعه 4 الفجر ...
في بيت بو علي ..

حبنا لو يوزع على البشر كان زاد *** لانه بكل لحــــــظه وكل ساعه يزيد
لك صدوق المحبه من ضمير الفؤاد*** كيف ينساك قلبي وانته للغــيد سيد


احمد كان توه راد البيت وحاط سماعة التلفون في اذنيه ..
احمد : صبري غناتي بحدر البيت ...
دانه : اذا هلك في الصاله برايك ..
احمد : لا لا هليه كلهم ارقود بس صبري عسب ماينشون ...
دانه : ان شاء الله ..
وتم احمد يرقع البيبان ويسكر باب ويفتح باب
احمد : سوري حبيبي اتاخرت عليج ..
دانه : لا ..
احمد : ليش انتي مارقدتي لين الحينه ؟؟ شو اتسوين ؟؟ هب جنج ناشه من الصبح ..
دانه : من متى انا ارقد وانته ماتكون في البيت ..
احمد : فديييييتج والله فديييتج الله لا يحرمني منج ياله يارب يارب .. قولي اميييين ..
دانه : اميييييين يارب ..
احمد : تتدرين من البارحه وانا افكر في موضوعنا خلاص انا برمس امايه جريب ..
دانه : ومااظن انه امك بيكون عندها مانع .. لانها اتعرف انيه ربيعة ختك ظبيه ...
احمد : ....................... لا طبعا انا ريال محد له شور عليه ..
دانه : الا تعال حياتي اشحالها ظبيه .؟؟
احمد : بخير يسرج حالها ..
دانه : وشحالها حمده فديييتها ياربي اكيوت ..
احمد : ههههههه اتحيدين هاك اليوم يوم يبتها لج البيت .. والله هالبنت جنااااان اتخيلي يحطونها في الصاله وتقعد اتهز راسها وبنت ختيه تقعد اتقولها دقيدي دقيدي .. وتستاانس اتهز راسها .. بس حمدانوه دومه ايي يضربها اتعرفين يايه وراه شاله عنه الدلع ..
دانه : فديييتها .. هيه اتعرف تاخذ من فروحه شويه ماشاء الله عليها مغززه وكيوت وااااااااايد حليلها حرررررام ... ياله يارب انه يرقزنا بوحده جذيه شراتها اف اسميييني بلعب فيها ...
احمد : هههههههههه ان شاء الله ..
دانه : شووو بتسميها ؟؟
احمد : اممممممم .. بسميها دانه ...
دانه : هههههههههه مايستوي كيف الام اسمها دانه والبنت اسمها دانه ...
احمد : عادي هي مابتكون باسم امها بتم بسم ابوها دانه احمد ..
دانه : لاااء مابا شووووووو ؟؟ صدق عاده ..
احمد : على امايه فاطمه ..
دانه : ان شاء الله مدام ع عمتيه من عيووووني ..
احمد : فديييييييت احلا اعيون ... فدييتهن والله اني يوم اشوفهن ارتاااااح ..
دانه : وايد ؟؟
احمد : شو رايج ..
دانه :انزين عااااده ..
احمد : يله حبيبي رقدي انتي الحينه .. لا تسهرين .. عسب ماتقول امج شي اذا شافج راقده لانها اتحيدج من وقت حدرتي الغرفه ..
دانه : احمد تتدري انا واثقه اني لو الف الدنيا هاي بكبرها مابحصل حد ايحبني وايخاف عليه وهالشي اللي مخلني اتخلا عن كل شي حتى ثقة هليه فيييني بس عسبك ..وماتخيل في يوم اني بكون لانسان غيرك ماقدر اتخيل الا اني اكون مدام احمد الخيلي وبسسسسسس ..
تم احمد سااااكت وسرحااااااان ..
دانه : شو فيك ليش سكتت ؟؟
احمد : افكر فيج ؟؟
دانه : في شوه اتفكر فيني وانته معايه ..
احمد : افكر في اليوم اللي بتكونين عندي فيه .
دانه : ان شاء الله قريب ..
احمد : ان شاء الله ..
وتم ايسولف معاها شويه وخلاف سكر عنها ورقد ..



بيت بو عبدالله
ثاني ايام العيد
بوظبي 1 الظهر ..


حياتي وموتي في ذيك الخدود *** ورمشه وهينه تساوي البلاد
انا له محــبٍ ادار العــــــــهود *** وحبه حبيبي يزيد ازديـــــــاد

طحنون هالوقت كان قاعد في الصاله يطالع التلفزيون وفكره كل صوب اليازيه وكان ايقول في خاطره : فديتج يالغاليه كبرتي واستوييتي غير غير ..كل شي اتغير فيج لو انها كانت بالنسبه لي نظره او حتى لمحه المهم انه هالمحه وهالنظره بتم في قلبي وعقلي والله انيه احبج والله والله واتريا اللحظه اللي اتخرج وايي اخطبج وتكونين بس اليه وماتكونين لاي حد غيري فديييتها فدييييتها .. فديت اعيونها يوم انصدمممممت والله احس بظربه في قلبيه فدييييتج وتم يتذكر شكلها سرح في عالم بعيد عالم اسمه اليازيه ..
وشويه حدرن مهره واسماء ..
مهره : ها طحنون هادف وينه ؟؟
طحنون : ....................
مهره : طحنون ..
طحنون : ..................
مهره صدت ع اسماء مستغربه : شو ابلاه ؟؟
اسماء اتهز جتفها : مااااعرررررف ؟ البسيه البسيه ... قعدي قعدي ..
مهره : هههههههههه .. شكله ذااااايب .. بس فمنوه عاده ..
اسماء : هاذا دومه جذيه من يوم هو صغير .. لا مب سالفة ذوبان لانه لو سالفة ذوبان وحب وعشق جان مل بس لا عادي ساعات جذيه ينضربن الفيوزات حالات حالات ..
مهره : هههههههههههههههههه .. اسااااااامي حرام عليج .. طحنوووووون ..

شيخة الغيد
06-01-2006, 01:46 PM
طحنون معقد حياته مستغرب : هاه هاه ؟؟
مهره : صباح الخير ..
طحنون يبتسم : شوووو؟؟
مهره : لا ابدا ماشي سلامتك ؟؟
اسماء : في اي عالم كنت ؟؟ لا لا لا تقول وصلت المريخ .. افا شوعندهم .. حريجه خييبه .. متى استوت .. وليش مااعلنوا عنها في الاخبار ..
مهره : ههههههههه بس بس شو نشره جويه ولا شو ؟؟
اسماء تاشر حق مهره : صبري صبري ... ها قول قول ..
طحنون : شو اقول .. حق الخبايل .. ثره في شي ينقالج انتي يالخبله ؟؟ وانتي شو تبين صباح الخير ..
مهره : هاها مالك خص فيني انا ماقلت شي ..
طحنون : امممممره مول ..
مهره : حلييييلي ..
طحنون : ياله وين ريلج عنج ؟؟
مهره : جاني من الصبح اتخبرك عنه وانته صاخ ..
طحنون : لا ه لاه .. كنت اقول شي ..؟؟
مهره : كنت اتقول شي اتهاذي .. بس مالقيتك البال وايد ..
اسماء : هيه قلت قلت حرف الايه ..
طحنون منصدم : شوووووووو؟؟ اي حرف ايه ..
مهره : هيه صح قال حرف الايه ..
طحنون : حو انتن شو ابلاكم خرفتن ؟؟
اسماء : ياله الحينه نحن اللي خرفنا .. نسينا نسينا ماكلينا ..
طحنون :اووه انقلعن بتقولن الحينه منوه حرف الايه ولالا ..
اسماء : شفناه معلق في الكوبي .. ع المنظره ..وتمت تحرك حياتها ..
مهره : انا مالي خص .. اتحمممل .. هاه ؟؟ حامل حامل ..
طحنون : بسج ذلييييتي عارنا اللي يقول محد حمل الا انتي ..
مهره : طبعااااااا .. ليش اتغار تبا تحمل مثلا ..
طحنون : ههههههههه.. ياويهج لا ماروم اشله تسع شهور اشله حوول كامل ...
اسماء : شو ناقه ؟؟
طحنون : لا بعير شراتج ..
اسماء : ههههههههههههههههههههه ..
مهره : اص اص اكوه هادف يا ..
طحنون : لاه الحينه هاه ؟؟
مهره : هههههههههه ..
طحنون : تعال هدوف تعال جوف حرمتك ..
هادف يا وقعد حذال مهره وحط ايديه في ايديها : شو بلاها غناتيه ؟؟
طحنون : انا اباك تصفعها ...
هادف : اتهبي اتهبي روح روح بعيد عند امك اصفعها اونه انا ماصدقت احصلها اروح اصفعها ..
اسماء : هههههههههههااااي ..
مهره : بس بس انته عاده ماتصدق حد ايدقك ..
طحنون : اعنبووووووووه .. ثرك مستقطع ؟؟
مهره : امبووووووونه ..
هادف : هيييييي هيييي ..
مهره : هاه .. اها اوكيه خلاص ..
طحنون : هههههههههههه .. والله انكم انتوا ثركم سوالف .. وينها وينها عنكم شيخة الزين ..؟؟ شيخة الزييييييييين .. وييييينج .. وتم يزاعق ..
اسماء : اففففف .. خلاص ياخي صخ ازعااااااج ...
طحنون : من ويييهج وراح ومسكها من ايديها وتم يعوي ايديها ..
اسماء تصارخ : اااااخ اااااااخ . والله اي اي ههههههه يعور يعور يالسبال ايديه انكسرت ااااااي .
طحنون : من الصبح السااان هالطوووول ..
اسماء : يعلك بحرمه السانها اطول عن السااانيه بستين مره ياله يارب يااااااااله ..
طحنون : الله لا قاله ان شاء الله بسم الله عليه .. وتم يرص ..
اسماء : خلاص خلاص و الله خلاص ..
وخلاف دش بو عبدالله ..
بو عبدالله : السلام عليكم ...
فجها طحنون بسررررعه .. وتمت هي تتطالعه بنص عييييين ..
الكل : وعليكم السلام ..
بو عبدالله : شوهالحشره ..؟؟
اسماء: ابويه ها...... وداسها طحنون ع ريلها .. اااااخ ... اف اف كله عاهات في عاهااااات ياربي ياربي ..
بو عبدالله : اشعندج اتحرطمين جنج عيوز ومصروق عشاها ..
طحنون : مافيها شي الا امبونها دلووووعه ..
اسماء : انا .. انا ؟؟؟ هاه .. انا ؟؟
طحنون : هيه عيل يدتيه ؟؟
اسماء : انزين ماعليه ..
بو عبدالله : وينها امج؟؟
اسماء : امايه سارت المطبخ ..
بو عبدالله : روحي روحي زقريها ..
اسماء : ان شاء الله وراحت اسماء ويوم وصلت عن الباب كان قوطي الكلينكس في ايديها وفرتبه طحنون وشردت برع ..
طحنون : سبببباله ..
بو عبدالله : يابويه شوتبابها هاي ياهل خلها عنك ..
طحنون: هاي يااااااهل هايييي ابغلللللله ..
بو عبدالله : هههههههه ..
هادف : دلعها دلعها مستقويه علينا ..
بو عبدالله : ماعليه اخر العنقود هيه ..
وخلاف دشت اسماء وام عبدالله جدامها وهي منخشه ورات امها شرات اليهال ..
اسماء : امايه ها طحنون كله يضربنيه ..
ام عبدالله : شومستوبه حليله ؟؟
اسماء : شوووووو ها حليله ..؟؟ اذا هوحليله انا عيل شوووووو ؟؟
طحنون : هههههههههه .. مالقيتي الا تشتكين منيه عند امايه ههههههههه .. روحي روحي .. دوريلج شي من الزبايل خشي راسج فيهن ..
وقعدت ام عبدالله وقعدوا كلهم على الصماط ( الفراش اللي يفرشونه ع الارض وياكلون عليه ) اللي كانوا فارشينه ع الارض عسب ياكلون ...
طحنون :بسير اغسل يديه ..
وراح طحنون وهو خاطف ورا امه واسماء ير اسماء من قصتها جان ايقول ..
طحنون : وتشررررررق شمس الصباااااااااح .. بوووووووف ..
وتموا كلهم يضحكوووووووون ..
اسماء : اااااااي اف اف ابويه شووووفه .. وتمت ترفع ايديها ع فوق عسب تضربه فجها وراح عسب يتغسل ..
بو عبدالله: يابويه خلها عنك ايلس اتغدى ..
اسماء : هيه يعني تبونه ايفجني بس عسب ياكل هب لانكم اتخافون عليه افففففف شو هالبيت اللي بكبره تفرقات عنصريه .. ..
هادف : هب عايبنج نطي من الجامه ..
اسماء : هااااااه ؟؟ لا منوه قال ابا عمري انا ..
وشويه ودشت العنود وشاله بنتها هند في ايدها ..
طحنون : حطيها حطيها بناكلها اليوم ..
العنود : هاه صدق احطها ..
وشلتها وحطتها في النص وهند مستانسه يالسه اتخرب ..
ام عبدالله :يامايه شليها حرام عليكم تتمصخرون عليها ..
عبدالله حادر الصاله : هااااااااه بننتيه استوت ذبيييحه ..
هادف : تعال اكل منها شويه ...
رفعها بو عبدالله وحطها في ثبانه : ههههههههه .. فديييت عيوزنا انا ...
وتموا ايسولفون واتغدوا ...

شيخة الغيد
06-01-2006, 01:47 PM
بيت بو علي
الساعه 2 الظهر ..
العيــــــن ..


حصه ومريم واليازيه وظبيه وام محمد وام علي كانوا قاعدات في الصاله وحمده قاعده تتدلع عليهم واليازيه قاعده اتلعبها واتاكلها ..وشويه وظهر احمد من غرفته وكان حاط السماعه في اذنيه وهله يتحرونه على عوايده ايحط السماعه ومايرمس حد بس هو كان قاعد ايكلم دانه ..
احمد : ويييييييه حمدووووه ..وراح عندها ايحببها وايلعوزها وخيست لحيته سيرلاك ... اخخخ شو ها ..
ظبيه : ههههههههه دواك ..
احمد يمث لحيته واونه يفتن على حمده : حمدوووووه شووووووو هاااااااااا ؟؟ يللللله ..
قامت حمده والسيرلاك في حلجها وفلحته في ويهه .. نقعوا كلهم من الضحك ..
ام علي : دواااااك .. زين سوت فيك اشعنه تفتن عليها ؟؟
احمد رفعها وتم يخضها : عييب عيييييييب ...
ظبيه : بنتيه بنتييييه شويشوي ..
احمد : لا والله ماتشوفينها شو سوت ..
حصه : هههههههههه .. يبته حق عمرك ..
ام محمد : تعال تعال فديتك خلني امسحه ..
احمد : فديتها هاي اللي فيكم ولا انتوا امحق ...جان يصد صوب امه اللي كانت تتطالعه بنقمه ..
ام محمد : تعال . وراح احمد صوبها ومسكت الكلينكسه وتمت تمسح ويهه وهو بعده شال حمده ..
احمد : اعقها اعقها ؟؟
لطيفه ياي تربع ..
لطيفه : هههههههههه .. انا بعد انا بعد ..
احمد : تووووووته .. وتمت يحرك ايديه عشعرها كانه يخربه ... شو فاتحين ملاهي ولا شو؟؟
اليازيه : انته ماتعرفها الغيره ؟؟
احمد : ثرها غيره ..
مريم : وينهم عنك مانع وفلاح ..؟؟
احمد : الا اتعالي وينهم ماشوفهم ولا حمدان ولا منصور ؟؟ ..
مريم : خلهم حاطتلهم نيممو داخل وقاعدين يطالعون ..
احمد : ههههههه .. اجوفج قاعده متهنيه ..
وشويه وحدروا محمد وسعيد ..
محمد و وسعيد : السلللللللام عليييييهم ..
الكل : وعليكم السلام والرحمه ..
سعيد : بسم الله هاذا بيتنا ؟؟؟
محمد :هههههههههه هيه عيل وين يعني كهفكم ..
ظبيه : بدا بسخافته اليوميه .. مسخفك ..
سعيد يا وقعد حذالها : سكتي سكتي يالعيوز انتي .. وتم اونه يعيب عليها ياله مسخفك .. وحط راسه ع ريلها وتمت ادزه ..
ظبيه ضربته ع حتفه : اوووه جب .. ياويهك ..
مريم : هاذا ماينعطى ويهه ..
سعيد : هاه ام مانع جلبتي الويهه الثاني خربووووج.؟؟
مريم : ههههههههههه .. مالت عليك ..
محمد : يدتتتتتيه ..
ام علي : لبيه فدييت روحك انا ..
محمد : شو اتسوين وراح قعد حذالها وتم يلعوزها ويرفع برقعها ويحبها ع راسها وع خشمها .. وهي تضحك عليه وتضربه ع ايديه ..
ام علي : اطالع هالتلفزيون ..
احمد : علمووووج ؟؟
ام علي : وايه اشعنه عاده .؟؟.
سعيد اونه منصدم ويحط ايديه ع ويهه : لا لا لا انتي امايه تتطالعين التلفزيون خربوج والله خربوج ..
ام علي : وانته اشعندك شو اللي معرونك ؟؟
سعيد : هاه لا سلامتج ماشي .. عادي هاي دومها تقفط ..
احمد : عادي ياريال ماقامت اتاثر فيك ...
سعيد : ادريبها ..
محمد : ههههههههههههه لوح ها ..؟؟
احمد : ياله لا تتخبر ..
سعيد : امااااااايه ..
ام علي : يالقذاااااا .. خييييير ..
سعيد يغمزلهم : امايه ربيعتيه تبا ترمسج .. ..
ام علي : ربعبك انته وياها يني ان شاء في السكه على حمار وطحت انته وياها من عليه ..
اليازيه : هههههههههههه
ظبيه : هههههههههههههه تتادب
سعيد : انجبن انتن لا تضحكن ..
مسك سعيد تلفونه واتصل على الاتصالات خدمة 123 مال البريد الصوتي وحطاه على المكريفون .. واونه عاد يغايض امه .. وردت عليه وحده مال الكمبيوتر جان اتقوله مرحبا بك... وكلهم قاعدين يطالعونه شو بيسوي ويضحكووووون ...
محمد : يدتيه هاي توها شافها في الشارع وعطاها الرقم هيه هيه .. هههههههه ..
سعيد ميود عمره عن لا يضحك : هلا وغلا فديييييج انا فديت روحج ..
قالت : عزيزي المتصل ..
سعيد: حوووووووووه قولي حبيبي المتصل ..
وام علي طول الوقت فاجه عيونها .... تتسمع والبنات يتضحكن
احمد : جوفي جوفي امايه يوم اقولج ولدج راعي اعلوم ..
ام علي : مسودة الويهه الخايسه هاتها هاتها خلني اهزبها الخايسه هاي هب مربايه الله يعلمبها وين مربايه ثرها في زريبه متربيه ماتستحي ولا اتخيل ..
وكلهم ميتييييييييين عليها من الضحك ....
ام علي : ويدي اشعنه اتسكر مسود الويهه بعد متصل فيها لعنت الله عليك وعلى شكلك يالسبال لا خيال ولا مستحى ولا حشميه ....
سعيد : ههههههههههههههههه بموت بموت اه اه عظاميه اتعورنيه بس هاه والله بس هههههههه ..
ام محمد : امايه شوووووووو هاذي الحرمه مال الاتصالات مال الكمبيوتر هاذا جذاب حد يصدقه ..
مريم : عمتيه هاذا منوه يباه ؟؟
ام علي ساكته وتتطالع سلطان بنقمه وجافت كوماري كانت يايبه دلة القهوه والشاي وكانت توها بتظهر ..
ام علي : كوماري ماما جيبي هاذا نعال شويه في برع ..
ميري : جييين ماما .. وراحت كوماري وشلت نعال احمد .
احمد : لا ها بشوتي تضربين هاذا به لااء لاء هاتي واحد ثاني ..
ظبيه ميته من الضحك هب رايمه ترمس : هههههههههههه
حصه : يدتيه على راسه على راسه ..
سعيد : واااااااابووووووووووكم .. شرده شرده وربع برع ودز كوماري اللي واقفه تتطالع منصدمه ..
كوماري : ايوووووه ..
احمد : ههههههههههه .. مسكينه هاي زين ماماتت ..
سعيد يوايج : شوووووووو خيلي ومطرور راسه وين ابا ؟؟
ام علي : سوق الثيران يالخلاااافه ..
سعيد : هههههههه .. والله ها فديتج وتم يتقرب منها وهو ماد ايديه .. بس بس والله بس فديتج فديتج وتم يلوي عليها ويحببها ..
ام علي : بس بس ..
اليازيه : والله انتي يايدتيه سوووالف ..
حصه : ههههههههههه .. اه لو عندي كيمره فيديوووو ..
سعيد : منوه ترمس انته ؟؟
احمد : اسمع الاف ام ..
محمد : عندك ماشاء الله العايله بكبرها وتسمع الف ام ههههههههه .. ناقص يعني ؟؟
احمد : ههههههههه .. اوكي هاه وسكر عن دانه ..

شيخة الغيد
06-01-2006, 01:47 PM
الاحد بيت بو سيف
الساعه 4 العصر
الرمـااااااح ..


ناصر كان طايح في الصاله قاعد يطالع التلفزيون حدر راشد عليه ..
راشد : نصور وين امايه ..
ناصر : رشووود مادري وينها ؟؟
راشد : يله عاده بسرعه اباها وينها ؟؟؟
ناصر : تعال هاذيه في مخبايه ..
راشد : اونه صدق.. وراح يطالع في مخباه ايدورها ..
وشويه ودخلت ام سيف ..
ام سيف : حي .. شو ادور في مخبا اخوك .؟؟.
راشد : ههههههههه .. كنت ادورج بس صراحه ماتوقعتج تظهرين بالهسرعه ..
ناصر : شو تتحرا المصباح السحري مخبايه ..
ام سيف : الحمد لله والشكر على نعمة العقل الحمد لله والشكر .. ولبستهم ووراحت عنهم..
راشد :هب جنها لبستنا وراحت ..
ناصر : ههههههههه ... هيه الحقها ..
راشد : امااايه ..
ام سيف : هاه يابويه ها ؟؟
راشد : شو تسوين ؟؟
ام سيف : ارقص بعد شواسوي .. شو اتشوفنيه اسوي .. امشي ترانيه ..
راشد : موااز شو سالفتج اليوم تقفطييييين ...
ام سيف : وانتوا شو سالفتكم قلت اعقولكم ؟؟؟
راشد :ههههههههه .. نتمصخر نحن عادي ..
ام سيف :شو تبا ..
راشد : امايه اريد فلوس ماعندي شي والله ..
ام سيف : اعنبوك ريال بمعاشك .. ومايسدك اللي يعطيك اياه ابوك انته شواتسوي بالبيزات ..؟؟
راشد : ايهييييييه .. الحينه بتعطييني ولا شوه ..
ام سيف : روح عند ابوك ..
راشد : شو امايه اروح عند ابويه .. استحي انتي عطييني ..
ام سيف : حصاله حصاله تعال ورايه ..
ناصر : هاه هاه اشم ريحة فلوووس ..
ام سيف : شو تبا بعد انته ..؟؟
ناصر : لا بعدني انا مافتقرت يوم افتقر اعرف وين اروح جان يغمز حق اامه ..
ام سيف : الحمد لله عندي ناس ايودون لين اخر الشهر الا انته وخلود اللي انا هب رايمه عليكم خريطه خريطه من كل مكان تبا حد يترسها غريضات ..
راشد : هههههههههه .. عطيييني عاده يله ..


في بيت بو علي ..
الساعه 7 فليل ..
العيــــــن ...


لاخوي ولامخاوي ولالقيت اللي اهتويت *** بين ياسي وبين همي غارت ببحر الغرام
ياحبيبي روف وارحم طالبك وانا رجيت *** حالتي ماهي بخير في الحشا عوق وسقام


ام محمد : قعدي وين بتروحين ...
ظبيه : بروح مطر اروحه تتدرين انتي مانروم انخليه روحه وايد .. ايضيج ...
حصه : اف لازم تلصقيييين ..
ظبيه : حصووووووه مطور غاوي مايتخلى اروحه عن لا يلعب بذيله ..
حصه : هههههه هيه صح .. نسيت ..
اليازيه : حليله مطر مايخصه بالهسوالف والله هو مايشوف حد فهالدنيا الا انتي ..
ظبيه : هيه عاده هو من البارحه حاشرني ردي وردي ..
حصه : ههههههههه زين زين احسن الريال يبا الحرمه اللي تلصق .. فيه ..
ا ممحمد : انتن هنتيانتكن ماتستحن على ويوهكن شو هالرمسه اتقولين معرسات الحينه واعيالهن تحتهم وخبازات الرييال خباز يله يله انجبن ..
اليازيه :هههههههههههههه ..
حصه : شو نتعلم تبينا بقر يوم انعرس ..
ام محمد : انتي بقر انتي خبررررررررره ..
ظبيه : والله انكن انتن ..
اليازيه : ومنوه بيوديج؟؟
ظبيه : احمد.. بيسير اليوم بوظبي مادري شو عنده قتله وصلنيه .. انا قايله حق مطر اني ماباي بسويله مفاجاه ..
ام محمد : هههههههههههه ..
احمد : يله اتحركي بسرعه جان تبيني اوديج مستعيل انا عندي شغله ..
ظبيه : مواعد شو ..؟؟
احمد : جب لا ..شو هاي سوالف اليهال مواعد .. ياهل انا يعني ؟؟
ظبيه : عيل اشعندك مستعيل ..
احمد : مواعد ريال وبسير له والله اروح عنج وخلاف خلي ريلج ايي يشلج ..
ظبيه : حشا منهم بيدونج بيذلونج بيببونج بعد بيذلونج ..
ام محمد : يبون يادبونج ..
احمد : هيه عسب ماتقولين ودوني وهاتوني ماعندج ريل انتي ؟؟
ظبيه : عندي اقولك عنده شغل شوهع.. وغمزتلهن ...
احمد : يله انزين ..
ظبيه : عن الحشره زاهبه انا .. وقعدت تزقر خدامتها عسب تنزل حمده والاغراض من فوق نزلت الخدامه وعطت حمده اليازيه وراحت اتييب الاغراض واتحطهن في سيارة احمد وتموا يسولفون في الحوي ... وراح احمد يزقر حمدان ..
احمد :حمدااااااان ..
حمدان : خالي ماريد اروح ..
احمد : تعال تعال ع كيفك هو ..
حمدان يصيح : امايه ماريد اروح ..
ظبيه : احمد دخييييلك فتنه وحده دخبيييلك .. كرهني حياتي كل ماني بنروح نحن وياه على ها الموال يله فكنيه .. اركب ..
احمد : لا هو ريال بيركب مايبا حد يفتن عليه خلاف انا بمر عليك وبروح وياك دبي الستي يله يله اركب ..
حمدان : بتوديني الالعاب ..
احمد : هيييه بوديك ..

شيخة الغيد
06-01-2006, 01:48 PM
حمدان : وعند هييج البنت ..
احمد ايفج اعيونه : هيه هيج البنت الصغيره اللي في الالعاب ..
وتموا كلهم يضحكووووون ..
احمد : انجبن اشعنه تضحكن ..
ام محمد تنغز : البنت الصغيره ؟؟
احمد :الرييييييييييم ..
ام محمد : انزين انزين .. ههههههههه ...
وراح احمد صوب سيارته وركب وشل حمده وركبت الخدامه مع حمدان ورا ويت ظبيه وركبت حذال احمد وكانت لابسه جلابيه مخوره لونها وردي وشيله مالت الصلاه لونها ابيض وفيها ورود ورديه كبار .. ووصلوا سويحان حدر احمد بسيارته البيت .. ونزلت ظبيه ..
ظبيه : ادخل . انزين ..
احمد : طالعوا هاي اقولها مستعيل اتقولي ادخل ...
ظبيه : انزين ها حمدانوه راقد منوه بيشله انا ماروم ..
احمد : اكييه خدامتج بتشله ..
ظبيه : حليلها خدامتيه ماشاء الله عليه هو متين منوه بيشله ..
احمد : ايهيييه وانتي لازم اتاخريني سويلي سويلي درب ..
ظبيه : انزين ..
وراحت ظبيه عسب اتسويله درب .. ظبيه كانت ساكنه مع قوم عمتها اللي هم ابو مطر وام مطر ..مطر ماكان يقرب حق قوم ظبيه اي شي .. امه شافتها في عرس اخوها علي وخطبتها .. ومطر كان عنده اختين شمه عمرها 20 سنه وعزه عمرها 18 سنه وعنده اخو اسمه سهيل يدرس استراليا ...حدرت ظبيه وسلمت على شمه وعزه وام مطر في الصاله ... وتمت اتسولف معاهم ونست احمد .. احمد يا ووقف عند الباب ..
احمد : هوود هوووود ..
ظبيه : ههههههه نسيته .. خالتيه ها احمد اخويه شال حمدان ..
ام مطر : حياك ياولديه اقرب اقرب ..
ودشن عزه وشمه في الصاله الصغيره اللي كانت تحت ..
احمد : السلام عليكم ..
ام مطر وظبيه : وعليك السلام والرحمه ..
احمد : شحالج خالتيه ..؟؟
ام مطر : بخير وسهاله الغالي انته شحالك ربك بخير وشحالهم هلك .؟؟
احمد : بخير وسهاله ربي يسلمج من الشر .. سمحيليه خالتيه ..
ام مطر : لا يابويه مسموح ..
وراح احمد وحدر قسم ظبيه وحط حمدان ع السرير وتم يتعطر من عطوراتها ونزل ..
احمد : يله مع السلامه خالتيه ..
ام مطر : افا يابويه تعال تم اتعشى عنا الحينه بيظوي مطر ؟
احمد : لا ماعليه خالتيه مره غير ان شاء الله لاني مستعيل ومواعد رياال ..
ام مطر : ربي يحفظك ياولديه سلم سلم ..
احمد :ان شاء الله خالتيه سلامن يبلغ .
وظهر وظهرت وراه ظبيه .. وتمت واقفه ع الدجه وراح هو صوب سيارته يركبها ..
ظبيه : يله اتحمل ها شويشوي ويوم بتوصل العين اتصل طمننيه ..
احمد : ان شاء الله ...
وهالوقت شمه وعزه كانن مبندات الليتات اللي في الصاله الصغيره اللي كانت درايشهن في الحوي ..وواقفات ع الدريشه
شمه : عزه فدييته والله اني اموووووت فيه اه اه ياقلبيه ماتحمل اشوفه ..
عزه : الحينه انتي من 5 سنين تهاذين فيه من هاك اليوم يوم كان اايول في عرس ظبيه ومطر ..
شمه : احبه ياختيه احبه شسوي ..
عزه : تعالي هاي سيارته البورش كايين الرصاصيه ..
شمه : هيييييه ..
عزه : وانتي شعرفج ..؟؟
شمه : اعنبوه هاك اليوم يوم كان ياي يشل ظبيه ايوديها دبي ..
عزه : والله انتي اللي دومج ترصدين تحركاته انا ماعرف عنه شي ..
شمه : لا تلوميييييييني .. من زود حبي له ...
عزه : بقولج شي بس لا تنصدمييييييين ؟؟
شمه : شووه ؟؟
عزه : اصلا احمد جميل ماشا الله عليه حتى سعيد اخوها بس هيله هل بالخيل لا تحطين في بالج انج تاخذين حد منهم ولا تحبين حد منهم مستحيل انسان في هالحلاه وهالجمال وخصوصا هالكشخه اللي يكشخونها مايكون عندهم بنات مستحييييل ..وهالسيايير وهالجمال لانه اكثر شي صار ايهمالبنات سيارته ومخباه وجماله ..
شمه قلبها عورها : اووووووه .. بس بس جب ماريد اسمع ..
وظهرت شمه وراحت تقعد مع ظبيه وامها في الصاله ..


ظنكم احمد بيكلم امه عن موضوع دانه و شو بتقوله ؟؟
ظنكم شو سالفة حب شمه لاحمد وشو بيكون مصيره ؟؟؟
ظنكم متى بيصادف الحظ مع حصه وبتشوف خالد وهالنحاسه متى بتفج ؟؟
ظنكم ساره ونوره اللي حاطين في بالهم خالد شو بيسون عسب ينتبهه الهن ؟؟

شيخة الغيد
06-01-2006, 01:50 PM
الجزء السابع
انا طيفي عساه ايمر فـــي عيـنك *** من غيافك طيوفك ترقد بعيني
حرام البعد دامه قلبي في ايدينك *** احــــــبك والمحبه خالده فيني


يوم الجمعه
في بيت بو محمد
الساعه 8 فليل ...


هل بوظبي توهم كانوا واصلين من العين من بعد اجازة العيد اللي قضوها اهناك ..
اليازيه : اف والله انيه تعبانه ...
محمد نازل ع الدري يرمس في التلفون : والله ياينك يله انته اترياني ...افا عليك منوه قال ثواني .. ايهيه عاده يالمزروعي بس عاده فج عنا عن ها القذا ...
حصه : حمووووود ..
محمد ياشرلها عسب تسكت : انزين يله الحينه ظاهر عد من واحد لين خمسين بتشوفني عندك .. وسكر التلفون ..
حصه : وين بترووووووح كااااااشخ ؟؟؟
محمد : المارينا ..
اليازيه : انتوا شو دوام عندكم اهناك .. اتوقعوووون حضور وغياب ولا شوه السالفه ؟؟
حصه : هههههههه لا ويقولج بعد يعطونهم معاش اخر الشهر ..
اليازيه : ههههههههاااي لا لاه ..
حصه : هييييه ..
محمد ايعيب عليهن : هههييييييهيه ..مالت عليكن ..انقلعن وظهر عنهن ..
حصه : اتشوفينه ريلج هو اللي يحن عليه عسب اييروح معاه المارينا ..
اليازيه : هييه ادريييبه ..
حصه : يزووي يت في بالي خطه شو رايج ؟؟
اليازيه : شووو ؟؟
حصه : ههههههههههههه هههههههههههههه .. شو رايج انروح نشحت عند باب بيتهم ..
اليازيه معقده حياتها : ههههييييي سخييييفه .. اشعنه انتي قاصرنج نص ولا ربع عادي عندي بعطيييييييج ..
حصه : اوووووووووونه .. ماريد اريد خمس دراهم ...
اليازيه : روحي عند ابوج ..
حصه : بروح اسولف مع ربيعاتي ع النت انتي مامنج فايده مالت عليج من اخت ..
اليازيه : اف فككككه .. بنفتك ..
حصه : ماعليه يااختي العزيزه ..
وراحت حصه وشغلت النت وقعدت اتسولف مع ربيعاتها ...


في بيت بو سيف
الجمعه 10 فليل
الرمـــــاح ...


ام سيف كانت قاعده في الصاله وقاعده معاها ام خلفان اللي هيه ام نوره ومعاها نوره وعلياء .. وكان وراه ناصر وداسه ع ريله ..
خالد : هوووود ..اخ يالسبال دسسسستني ..
ناصر : هههههههههههه والله بالغلط ماضفتك .. .. بغسل ايديه عن الدم ماشفتك كنت قاعد اعشي الصقر .. هههههههههه ..امايه احدر ..
ام سيف : اهدا يابويه محد غريب اهنيه الا انا وخالتك ام خلفان ..
خالد : السلام عليكم ..
الكل : وعليييييييكم السلام والرحمه ..
ناصر وفي ايديه الدم : السلام عليكم ..
ام سيف متروعه : بسم الله ياولديه شو ها اللي في ايديك شو بلاها ؟؟
ناصر : لا امايه ها الدم مال الحمامه تونيه معشي الصقر ..
ام سيف : روعتنيه ..
خالد : بالله عليج من وين بييه الدم هاه يعني... هاذا الدم ايشوفه يتروع منه ..
ام سيف : بسم الله ع ولديه ..
خالد : شحالج خالتيه ؟؟
ام خلفان : بخير وسهاله شحالك انته ..
خالد : ابخير وسهاله ..
ام خلفان : شحالك ناصر ؟؟
ناصر :بخير .. السموحه .. وروح عنهم .. عسب يغسل ايديه ..
خالد: امايه تعالي فديتج اباج شويه ..
ام سيف : يله ان شاء الله يايه .. اسمحولي البيت بيتكم شويه وبييكم ..
ام خلفان : لا فديتج مسموووحه ..
ونشت ام سيف وراحت صوب خالد اللي كان واقف عند الممر اللي ع دخلة الصاله وخلاف تم يكلم امه ..وتمن نوره وعلياء يتصاصرن ..
نوره : اااه فدييته شوفيه محلاه .. اه اخبال والله خبال ..
علياء : تتدرين ناصر وايد خقاق ..
نوره : كيف ؟؟
علياء : شوفي كيف كان يتكلم وراح بسرعه واتغير شكله يوم شافنا كانه كارهنا ..
نوره : حليله يمكن مستحي ..
علياء : الله يعلم به . بس خلود حليووووو مووووووت .. مالومهن البنات والله ولا الومج حتى انا شكليه بتخبل عليه..
ام خلفان : شو بلاكن تتصاصرن ؟؟؟
علياء : ها لا..امايه ماشي ..
وخلاف حدرت ام سيف عليهن ..
ام سيف : غربل الله ابليسهم من اعيال .. بلا بلا ..
ام خلفان : ههههههه .. حليلهم ..
ام سيف : اترومين عليه .. عيل ايقولليه بسير ببات في دبي ثلاث ليالي وباخذ اجازه من الدوام .... اعنبوه ماعندك بيت ترقد فيه ..
ام خلفان : حليلهم بعد شباب يبون يستانسون ويغيرون..
ام سيف : لا لا انا ماتعيبني هالمناكر شو يوديه دبي اروحه يبات اهناك ..يوم بيعرس خله يروح مع حرمته
ام خلفان : وخليتيه ايروح ؟؟..
ام سيف : ايهبي يريته من اذنيه وقتله اتقر اهنه ولا تتحرك وجانه في خاطرك سيرة دبي روح يوم الارلعاء ورد بالجمعه ..
ام خلفان : هههههههههه .. والله ياختيه هم بيني وبينج يستاهلون وشرات ماتخافين عالبنت بعد خافي ع الولد ..
ام سيف : فديييتهن البنيات طالعي محالتهن ..هاديات ويقرن لج في البيت الا هيله الرغديه قعدي اترييهم فليل وحاتي هاذا واتصلي في هاذا .. ملعوزييييينيه تلعويز ..
ام خلفان : الله يعينج ..
وتموا شويه قاعدين عندهم وخلاف يوم يوا بيظهرون ووقفوا عند باب الصاله عسب يسلمون على ام سيف خالد توه كان حادر بسيارته لانه راح الدكان اشتارله حايه ورد ويوم رد هم توهم كانوا ظاهرين فكانوا جدام سيارته لانه هو وقف سيارته في الحوي جدام باب الصاله واول مادخل كان مشغل ليتات السياره بس من شافهن بنندد الليتات ..
ام خلفان : ماشاء الله عليه حشيم ..
ام سيف : عيل هلي ناقص انتوا ظاهرين وهو بليتاته ايهبي ..
ام خلفان : حليلهم يام سيف دومج الا طايحتبهم ..
ام سيف : هههههههه .. لا ماعليج ياختيه خليهم يستوون رياييل ..
ام خلفان : يله عيل مع السلامه . وسلمن وراحن .ونزل خالد من سيارته وحدر ورا امه البيت وشافوا ناصر طايح في الصاله وحاط تحت راسه المخده وقاعد يطالع قناة دبي الرياضيه ..
ناصر : هيله مايشبعن كل يوم ونقزن وين اعنبوه لا خيال ولا مستحى وهاي الام مول ماتستحي كل ماتروح مكان يابت بناتها ويت تركض شو تعرضهن جدامنا ولا شو سالفتها ولا ليكون حد من سنهن اهنيه عسب ايين وايسولفن معاه ولا يقعدن معاه ..
ام سيف : وانته شعليك من العرب ويدي يعني يوم العرب بييونا انصك الباب في ويوهم خلهم اييون حياهم الله وكل انسان حر في تربية اعياله ..
ناصر : والله بكل وقاحه يايه وساحبه بناتها ..
ام سيف : انا بناتها مول مايعبنيه ..
خالد : وهاي الخبله من اتشوفني فجت اعيونها وحلجها اتقولين شايفه عزرائيل جدامها ... خبايل هيله ولا شوه ..
ام سيف : اووه طبوهن عنكم بسم الله عليكم ياعيالي ربي يحفظك ربي يحفظكم وتمت تقرا عليهم..
ناصر : ههههههههه .. امايه شووووو اتسوين ..
ام سيف : ياولديه اقرا عليكم ..
خالد : امايه شو خبايل ؟
ام سيف : وايه وشرط اتكونون خبايل الا انتوا خبايل يالتعبان انته معاه ..كلام الله بيحفظكم من كل عين ..

شيخة الغيد
06-01-2006, 01:51 PM
خالد : هيه والله زين زين يزاج الله خير .. عاد اناهب عين وحده الف عين اقري اقري ..
ام سيف : ياله ياخقتك ياولديه اللي ملعوزتنك ..
ناصر : ههههههههه .. حتى الام تشهد هاااااه ..
خالد :اص اص لا افعصك شرات الحمامه .. اللي توك فعصتها عسب ياكلها الطير ..
ناصر: هيه عاده مايحتاي ..
خالد : انزين يله ابرايكم انا بروح الصاله اتمرن ..
ناصر : هههههههههههههه .. مشكللللللله ..
خالد : راسك اكبرررررر مشكله .. انقلع .. وظهر عنهم ..
ام سيف : انتوا دوم جذييييييييه ناقر ونقييير ..
ناصر : ياله ياموزه نحن عاده الا نتمصخر ..
ام سيف : انا بعد بروح اشوفهن شو سون حق العشا ..
ناصر : شوفي انتي روحج اللي تبين العباله والتعب حق عمرج الحينه شو اللي مودنج المطبخ .. تراهن بيخلصنه وبيحطنه لا لازم اتروح اتعب عمرها ..
ام سيف : هيه عاده يابويه انا ماعرف الا اجابل مطبخيه ....
ناصر : عوقج هالمطبخ ..
ام سيف : صخ صخ .. هههههه .. وراحت عنه ..


في مدرسة حصه
الساعه 1 ونص ..
السبت


حصه كانت قاعده في الصف مع ربيعاتها وكان عليهم انجليزي الحصه الاخيره ..وحصه قاعده ملانه لانه كانوا مقعدينهم كل وحده روحها وهي تتحرقص الا تبا اتسولف مع حد ... فكانت المدرسه قاعده تشرح الدرس وحصه تتطالع الصور اللي في الدرس اللي في كتاب الانجليزي .. شويه وشافت رسمة كاركتير حق ريال وهالريال شيبه وشكله يضحك جان تضحك..وشويه وقعدت تزقر ربيعتها اللي جدامها ..
حصه : هندووه .. هنوووده ..
هند صدت عليها واتكلمها شويشوي : هاه ..
حصه بصوط واطي : هههههههه .. ريلج ريلج ..
وتمت هند تضحك واتهز راسها ..
حصه : اووووووه ريلج ..
هند اتهز : راسها انزين انزين .. وهي تضحك ...
وتمن حصه وهند يبتسمن وميودات ضحكتهن بس عسب مايظهر الصوت ..
وحطت حصه ايديها ع ثمها وقال بسوط : ريييلج .. وهالصوت ظهر عالي لانه كانت حاطه ايديها على حلجها فصدت المس وشافتهن هن الهنتين يتضحكن ومن صدت خشت حصه راسها ورا هند وطبعا هند في ويهه المدفع ..
المس : اوووموا اوقفوا انتي وهيه ياستيوبد ..
موزه وهي تضحك : ههههههههه خلي ريلها ينفعج الحينه عقب ماوقفتي ..
ونشن وقفن حصه وهند وهن بعدهن يضحكن على رمسة موزه وع شكل المس المعصبه هند هدت شويه لكن حصه شو بيسكتها تمت تضحك وتضحك وتنخش ورا هند واتكمل ضحكتها ..
المس : بس هيه مابتخلصش ولا اييه ..
حصه حاطه ايديها على حلجها : هاه .. انزين انزين خلاص بسكت .. طبعا والويهه مستوي طماطه من كثر الضحك..وتمت ساكته شويه جان اتصد على ربيعتها موزه جان اتقولها ..
حصه : اقولج ..
موزه : هاه.. وعطتها ورقه مكتوب فيها
حصه : ريلج ..
ردت عليها موزه بورقه ثانيه ..
موزه : شو بلاه ريلي ؟؟
حصه : ريلج ريل المس ..
موزه : ههههههههههه .. يخسي مااباه مستعمل ..
ومن وصلت الورقه حق حصه تمت تضحككككككككك ...
المس : ايييه ده ياحصه .. فيييكي اييه اليوووووووم ؟؟ عماله من الصبح تتضحكي طيب ضحكينا معاكي يعني نحنا دلواتي مش حنقدر نشرح الدرس ولا ااييه ؟؟ديه اليازيه اختك انا درستها تلات سنين عمري ماشفت عليها حاجه انتي فين وهيه فين ..
حصه : مس انا في المدرسه بس هيه الحينه في الجامعه وماعرف شو اتسوي ؟؟
وتمن البتنناااات يضحكن ..
المس : دي هيه نسمه نسمه ..
حصه : وانا ؟؟
المس : انتي انتي حنزله ( حنظله )
حصه : ههههههههه اوووونه لاااااا شووووو ..
وخلاف خلص الدوام ونشت حصه مع ربيعاتها ولبسن عبيهن وخلاف روحن صوب البوابه الرئيسيه عسب يظهرن ..وبيكونن هن واقفات صوب المساحه العوده اللي يوقفن فيها البنات والسيايير اين ايوقفن في الباركنات اللي جدام هالمساحه العوده ..وحصه قاعده في الزاويه مع ربيعاتها ايسولفن وخلاف ..
موزه : يله ابرايكن اككوه اخويه يا بروح انا ..جااو سي يو تومورو ..
الكل : سي يوه تو ..
هند : اييييييه طالعوا هاذا المزيون اللي في الرنج البيضاء.. فقتكن لا تصدن الحينه عقب صدن ..
حصه : خليه يولي منوه يباه .. خل الخايسات يظون عليه ويفجن احلوجهن من درابه ..
موزه : الله يخسكن يالفضيحه ابرايكن ... وتوها موزه بتروح صدت حصه صوب الرنج وشافت اخوها محمد ..
حصه : هههههههههههههه اخويه حموووووود .. ياويهه ولا حد خبرنيه انه بيي يشلني ..
هند : اونه هاذا محمد ؟؟
حصه تحرك حياتها : هيييه تبييينه ..
هند : سباله ثرج ماتستحين انقلعي عاده اوكي بنقول حلوين وشينين لكن نباهم بيبطون ..
حصه : هههههههههه .. ياويلي عليج انا فديت بنت البدويه انا ..
هند : امحق لييييل ... اكوووه ياروميو دريولنا ..
ومشن حصه وهند وموزه صوب سياييرهن ..وكلهن كانن متحجبات .. وسيارة اخو موزه البي ام كانت موقفه حذال سيارة محمد .. فاظطرت حصه انها اتلف عسب تركب عدال محمد وطبعا الباب اللي هيه بتفتحه كان عدال باب اخو موزه .. وركبت حصه واخو موزه قعد يطالع حصه لانه سيارته مخفي ومايبين اذا كان يطالع ولالا .. وسيارة محمد الرنج ماكان عليها مخفي .. وكانوا واقفين بسبب زحمة السيايير
محمد : حوه اتغشي يالسباله ..
حصه : اوووه مابا ....
محمد يفج اعيونه يطالعها اونه عاد يروعها : حووووووووه تستهبلين انتي ولا شوه بالتلفون بترنقعين ..
حصه : هههههههههه .. انزييييييين .غريييبه ياي اتشلني ..
محمد : ياويهج ثرج هب ويهه حشيمه نزلي نزلي ..
حصه : هههههههههه .. فديييت روحك انا ياخويه وقعدت اتسولف معاه لين ماوصلوا البيت ...
محمد اليوم فليل كانت طيارتهم حق لندن عسب ايردون لانه دواماتهم بتبدي ورا باجر ..


في بيت بو علي
الاحد 5 العصر
العيــــــن


في الروح حبه دوم موجود .... يابوي هايم به هيامي
هو غايتي وهو كل مقصود .... وأحن له حن الضوامي


احمد كان في غرفته يكلم دانه في التلفون ..
دانه : غناتي انته وين بتروح ...
احمد : بروح شويه بسوي رياضه ...
دانه : ليش عاده جسمك حلو مايحتاي اتسوي له رياضه ..
احمد : ههههههههه .. عسب اقدر اشلج..
دانه :هااااااه ...؟؟.. لا لا بطيح شووو ؟؟
احمد :فدييييييتج احبج احبج والله والله ..
دانه : وايد ؟؟
احمد : انا اصلا مااحبج..
دانه : عيل شووووووو ؟؟؟
احمد : ااانا .. اناااا ... انااااا ..
دانه : هيييييييه ..
احمد : امووووووووت فيج..
دانه : روعتني ..
احمد : اتشكين في حبي لج ..
دانه : اشك في نفسي ولا اشك فيك ..
احمد : هيه اشوا عليج اتحريييييييت ..
دانه : ههههههههه .. لا لا لا تتحرا ..
احمد : صبري غناتي بظهر من غرفتيه بركب سيارتيه .

شيخة الغيد
06-01-2006, 01:52 PM
دانه : ان شاء الله ..
ظهر احمد من قسمه هو مع سعيد وراح الصاله شاف مريم وامه وفلاح قاعدين في الصاله ..
احمد : هوووود ..
ام علي : اهدا ابويه ..
احمد : السلام عليكم ...
الكل : وعليك السلام ..
وفلاح كان طايح على ريل امه يدلع ..
احمد : هاي الدلوعه شو سالفتها ؟؟
مريم : كالعاده دلع كل يوم ..
احمد : هههههههههه ..تعال بنسييير وياك بنركض .. الا شو هالبدله احلوه اللي لابسنها منوه اشتراها ..
فلاح وهو يمممد لساانه : اممااااااايه ..
احمد :وايد حلوه ؟؟ .. بتعطينيه اياها ..
فلاح يضحك ع احمد شكله يطنز عليه : هههيييييييي ثغيله ..( اونها صغيره (
احمد : اتجوفييينه ولدج ..
مريم : انتوا مدلعينه اتحملوا دلعه ..وخصوصا عمتيه العرب كلها في صوب وفلاحوه الزعطوط في صوب ..
ام علي : اه من غيرتكم ..
احمد : ها مريوم ها ها ..
مريم :ههههههه هاه هاه احموده هاه هاه ..؟؟
احمد : لا ... لا افا عليج انتي الغاليه ..
مريم : هيه الحينه توك..
احمد : خلج عاده انتي تستانسين عالمديح .. يله السموحه ..
ام علي : تعال انته وين ساير الديسكو لابس بنطلون وقميص ..
احمد وهو ناقع من الضحك : ههههههههههههه ..والله مافيها الدنيا خير يوم انتي عرفتي الديسكو ..
ام علي : اشعنه اللي يعرفونه اخير عنيه ..
احمد : افاااا علليييييييييييييج .. شيخة الحريم ..وين ديسكو الحينه العصر ..
ام علي : اتحراك بعد .. جان ذبحتك قبل لاتظهر ..
احمد : هههههههههه .. لا لا لا تذبحيني ولا الله قاله بسير الا اركض بسوي رياضه وبرد .. يله فلاح انسير ..
فلاح نش من مكانه وهو مستانس : يله بنلوووووح ..ومد ايديه حق احمد عسب يمسكه من ايديه ..
احمد : ياربيه فديت وفديت هالايد الصغيلوونه على قولتك ..
وظهروا احمد وفلاح بطل احمد باب سيارته من جدام وشل فلاح وقعداه على الكرسي وراه صوب مكانه وبطل الباب وركب وحرك السياره ..
احمد : سوري طولت ..
دانه : لاء ..
احمد : انزين وشو العلوم بعد ؟؟
دانه بدون نفس : بخير ..
احمد : شو فيج ؟؟؟
دانه : ماشي ..
احمد :ماحيدج تزعلين يوم اتاخر عليج واكون عند هليه غريبه اول مره ..
دانه : لا ماشي خلاص برايك ..
احمد :شو فيج ؟؟..
دانه : لا والله وانته عادي عندك اتقول حق حرمت اخوك انتي الغاليه ومادري شو وعادي انته هاك اليوم كنت قاعد حذالها يوم تتغدى انا طوفت لكنك انته مصختها عاده ...
احمد معصب : حوووووو انتي تخبلتي ولا شوه هي الا شرات ختيه .. ونحن متعودين عليها ونحن مافي خواطرنا شي خايس ..
دانه : هيه بس انا اغار ..
احمد : لا والله ؟؟؟
دانه : هيه اغار عليك من كل شي في هالدنيا انا اباك اليه انا وبس اتعرف شو يعني اليه انا وبس ..
احمد : هيه بس انا ماحب هالاسلوب انتي تعرفيني عدل ...
دانه : انزين خلاص انا اسفه ..
وتم احمد معصب شويه وخلاف هيه قعدت اتراضيه وعطا فلاح التلفون وقعد يغنيلها اغنية حمد العامري الله عطانا ..
فلاح : الله اتانا خير وناام والهمد له وادب الينا .. يلي اتانا ايمان والهام من فدله التافي اتينا ..
احمد : هههههههههههههههههه .. فديييييييتك فدييييييييييييييتك فدييييييتك والله فديت هالحلج الصغيروني والله يادانوه لو شفتيه كيف ايحيس حلجه ..
دانه : هههههههههههه .. قلبي والله انه قلبي فديته ياربي ...
فلاح : يله انته دول ..الله اتانا
دانه : شو ايقول ؟؟
احمد : ايقولي اونه انا اقول الله عطانا ..
دانه : فديييته .. يله قول عسب خاطريه وخاطره ..
احمد : من حلات الصوت .
دانه : فدييييت احلا صوت ..
احمد كان صوته وايد حلو يوم ايشل لانه هو وخالد دوم يقعدون ايشلون شلات ..
احمد : بس مقطع هاه لانه مافيني صوتيه مبحوح ..
دانه : هههههههه اوكيه ..
احمد : الله عطانا خير وانعام والحمد له واجب علينااااا .... يلي عطانا ايمان والهام من فضله الطافي عطيناااا ... واليوم صارت جنة احلام تزهر بفل وياسمينا .. دام الوطن تخطيط وانظام زان وتزخرف به بهينا ..
دانه :فدييييييييييييييييييييييييييت هالصووووووووووووت ...
فلاح يصفق : ثاااااتر ..
احمد :ههههههههههههه ..
وتم احمد ايسولف ويا دانه وخلاف نزل مع فلاح وتموا يربعون ..



في بيت بومحمد
الساعه 11 فليل
اليوم الاحد


روح وسافر بس توعدني تجيني *** وانت سالم للي ينطر مرجعك
اما عني روح ولي ربٍ يعينــــي *** الله يعلم كـــــيف حال مودعك


اليازيه كانت قاعده مع حصه في الغرفه ..
اليازيه والدمعه فعيونها: اف بمووووووت اشعنه ايروح ..
حصه : لا والله يعني الحينه هو دوم عندج ريلج يعني مجابلنج اربع وعشرين ساعه ..؟؟
اليازيه : لا بس غير يوم يكون في البلاد اكون مطمنه عليه ..
حصه : انزين يله انروح نتعشى ادعي الهم يوصلون بالسلامه
اليازيه : اه امين يارب .. لا لا مابا اتعشى ..
حصه : يزوي عاده لا تمين جذييه ..
اليازيه : والله حصووه مافيني مابا .,..
حصه : عشان خاطري والله ماتهونين عليه والله بصيح تراني ..
اليازيه : فديتج ياحصيص والله انتي قلبي ولوت عليها ...
ولوت عليها حصه .. وتمت حصه سااكته ..
اليازيه : يله قومي شو فيج ..
حصه :...........
اليازيه : حصوووووو..
وصدت عليها اليازيه ولقتها قاعده اتصييح ...


ظنكم هاي نوره شو في خاطرها ؟؟؟
ظنكم دانه واحمد بيتمون مع بعض ؟؟؟
ظنكم شو السبب اللي خلا حصه اتصيح ؟؟؟
ظنكم اليازيه بتروم ع فراق طحنون وايد ؟؟؟

شيخة الغيد
06-01-2006, 01:53 PM
الجزء السابع
( الفصل الثاني )


أحبس الانفاس والاشواق فيني *** واستحي من قلبي يكثر سؤاله
اخنق الآهات واصبر حنينـــــي *** ياحبيب الروح حبيبي تعـــــاله


في بيت بو محمد
الاحد 11 ونص فليل
بوظبـــــــــي ...


اليازيه تتطالعها منصدمه : حصيص حصيييييييص .. وتمت ادقها .. وحصه كانت طايحه ع الشبريه وحاطه ويهها ع المخده ..
اليازيه ترفع راس حصه بايديها : والله انتي تميتي جذيه اتصيحين والله بصيح تراني هاه اقولج من الحينه ..وتمت اتحايل انها ترفع راسها ..
وحصه حاطه راسها ع المخده ولاويه عليها بقوووو .. واليازيه ترفعها ودموعها ع خدها وع المخده ..
حصه بصوت متقطع : خليييني انزين خلييني شو تبين .؟؟.
اليازيه : والله سوري حصيص ماكان قصديه اذكرج كله منيه ..
حصه :................................................. .....
اليازيه دمعتها في عينها : انزييييييين خلاص بلا سخافه وقعدت تمسكها من جتفها تبا ترفع راسها من ع المخده وخلاف رفعتها .. ويوم رفعت حصه ويهها محمر وحاااااار والدموع ع خدها وع المخده ..
اليازيه : فديييييتج والله فدييييتج ولوت عليها .. انزين ليش انتي تسوين بعمرج جذيه ليش ؟؟
حصه اتصيح : لاني احبه واموت في حبه طالعي انتوا اتحبون بعض هو ايعرف انج تحبينه وانتي تعرفين انه هو يحبج ومع ذالك زعلانه عليه انه روح عنج وانتي تتدرين انه هو يحبج ويباج .. بس انا .. انا .. شووو ؟؟.. وتمت ساكته ومنزله اعيونها في الارض ..
اليازيه متلومه منها : حصيص لا تحطين في خاطرج شي واذا نصيبج صدقيني انج بتاخذينه ..
حصه تصيح : محد ايحس بالعذاب اللي انا فيه محد حاس ابيه شو من انواع العذاب اللي انا اعاني منهن .. اعاني من فراق اعاني من اهمال اعاني من عدم المبالاه .. واكبر معاناتي اني انا متعلقه في شي اسمه سراب مهما حاولت اني اوصله يشرد عنيه وكل ماتقرب منه يشرد هالامل ..
اليازيه : يعني هو مايدري لا تلوميييينه ..
حصه : لا يدري يوم كنا صغار ..
اليازيه : ليش انتي قلتيله ..؟؟
حصه : لا بس هو اكيد فهم من نظراتي له يوم كنت صغيره فهم منهن شي ..
اليازيه : حصيييييص عن الغباء قلنا انج اتحبينه عاده هب لهاي الدرجه توصلين من الينووووون .. كيف يدري بيدري يعني بشعور وحده عمرها 10 سنين وبس لانها اطالعته معناته انه هي اتحبببه .. الله يهديج بس .
حصه زادت اصياحها : قلتيها من كان عمريه عشر سنين يعني من فتحت عيني ع هالدنيا من عرفت انه الدنيا فيها شي اسمه حب حبيته يعني من كم سنه الحينه من 8 سنين يعني نص حياتي على هاي الدنيا نص عمري .. كبرت وانا شاله هالحب في قلبي لكن اكثر عن جذيه ماقدر اشله ماقدر .. ابا شي بس واحد يستوي عشان ايكون عندي دافع اني اكمل هالمشوار واكمل هالحب اللي هب راضي يطلع من بالي .. يزووووي . انااا ماقدر مااقدر اجوف حد غيره .. احس انه الدنيا مافيها الا هو وبس .. اللي ينحب او بالاحرى اللي انا اقدر انيه احبه ..
اليازيه : سمعي كلامي انا ختج اكبر عنج .. لا تتعلقين في امال الذنب هاذا كله ذنبج انج اتعلقتي في امال اتعلقتي يخيط رفيع ممكن في اي يوم انه ينقص ... مابفكر اني احب انسان انا ماعرف شعوره شو تجاهي لانه محد بيتعب في النهايه كثرج ...
حصه بتعب : آآآآآه .. اكثر عن التعب اللي انا فيه بعد فيه تعب ..
اليازيه : ماعليه فديتج كل شي مع الوقت .. وان شاء الله بيستوي النصيب وبيكون من نصيبج ومصيره يحس في يوم صدقيني اذا هب اليوم باجر .. وكثر ماصبرتي لازم تصبرين اذا تبين هالحب ..
حصه : انما ادفع نص عمريه عسبة هالحب بس ..
اليازيه : ياويييييييييلي انا على اللي كبروا وقاموا يحبون اعنبوووووج .. لها الدرجه اتحبينه .. عطينا نص من هالحب ..
حصه حاطه ايديها ع قلبها : ههههههههه .. مابا بس له هو هالحب بنبضاته في قلبيه ..اااه ..
اليازيه معقده حياتها : وكيف نبضات هالقلب ..
حصه : طاااخ طااخ ..
اليازيه : ههههههههههه.. ياويهج ..
حصه : جاااااااااااب ... اوكي ..
اليازيه : وانا اقول ماتمر عليج ساعه هاديه لازم ايردلج ينانج مايروم يقاوم لازم ينزل عليج ..
حصه وهي تنش عنها : في عينج يالصخله .. انقوووح .. وراحت عنها ..
اليازيه : تعالي تعالي وين رايحه .. رقاد الغاليه باجر دوام ..
حصه : لا والله ان شاء الله عمتيه روحي ارقدي مالي خص بروح تحت اسمع اغاني شويه ..
اليازيه : شيطاااااااان .. اعنبوج ؟؟
حصه : ترا هالقلب بلاوي ..
اليازيه : انتي تتدرين شو سالفتج .؟؟.
حصه : هممممممم لا شو ؟؟
اليازيه : انتي مافيج عقل وفيييج قلب كبير فيعني مستحيل انسان يكمل من جهة عقل وقلب وانتي الحمد الله عقلج خفيف وقلبج صبور الحمد لله ..
حصه حاطه ايدينها ع خصرها : لا والله .. حلفيييييييي ؟؟
اليازيه اتهز راسها : ييييييس ..
حصه : يزووي بذبحج تراني ..
اليازيه : لا لا عرب اعيونهم سود يبوني .. اه فدييييييته ..
حصه : تتدرين لو انا منج شو بسوي ...
اليازيه : شو ؟؟
حصه : لونننحن جذيه شراتكم اتلاقينا في هاك المكان ايهييييه .. بسوي بلاوي زرقا .. اول شي بمكسك ايديه خلاف ببوسه وبلوي عليه .. هههههههههههه ..
اليازيه فاجه اعيونها منصدمه : ............................. مالت عليج يالسباله شو اجااانب ؟؟ ياااااازينا .. مسودة الويهه انتي يوم اقولج ماشي عقل ..
حصه : ههههههههه .. جب ياويهج عاده اتمصخر .. انقلعيييي ..
وراحت حصه صوب الباب توها بتظهر شافت امها وابوها قاعدين في الصاله اللي فوق .. وسكرت الباب شويشوي ..
حصه واقفه وزامه بوزها : افففففففففف ..
اليازيه قاعده اتبطل شعرها عسب ترقد : شعننننندج ؟؟
حصه : امايه وابويه قاعدين والحينه عاده الريم لو شافتني واعيه لين الحينه بتسويلي حفله وبتحتفل ابيه .
اليازيه : دواااااج عيل رقدي باجر مابطيعين تنشين ..
حصه وهي تربع وتنقز ع الشبريه وتتلحف : افف امريه لله ..
وراحت اليازيه ورقدت حذالها .. وتمت شويه حصه اتلعوزها اخر شي ضربتها بقوطي الكلينكس ع راسها ورقدن ..


بيت بو علي
الاثنين 3 الظهر
العيـــــــــن


لا تكدر مزاجي لا تقول البعاد ** وانته من ذات ذاتي يالغزال الــــــعنيد
لا تغلا عليه خل عنك الـــعناد ** وانته تتدري بحبك صار حلمي الوحيد


احمد كان توه ياي من الدوام وشكله معصب ومب طايق الدنيا بكبرها ... دش احمد الصاله وحصل امه وابوه وسعيد ومريم قاعدين في الصاله ..
احمد : السلام عليكم ..
الكل : وعليكم السلام ..
وتوه احمد بيروح صوب الدري عسب يركب ..
ام علي : احمد بدل اثيابك وتعال غداك هاذوه اهني محطوط ..
احمد : مابا غدا .. انا فيني رقاد ..
ام علي : يابويه لاحج ثرك ع الرقاد تعال اول بادي اتغدى وخلاف سير ارقد ..
احمد متضايق : يامايه الله يهداج اقولج ماريد اتغدا مالي نفس .. وروح عنهم ..
ام علي : شو بلاه هاذا ..
بو علي : ربه مضايق من الدوام .. حليلهم ايكدونهم كد من الساعه 8 لين 3 لازم بيتعبون ..
ام علي : هو دومه ايدوام هب اول مره يدوام ...
مريم : يمكن مارقد البارحه عدل فليل والحينه فيه رقاد .. حليله شكله تعبان ..
ام علي : الله يهديه ان شاء الله ..
بوعلي : ماعليج منه خطبيله انتي بدال ماتيلسين اتحاتينه خلي حرمته اتي اتحاتيه ..
سعيد : هاهاه مانع شعندك ؟؟
بو علي : صخ صخ . انته مسود الويهه .. لا تخليني من باجر اسير اخليها اتخطبلك ..
مريم : ههههههههه .. وانا بسير وياها ..
سعيد : هيه خلج انتي عاده من دق طبله قلتي انا قبله .. يله يله قري مكانج ..
مريم : ههههههههههه ..
سعيد : لا لاه خلاص خلاص مالي خص انا افرجوا عنيه ..
وام علي تمت ساكته اتفكر في احمد ولدها .. تعرفون قلب الام .. واحمد قاعد في غرفته وماسك تلفونه وشويه ورن تلفونه وكانت دانه الللي متصله ماااااااااااااااات .. وبسرعه رد ..
احمد بلهفه: انتيييييييييي .. وييييييييييين ؟؟
دانه : اهنيه ..
احمد : لا والله وانا من متى اتصلبج وانتي ماتردين ..
دانه : جفت رقمك بس كنت مشغوله شويه ..
احمد معصب : لا والله من متى قمتي اتشوفين رقميه وتنشغلين عنيه احيدج اتفضيييين عمرج بس عسب اترمسسسسيني شو اللي ياج شو اللي حل بج اعنبوه بسالج الحينه انتي انا كم مره متصل فيج .. قولي ولا ماشفتيهن بعد ؟؟
دانه : لا شفتهن ..
احمد : كم مسد كول حصلتي ..؟؟ هاااااااااه ردي ؟..
دانه : 66 مسد كول ... وكلهن منك ..
احمد : ايوه يعني انا قاعد في الدوام بس الا اتصلج وانتي الشيخه اتشوفين الرقم وماتردين وهب مهتمه فيه اني انا من الصبح احاتي واتصل خايف عليج ماتحسسيييين شو ؟؟ممكن اعرف ليش ماتردين وممكن اعرف شو اللي مغيرنج عليه انتي البارحه من رحتي بيت قوم خالتج ويتتي وانتي متغيره عليه ومن دون سبب . .. ممكن اعرف شو اللي استوا والبارحه كنتي اترمسيني بكل برود وسكت عنج ولا قلت شي .. قلت ماعليه ربها تعبانه ولا شي .. لكن اليوم مالج عذر ممكن اعرفه عذرج ؟؟

عذوووب
25-01-2006, 08:52 AM
مشكورة اتمنى بسرعة تكملينها ...

راعي النيسان
27-08-2007, 01:55 AM
طويله القصه متى بخلصها

][^(قرموشه)^][
27-08-2007, 03:31 AM
تسلمين عالقصه وربي

يعطيج العافيه